2 Samuweli 1
1
Muzombwe mmohi ohomuwandela Davi zela ukwa wa mwene Sawuli
1Sawuli agakwile, Davi agawenlewo kondoni wewo waagondjihile liye aAmaleki,#1:1 Sawuli agakwile: Zela ukwa wa Sawuli, nione 1 Samuweli 31:1-13. Eto zela mazu oira Davi agawenlewo kondoni wewo waagondjihile liye aAmaleki, nione 1 Samuweli 30:1-20. ohokalaga waniwa Zikalagi malambo menli. 2Siku naneraru, ohokalaga muzombwe mmohi azilege akumaga kapamentoni wa mwene Sawuli. Muzombole azilege na jowara jaye jagamanle kauwa eto mmuruni mwaye mwatene mwagali pii na teya. Liye agazile, ohofiyaga vamentoni va mulombwana Davi amukokorelaga momuriheda. 3Evale Davi agamuonne enne, ohonfukaga muzombole ira: <<Kodi weyo unakuma waani?>> Liye ohowakulaga eraga: <<Miyo ditawile kapamentoni wa aIzarayeli.>> 4Evale Davi ohonfukagave eraga: <<Kadiwandele, kodi iireyilewo nni?>> Evale muzombole ohoromaga muwandela mulombwana Davi eraga: <<Ii, jiireyilewo kahi ja masika. Eni atu kohotawa kondoni, atu adjindji kohokwa. Eto mwene Sawuli vamohi na mwanayene Jonata na aliwene kohokwa!>> 5Evale Davi agavwile enne, ohonfukaga muzombole eraga: <<Kodi weyo uwandile iziwa avi ira mwene Sawuli vamohi na mwanaye Jonata kohokwa?>> 6Evale muzombole amuwandelaga mazwale, ohowongaga eraga: <<Ira miyo diwande iziwa, iireyile eni: Miyo dafwanyeya mwango wa Jilibowa. Miyo dagali wewule, dohonfwanya mwene Sawuli agasamenle mwanango waye, agaporeyile, agahanle vang'ono ira akwe. Eto dohoonaga aterelado vamohi na kavalo da kondoni dagali vakwikwive ira dinfwanye. 7Eto Sawuli againg'anne mundulri ohodiona miyo, liye diitana. Agadiitanne miyo dohorumela ira: <Miyo vano.> 8Evale liye ohodifukaga eraga: <Weyo uli nkuda ani?> Miyo dohomuwakula ira: <Miyo dili nkuda Amaleki!> 9Evale liye ohodiwongana ira: <Kafiya uno, uze udimarihe. Mwasiwa miyo nnoona upa wohokala wa masika eto kannawanda kwa!> 10Noira enne, miyo dohofiya vali liye vale, miyo mmariha mwasiwa miyo dohoiziwa ira: <Wenna masiki dimuhiya, kanakalawo.> Dagampile enne, dohotukula tchapowa wa umwene afwanyeya mmuruni mwaye vamohi na purusera neno nali mmuwononi mwaye, miyo zaga wa nyo mbwiyeni. Jengo jiwa ti jeji dizilena miyo ji.>>#1:10 miyo dohofiya vali liye vale, miyo mmariha: Muzombole awongaga muselu zela ukwa wa mwene Sawuli, liye era nama. Tchoira mazu awongile liye kohiyana na makalelo akwile Sawuli anafwanyeya 1 Samuweli 31:4-7. So mbwenye muzombole agapatile tchapowa wa umwene na purusera ya Sawuli, ohotamangaga, liye dowana wa Davi, roma wongaga jaye jene muwari moumbuwela ira: <<Dadowa wa Davi diwonga jatene jeji, afwase ikala inafuna liye divaha!>>
11Mulombwana Davi agavwile jejile ohokawulaga jowara jaye. Eto alombwana atene kali evale, na aliwene kohokawulaga jowara jewa. 12Evale kohoromaga kumbanya, kanlaga fiyeda siku natene kahadjileve yengo, kamunlelaga mwene Sawuli na mwanaye Jonata vamohi na atu a Yehova anno kali aIzarayeli kapiwe na supada kondoni ule.
13Noira enne, Davi ohowelela nfuka muzombwe wenno azilege amuwandelaga mazwale, kwi: <<Weyo uli wa uvi?>> Liye ohowakulaga eraga: <<Miyo dili nkuda Amaleki, babaga gu mulombwana mmohi oza ilambo yenna.>> 14Evale Davi ohowelelave nfuka eraga: <<Kodi weyo uwandile avi tukula ndanda nawo we mpana mulombwana wenno uhambihiwe na Yehova?>> 15Noira enne, Davi ohomurumaga muzombwe mmohi, muwari mwa ale kawenda na liye, kwi: <<Kaza umpe wenna!>> Evale muzombole ohodowa, liye mulata fiyeda muzombole liye kwa. 16Muzombole apiwaga Davi ohomuwongana eraga: <<Kalivo unafuna tongiwa zela ukwa wawo. Mwasiwa mulomo wawo guzile hidedela umboni ira: <Na ibaribari miyo gumpile mwene ohambihiwa na Yehova!> >>
Nyumbo ya Davi muwari mokumbanya ukwa wa mwene Sawuli na mwanaye Jonata
17Noira enne, Davi ohoumbuwelaga nyumbo, liye romaga imba muwari mokumbanya ukwa wa Sawuli na mwanaye Jonata. 18Agaimbile nyumbwele oharuma atwaye ira: <<Mutukule nyumbo ila, mudowe mwaafundjihe atu atene a aJuda.>> Nyumbo yaimbile liye tcheniyo ilrembiwe muwari mwa Livuru na Upama. Nyumbo yaimbile liye inawonga ira:
19Amwene ehu anno kafwanyeya kagali wareya wa aIzarayeli peno kohopiwa mwangoni.
Anyakondo a kopolo kohogwa.
20Kamudowe mwawonga sidadi ya Gate nne mmarampani a Ajikelomi zela jiireyile, tawiha ira anamwali a aFilistewu kavwa, anahagalalege.
Kamuwongege tawiha ira anamwali a atu ohoineliwa anaze kavwe, karome lupalupa moteyela.
21Nyo mwango da Jilibowa kamukayena ningame, nne kamurumbweliwe muzongwe.
Minda dowandamana kadivahe jovaha.
Mwasiwa ku wewo ugondjihiwe defeza da anyakondo a kopolo eto ku wewo wagomihedile hambihiwa na makura defeza ya mwene Sawuli.#1:21 hambihiwa na makura defeza ya mwene Sawuli: Ku wonga tempu yenno mwene Sawuli okana defeza ya tembe na mwanainyama. Liye awendaga okana zoliha makura defeza ile ira yahaumme. Voira Sawuli ohambihetcha na makura defeza yaye ile, hambiha na makura wagomenle siku nenne.
22Urwa na Jonata nali urwa nopa, novuviha sangiri, noatolotcha andimuwa a kopolo.
Eto supada na Sawuli kanaimwananetcha apa amwidanaye.
23Sawuli na Jonata aliwa kali afwihu apama naaziveliwa hiyo.
Kahanakwe, aliwa tchamwalana. Eto na ukwa wene kimwalanile.
Aliwa kahanakwe kali obaranya kwaranya akakozi eto kali atu a kopolo kwaranya apodogoma.
24Nyo anamwali a Izarayeli inafwanela mmunlele Sawuli, mwasiwa liye ouwarihetchani jowara joriya jofila eto liye oriyihetcha jowara jenyu na jengo ja oru.
25Anyakondo olimba murima eto a kopolo kohokwa kondoni. Jonata uli vati okwene mwangoni.
26Miyo nnounlela weyo, mbalaga Jonata. Weyo wali nfwaga dauziveliwa miyo! Dizivela wawo wali otikiniha. Weyo dizivela wawo wohokwaranya zivela unakana ahiyana.
27Anyakondo olimba murima kohogwa eto jowanana jiwa ja kondoni jihimala nongeya!
Currently Selected:
2 Samuweli 1: iLolo
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral
2 Samuweli 1
1
Muzombwe mmohi ohomuwandela Davi zela ukwa wa mwene Sawuli
1Sawuli agakwile, Davi agawenlewo kondoni wewo waagondjihile liye aAmaleki,#1:1 Sawuli agakwile: Zela ukwa wa Sawuli, nione 1 Samuweli 31:1-13. Eto zela mazu oira Davi agawenlewo kondoni wewo waagondjihile liye aAmaleki, nione 1 Samuweli 30:1-20. ohokalaga waniwa Zikalagi malambo menli. 2Siku naneraru, ohokalaga muzombwe mmohi azilege akumaga kapamentoni wa mwene Sawuli. Muzombole azilege na jowara jaye jagamanle kauwa eto mmuruni mwaye mwatene mwagali pii na teya. Liye agazile, ohofiyaga vamentoni va mulombwana Davi amukokorelaga momuriheda. 3Evale Davi agamuonne enne, ohonfukaga muzombole ira: <<Kodi weyo unakuma waani?>> Liye ohowakulaga eraga: <<Miyo ditawile kapamentoni wa aIzarayeli.>> 4Evale Davi ohonfukagave eraga: <<Kadiwandele, kodi iireyilewo nni?>> Evale muzombole ohoromaga muwandela mulombwana Davi eraga: <<Ii, jiireyilewo kahi ja masika. Eni atu kohotawa kondoni, atu adjindji kohokwa. Eto mwene Sawuli vamohi na mwanayene Jonata na aliwene kohokwa!>> 5Evale Davi agavwile enne, ohonfukaga muzombole eraga: <<Kodi weyo uwandile iziwa avi ira mwene Sawuli vamohi na mwanaye Jonata kohokwa?>> 6Evale muzombole amuwandelaga mazwale, ohowongaga eraga: <<Ira miyo diwande iziwa, iireyile eni: Miyo dafwanyeya mwango wa Jilibowa. Miyo dagali wewule, dohonfwanya mwene Sawuli agasamenle mwanango waye, agaporeyile, agahanle vang'ono ira akwe. Eto dohoonaga aterelado vamohi na kavalo da kondoni dagali vakwikwive ira dinfwanye. 7Eto Sawuli againg'anne mundulri ohodiona miyo, liye diitana. Agadiitanne miyo dohorumela ira: <Miyo vano.> 8Evale liye ohodifukaga eraga: <Weyo uli nkuda ani?> Miyo dohomuwakula ira: <Miyo dili nkuda Amaleki!> 9Evale liye ohodiwongana ira: <Kafiya uno, uze udimarihe. Mwasiwa miyo nnoona upa wohokala wa masika eto kannawanda kwa!> 10Noira enne, miyo dohofiya vali liye vale, miyo mmariha mwasiwa miyo dohoiziwa ira: <Wenna masiki dimuhiya, kanakalawo.> Dagampile enne, dohotukula tchapowa wa umwene afwanyeya mmuruni mwaye vamohi na purusera neno nali mmuwononi mwaye, miyo zaga wa nyo mbwiyeni. Jengo jiwa ti jeji dizilena miyo ji.>>#1:10 miyo dohofiya vali liye vale, miyo mmariha: Muzombole awongaga muselu zela ukwa wa mwene Sawuli, liye era nama. Tchoira mazu awongile liye kohiyana na makalelo akwile Sawuli anafwanyeya 1 Samuweli 31:4-7. So mbwenye muzombole agapatile tchapowa wa umwene na purusera ya Sawuli, ohotamangaga, liye dowana wa Davi, roma wongaga jaye jene muwari moumbuwela ira: <<Dadowa wa Davi diwonga jatene jeji, afwase ikala inafuna liye divaha!>>
11Mulombwana Davi agavwile jejile ohokawulaga jowara jaye. Eto alombwana atene kali evale, na aliwene kohokawulaga jowara jewa. 12Evale kohoromaga kumbanya, kanlaga fiyeda siku natene kahadjileve yengo, kamunlelaga mwene Sawuli na mwanaye Jonata vamohi na atu a Yehova anno kali aIzarayeli kapiwe na supada kondoni ule.
13Noira enne, Davi ohowelela nfuka muzombwe wenno azilege amuwandelaga mazwale, kwi: <<Weyo uli wa uvi?>> Liye ohowakulaga eraga: <<Miyo dili nkuda Amaleki, babaga gu mulombwana mmohi oza ilambo yenna.>> 14Evale Davi ohowelelave nfuka eraga: <<Kodi weyo uwandile avi tukula ndanda nawo we mpana mulombwana wenno uhambihiwe na Yehova?>> 15Noira enne, Davi ohomurumaga muzombwe mmohi, muwari mwa ale kawenda na liye, kwi: <<Kaza umpe wenna!>> Evale muzombole ohodowa, liye mulata fiyeda muzombole liye kwa. 16Muzombole apiwaga Davi ohomuwongana eraga: <<Kalivo unafuna tongiwa zela ukwa wawo. Mwasiwa mulomo wawo guzile hidedela umboni ira: <Na ibaribari miyo gumpile mwene ohambihiwa na Yehova!> >>
Nyumbo ya Davi muwari mokumbanya ukwa wa mwene Sawuli na mwanaye Jonata
17Noira enne, Davi ohoumbuwelaga nyumbo, liye romaga imba muwari mokumbanya ukwa wa Sawuli na mwanaye Jonata. 18Agaimbile nyumbwele oharuma atwaye ira: <<Mutukule nyumbo ila, mudowe mwaafundjihe atu atene a aJuda.>> Nyumbo yaimbile liye tcheniyo ilrembiwe muwari mwa Livuru na Upama. Nyumbo yaimbile liye inawonga ira:
19Amwene ehu anno kafwanyeya kagali wareya wa aIzarayeli peno kohopiwa mwangoni.
Anyakondo a kopolo kohogwa.
20Kamudowe mwawonga sidadi ya Gate nne mmarampani a Ajikelomi zela jiireyile, tawiha ira anamwali a aFilistewu kavwa, anahagalalege.
Kamuwongege tawiha ira anamwali a atu ohoineliwa anaze kavwe, karome lupalupa moteyela.
21Nyo mwango da Jilibowa kamukayena ningame, nne kamurumbweliwe muzongwe.
Minda dowandamana kadivahe jovaha.
Mwasiwa ku wewo ugondjihiwe defeza da anyakondo a kopolo eto ku wewo wagomihedile hambihiwa na makura defeza ya mwene Sawuli.#1:21 hambihiwa na makura defeza ya mwene Sawuli: Ku wonga tempu yenno mwene Sawuli okana defeza ya tembe na mwanainyama. Liye awendaga okana zoliha makura defeza ile ira yahaumme. Voira Sawuli ohambihetcha na makura defeza yaye ile, hambiha na makura wagomenle siku nenne.
22Urwa na Jonata nali urwa nopa, novuviha sangiri, noatolotcha andimuwa a kopolo.
Eto supada na Sawuli kanaimwananetcha apa amwidanaye.
23Sawuli na Jonata aliwa kali afwihu apama naaziveliwa hiyo.
Kahanakwe, aliwa tchamwalana. Eto na ukwa wene kimwalanile.
Aliwa kahanakwe kali obaranya kwaranya akakozi eto kali atu a kopolo kwaranya apodogoma.
24Nyo anamwali a Izarayeli inafwanela mmunlele Sawuli, mwasiwa liye ouwarihetchani jowara joriya jofila eto liye oriyihetcha jowara jenyu na jengo ja oru.
25Anyakondo olimba murima eto a kopolo kohokwa kondoni. Jonata uli vati okwene mwangoni.
26Miyo nnounlela weyo, mbalaga Jonata. Weyo wali nfwaga dauziveliwa miyo! Dizivela wawo wali otikiniha. Weyo dizivela wawo wohokwaranya zivela unakana ahiyana.
27Anyakondo olimba murima kohogwa eto jowanana jiwa ja kondoni jihimala nongeya!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018 Visão Integral