1 Timoteyo 3
3
Makalelo ofwanela para mulombwana akale bixpu
1Yengo imohiwa inafuna miyo dukokomeze tchi ila. Wamuona mutu ofuna kala bixpu,#3:1 Va Pawulo awongaga bixpu, ku wonga ansiyawu nari pastori. Kahi ira mabixpu anohiyana na aansiyawu nari apastori. Mazina mararu anno anamuwonga mutu mmohive. Na izugu, aansiyawu a Efezo kaitaniwa anciãos nari presbíteros. (Joira ja Anamarumiwa 20:17) Atu amohive kaitaniwave eto bispos. (Joira ja Anamarumiwa 20:28) Atu amohive kohokana mabasa oaing'anela mabila. Na izugu, ule unaing'anela mabila unaitaniwa pastor. Ku wonga Pawulo awongaga bixpu nari ansiyawu nari pastori, unaawonga atu amohive. Ili nnga wonga ira: <<Mutule gu namalima, gu mutu olima, gu mulrimi.>> Akala tempu ili hiyo ila atu anohiyanihavo muwari mwa bixpu na ansiyawu na pastori, hiyana uwa kunakumela mBibiliyani. uiziwe ira mutule unafuna mabasa apama. 2Nona ira mutu akale bixpu, inafwanela akale mulombwana ohokana imanya, mulombwana umutenle muhiyana mmohi bahi, mutu okana muru wapama, owanda viwendiha pama, mulombwana orihediwa, mutu owanda awatchela alendo, mulombwana owanda afundjiha atu. 3Kakale maliba lrezelra nne kakale maliba waniha. Mbwenye akale mutu owenda na afwaye mofwaseya, hiya kala mutu okangana owu mutu oziveliwa kobiri. 4Akale mutu owendiha pama vande vaye. Ahimaye kakale ahima okana respeto, onvwelela babiwa pama. 5Tchoira wamuona mutu ahanawanda sasanyeda vande vaye na ahimaye, uiziwe ira liye atukula nikuru na Mulugu, kanawanda wendiha pama. 6Vamohive vevo kakale mutu umuroromenle Yesu tchineneva tawiha ira unadowege liye, unerege vitukulela moviona ira kahi wa masika. Aira eno, ugwana mulandu mmohive Diyabo agwilena liye.#3:6 kakale mutu umuroromenle Yesu tchineneva: Ku wonga yolemelela ira mutu adowa, atukula igereja, ora imohive liye kala pastori, ejo kajinna pandi na mazu a Mulugu. Tchoira inafwanela andimuwa kamuing'ane pama mutu kahananvahe undimuwa. Eto inafwanela mutu avahiwe undimuwa na mwasa wa mawendelo apama unna liye hiyaniha no kala murandji tukula igereja.
7Vamohive vevo eto mutu unafuna we musakulra ira akale mundimuwa, akale mutu oiziweya na atu a unde ira ukana makalelo apama. Tawiha ira unanyaswihiwe, aze amange ngohi unareya Diyabo.
Makalelo ofwanela para mulombwana akale diyankoni
8Sawasawa nnga makalelo anakana mutu ira akale bixpu, mutu ira akale diyankoni, inafwanela akale mutu okana makalelo ofwanela, owonga ibaribari. Diyankoni kakale mutu olrezelra, nne maliba funa kana jorayela pwi, aabelaga afwaye na malrango, hehi.#3:8 diyankoni: Mabasa a adiyankoni ku sogolrelra ja ilambo ya vati nnga jokamihedana ira aansiyawu kakayena tempu yosogolrelra ja ilambo ya zulu. (Joira ja Anamarumiwa 6:1-6) 9Akale mutu ohideda pama ibaribari inahara hiyo mohokana yowanganyeda mmirimani mwaye zela joira jaye. 10Vamohive vevo wafuna nvaha mutu udiyankoni, urome muxixana mabasa a vang'ono. Wamuona ira unowanda pama mohokana imanya, unvahe wenno udiyankoni. 11-12Diyankoni akale mulombwana umutenle muhiyana mmohi bahi. Eto akale mulombwana owanda asogolrelra ahimaye na vande vaye pama. Eto muhiyanaye akale muhiyana wa makalelo ofwanela, muhiyana okana muru wapama eto ororomeleya mwa jatene, hiya kala muhiyana owamba.
13Tchoira mutu alabaga pama mabasa a udiyankoni, na atwene kamuona anamuonege ira mutula unoirana upama. Eto unowanda wonga ibaribari inahara hiyo zela Yesu Kiristu mohokayikela.
Pawulo ohomulrembela Timoteyo ira atu omuroromela Yesu kawendege pama
14Miyo nnafuna nnga tchineneva difiye uli we wo. Mbwenye eji nnalrembela ira 15kalekale uno didodomewo. Jatene jinaulrembela miyo ji jinauwandela mawendelo ofwanela para ahima anafwanyeya vande va Mulugu, anno anafwanyeya kagali Nikuru na Mulugu Okalawo. Nikuru na Mulugu akala nnga ha yengo, gu aliserisi eto gu muzati ohideda ibaribari.#3:15 Pawulo aafwalrafwaniha atu omuroromela Yesu nnga muzati ohideda ibaribari. Ku wonga atu a unde anoiziwa ibaribari muwari mwa atu omuroromela Yesu.
16Hiyo nnowanda rumelela mohokayikela ibaribari yenno yahaiziweyile wanle zela mutu otchena Yesu ira:
Liye ohoza, ohooniwa agawarile maningo.
Munemba Otchena ohomuhidedela umboni.
Angelro kohomuona.
Liye oholaleyiwa muwari mwa malogo madjindji.
Kohokala atu kamuroromenle mwilamboni muno.
Liye eto ohotukuleliwa zulu na undimuwa wohokala wa masika.
Currently Selected:
1 Timoteyo 3: iLolo
Highlight
Share
Copy
Want to have your highlights saved across all your devices? Sign up or sign in
© 2018 Visão Integral
1 Timoteyo 3
3
Makalelo ofwanela para mulombwana akale bixpu
1Yengo imohiwa inafuna miyo dukokomeze tchi ila. Wamuona mutu ofuna kala bixpu,#3:1 Va Pawulo awongaga bixpu, ku wonga ansiyawu nari pastori. Kahi ira mabixpu anohiyana na aansiyawu nari apastori. Mazina mararu anno anamuwonga mutu mmohive. Na izugu, aansiyawu a Efezo kaitaniwa anciãos nari presbíteros. (Joira ja Anamarumiwa 20:17) Atu amohive kaitaniwave eto bispos. (Joira ja Anamarumiwa 20:28) Atu amohive kohokana mabasa oaing'anela mabila. Na izugu, ule unaing'anela mabila unaitaniwa pastor. Ku wonga Pawulo awongaga bixpu nari ansiyawu nari pastori, unaawonga atu amohive. Ili nnga wonga ira: <<Mutule gu namalima, gu mutu olima, gu mulrimi.>> Akala tempu ili hiyo ila atu anohiyanihavo muwari mwa bixpu na ansiyawu na pastori, hiyana uwa kunakumela mBibiliyani. uiziwe ira mutule unafuna mabasa apama. 2Nona ira mutu akale bixpu, inafwanela akale mulombwana ohokana imanya, mulombwana umutenle muhiyana mmohi bahi, mutu okana muru wapama, owanda viwendiha pama, mulombwana orihediwa, mutu owanda awatchela alendo, mulombwana owanda afundjiha atu. 3Kakale maliba lrezelra nne kakale maliba waniha. Mbwenye akale mutu owenda na afwaye mofwaseya, hiya kala mutu okangana owu mutu oziveliwa kobiri. 4Akale mutu owendiha pama vande vaye. Ahimaye kakale ahima okana respeto, onvwelela babiwa pama. 5Tchoira wamuona mutu ahanawanda sasanyeda vande vaye na ahimaye, uiziwe ira liye atukula nikuru na Mulugu, kanawanda wendiha pama. 6Vamohive vevo kakale mutu umuroromenle Yesu tchineneva tawiha ira unadowege liye, unerege vitukulela moviona ira kahi wa masika. Aira eno, ugwana mulandu mmohive Diyabo agwilena liye.#3:6 kakale mutu umuroromenle Yesu tchineneva: Ku wonga yolemelela ira mutu adowa, atukula igereja, ora imohive liye kala pastori, ejo kajinna pandi na mazu a Mulugu. Tchoira inafwanela andimuwa kamuing'ane pama mutu kahananvahe undimuwa. Eto inafwanela mutu avahiwe undimuwa na mwasa wa mawendelo apama unna liye hiyaniha no kala murandji tukula igereja.
7Vamohive vevo eto mutu unafuna we musakulra ira akale mundimuwa, akale mutu oiziweya na atu a unde ira ukana makalelo apama. Tawiha ira unanyaswihiwe, aze amange ngohi unareya Diyabo.
Makalelo ofwanela para mulombwana akale diyankoni
8Sawasawa nnga makalelo anakana mutu ira akale bixpu, mutu ira akale diyankoni, inafwanela akale mutu okana makalelo ofwanela, owonga ibaribari. Diyankoni kakale mutu olrezelra, nne maliba funa kana jorayela pwi, aabelaga afwaye na malrango, hehi.#3:8 diyankoni: Mabasa a adiyankoni ku sogolrelra ja ilambo ya vati nnga jokamihedana ira aansiyawu kakayena tempu yosogolrelra ja ilambo ya zulu. (Joira ja Anamarumiwa 6:1-6) 9Akale mutu ohideda pama ibaribari inahara hiyo mohokana yowanganyeda mmirimani mwaye zela joira jaye. 10Vamohive vevo wafuna nvaha mutu udiyankoni, urome muxixana mabasa a vang'ono. Wamuona ira unowanda pama mohokana imanya, unvahe wenno udiyankoni. 11-12Diyankoni akale mulombwana umutenle muhiyana mmohi bahi. Eto akale mulombwana owanda asogolrelra ahimaye na vande vaye pama. Eto muhiyanaye akale muhiyana wa makalelo ofwanela, muhiyana okana muru wapama eto ororomeleya mwa jatene, hiya kala muhiyana owamba.
13Tchoira mutu alabaga pama mabasa a udiyankoni, na atwene kamuona anamuonege ira mutula unoirana upama. Eto unowanda wonga ibaribari inahara hiyo zela Yesu Kiristu mohokayikela.
Pawulo ohomulrembela Timoteyo ira atu omuroromela Yesu kawendege pama
14Miyo nnafuna nnga tchineneva difiye uli we wo. Mbwenye eji nnalrembela ira 15kalekale uno didodomewo. Jatene jinaulrembela miyo ji jinauwandela mawendelo ofwanela para ahima anafwanyeya vande va Mulugu, anno anafwanyeya kagali Nikuru na Mulugu Okalawo. Nikuru na Mulugu akala nnga ha yengo, gu aliserisi eto gu muzati ohideda ibaribari.#3:15 Pawulo aafwalrafwaniha atu omuroromela Yesu nnga muzati ohideda ibaribari. Ku wonga atu a unde anoiziwa ibaribari muwari mwa atu omuroromela Yesu.
16Hiyo nnowanda rumelela mohokayikela ibaribari yenno yahaiziweyile wanle zela mutu otchena Yesu ira:
Liye ohoza, ohooniwa agawarile maningo.
Munemba Otchena ohomuhidedela umboni.
Angelro kohomuona.
Liye oholaleyiwa muwari mwa malogo madjindji.
Kohokala atu kamuroromenle mwilamboni muno.
Liye eto ohotukuleliwa zulu na undimuwa wohokala wa masika.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 Visão Integral