2 Samuweli 12
12
Namafiyiheda Nata ohomusumulula mwene Davi
1Yehova ohomuruma Nata ira adowe awonge na Davi. Agadowile nfwanya mwene Davi, ohoromaga muwandela eraga: <<Kohokalawo alombwana ambinli, kakala sidadi imohive, mutu mmohi orayela, mutu mmohiwa osimela. 2Maliba rayela ule ohokana mabila na mbuzi vamohi na ng'ombe doindjiva dohokala da masika. 3Mbwenye maliba simela ule kannave yengo, so anna mwana nibila na muhiyana neno agunle liye nagali ning'ining'ini nene. Evale liye vamohi na ahimaye kokumbuzetcha nibila nne. Nibila nne nadja yodja yenno yadjetcha mwinnyole eto nang'wetcha mukoponi mwaye eto nagonetcha mmandani mwaye eto nali nnga mwanaye. 4Mbwenye yaoneyile eni. Siku nimohi vande va maliba rayela vale vohozaga mulendo. Evale mulendole agazile, liye kafunne dowa tukula ifuwo imohi muwari mwa jifuwo jaye ira ampele mulendwaye azile ule. Mbwenye liye ohovenya, dowa vande va mulombwana osimela vale, liye tukula nibila nimohive nanna maliba simela ule, liye mupiyelana mulendo waye azile ule.>>
5Mwa enne mwene Davi ohotakaleliwaga na makalelo ohokala a masika zela maliba rayela ule. Evale ohowongaga na Nata eraga: <<Miyo nnawonga vamentoni va Yehova okalawo ira mutu wenno usakanyile jejo inafwanela apiwe. 6Mwa mwana nibila nimohi nitukunle liye, inafwanela awelihe ana mabila mannayi na mwasa wa yenno iirile liye ahakagana tangaranga.>>
7Evale Nata ohomuwandela Davi eraga: <<Mulombwana orayela gu weyo. Eto Yehova Mulugu wa Izarayeli gudirumile diwonge na weyo ira: <Miyo guuhambihile kala mwene wa Izarayeli eto guuvunenle mmandani mwa Sawuli. 8Eto duhuvaha vande va mbwiyawo na ahiyanayene ira kakale awo,#12:8 duhuvaha vande va mbwiyawo na ahiyanayene ira kakale awo: Mbwiyaye amuwonga Mulugu ali mwene Sawuli. Fwanyeya ira ora yenno mwene akwa, ahamba nyumba akala mwene muxa wenno ahambihiwa. (2 Samuweli 16:21-22) Mbwenye kilivo mazu anafwanyeya mBibiliyani owonga ira na ibaribari Davi ohatela Sawuli ahiyanaye. eto dihisakanya ira weyo ukale mwene wa aIzarayeli na mwene wa Juda. Eto ahakale jejo juyevela, miyo deregeve uwendjeda! 9Nnga mwasiwa gwa nni ulramwisele we mazu a Yehova, usakanyaga jengo jabure vamentoni vaye? Kodi weyo umpele nni mulombwana Uriya, wenno ali nkuda Eti, umutukulaga muhiyanaye mmohive anna liye akalaga muhiyanawo? Weyo gumpihile mulombwana Uriya na supada na akuda Aminoni! 10Na mwasa oira weyo uhudilramwisa eto uhumuwaka Uriya nkuda Eti muhiyanaye ira akale muhiyanawo, nona kuma peno dowa sogolro supada nnakalegeve vande vawo.>#12:10 supada nnakalegeve vande vawo: Ku wonga ira vande vaye atu kerege kwa muwari mopiwa na supada. Na ibaribari Davi ohokana ahimaye araru kapiwe na supada. Nione 2 Samuweli 13:29, 18:15; 1 Amwene 2:25. 11Yehova eto gunawonga ira: <Miyo nnafuna dizihe ubure okumela vande vawo#12:11 Va Yehova awongaga ubure okumela vande vawo, unawonga ira ubure wafuna watchela mwene Davi, wafuna ukumele vande va Davi. Ku wonga ukala mutu afuna venya vande va Davi evale, arome irana jabure para vande va Davi vakoka vene. Hiya kala mutu okuma ha vale. (2 Samuweli 15:10,14) eto nnouwaka ahiyanawo vamentoni vawo, didowe danvahe nfwawo mmohiwa. Liye unoagonana vatando vene. 12Tchoira weyo wairilena mokoyeya. Mbwenye miyo nnafuna diirena movweya vamentoni va aIzarayeli atene na ntana atu atene kaing'anaga.> >> 13Evale mwene Davi ohomuwongana Nata eraga: <<Miyo dihimutegela Yehova!>>#12:13 Miyo dihimutegela Yehova! Ira nivwe makalelo matene Davi alrapile liye vamentoni va Mulugu, niileri Salmu 51. Eto Nata ohowongaga eraga: <<Eto Yehova na liyene uhukurumuwela yotega yawo. Weyo eni kunakwa. 14Mbwenye na mwasa wa jejo jiirile we, voira uhuruwaniha nzina na Yehova vamentoni va amwidanaye, mwana wenno umbanle we na muhiyanole unokwa.>> 15Nomala enne, Nata ohomaruwaga, liye dowaga vande vaye.
Kwa wa mwana Davi
Evale Yehova ohorumaga urenda, aliwa muzela mwana wenne mwadi Uriya ambanle liye na Davi. Evale mwanole ohoromaga bulelana urenda ohokala wa masika. 16Evale Davi ohoroma nvepa Mulugu muwari mwa jeju ira anvulumutche mwanaye ule. Davi ohokalaga ogonantene vati vene isi yompumbula ahadjileve yengo. 17Mwa enne andimuwa a vande vaye kohozaga kamusembeselraga ira avenyevo vati vali liye vale, mbwenye kawandeyile. Nne kafunile dja vamohi na aliwa.
18Kakwakwanaga malambo matanu na menli, mwanole ohokwa. Evale mwanole agakwile anamalabaye ira kavire kamuwandele ira mwanole uhukwa, koovaga. Evale aliwa kaumbuwelaga oka oka keraga: <<Mwanole tempu yali liye murenda, hiyo nomusembeselra eto kafunne vwa. Nnga nnawande avi dowa muwandela ira: <Mwanawo uhukwa.>? Afwase unoviirela ubure.>> 19Evale mwene Davi agaonne makalelo kanong'onelanaga anamalabaye, liye ohoona ira: <<Podi pii mwanole uhumariheya.>> Noira enne, ohafukaga eraga: <<Kodi mwanaga uhukwa?>> Evale aliwa kohomuwakulaga, aliwa ira: <<He mwanole uhumariheya!>> 20Mwa enne mwene Davi agavwile ira: <<Mwanole uhukwa>>, ohovenyaga vati valigi liye vale, liye dowa hamba, vizoliha makura pama, liye dowa wara jowara japama. Nomala enne, ohodowaga volowa muNyumbani mwa Yehova, liye dowa mutamalela. Noira eno, ohowelaga, liye dowa vande vaye. Agadowile, ohovepaga ira: <<Kadivaheni yodja!>> Evale kohonvahaga, liye dja. 21Mwa enne anamalabaye ale kohotikinaga, aliwa nfuka ira: <<Kodi muirile nyo ji nni? Tchoira nyo mwanole agali murenda kamwafuna dja, so mwakalela nlave bahi. Eto mwanole vikwile liye, nyo venya roma dja!>> 22Davi mbwenye ohowakulaga eraga: <<Miyo mwanole agali murenda, dakalela nlave eto miyo dojejuwari. Daumbuwela ira: <Daira eni afwase Yehova liye podi diwendela tangaranga, anvulumutche mwanole!> 23Peno eto mwaniwa uhukwa. Nnga miyo nnajejuwarelege nni? Kodi miyo masiki dijejuwari agali liye uhukwa, era eno, unowela aze wa miyo na mwasa oira miyo kannadja? Tchoira miyo gunafuna dowa wa liye, mbwenye liye kaza awelela wa miyo.>>
Baliwa wa Salomawu
24Nomala enne, Davi ohodowaga mukurumutcha murima muhiyanaye Bateseba. Evale kohogonaga vamohi akoka. Kagagonile vamohi, muhiyanole ohokana vambani, liye mbala mwanapongwe. Mwanole agabaliwe, kohonvahaga nzina na Salomawu. Eto Yehova ohomuziveliwa mwanole 25eto ohomurumaga namafiyiheda Nata ira adowe anvahe mwanole nzina na Jedidiya [ku wonga ziveliwiwa na Yehova] mwasiwa Yehova ohomuziveliwa.
Davi ohogondjiha sidadi ya Raba
26Jatene ejo jiireyaga, mulombwana Jowabe afwanyeya awanaga na sidadi ya Raba, yenno yali sidadi ya akuda Aminoni. Liye ohofiyeda gondjiha palasiyo ya umwene. 27Evale oharuma aliba milanyo wa mwene Davi ira: <<Miyo dihiwana na atu a sidadi ya Raba eto dihiwanda gondjiha nimburo neno nnafwanyeya mahindje anang'wa atu. 28Mwa eno, miyo nnaurumihedani milanyo nyo so mwene Davi ira mwaagumanihe anyakondo kahanle ira muze, mugondjihe sidadi yatene, tawiha ira miyo nnaigondjihe meka, irome itaniwa na nzina naga.>> 29Mwa enne mwene Davi ohagumaniha anyakondo atene kahanle, aliwa venyihana kadowaga Raba, aliwa dowa wana fiyeda gondjiha sidadile. 30Mwa enne Davi ohomuwungula mwene wa aAmoni ule tchapowa wa umwene afwanyeya mmuruni mwaye. Tchapowa ule asakanyiwe na oru eto nyemela uwa ali kilu 34 eto ohoriyihiwa na mabwe ofuneyetchetcha. Evale Davi agamuwakile mwene nfwaye ule, kohelaga vamuru vaye. Liye eto ohotukulaga jengo jidjindji japama jafwanyeya musidadi mule. 31Noira enne, ohatukulaga atu atene kali musidadi mule, roma alabihaga na aseroti na apikareta na mbazo no sakanya boloki dotumeya. Ala ali makalelo airilena liye sidadi datene da aAmoni. Noira eno, mwene Davi ohowelelaga Jeruzalemu akoka vamohi na aIzarayeli atene.
Currently Selected:
2 Samuweli 12: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
2 Samuweli 12
12
Namafiyiheda Nata ohomusumulula mwene Davi
1Yehova ohomuruma Nata ira adowe awonge na Davi. Agadowile nfwanya mwene Davi, ohoromaga muwandela eraga: <<Kohokalawo alombwana ambinli, kakala sidadi imohive, mutu mmohi orayela, mutu mmohiwa osimela. 2Maliba rayela ule ohokana mabila na mbuzi vamohi na ng'ombe doindjiva dohokala da masika. 3Mbwenye maliba simela ule kannave yengo, so anna mwana nibila na muhiyana neno agunle liye nagali ning'ining'ini nene. Evale liye vamohi na ahimaye kokumbuzetcha nibila nne. Nibila nne nadja yodja yenno yadjetcha mwinnyole eto nang'wetcha mukoponi mwaye eto nagonetcha mmandani mwaye eto nali nnga mwanaye. 4Mbwenye yaoneyile eni. Siku nimohi vande va maliba rayela vale vohozaga mulendo. Evale mulendole agazile, liye kafunne dowa tukula ifuwo imohi muwari mwa jifuwo jaye ira ampele mulendwaye azile ule. Mbwenye liye ohovenya, dowa vande va mulombwana osimela vale, liye tukula nibila nimohive nanna maliba simela ule, liye mupiyelana mulendo waye azile ule.>>
5Mwa enne mwene Davi ohotakaleliwaga na makalelo ohokala a masika zela maliba rayela ule. Evale ohowongaga na Nata eraga: <<Miyo nnawonga vamentoni va Yehova okalawo ira mutu wenno usakanyile jejo inafwanela apiwe. 6Mwa mwana nibila nimohi nitukunle liye, inafwanela awelihe ana mabila mannayi na mwasa wa yenno iirile liye ahakagana tangaranga.>>
7Evale Nata ohomuwandela Davi eraga: <<Mulombwana orayela gu weyo. Eto Yehova Mulugu wa Izarayeli gudirumile diwonge na weyo ira: <Miyo guuhambihile kala mwene wa Izarayeli eto guuvunenle mmandani mwa Sawuli. 8Eto duhuvaha vande va mbwiyawo na ahiyanayene ira kakale awo,#12:8 duhuvaha vande va mbwiyawo na ahiyanayene ira kakale awo: Mbwiyaye amuwonga Mulugu ali mwene Sawuli. Fwanyeya ira ora yenno mwene akwa, ahamba nyumba akala mwene muxa wenno ahambihiwa. (2 Samuweli 16:21-22) Mbwenye kilivo mazu anafwanyeya mBibiliyani owonga ira na ibaribari Davi ohatela Sawuli ahiyanaye. eto dihisakanya ira weyo ukale mwene wa aIzarayeli na mwene wa Juda. Eto ahakale jejo juyevela, miyo deregeve uwendjeda! 9Nnga mwasiwa gwa nni ulramwisele we mazu a Yehova, usakanyaga jengo jabure vamentoni vaye? Kodi weyo umpele nni mulombwana Uriya, wenno ali nkuda Eti, umutukulaga muhiyanaye mmohive anna liye akalaga muhiyanawo? Weyo gumpihile mulombwana Uriya na supada na akuda Aminoni! 10Na mwasa oira weyo uhudilramwisa eto uhumuwaka Uriya nkuda Eti muhiyanaye ira akale muhiyanawo, nona kuma peno dowa sogolro supada nnakalegeve vande vawo.>#12:10 supada nnakalegeve vande vawo: Ku wonga ira vande vaye atu kerege kwa muwari mopiwa na supada. Na ibaribari Davi ohokana ahimaye araru kapiwe na supada. Nione 2 Samuweli 13:29, 18:15; 1 Amwene 2:25. 11Yehova eto gunawonga ira: <Miyo nnafuna dizihe ubure okumela vande vawo#12:11 Va Yehova awongaga ubure okumela vande vawo, unawonga ira ubure wafuna watchela mwene Davi, wafuna ukumele vande va Davi. Ku wonga ukala mutu afuna venya vande va Davi evale, arome irana jabure para vande va Davi vakoka vene. Hiya kala mutu okuma ha vale. (2 Samuweli 15:10,14) eto nnouwaka ahiyanawo vamentoni vawo, didowe danvahe nfwawo mmohiwa. Liye unoagonana vatando vene. 12Tchoira weyo wairilena mokoyeya. Mbwenye miyo nnafuna diirena movweya vamentoni va aIzarayeli atene na ntana atu atene kaing'anaga.> >> 13Evale mwene Davi ohomuwongana Nata eraga: <<Miyo dihimutegela Yehova!>>#12:13 Miyo dihimutegela Yehova! Ira nivwe makalelo matene Davi alrapile liye vamentoni va Mulugu, niileri Salmu 51. Eto Nata ohowongaga eraga: <<Eto Yehova na liyene uhukurumuwela yotega yawo. Weyo eni kunakwa. 14Mbwenye na mwasa wa jejo jiirile we, voira uhuruwaniha nzina na Yehova vamentoni va amwidanaye, mwana wenno umbanle we na muhiyanole unokwa.>> 15Nomala enne, Nata ohomaruwaga, liye dowaga vande vaye.
Kwa wa mwana Davi
Evale Yehova ohorumaga urenda, aliwa muzela mwana wenne mwadi Uriya ambanle liye na Davi. Evale mwanole ohoromaga bulelana urenda ohokala wa masika. 16Evale Davi ohoroma nvepa Mulugu muwari mwa jeju ira anvulumutche mwanaye ule. Davi ohokalaga ogonantene vati vene isi yompumbula ahadjileve yengo. 17Mwa enne andimuwa a vande vaye kohozaga kamusembeselraga ira avenyevo vati vali liye vale, mbwenye kawandeyile. Nne kafunile dja vamohi na aliwa.
18Kakwakwanaga malambo matanu na menli, mwanole ohokwa. Evale mwanole agakwile anamalabaye ira kavire kamuwandele ira mwanole uhukwa, koovaga. Evale aliwa kaumbuwelaga oka oka keraga: <<Mwanole tempu yali liye murenda, hiyo nomusembeselra eto kafunne vwa. Nnga nnawande avi dowa muwandela ira: <Mwanawo uhukwa.>? Afwase unoviirela ubure.>> 19Evale mwene Davi agaonne makalelo kanong'onelanaga anamalabaye, liye ohoona ira: <<Podi pii mwanole uhumariheya.>> Noira enne, ohafukaga eraga: <<Kodi mwanaga uhukwa?>> Evale aliwa kohomuwakulaga, aliwa ira: <<He mwanole uhumariheya!>> 20Mwa enne mwene Davi agavwile ira: <<Mwanole uhukwa>>, ohovenyaga vati valigi liye vale, liye dowa hamba, vizoliha makura pama, liye dowa wara jowara japama. Nomala enne, ohodowaga volowa muNyumbani mwa Yehova, liye dowa mutamalela. Noira eno, ohowelaga, liye dowa vande vaye. Agadowile, ohovepaga ira: <<Kadivaheni yodja!>> Evale kohonvahaga, liye dja. 21Mwa enne anamalabaye ale kohotikinaga, aliwa nfuka ira: <<Kodi muirile nyo ji nni? Tchoira nyo mwanole agali murenda kamwafuna dja, so mwakalela nlave bahi. Eto mwanole vikwile liye, nyo venya roma dja!>> 22Davi mbwenye ohowakulaga eraga: <<Miyo mwanole agali murenda, dakalela nlave eto miyo dojejuwari. Daumbuwela ira: <Daira eni afwase Yehova liye podi diwendela tangaranga, anvulumutche mwanole!> 23Peno eto mwaniwa uhukwa. Nnga miyo nnajejuwarelege nni? Kodi miyo masiki dijejuwari agali liye uhukwa, era eno, unowela aze wa miyo na mwasa oira miyo kannadja? Tchoira miyo gunafuna dowa wa liye, mbwenye liye kaza awelela wa miyo.>>
Baliwa wa Salomawu
24Nomala enne, Davi ohodowaga mukurumutcha murima muhiyanaye Bateseba. Evale kohogonaga vamohi akoka. Kagagonile vamohi, muhiyanole ohokana vambani, liye mbala mwanapongwe. Mwanole agabaliwe, kohonvahaga nzina na Salomawu. Eto Yehova ohomuziveliwa mwanole 25eto ohomurumaga namafiyiheda Nata ira adowe anvahe mwanole nzina na Jedidiya [ku wonga ziveliwiwa na Yehova] mwasiwa Yehova ohomuziveliwa.
Davi ohogondjiha sidadi ya Raba
26Jatene ejo jiireyaga, mulombwana Jowabe afwanyeya awanaga na sidadi ya Raba, yenno yali sidadi ya akuda Aminoni. Liye ohofiyeda gondjiha palasiyo ya umwene. 27Evale oharuma aliba milanyo wa mwene Davi ira: <<Miyo dihiwana na atu a sidadi ya Raba eto dihiwanda gondjiha nimburo neno nnafwanyeya mahindje anang'wa atu. 28Mwa eno, miyo nnaurumihedani milanyo nyo so mwene Davi ira mwaagumanihe anyakondo kahanle ira muze, mugondjihe sidadi yatene, tawiha ira miyo nnaigondjihe meka, irome itaniwa na nzina naga.>> 29Mwa enne mwene Davi ohagumaniha anyakondo atene kahanle, aliwa venyihana kadowaga Raba, aliwa dowa wana fiyeda gondjiha sidadile. 30Mwa enne Davi ohomuwungula mwene wa aAmoni ule tchapowa wa umwene afwanyeya mmuruni mwaye. Tchapowa ule asakanyiwe na oru eto nyemela uwa ali kilu 34 eto ohoriyihiwa na mabwe ofuneyetchetcha. Evale Davi agamuwakile mwene nfwaye ule, kohelaga vamuru vaye. Liye eto ohotukulaga jengo jidjindji japama jafwanyeya musidadi mule. 31Noira enne, ohatukulaga atu atene kali musidadi mule, roma alabihaga na aseroti na apikareta na mbazo no sakanya boloki dotumeya. Ala ali makalelo airilena liye sidadi datene da aAmoni. Noira eno, mwene Davi ohowelelaga Jeruzalemu akoka vamohi na aIzarayeli atene.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral