1 Korinto 1
1
Malondjelo a Pawulo
1Unalremba gu miyo Pawulo, mutu osakulriwa mofuna mwa Mulugu ira dikale namarumiwa wa Yesu Kiristu. Dili vamohi na mbalihu Sostene. 2Nnoulrembelani nyo nikuru na Mulugu, atu atene otchenihiwa muwari mokala muwari mwa Kiristu munafwanyeya sidadi ya Korinto. Mulugu usakulrani nyo ira mukale atu otchenihiwa vamohi na atu atene oitana nzina na Nabwiya wehu Yesu Kiristu wenno uli Nabwiya wa hiyo eto uli Nabwiya wa atu amohiwa atene anno anamuitana. 3Malondjelo anaurumihedani hiyo ba ala. Nifunne ira sayi na murendele okumela wa Mulugu Babihu na Nabwiya Yesu Kiristu, jatene ejo jikale na nyo.
Pawulo omutamalela Mulugu na mwasa wa aKorinto omuroromela Yesu
4Miyo nnomutamaleletcha Mulugu waga na mwasa wa nyo zela sayi datene Mulugu duireleni liye muwari mwa Yesu Kiristu. 5Tchoira muwari mwa liye, Mulugu uwanda urelihani na makalelo matene ira muwandege wonga jowonga jaye jatene#1:5 ira muwandege wonga jowonga jaye jatene: Ira akuda Korinto kawande iziwa jengo eto ira kawande wonga jengo ja ibaribari, ali muwari mwa sayi da Mulugu hiya kopolo dewa. eto muwandege onelramo jatene. 6Nona muhufiyeda kana ibaribari zela jatene jene jinalaleya hiyo zela Kiristu. 7Muwari mwa sayi da Mulugu, kilivo yolemelela#1:7 Kilivo yolemelela Mulugu yahauvahileni liye: Mulugu unonvaha mutu mmohi yolemelela ira awandege fiyiheda ja Mulugu, mutu mmohiwa unovahiwa yolemelela ira awandege akamiheda afwaye, mutu mmohiwa unovahiwa yolemelela ira awandege afundjiha afwaye, mutu mmohiwa unovahiwa yolemelela ira awandege alimbiha afwaye, mutu mmohiwa unovahiwa yolemelela ira awandege avaha afwaye jengo, mutu mmohiwa unovahiwa yolemelela yoasogolrelra afwaye, dowagave eno. Jolemelela jihiindjiva mbwenye Pawulo ohowonga ira muwari mwa aKorinto atene omuroromela Yesu, kohokana jolemelela jatene. Mulugu yahauvahileni liye. So malambwala munnana dediha za wa Nabwiya wehu Yesu Kiristu 8wenno unafuna aukoyeni fiyeda magomelo wa jatene ira siku nnafuna za Nabwiya wehu Yesu Kiristu nyo mwahafwanyeyena mulandu vamentoni va Mulugu. 9Wenno uitanileni ira muze muwandane na Mwanaye Nabwiya wehu Yesu Kiristu, gu Mulugu ororomeleya.
Pawulo ohawandela aKorinto ira kahiye makalelo ogawaneya kanna atu
10Miyo abalaga, nnoukokomezani nyo mwatene na nzina na Nabwiya wehu Yesu Kiristu ira inafwanela nyo mwatene muvwananege. Kavikale gaweya muwari mwa nyo. Inafwanela mukayena joumbuwela jimohive na mirima dimohive. 11Ira diwonge eno, tchoira kohokalawo atu kadifwannye kakumile mwa nyo vande va Kolowe, aliwa diwandela jinereya muwari mwa nyo abalaga ira muhuroma haraharana. 12Haraharana unawongiwa, ku wonga nyo muhuroma gaweya malogo, malogo. Nnovwa ira ukala nlogo nimohi nnawonga ira: <<Miyo dili wa Pawulo.>> Nlogo nimohi nnawonga ira: <<Miyo dili wa Apolo.>>#1:12 Fwanyeya ira mulombwana Apolo ali mutu olaleya pama na uyesa eto na kopolo. Muselu zela liye unafwanyeya muwari mwa Joira ja Anamarumiwa 18:24-28. Nlogo nimohi nnawonga ira: <<Miyo dili wa Peduru.>> Nlogo nimohi nnawonga ira: <<Miyo dili wa Yesu Kiristu.>> 13Kodi Kiristu uhugaweya? Nari, kagaweyile. Nnga nyo ukwenleni gu miyo Pawulo? Nari. Owu hehi kodi mubatiziwe na nzina naga? Nari.
14Miyo nnomutamalela Mulugu mwasiwa dagali na nyo kadaabatizile atu oindjiva. Dimbatizile Kirisipu na Gayo bahi. 15Ihikala pama mwasiwa kalivo unafuna wonga ira: <<Miyo dibatiziwe na nzina na Pawulo.>> 16Miyo eto nnoumbuwela ira dohabatiza atu a vande va Estefano. Hiya atu anne, akala dahabatiza atu amohiwa, kannawanda umbuwela. 17Tchoira Kiristu adirumaga, ilukuluwa kadirumile ira daabatizege atu mbwenye adirumile ira dilaleye Muselu Wapama. Muwari molaleya mule, kadirumiwe ira dilaleye na zelru doriya da atu ira atu kazaga, kaharege zelru dile. Dahalaleyege na mazu oriya, yakalege nnga muselu wa ukwa wa Kiristu kanna kopolo doavulusa atu.
Zelru da atu a mwilamboni kadinna mabasa
18-19Tchoira atu anne anadowa matolotchiwelo kavwa muselu wa ukwa wa Kiristu vamuradini anaona nnga uzimora. Jejo jinafwalrafwana na mazu a Mulugu kalrembiwe mMazuni oira:
<<Miyo nnoza dinonge zelru da atu anne anna zelru. Miyo nnoirana ira aliba onelramo kahawande onelramo.>>
Mbwenye hiyo atu nnavulusiwa, naumbuwela zela muselu wa ukwa wa Kiristu, nnowanda iziwa ira ukwa wa Kiristu ti kopolo da Mulugu dedo nnanivulusana liye.
20Mwilamboni muno mukala aliba toto, aliba fundjiha malamulo, aliba wanela mazu. Nnga atu anno mwaaona ante peno kagomele avi? Kinna mabasa. Mwasiwa Mulugu uhusandutcha zelru da ilambwela ira dahakayena mabasa. 21Tchoira Mulugu na zelru daye kafunne ira atu kaiziwe ibaribari mwa zelru dewa da ilambo ya vati. Evale Mulugu opiya zelru ira aavuluse atu anaroromela muselu unalaleya hiyo, muselu wenno atu a mwilamboni anaona atu nnga uzimora.
Ona wa atu ohomuroromela Yesu na omuroromela Yesu zela kwa wa Yesu
22Tchoira aJudewu ira karumele yengo, anafuna nnga iireye ionihedo. Eto atu ohokala aJudewu#1:22 atu ohokala aJudewu: Owu hehi aGerego. ira karumele yengo, anafuna karome vwa zelru da ilambo ya vati. 23Mbwenye hiyo nnalaleya muselu wa ukwa wa Yesu bahi. AJudewu kavwa muselu wa Kiristu, para aliwa inakala nnga nigodo nnafuna atu gwagwaduwana. Eto atu ohokala aJudewu kavwa muselu wa Kiristu, anaumbuwela nnga uzimora. 24Mbwenye zela aJudewu nari atu ohokala aJudewu anne aasakunlre Mulugu, naalaleya ukwa wa Kiristu, Kiristu unafwanyeya agali kopolo da Mulugu eto unafwanyeya agali toto da Mulugu.#1:24 Owu hehi Mbwenye muwari mwa aJudewu nari atu ohokala aJudewu, kohokalamo atu Mulugu aasakunlremo liye ira atu anne kavwa muselu wa Kiristu, kakayena ibaribari ira peno mbwenye muwari momuona Kiristu, nihimala ona eto kopolo na zelru da Mulugu. 25Tchoira toto da Mulugu dedo nnaona atu nnga uzimora ti zelru dokwaranya zelru da atu. Eto kopolo da Mulugu dedo nnaona atu nnga dovuta ti kopolo dokwaranya kopolo da atu.
26Abalaga kaumbuwelani, Mulugu auitanagani ira muvulusiwe, nyo mwali avi? Oindjiva mwa nyo kamwali atu okana zelru da ilambo ya vati, nne oindjiva kamwali atu okana izo, nne oindjiva kamwali atu obaliwa muzizani mwa andimuwa a ilambwela. 27Mulugu mbwenye ohosakulra jengo jejile jinalramwisa atu nnga jengo johokana zelru ira ejo jaanyaswihege ale anaviona nnga a zelru. Mulugu ohosakulra yengo inalramwisa atu nnga yengo yovuta ira yengo yenno inyaswihege ejo jaona atu nnga ti jengo ja kopolo. 28Mulugu ohosakulra jengo jing'ining'ini, ejo jinalramwisa atu, ejo jinaona atu nnga jengo johokana mabasa ira muwari mwa jing'ining'ini jile awande nonga mabasa matene a atu. 29Mulugu airagana eno ali ira ahakalevo mutu owanda vititimiha vamentoni vaye.
30Zela nyo mbwenye, Mulugu uhuvahani ingumi muwari mougumanihani na Yesu Kiristu. Mulugu eto usakanya ira Kiristu akale zelru dehu na upama wehu, nitchenihiwe muwari mwa liye eto niwomboliwe muwari mwa liye. 31Nona mutu unafuna hiyo mutitimiha gu Kiristu bahi. Kalaga nnga ilrembiwe mMazuni ira: <<Inafwanela wenno unafuna vititimiha, avititimihe muwari mwa Nabwiya.>>#1:31 avititimihe muwari mwa Nabwiya: Vititimiha muwari mwa Nabwiya ku wonga ira: <<Miyo nnomuroromela Yesu, nona miyo kadinna mulandu. Mulugu adiona nnafwanyeya dagali mutu ohokana yotega vamentoni vaye na mwasa wa mabasa alabile Yesu Kiristu.>> Mutu awonga eno, vitukulela waye unafwanyeya wagali vitukulela muwari mwa Nabwiya. Hiya wongaga ira: <<Miyo nnovulusiwa mwasiwa dili mutu oirana jatene jinafuna Mulugu.>> Mutu aira eno, wo mbwenye kahi vitukulela muwari mwa Nabwiya. Ku vitukulela muwari mwa joira jawo.
Currently Selected:
1 Korinto 1: iLolo
Highlight
Share
Copy

Want to have your highlights saved across all your devices? Sign up or sign in
© 2018 Visão Integral
1 Korinto 1
1
Malondjelo a Pawulo
1Unalremba gu miyo Pawulo, mutu osakulriwa mofuna mwa Mulugu ira dikale namarumiwa wa Yesu Kiristu. Dili vamohi na mbalihu Sostene. 2Nnoulrembelani nyo nikuru na Mulugu, atu atene otchenihiwa muwari mokala muwari mwa Kiristu munafwanyeya sidadi ya Korinto. Mulugu usakulrani nyo ira mukale atu otchenihiwa vamohi na atu atene oitana nzina na Nabwiya wehu Yesu Kiristu wenno uli Nabwiya wa hiyo eto uli Nabwiya wa atu amohiwa atene anno anamuitana. 3Malondjelo anaurumihedani hiyo ba ala. Nifunne ira sayi na murendele okumela wa Mulugu Babihu na Nabwiya Yesu Kiristu, jatene ejo jikale na nyo.
Pawulo omutamalela Mulugu na mwasa wa aKorinto omuroromela Yesu
4Miyo nnomutamaleletcha Mulugu waga na mwasa wa nyo zela sayi datene Mulugu duireleni liye muwari mwa Yesu Kiristu. 5Tchoira muwari mwa liye, Mulugu uwanda urelihani na makalelo matene ira muwandege wonga jowonga jaye jatene#1:5 ira muwandege wonga jowonga jaye jatene: Ira akuda Korinto kawande iziwa jengo eto ira kawande wonga jengo ja ibaribari, ali muwari mwa sayi da Mulugu hiya kopolo dewa. eto muwandege onelramo jatene. 6Nona muhufiyeda kana ibaribari zela jatene jene jinalaleya hiyo zela Kiristu. 7Muwari mwa sayi da Mulugu, kilivo yolemelela#1:7 Kilivo yolemelela Mulugu yahauvahileni liye: Mulugu unonvaha mutu mmohi yolemelela ira awandege fiyiheda ja Mulugu, mutu mmohiwa unovahiwa yolemelela ira awandege akamiheda afwaye, mutu mmohiwa unovahiwa yolemelela ira awandege afundjiha afwaye, mutu mmohiwa unovahiwa yolemelela ira awandege alimbiha afwaye, mutu mmohiwa unovahiwa yolemelela ira awandege avaha afwaye jengo, mutu mmohiwa unovahiwa yolemelela yoasogolrelra afwaye, dowagave eno. Jolemelela jihiindjiva mbwenye Pawulo ohowonga ira muwari mwa aKorinto atene omuroromela Yesu, kohokana jolemelela jatene. Mulugu yahauvahileni liye. So malambwala munnana dediha za wa Nabwiya wehu Yesu Kiristu 8wenno unafuna aukoyeni fiyeda magomelo wa jatene ira siku nnafuna za Nabwiya wehu Yesu Kiristu nyo mwahafwanyeyena mulandu vamentoni va Mulugu. 9Wenno uitanileni ira muze muwandane na Mwanaye Nabwiya wehu Yesu Kiristu, gu Mulugu ororomeleya.
Pawulo ohawandela aKorinto ira kahiye makalelo ogawaneya kanna atu
10Miyo abalaga, nnoukokomezani nyo mwatene na nzina na Nabwiya wehu Yesu Kiristu ira inafwanela nyo mwatene muvwananege. Kavikale gaweya muwari mwa nyo. Inafwanela mukayena joumbuwela jimohive na mirima dimohive. 11Ira diwonge eno, tchoira kohokalawo atu kadifwannye kakumile mwa nyo vande va Kolowe, aliwa diwandela jinereya muwari mwa nyo abalaga ira muhuroma haraharana. 12Haraharana unawongiwa, ku wonga nyo muhuroma gaweya malogo, malogo. Nnovwa ira ukala nlogo nimohi nnawonga ira: <<Miyo dili wa Pawulo.>> Nlogo nimohi nnawonga ira: <<Miyo dili wa Apolo.>>#1:12 Fwanyeya ira mulombwana Apolo ali mutu olaleya pama na uyesa eto na kopolo. Muselu zela liye unafwanyeya muwari mwa Joira ja Anamarumiwa 18:24-28. Nlogo nimohi nnawonga ira: <<Miyo dili wa Peduru.>> Nlogo nimohi nnawonga ira: <<Miyo dili wa Yesu Kiristu.>> 13Kodi Kiristu uhugaweya? Nari, kagaweyile. Nnga nyo ukwenleni gu miyo Pawulo? Nari. Owu hehi kodi mubatiziwe na nzina naga? Nari.
14Miyo nnomutamalela Mulugu mwasiwa dagali na nyo kadaabatizile atu oindjiva. Dimbatizile Kirisipu na Gayo bahi. 15Ihikala pama mwasiwa kalivo unafuna wonga ira: <<Miyo dibatiziwe na nzina na Pawulo.>> 16Miyo eto nnoumbuwela ira dohabatiza atu a vande va Estefano. Hiya atu anne, akala dahabatiza atu amohiwa, kannawanda umbuwela. 17Tchoira Kiristu adirumaga, ilukuluwa kadirumile ira daabatizege atu mbwenye adirumile ira dilaleye Muselu Wapama. Muwari molaleya mule, kadirumiwe ira dilaleye na zelru doriya da atu ira atu kazaga, kaharege zelru dile. Dahalaleyege na mazu oriya, yakalege nnga muselu wa ukwa wa Kiristu kanna kopolo doavulusa atu.
Zelru da atu a mwilamboni kadinna mabasa
18-19Tchoira atu anne anadowa matolotchiwelo kavwa muselu wa ukwa wa Kiristu vamuradini anaona nnga uzimora. Jejo jinafwalrafwana na mazu a Mulugu kalrembiwe mMazuni oira:
<<Miyo nnoza dinonge zelru da atu anne anna zelru. Miyo nnoirana ira aliba onelramo kahawande onelramo.>>
Mbwenye hiyo atu nnavulusiwa, naumbuwela zela muselu wa ukwa wa Kiristu, nnowanda iziwa ira ukwa wa Kiristu ti kopolo da Mulugu dedo nnanivulusana liye.
20Mwilamboni muno mukala aliba toto, aliba fundjiha malamulo, aliba wanela mazu. Nnga atu anno mwaaona ante peno kagomele avi? Kinna mabasa. Mwasiwa Mulugu uhusandutcha zelru da ilambwela ira dahakayena mabasa. 21Tchoira Mulugu na zelru daye kafunne ira atu kaiziwe ibaribari mwa zelru dewa da ilambo ya vati. Evale Mulugu opiya zelru ira aavuluse atu anaroromela muselu unalaleya hiyo, muselu wenno atu a mwilamboni anaona atu nnga uzimora.
Ona wa atu ohomuroromela Yesu na omuroromela Yesu zela kwa wa Yesu
22Tchoira aJudewu ira karumele yengo, anafuna nnga iireye ionihedo. Eto atu ohokala aJudewu#1:22 atu ohokala aJudewu: Owu hehi aGerego. ira karumele yengo, anafuna karome vwa zelru da ilambo ya vati. 23Mbwenye hiyo nnalaleya muselu wa ukwa wa Yesu bahi. AJudewu kavwa muselu wa Kiristu, para aliwa inakala nnga nigodo nnafuna atu gwagwaduwana. Eto atu ohokala aJudewu kavwa muselu wa Kiristu, anaumbuwela nnga uzimora. 24Mbwenye zela aJudewu nari atu ohokala aJudewu anne aasakunlre Mulugu, naalaleya ukwa wa Kiristu, Kiristu unafwanyeya agali kopolo da Mulugu eto unafwanyeya agali toto da Mulugu.#1:24 Owu hehi Mbwenye muwari mwa aJudewu nari atu ohokala aJudewu, kohokalamo atu Mulugu aasakunlremo liye ira atu anne kavwa muselu wa Kiristu, kakayena ibaribari ira peno mbwenye muwari momuona Kiristu, nihimala ona eto kopolo na zelru da Mulugu. 25Tchoira toto da Mulugu dedo nnaona atu nnga uzimora ti zelru dokwaranya zelru da atu. Eto kopolo da Mulugu dedo nnaona atu nnga dovuta ti kopolo dokwaranya kopolo da atu.
26Abalaga kaumbuwelani, Mulugu auitanagani ira muvulusiwe, nyo mwali avi? Oindjiva mwa nyo kamwali atu okana zelru da ilambo ya vati, nne oindjiva kamwali atu okana izo, nne oindjiva kamwali atu obaliwa muzizani mwa andimuwa a ilambwela. 27Mulugu mbwenye ohosakulra jengo jejile jinalramwisa atu nnga jengo johokana zelru ira ejo jaanyaswihege ale anaviona nnga a zelru. Mulugu ohosakulra yengo inalramwisa atu nnga yengo yovuta ira yengo yenno inyaswihege ejo jaona atu nnga ti jengo ja kopolo. 28Mulugu ohosakulra jengo jing'ining'ini, ejo jinalramwisa atu, ejo jinaona atu nnga jengo johokana mabasa ira muwari mwa jing'ining'ini jile awande nonga mabasa matene a atu. 29Mulugu airagana eno ali ira ahakalevo mutu owanda vititimiha vamentoni vaye.
30Zela nyo mbwenye, Mulugu uhuvahani ingumi muwari mougumanihani na Yesu Kiristu. Mulugu eto usakanya ira Kiristu akale zelru dehu na upama wehu, nitchenihiwe muwari mwa liye eto niwomboliwe muwari mwa liye. 31Nona mutu unafuna hiyo mutitimiha gu Kiristu bahi. Kalaga nnga ilrembiwe mMazuni ira: <<Inafwanela wenno unafuna vititimiha, avititimihe muwari mwa Nabwiya.>>#1:31 avititimihe muwari mwa Nabwiya: Vititimiha muwari mwa Nabwiya ku wonga ira: <<Miyo nnomuroromela Yesu, nona miyo kadinna mulandu. Mulugu adiona nnafwanyeya dagali mutu ohokana yotega vamentoni vaye na mwasa wa mabasa alabile Yesu Kiristu.>> Mutu awonga eno, vitukulela waye unafwanyeya wagali vitukulela muwari mwa Nabwiya. Hiya wongaga ira: <<Miyo nnovulusiwa mwasiwa dili mutu oirana jatene jinafuna Mulugu.>> Mutu aira eno, wo mbwenye kahi vitukulela muwari mwa Nabwiya. Ku vitukulela muwari mwa joira jawo.
Currently Selected:
:
Highlight
Share
Copy

Want to have your highlights saved across all your devices? Sign up or sign in
© 2018 Visão Integral