Esaaya 51
51
Haala kisindam ɗam walaa timmoode
1Kettinanee kam, onon jokkuɓe ko fonnditii,
onon filotooɓe Joomiraaɗo.
Ndaaree tefaare nde cehaɗon e muuɗum ndeen,
e ngayka ka ittaɗon e muuɗum kaan.
2Ndaaree Ibrahiima, baabii on,
e Saaratu dimuɗo on oon.
Sabo nde o wonnoo kanko tan o jeewniiɗo ndeen,
mi noddii o de mbarkinmi mo,
kebbinmi suudu makko.
3Noon Joomiraaɗo yurmortoo galluure Siyona.
O yurmoto bille muuɗum ɗeen fuu.
O waɗan ladde muuɗum yoornde ndeen laatoo hono ngesa Eden.
Naɗɗol muuɗum njoorngol ngool du hono sardiŋe Joomiraaɗo.
Seyo e mbelɗum tawetee ley mayre,
manooje e jimi njettooje nanete e mayre.
4Aan lenyol am, hettinanam!
Aan suudu baaba am, wuuru nowru maaɗa!
Sabo ekintinol wurtoto e am.
Mi saakan sariya am faa laatoo annoora lenyi.
5Fonnditaare am ɓattake,
kisindam am na wara.
Mi sarorto lenyi e baawɗe am.
Leyɗe hakkunde maayo fuu na njowi jikke muɓɓen dow am.
Iɗe keɗii kisindam am.
6Ɓantee gite mon ndaaron kammu,
de njiimon leydi du.
Sabo kammu oo saayan hono cuurki,
leydi ndii du serkitorto hono tekkere,
de jooɗiiɓe e mayri maayira hono buubi noon.
Ammaa kisindam am tabitan faa abada.
Fonnditaare am du bonataa.
7Kettinanee kam, onon annduɓe ko fonnditii,
onon tiigiiɓe jamirooje am ley ɓerɗe mooɗon!
Taa kulee jalnorgal ɓiɓɓe-Aadama,
taa nesi mooɗon taƴa saabe jennooje muɓɓen.
8Sabo mooƴu nyaaman ɓe hono kaddungal noon.
Caɗawe pemmban ɓe hono no leeɓi baali kesirtee noon.
Ammaa fonnditaare am tabitan faa abada.
Kisindam am du tabitan ley jamaanuuji fuu.
9Joomiraaɗo, umma! Umma!
Ɓoorna semmbe, aan junngo Joomiraaɗo!
Ummoɗaa hono ley jamaanuuji paltiiɗi,
hono ley jamaanuuji bittiiɗi noon.
Yalla wanaa aan wari Rahab,
de serkiti kuunga ndiyam mannga ngaan naa?
10Yalla wanaa aan yoornunoo maayo,
faa diyeele mawɗe lugguɗe ɗeen nde'i,
de ceekanɗaa yimɓe ɓe ndimɗinɗaa ɓeen laawol
to ɓuri fuu luggude ley maggo naa?
11Ɓe Joomiraaɗo rimɗini ɓeen ngartan,
ɓe njottodoto Siyona e ilinaali seyo.
Seyo duumiingo laatoto pilkol dow ko'e maɓɓe.
Mbelɗum e seyo kawran e maɓɓe.
Ndeen mettorgal e uumaali fuu ndoggan mboɗɗoo ɓe.
12Ayyo, miin, miin tan woni baaltinoowo ɓerɗe mooɗon.
Wo a moy de kulɗaa tagaaɗo maayoowo,
ɓii-Aadama mo timmoode muuɗum nanndi e huɗo?
13Yalla a yeggitii Joomiraaɗo taguɗo ma,
peertuɗo kammu de joƴƴini leydi oon naa?
Yalla a heddoto aɗa wondi e kulol wakkati fuu saabe tikkere torroowo
hono wakkati segilanii halkude naa?
Ndelle toy tikkere torroowo ndeen woni?
14Ommbaaɗo ley kasu yoppete ko ɓadii.
O maayataa ley ngayka toon.
Nyaamdu du nyakataa mo.
15Miin woni Joomiraaɗo, Laamɗo maaɗa,
dimmboowo maayo de waɗa bempeƴƴe muuɗum iida.
Innde makko wo Joomiraaɗo Jom Kammu e Leydi.
16Mi wattii konngol am e hunnduko maaɗa
de cuuɗirmi ma e ɗoogi junngo am,
wakkati mbertannoomi kammu e nde njoƴƴinannoomi leydi ndeen.
Ndeen mbiimi jooɗiiɓe Siyona: Wo on yimɓe am.
Joomiraaɗo ummintinan Urusaliima
17Umma, umma!
Umma, aan Urusaliima,
aan jaruɗo e junngo Joomiraaɗo horde tikkere muuɗum nyaaɗunde ndeen.
Aan jaruɗo faa ɓiirti yardude suloore ndeen!
18Hakkunde ɓiɓɓe ɓe o rimi ɓeen fuu,
walaa fay gooto ɗowoowo mo.
E sukaaɓe ɓe o mawnini ɓeen fuu,
walaa nanngiroowo mo e junngo.
19Masiibaaji ɗiin kewtorte ɗiɗɗiɗi:
Moy wullante?
Halkere e torra,
rafo e kaafaahi!
Moy waaltinta ɓernde maaɗa?
20Ɓiɓɓe maaɗa pekkorii na mbaalii dow laawi fuu,
hono lewla caamunga ley tuugol.
Tikkere Joomiraaɗo na woni dow maɓɓe.
Laamɗo maaɗa na felɓa ɓe.
21Hettinda joonin, aan torriiɗo,
aan culiiɗo ammaa wanaa saabe inaboojam!
22Inan ko Joomiraaɗo,
ko Joomiraaɗo, Laamɗo maaɗa,
jinnganoowo yimɓe muuɗum oon wi'i:
Mi ittan horde mettorgal e junngo maaɗa.
A yarataa tikkere am ndeen katin!
23Mi wattan nde e juuɗe torrannooɓe ma,
wi'annooɓe ma turoɗaa faa paltoo ɓeen.
Aɗa hokkannoo ɓe kunkuuru maaɗa hono leydi,
hono no laawol hokkirtee faltotooɓe noon.
Currently Selected:
Esaaya 51: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
Esaaya 51
51
Haala kisindam ɗam walaa timmoode
1Kettinanee kam, onon jokkuɓe ko fonnditii,
onon filotooɓe Joomiraaɗo.
Ndaaree tefaare nde cehaɗon e muuɗum ndeen,
e ngayka ka ittaɗon e muuɗum kaan.
2Ndaaree Ibrahiima, baabii on,
e Saaratu dimuɗo on oon.
Sabo nde o wonnoo kanko tan o jeewniiɗo ndeen,
mi noddii o de mbarkinmi mo,
kebbinmi suudu makko.
3Noon Joomiraaɗo yurmortoo galluure Siyona.
O yurmoto bille muuɗum ɗeen fuu.
O waɗan ladde muuɗum yoornde ndeen laatoo hono ngesa Eden.
Naɗɗol muuɗum njoorngol ngool du hono sardiŋe Joomiraaɗo.
Seyo e mbelɗum tawetee ley mayre,
manooje e jimi njettooje nanete e mayre.
4Aan lenyol am, hettinanam!
Aan suudu baaba am, wuuru nowru maaɗa!
Sabo ekintinol wurtoto e am.
Mi saakan sariya am faa laatoo annoora lenyi.
5Fonnditaare am ɓattake,
kisindam am na wara.
Mi sarorto lenyi e baawɗe am.
Leyɗe hakkunde maayo fuu na njowi jikke muɓɓen dow am.
Iɗe keɗii kisindam am.
6Ɓantee gite mon ndaaron kammu,
de njiimon leydi du.
Sabo kammu oo saayan hono cuurki,
leydi ndii du serkitorto hono tekkere,
de jooɗiiɓe e mayri maayira hono buubi noon.
Ammaa kisindam am tabitan faa abada.
Fonnditaare am du bonataa.
7Kettinanee kam, onon annduɓe ko fonnditii,
onon tiigiiɓe jamirooje am ley ɓerɗe mooɗon!
Taa kulee jalnorgal ɓiɓɓe-Aadama,
taa nesi mooɗon taƴa saabe jennooje muɓɓen.
8Sabo mooƴu nyaaman ɓe hono kaddungal noon.
Caɗawe pemmban ɓe hono no leeɓi baali kesirtee noon.
Ammaa fonnditaare am tabitan faa abada.
Kisindam am du tabitan ley jamaanuuji fuu.
9Joomiraaɗo, umma! Umma!
Ɓoorna semmbe, aan junngo Joomiraaɗo!
Ummoɗaa hono ley jamaanuuji paltiiɗi,
hono ley jamaanuuji bittiiɗi noon.
Yalla wanaa aan wari Rahab,
de serkiti kuunga ndiyam mannga ngaan naa?
10Yalla wanaa aan yoornunoo maayo,
faa diyeele mawɗe lugguɗe ɗeen nde'i,
de ceekanɗaa yimɓe ɓe ndimɗinɗaa ɓeen laawol
to ɓuri fuu luggude ley maggo naa?
11Ɓe Joomiraaɗo rimɗini ɓeen ngartan,
ɓe njottodoto Siyona e ilinaali seyo.
Seyo duumiingo laatoto pilkol dow ko'e maɓɓe.
Mbelɗum e seyo kawran e maɓɓe.
Ndeen mettorgal e uumaali fuu ndoggan mboɗɗoo ɓe.
12Ayyo, miin, miin tan woni baaltinoowo ɓerɗe mooɗon.
Wo a moy de kulɗaa tagaaɗo maayoowo,
ɓii-Aadama mo timmoode muuɗum nanndi e huɗo?
13Yalla a yeggitii Joomiraaɗo taguɗo ma,
peertuɗo kammu de joƴƴini leydi oon naa?
Yalla a heddoto aɗa wondi e kulol wakkati fuu saabe tikkere torroowo
hono wakkati segilanii halkude naa?
Ndelle toy tikkere torroowo ndeen woni?
14Ommbaaɗo ley kasu yoppete ko ɓadii.
O maayataa ley ngayka toon.
Nyaamdu du nyakataa mo.
15Miin woni Joomiraaɗo, Laamɗo maaɗa,
dimmboowo maayo de waɗa bempeƴƴe muuɗum iida.
Innde makko wo Joomiraaɗo Jom Kammu e Leydi.
16Mi wattii konngol am e hunnduko maaɗa
de cuuɗirmi ma e ɗoogi junngo am,
wakkati mbertannoomi kammu e nde njoƴƴinannoomi leydi ndeen.
Ndeen mbiimi jooɗiiɓe Siyona: Wo on yimɓe am.
Joomiraaɗo ummintinan Urusaliima
17Umma, umma!
Umma, aan Urusaliima,
aan jaruɗo e junngo Joomiraaɗo horde tikkere muuɗum nyaaɗunde ndeen.
Aan jaruɗo faa ɓiirti yardude suloore ndeen!
18Hakkunde ɓiɓɓe ɓe o rimi ɓeen fuu,
walaa fay gooto ɗowoowo mo.
E sukaaɓe ɓe o mawnini ɓeen fuu,
walaa nanngiroowo mo e junngo.
19Masiibaaji ɗiin kewtorte ɗiɗɗiɗi:
Moy wullante?
Halkere e torra,
rafo e kaafaahi!
Moy waaltinta ɓernde maaɗa?
20Ɓiɓɓe maaɗa pekkorii na mbaalii dow laawi fuu,
hono lewla caamunga ley tuugol.
Tikkere Joomiraaɗo na woni dow maɓɓe.
Laamɗo maaɗa na felɓa ɓe.
21Hettinda joonin, aan torriiɗo,
aan culiiɗo ammaa wanaa saabe inaboojam!
22Inan ko Joomiraaɗo,
ko Joomiraaɗo, Laamɗo maaɗa,
jinnganoowo yimɓe muuɗum oon wi'i:
Mi ittan horde mettorgal e junngo maaɗa.
A yarataa tikkere am ndeen katin!
23Mi wattan nde e juuɗe torrannooɓe ma,
wi'annooɓe ma turoɗaa faa paltoo ɓeen.
Aɗa hokkannoo ɓe kunkuuru maaɗa hono leydi,
hono no laawol hokkirtee faltotooɓe noon.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022