2 Korinto 7
7
1Muwari moira nihikana mapangano anna, afwaga anaazivela miyo inafwanela nivihuwe zela yotakala ili yatene ya maningo nari ya munemba nikwakwanelihedaga tchena wehu muwari momuova Mulugu.#7:1 Pawulo unakokomeza ira nivihuwe zela yotakala ili yatene. Makalelo ovihuwa ku wonga lrapa yotakala ili yatene, wanaga kondo muwari mwa kopolo da Munemba Otchena, nvepaga Mulugu ira aukamihede ira wahawelele irana akoka. Vihuwa yotakala ili yatene ya maningo nari ya munemba ku wonga kinafwanela iragana jotakala na maningo ehu eto kinafwanela umbuwelaga zelru dabure na munemba wehu. Inafwanela joira jooneya vamentoni va atu jikale japama eto joumbuwela mmirimani mwehu jikale japamave. Nnakokomeziwa ira nivihuwe zela yotakala nikwakwanelihedaga tchena wehu muwari momuova Mulugu. Wenda na makalelo otchena unazela muwari momuova Mulugu. Tchoira wenno unatega vamentoni va mwene kanamuova mwenole eto kanamuona nnga yengo. Muwari moira Mulugu uli mwatene mwene, nategaga komove, ku wonga kanimuovile. Muwari momuova Mulugu, inafwanela niwendege na makalelo ofwanela vamentoni vaye.
APawulo kohagalala zela gumana na Titu
2Musakanyede malro mmirimani mwenyu ira muwande niwatchela.#7:2 Musakanyede malro mmirimani mwenyu ira muwande niwatchela. Va Pawulo unawonga na makalelo ira ioneye ira ohoiziwa ira aKorinto komukayikela Pawulo na afwaye. APawulo kawonga eno ira kayikela wanna atu umale. Mwasiwa hiyo kanimpudjile mutu uli watene. Kanimuholotchile mutu. Kanimudjenlre mutu. 3Miyo kannawongela eji ira dumangeni mulandu. Tchoira miyo dohowonga wanle ira hiyo nauumbuwelani nyo, mmirimani mwehu nihikana uzivelani. Masiki nikwe, masiki nahakwe, nilive vamohi na nyo. 4Miyo nnawonga na nyo molimbiha murima. Eto dihikana teyela ulukulu ozela nyo.#7:4 dihikana teyela ulukulu ozela nyo: Pawulo ohokana teyela ozela aKorinto mwasiwa Titu ohomuwandela ira aKorinto oindjiva kohowanda twaruwa kagailerile mazu mwaarumihedile nyo muwari mwa karta. (Nione 2 Korinto 7:5-16) Miyo dihikana limbihiwa ulukulu, eto dihikana hagalala wohokala wa masika muwari mwa makatamiho matene ninna hiyo.#7:4 dihikana hagalala wohokala wa masika muwari mwa makatamiho matene: Pawulo ohowanda hagalala muwari mwa makatamiho anna liye mwasiwa liye ohomuiziwa wenno amulaba liye. Liye eto ohokana ibaribari ira makatamiho anna liye ali makatamiho omulabela yengo sogolro. Nione Roma 8:17-18; 2 Korinto 4:17.
5Tchoira masiki nagazile Masedoniya,#7:5 nagazile Masedoniya: APawulo kakumile Toroyade, aliwa dowaga Masedoniya kamusakaga Titu ira kavwe makalelo bavi kafwanyeyana aKorinto. Fwanyeya ira na ibaribari Titu agakumile Korinto, aPawulo na Titu kohogumana Masedoniya. maningo ehu tchavumile nne vang'ono. Nohokana zuzumihiwa mwatene mwawenda hiyo. Unde, nohokana wanawana. Eto mmirimani mwehu, nofwanyeyana ova ulukulu. 6Mbwenye Mulugu wenno unaalimbiha atu okukumuwa ohowanda nilimbiha muwari mwa Titu za nifwanya. 7Eto hiya limbihiwa muwari moza wa Titu bahi, nihiwanda eto limbihiwa nagavwile makalelo mwamulimbihile nyo Titu tempu yali liye na nyo. Titu ule ohoniwandela makalelo mwadisauwela nyo eto nla wenyu no difuna wenyu wolimba. Evale hagalala waga wohodowave sogolro.
8Tchoira dagaonne ira karta naulrembenleni miyo nohoukumbanyihani, miyo dohoroma kana yowanganyeda ira: <<Kodi mwasiwa gwa nni vale diza daalrembelaga?>> Mbwenye peno kadinna yowanganyeda ili yatene mwasiwa nnaona ira karta naga naukukumunleni ora ya vang'ono bahi. 9Peno va miyo so nnahagalala bahi. Kannahagalalela na mwasa oira dohoukumbanyihani nari. So miyo nnahagalalela mwasiwa muwari mokumbanya wenyu, muhufiyeda twaruwa. Tchoira kumbanya wenyu wakumenle wa Mulugu. Nona ukumbanyihani wehu kuuzenlenani yabure.
10Tchoira kumbanya okumela wa Mulugu kunazana wanganyeda mbwenye unozana twaruwa wewo unamudowana mutu mavulusiwelo. Mbwenye kumbanya wa ilambo ya vati kunazana twaruwa eto unamudowana mutu makwelo.#7:10 kumbanya okumela wa Mulugu… unozana twaruwa: Kumbanya okumela wa Mulugu ku kana ibaribari ira: <<Miyo dihiirana yengo yotakala vamentoni va Mulugu wenno udipandutchile. Mulugu mudikurumuwele. Mudikamihede dahawelele akoka.>> Fwanyeya ira twaruwa wewo unamudowana mutu mavulusiwelo. Twaruwa unozana vulusiwa muwari moira wenno ahanawanda twaruwa unagomela havulusiwa. Zela ibaribari ira wenno unaviona nnga mutu omuroromela Yesu eto ahawandaga twaruwa zela joira jaye kaza avulusiwa, nione eto 1 Korinto 6:9-10; Galasiya 5:19-21; Eberewu 3:6,14, 6:11-12, 10:39. Eto fwanyeya ira kumbanya wa ilambo ya vati… unamudowana mutu makwelo: Kumbanya wa ilambo ya vati ku wonga wagahindiwe, we kumbanyaga hindiwa wawo hiyaniha no twaruwa zela yotega yawo. Ku wonga kumbanya wa ilambo ya vati ku umbuwela ira: <<Dahadowe nzilo, tchadihinda eto kadabubudiwa.>> Kumbanya wewo kunalaba ira mutu atwaruwe vamentoni va Mulugu.
11Kumbanya okumela wa Mulugu ule uhuuzelanani upama oira peno muli atu osimbwa funa ja Mulugu eto nyo muhukana funafuna sakanyedavo jengo jinongiwe ira mwahakayena makani. Muwari mokumbanya wa Mulugu ule, muhufiyeda kala atu oida jabure jiireyile, nyo roma muovaga Mulugu, nyo disauwelaga eto funaga jotonga ubure. Muwari mwa jatene, nyo muhuwanda vioniha ira kamunna pandi na jabure jaireyile jile.
12Miyo eto dulrembelagani karta nne, ilukuluwa kaali na mwasa wa wenno aviringanile nne na mwasa wa wenno apudjiwe, nari. Mbwenye ali ira nisauwela unna nyo uoneye vamentoni va Mulugu. 13Nona nagavwile makalelo muwatchenle nyo karta niwa, nihiwanda didilihiwa murima.
Eto hagalala wehu wohosimbwave nagaonne hagalala wanna Titu, mwasiwa nyo mwatene mohomudidiliha murima. 14Titu ahanaze wa nyo, miyo dohomuwandela ira: <<Wadowa Korinto, afwihu a Korinto anouwatchela pama.>> Eto fwanyeya ira agaufwanyileni, nyo kamudinyaswihile, mwasiwa jatene japama jamuwandenle miyo zela nyo, liye agafiyile ufwanyileve eno. Fwanyeya ira nnga jatene jauwandenleni hiyo jali ja ibaribari eto na mazwene outitimihani damuwandenle miyo Titu kohomala kwakwanela. 15Eto uzivelani waye unnave ulukula aumbuwela zela makalelo anavwelela nyo mwatene eto zela makalelo mwamuwatchenle nyo muwari moova eto mongurumela.#7:15 makalelo mwamuwatchenle nyo muwari moova eto mongurumela: Mazwala ku wonga aKorinto tchamulramwisile Titu mbwenye kamurihedile nnga mutu orumiwa na Mulugu hiya muwatchela nnga mutu owonga ja vande vaye. 16Peno na miyene nnohagalala mwasiwa miyo dihikana ibaribari zela viimenle nyo.
Mazu otanda muselu wa kapitulu 8 na 9
Malambo a mundulrimu Pawulo agali na aKorinto, ohawandela ira: <<Nihikana sokasoka ira niwande akamiheda afwihu otchenihiwa kasimenle ilambo ya Judeya.>> Mwa enne aKorinto kohorumela soka. Jagaireyile enne mulombwana Pawulo ohoroma awandela afwaye amohiwa ira: <<Eni akuda Korinto kali okozeyene ira kakumihe sokasoka yewa ira kawande akamiheda afwihu otchenihiwa.>>
Pawulo alrembile mazu a kapitulu 8 ante 9 muwari moalimbiha aKorinto eto moawumbutcheda ira: <<Eni tempu ya sokasoka inafiya. Nnafuna daarume abalihu kaze wewo katukule ja sokasoka jile. Mbwenye aliwa kahanaze, miyo nnafuna duwumbutcheni tawiha ira aliwa kagazile anaufwanyeni mwahakozeyile.>>
Currently Selected:
2 Korinto 7: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
2 Korinto 7
7
1Muwari moira nihikana mapangano anna, afwaga anaazivela miyo inafwanela nivihuwe zela yotakala ili yatene ya maningo nari ya munemba nikwakwanelihedaga tchena wehu muwari momuova Mulugu.#7:1 Pawulo unakokomeza ira nivihuwe zela yotakala ili yatene. Makalelo ovihuwa ku wonga lrapa yotakala ili yatene, wanaga kondo muwari mwa kopolo da Munemba Otchena, nvepaga Mulugu ira aukamihede ira wahawelele irana akoka. Vihuwa yotakala ili yatene ya maningo nari ya munemba ku wonga kinafwanela iragana jotakala na maningo ehu eto kinafwanela umbuwelaga zelru dabure na munemba wehu. Inafwanela joira jooneya vamentoni va atu jikale japama eto joumbuwela mmirimani mwehu jikale japamave. Nnakokomeziwa ira nivihuwe zela yotakala nikwakwanelihedaga tchena wehu muwari momuova Mulugu. Wenda na makalelo otchena unazela muwari momuova Mulugu. Tchoira wenno unatega vamentoni va mwene kanamuova mwenole eto kanamuona nnga yengo. Muwari moira Mulugu uli mwatene mwene, nategaga komove, ku wonga kanimuovile. Muwari momuova Mulugu, inafwanela niwendege na makalelo ofwanela vamentoni vaye.
APawulo kohagalala zela gumana na Titu
2Musakanyede malro mmirimani mwenyu ira muwande niwatchela.#7:2 Musakanyede malro mmirimani mwenyu ira muwande niwatchela. Va Pawulo unawonga na makalelo ira ioneye ira ohoiziwa ira aKorinto komukayikela Pawulo na afwaye. APawulo kawonga eno ira kayikela wanna atu umale. Mwasiwa hiyo kanimpudjile mutu uli watene. Kanimuholotchile mutu. Kanimudjenlre mutu. 3Miyo kannawongela eji ira dumangeni mulandu. Tchoira miyo dohowonga wanle ira hiyo nauumbuwelani nyo, mmirimani mwehu nihikana uzivelani. Masiki nikwe, masiki nahakwe, nilive vamohi na nyo. 4Miyo nnawonga na nyo molimbiha murima. Eto dihikana teyela ulukulu ozela nyo.#7:4 dihikana teyela ulukulu ozela nyo: Pawulo ohokana teyela ozela aKorinto mwasiwa Titu ohomuwandela ira aKorinto oindjiva kohowanda twaruwa kagailerile mazu mwaarumihedile nyo muwari mwa karta. (Nione 2 Korinto 7:5-16) Miyo dihikana limbihiwa ulukulu, eto dihikana hagalala wohokala wa masika muwari mwa makatamiho matene ninna hiyo.#7:4 dihikana hagalala wohokala wa masika muwari mwa makatamiho matene: Pawulo ohowanda hagalala muwari mwa makatamiho anna liye mwasiwa liye ohomuiziwa wenno amulaba liye. Liye eto ohokana ibaribari ira makatamiho anna liye ali makatamiho omulabela yengo sogolro. Nione Roma 8:17-18; 2 Korinto 4:17.
5Tchoira masiki nagazile Masedoniya,#7:5 nagazile Masedoniya: APawulo kakumile Toroyade, aliwa dowaga Masedoniya kamusakaga Titu ira kavwe makalelo bavi kafwanyeyana aKorinto. Fwanyeya ira na ibaribari Titu agakumile Korinto, aPawulo na Titu kohogumana Masedoniya. maningo ehu tchavumile nne vang'ono. Nohokana zuzumihiwa mwatene mwawenda hiyo. Unde, nohokana wanawana. Eto mmirimani mwehu, nofwanyeyana ova ulukulu. 6Mbwenye Mulugu wenno unaalimbiha atu okukumuwa ohowanda nilimbiha muwari mwa Titu za nifwanya. 7Eto hiya limbihiwa muwari moza wa Titu bahi, nihiwanda eto limbihiwa nagavwile makalelo mwamulimbihile nyo Titu tempu yali liye na nyo. Titu ule ohoniwandela makalelo mwadisauwela nyo eto nla wenyu no difuna wenyu wolimba. Evale hagalala waga wohodowave sogolro.
8Tchoira dagaonne ira karta naulrembenleni miyo nohoukumbanyihani, miyo dohoroma kana yowanganyeda ira: <<Kodi mwasiwa gwa nni vale diza daalrembelaga?>> Mbwenye peno kadinna yowanganyeda ili yatene mwasiwa nnaona ira karta naga naukukumunleni ora ya vang'ono bahi. 9Peno va miyo so nnahagalala bahi. Kannahagalalela na mwasa oira dohoukumbanyihani nari. So miyo nnahagalalela mwasiwa muwari mokumbanya wenyu, muhufiyeda twaruwa. Tchoira kumbanya wenyu wakumenle wa Mulugu. Nona ukumbanyihani wehu kuuzenlenani yabure.
10Tchoira kumbanya okumela wa Mulugu kunazana wanganyeda mbwenye unozana twaruwa wewo unamudowana mutu mavulusiwelo. Mbwenye kumbanya wa ilambo ya vati kunazana twaruwa eto unamudowana mutu makwelo.#7:10 kumbanya okumela wa Mulugu… unozana twaruwa: Kumbanya okumela wa Mulugu ku kana ibaribari ira: <<Miyo dihiirana yengo yotakala vamentoni va Mulugu wenno udipandutchile. Mulugu mudikurumuwele. Mudikamihede dahawelele akoka.>> Fwanyeya ira twaruwa wewo unamudowana mutu mavulusiwelo. Twaruwa unozana vulusiwa muwari moira wenno ahanawanda twaruwa unagomela havulusiwa. Zela ibaribari ira wenno unaviona nnga mutu omuroromela Yesu eto ahawandaga twaruwa zela joira jaye kaza avulusiwa, nione eto 1 Korinto 6:9-10; Galasiya 5:19-21; Eberewu 3:6,14, 6:11-12, 10:39. Eto fwanyeya ira kumbanya wa ilambo ya vati… unamudowana mutu makwelo: Kumbanya wa ilambo ya vati ku wonga wagahindiwe, we kumbanyaga hindiwa wawo hiyaniha no twaruwa zela yotega yawo. Ku wonga kumbanya wa ilambo ya vati ku umbuwela ira: <<Dahadowe nzilo, tchadihinda eto kadabubudiwa.>> Kumbanya wewo kunalaba ira mutu atwaruwe vamentoni va Mulugu.
11Kumbanya okumela wa Mulugu ule uhuuzelanani upama oira peno muli atu osimbwa funa ja Mulugu eto nyo muhukana funafuna sakanyedavo jengo jinongiwe ira mwahakayena makani. Muwari mokumbanya wa Mulugu ule, muhufiyeda kala atu oida jabure jiireyile, nyo roma muovaga Mulugu, nyo disauwelaga eto funaga jotonga ubure. Muwari mwa jatene, nyo muhuwanda vioniha ira kamunna pandi na jabure jaireyile jile.
12Miyo eto dulrembelagani karta nne, ilukuluwa kaali na mwasa wa wenno aviringanile nne na mwasa wa wenno apudjiwe, nari. Mbwenye ali ira nisauwela unna nyo uoneye vamentoni va Mulugu. 13Nona nagavwile makalelo muwatchenle nyo karta niwa, nihiwanda didilihiwa murima.
Eto hagalala wehu wohosimbwave nagaonne hagalala wanna Titu, mwasiwa nyo mwatene mohomudidiliha murima. 14Titu ahanaze wa nyo, miyo dohomuwandela ira: <<Wadowa Korinto, afwihu a Korinto anouwatchela pama.>> Eto fwanyeya ira agaufwanyileni, nyo kamudinyaswihile, mwasiwa jatene japama jamuwandenle miyo zela nyo, liye agafiyile ufwanyileve eno. Fwanyeya ira nnga jatene jauwandenleni hiyo jali ja ibaribari eto na mazwene outitimihani damuwandenle miyo Titu kohomala kwakwanela. 15Eto uzivelani waye unnave ulukula aumbuwela zela makalelo anavwelela nyo mwatene eto zela makalelo mwamuwatchenle nyo muwari moova eto mongurumela.#7:15 makalelo mwamuwatchenle nyo muwari moova eto mongurumela: Mazwala ku wonga aKorinto tchamulramwisile Titu mbwenye kamurihedile nnga mutu orumiwa na Mulugu hiya muwatchela nnga mutu owonga ja vande vaye. 16Peno na miyene nnohagalala mwasiwa miyo dihikana ibaribari zela viimenle nyo.
Mazu otanda muselu wa kapitulu 8 na 9
Malambo a mundulrimu Pawulo agali na aKorinto, ohawandela ira: <<Nihikana sokasoka ira niwande akamiheda afwihu otchenihiwa kasimenle ilambo ya Judeya.>> Mwa enne aKorinto kohorumela soka. Jagaireyile enne mulombwana Pawulo ohoroma awandela afwaye amohiwa ira: <<Eni akuda Korinto kali okozeyene ira kakumihe sokasoka yewa ira kawande akamiheda afwihu otchenihiwa.>>
Pawulo alrembile mazu a kapitulu 8 ante 9 muwari moalimbiha aKorinto eto moawumbutcheda ira: <<Eni tempu ya sokasoka inafiya. Nnafuna daarume abalihu kaze wewo katukule ja sokasoka jile. Mbwenye aliwa kahanaze, miyo nnafuna duwumbutcheni tawiha ira aliwa kagazile anaufwanyeni mwahakozeyile.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral