Esaaya 49
49
Haala maccuɗo Joomiraaɗo laatiiɗo annoora lenyi
1Onon leyɗe faa hakkunde maayooji, kettinanee kam!
Onon lenyi boɗɗuɗi, kettinee!
Joomiraaɗo noddii kam gilla e reedu inna am.
O noddirii kam e innde am gilla mi rimaaka.
2O waɗii hunnduko am nanndii e kaafaahi mbelnaaki.
O suddirii kam e ɗoogi junngo makko.
O waɗii kam hono kural ceeɓinaangal.
O suuɗii kam nder mbasu kure makko.
3O wi'i kam:
Wo a maccuɗo am, aan Israa'iila.
Wo e maaɗa ɓanginiranmi teddeengal am.
4Ammaa miiliimi mbi'umi:
Wo ɓolum tampanmi!
Wo ɓolum e henndu tan kantirmi semmbe am.
Ammaa, Joomiraaɗo saranto kam goonga.
Laamɗo am barjoto kam ko wooɗi.
5Ndelle Joomiraaɗo haalii,
kanko taguɗo kam gilla e reedu inna am
faa mi laatoo maccuɗo makko,
faa mi wartira lenyol Yaakuuba to makko,
faa Israa'iila hawrita to makko.
Mi heɓii teddeengal yeeso Joomiraaɗo,
sabo Laamɗo am laatanake kam semmbe.
6O wi'ii kam:
Ko ngaɗumi laatiɗaa maccuɗo am faa ummintinaa lenyi Yaakuuba
de njeccinaa Israa'iilankooɓe hedditiiɓe ɗuum heƴay.
Mi waɗan du laatoɗaa annoora lenyi fuu
faa njottinaa kisindam am faa keeri leydi fuu.
Haala wartugol nannganooɓe
7Inan ko Joomiraaɗo, dimɗinoowo, Ceniiɗo Israa'iila oon wi'i ma,
aan mo yonki muuɗum huyfinaa,
laataniiɗo lenyol muuɗum ko nyiddinii,
maccuɗo laamiiɓe semmbiɗinɓe!
Kaanankooɓe nji'oyte de ummoo,
ardiiɓe laamu du nji'oyte de kofoo,
sabo Joomiraaɗo koolniiɗo,
Ceniiɗo Israa'iila, oon kam suɓii ma.
8Inan ko Joomiraaɗo wi'i:
Mi jaabake ma wakkati moƴƴere.
Mi dannii ma nyalaande kisindam.
Mi reenete faa laatoɗaa amaana hakkunde am e yimɓe
faa ummintinaa leydi ndiin
de njeɗondiraa nokkuuje donanooɗe de laatii bille ɗeen.
9Mbi'owaa kasunkooɓe: Mburtee!
Wonɓe ley nimre du: Puuntee!
Ɓe nduran dow laawi,
ɓe keɓan huɗo feewko dow tile fuu.
10Ɓe njolbataa, ɓe ɗomɗataa katin.
Nguli mawki e naange haaɗunge torrataa ɓe katin,
sabo jurmotooɗo ɓe oon laatoto ɗowoowo ɓe,
wooɗi du, o yaaran ɓe to ilduɗe ndiyam.
11Mi waɗan baamle am fuu laatoo laawi,
gayɗe dow laawi am fuu uwete.
12Inani ɓe, iɓe ƴuura to woɗɗi.
Woɓɓe na ƴuura soɓɓirre e gorgal.
Woɓɓe du na ƴuura leydi Sinim, horɗoore leydi Misira.
13Kammuuli, ilinee!
Leydi, welweltin!
Onon baamle, peekoree seyo!
Sabo Joomiraaɗo waaltinan ɓerɗe yimɓe muuɗum.
Imo yurmoo tampuɓe makko.
Joomiraaɗo miccitoto Urusaliima
14 Siyona na wi'annoo: Joomiraaɗo yoppii kam!
Joomiraaɗo yeggitii kam!
15Yalla debbo na waawi yeggitinde ɓinngel muuɗum musinoowel ɗum naa?
Yalla na waawi taa yurmoo burtiingel e reedu muuɗum ngeel naa?
Fay nde hewtanii inniiwo yeggitinde ɓinngel muuɗum,
miin kaa, abada mi yeggitataa ma.
16Inan mi nyenyi innde maaɗa e newe juuɗe am.
Miɗo miilo kokuuji maaɗa deenirɗi wakkati fuu.
17Ɓiɓɓe maaɗa ngaran law,
halkunooɓe ma faa laatiɗaa winnde ɓeen njaltan e maaɗa.
18Ɓantu gite maa de ndaaraa piilol maaɗa fuu.
Ɓe fuu ɓe kawritii faa ɓe ngara to maaɗa.
Mi hunorake innde am, miin Joomiraaɗo,
a ɓoornoto ɓe ɓe fuu hono koɗi.
Ɓe laatante feɗo hono no ɓaŋeteeɗo feɗortoo noon.
19Ayyo, bille maaɗa, nokkuuje maaɗa kalkaaɗe,
leydi laatiindi joore kaaƴe ndiin, famɗanan jooɗiiɓe e muuɗum.
Nyaamannooɓe ma ɓeen du ndoggan mboɗɗowoo.
20Ɓiɓɓe maa senndanooɓe e maaɗa ɓeen mbi'an:
Nokkuure ndee na famɗani min.
Hokku min njaayri faa min njooɗoo.
21Ndeen a miiloto ley ɓernde maaɗa mbi'aa:
Yalla moy rimani kam ɓee?
Sabo mi walaano ɓiɓɓe.
Miɗo laatinoo dimaro.
Mi diiwanooɗo leydi am hono ceeraaɗo.
Moy mawnini ɓe?
Wo min tan heddinoo!
Toy ɓee fuu ngonnoo?
22Inan ko Laamɗo Joomiraaɗo wi'i:
Mi ɓantan junngo am yeeso lenyi,
mi ɓantan darapo am yeeso siyiiji yimɓe fuu.
Ɓe ngartiran ɓiɓɓe maaɗa worɓe e juuɗe maɓɓe.
Ɓe mbakkoto ɓiɓɓe maaɗa rewɓe dow balaaje maɓɓe.
23Kaanankooɓe laatoto ndaaranooɓe sukaaɓe maaɗa.
Ɓiɓɓe muɓɓen rewɓe du laatoo jawlotooɓe ɗum'en.
Ɓe kofoto yeeso maaɗa,
de ɓe metta sollaare koyɗe maaɗa.
Ndeen a faaman wo miin woni Joomiraaɗo,
hooliiɓe kam ɓeen cemtataa.
24Yalla konunke na waawi teeteede ko teetunoo naa?
Yalla ko cemmbiɗinɗo nanngi na waawi teetaade naa?
25Sabo inan ko Joomiraaɗo wi'i:
Ko konunke nanngunoo ɗuum teetete.
Ko teetiranoo semmbe ɗum du teetoto.
Mi haɓdan e haɓdooɓe e maaɗa ɓeen
de mi hisina ɓiɓɓe maaɗa.
26Mi waɗan torrooɓe ma ɓeen nyaama teewu muɓɓen.
Ƴiiƴam maɓɓe suliran ɓe hono no yaruɓe inaboojam kesam culortoo noon.
Ndeen yimɓe fuu paaman wo miin woni Joomiraaɗo, kisinoowo ma,
Dimɗinɗo ma, Jom Baawɗe mo Yaakuuba oon.
Currently Selected:
Esaaya 49: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
Esaaya 49
49
Haala maccuɗo Joomiraaɗo laatiiɗo annoora lenyi
1Onon leyɗe faa hakkunde maayooji, kettinanee kam!
Onon lenyi boɗɗuɗi, kettinee!
Joomiraaɗo noddii kam gilla e reedu inna am.
O noddirii kam e innde am gilla mi rimaaka.
2O waɗii hunnduko am nanndii e kaafaahi mbelnaaki.
O suddirii kam e ɗoogi junngo makko.
O waɗii kam hono kural ceeɓinaangal.
O suuɗii kam nder mbasu kure makko.
3O wi'i kam:
Wo a maccuɗo am, aan Israa'iila.
Wo e maaɗa ɓanginiranmi teddeengal am.
4Ammaa miiliimi mbi'umi:
Wo ɓolum tampanmi!
Wo ɓolum e henndu tan kantirmi semmbe am.
Ammaa, Joomiraaɗo saranto kam goonga.
Laamɗo am barjoto kam ko wooɗi.
5Ndelle Joomiraaɗo haalii,
kanko taguɗo kam gilla e reedu inna am
faa mi laatoo maccuɗo makko,
faa mi wartira lenyol Yaakuuba to makko,
faa Israa'iila hawrita to makko.
Mi heɓii teddeengal yeeso Joomiraaɗo,
sabo Laamɗo am laatanake kam semmbe.
6O wi'ii kam:
Ko ngaɗumi laatiɗaa maccuɗo am faa ummintinaa lenyi Yaakuuba
de njeccinaa Israa'iilankooɓe hedditiiɓe ɗuum heƴay.
Mi waɗan du laatoɗaa annoora lenyi fuu
faa njottinaa kisindam am faa keeri leydi fuu.
Haala wartugol nannganooɓe
7Inan ko Joomiraaɗo, dimɗinoowo, Ceniiɗo Israa'iila oon wi'i ma,
aan mo yonki muuɗum huyfinaa,
laataniiɗo lenyol muuɗum ko nyiddinii,
maccuɗo laamiiɓe semmbiɗinɓe!
Kaanankooɓe nji'oyte de ummoo,
ardiiɓe laamu du nji'oyte de kofoo,
sabo Joomiraaɗo koolniiɗo,
Ceniiɗo Israa'iila, oon kam suɓii ma.
8Inan ko Joomiraaɗo wi'i:
Mi jaabake ma wakkati moƴƴere.
Mi dannii ma nyalaande kisindam.
Mi reenete faa laatoɗaa amaana hakkunde am e yimɓe
faa ummintinaa leydi ndiin
de njeɗondiraa nokkuuje donanooɗe de laatii bille ɗeen.
9Mbi'owaa kasunkooɓe: Mburtee!
Wonɓe ley nimre du: Puuntee!
Ɓe nduran dow laawi,
ɓe keɓan huɗo feewko dow tile fuu.
10Ɓe njolbataa, ɓe ɗomɗataa katin.
Nguli mawki e naange haaɗunge torrataa ɓe katin,
sabo jurmotooɗo ɓe oon laatoto ɗowoowo ɓe,
wooɗi du, o yaaran ɓe to ilduɗe ndiyam.
11Mi waɗan baamle am fuu laatoo laawi,
gayɗe dow laawi am fuu uwete.
12Inani ɓe, iɓe ƴuura to woɗɗi.
Woɓɓe na ƴuura soɓɓirre e gorgal.
Woɓɓe du na ƴuura leydi Sinim, horɗoore leydi Misira.
13Kammuuli, ilinee!
Leydi, welweltin!
Onon baamle, peekoree seyo!
Sabo Joomiraaɗo waaltinan ɓerɗe yimɓe muuɗum.
Imo yurmoo tampuɓe makko.
Joomiraaɗo miccitoto Urusaliima
14 Siyona na wi'annoo: Joomiraaɗo yoppii kam!
Joomiraaɗo yeggitii kam!
15Yalla debbo na waawi yeggitinde ɓinngel muuɗum musinoowel ɗum naa?
Yalla na waawi taa yurmoo burtiingel e reedu muuɗum ngeel naa?
Fay nde hewtanii inniiwo yeggitinde ɓinngel muuɗum,
miin kaa, abada mi yeggitataa ma.
16Inan mi nyenyi innde maaɗa e newe juuɗe am.
Miɗo miilo kokuuji maaɗa deenirɗi wakkati fuu.
17Ɓiɓɓe maaɗa ngaran law,
halkunooɓe ma faa laatiɗaa winnde ɓeen njaltan e maaɗa.
18Ɓantu gite maa de ndaaraa piilol maaɗa fuu.
Ɓe fuu ɓe kawritii faa ɓe ngara to maaɗa.
Mi hunorake innde am, miin Joomiraaɗo,
a ɓoornoto ɓe ɓe fuu hono koɗi.
Ɓe laatante feɗo hono no ɓaŋeteeɗo feɗortoo noon.
19Ayyo, bille maaɗa, nokkuuje maaɗa kalkaaɗe,
leydi laatiindi joore kaaƴe ndiin, famɗanan jooɗiiɓe e muuɗum.
Nyaamannooɓe ma ɓeen du ndoggan mboɗɗowoo.
20Ɓiɓɓe maa senndanooɓe e maaɗa ɓeen mbi'an:
Nokkuure ndee na famɗani min.
Hokku min njaayri faa min njooɗoo.
21Ndeen a miiloto ley ɓernde maaɗa mbi'aa:
Yalla moy rimani kam ɓee?
Sabo mi walaano ɓiɓɓe.
Miɗo laatinoo dimaro.
Mi diiwanooɗo leydi am hono ceeraaɗo.
Moy mawnini ɓe?
Wo min tan heddinoo!
Toy ɓee fuu ngonnoo?
22Inan ko Laamɗo Joomiraaɗo wi'i:
Mi ɓantan junngo am yeeso lenyi,
mi ɓantan darapo am yeeso siyiiji yimɓe fuu.
Ɓe ngartiran ɓiɓɓe maaɗa worɓe e juuɗe maɓɓe.
Ɓe mbakkoto ɓiɓɓe maaɗa rewɓe dow balaaje maɓɓe.
23Kaanankooɓe laatoto ndaaranooɓe sukaaɓe maaɗa.
Ɓiɓɓe muɓɓen rewɓe du laatoo jawlotooɓe ɗum'en.
Ɓe kofoto yeeso maaɗa,
de ɓe metta sollaare koyɗe maaɗa.
Ndeen a faaman wo miin woni Joomiraaɗo,
hooliiɓe kam ɓeen cemtataa.
24Yalla konunke na waawi teeteede ko teetunoo naa?
Yalla ko cemmbiɗinɗo nanngi na waawi teetaade naa?
25Sabo inan ko Joomiraaɗo wi'i:
Ko konunke nanngunoo ɗuum teetete.
Ko teetiranoo semmbe ɗum du teetoto.
Mi haɓdan e haɓdooɓe e maaɗa ɓeen
de mi hisina ɓiɓɓe maaɗa.
26Mi waɗan torrooɓe ma ɓeen nyaama teewu muɓɓen.
Ƴiiƴam maɓɓe suliran ɓe hono no yaruɓe inaboojam kesam culortoo noon.
Ndeen yimɓe fuu paaman wo miin woni Joomiraaɗo, kisinoowo ma,
Dimɗinɗo ma, Jom Baawɗe mo Yaakuuba oon.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022