Esaaya 40
40
Mbaaltinee hakkillooji yimɓe am
1Laamɗo mon wi'i:
Mbaaltinee, mbaaltinee ɓerɗe yimɓe am.
2Kaaldiree Urusaliima e yurmeende, kollon ɗum
ko balɗe maccungaaku muuɗum timmii,
hakkeeji muuɗum njaafaama.
Joomiraaɗo hiitake ɗum fodde hakkeeji muuɗum fuu.
3Daande na ƴeewnoo na wi'a:
Cegilanee Joomiraaɗo laawol ley ladde yoornde!
Moƴƴinanee Laamɗo meeɗen balangol ley naɗɗol joorngol.
4Naɗɗi fuu kebbinnee,
baamle e tile fuu leeƴinee,
ko laatinoo toowndiije fuu jippinee,
nokkuuje ɗeen fuu mbaaloo.
5Ndeen teddeengal Joomiraaɗo ɓangan.
Adunaaru fuu yi'an ɗum nde wootere.
Noon Joomiraaɗo wi'i.
6Daande wi'i: Ƴeewna haalu!
Goɗɗo ƴami wi'i: Ɗume ƴeewnotoomi mi wi'a?
Mbi'aa: Yonki fuu na laatii hono huɗo.
Darja muuɗum du na laatii hono pinndi gese.
7Huɗo yooran, pinndi ɗaylan
wakkati foofaango Joomiraaɗo fanti dow muɓɓen.
Si goonga yonkiiji ɓiɓɓe Aadama na nga'i hono huɗo.
8Huɗo yooran, pinndi du ɗaylan,
ammaa konngol Laamɗo meeɗen tabitan faa abada.
Haala kabaaru lobbo
9Aan Siyona, tiigiiɗo kabaaru lobbo,
ƴeenyu dow waamnde toownde,
peekoroɗaa e semmbe.
Aan Urusaliima, tiigiiɗo kabaaru lobbo,
ɓantu daande maaɗa, taa hulu!
Mbi'aa galluuje Yahuuda:
Inan Laamɗo mooɗon!
10Laamɗo Joomiraaɗo wardan e baawɗe.
O laamorto e semmbe junngo makko.
Imo wondi e njobdi makko,
mbarjaari makko na ardii mo.
11O duriran coggal makko ngaal hono no duroowo durirta kulle muuɗum noon.
O mubigoto ɓikkoy baali kooy e junngo makko.
O wakkoto koy dow balaaje makko.
O ɗowan baali musinteeɗi.
Walaa nannduɗo e Laamɗo
12Moy fonndiri diyeele maayooji e junngo muuɗum?
Moy waawi fonndirde kammu e newre junngo muuɗum?
Moy waawi fonndirde sollaare dow mbeɗu leydi fuu e kaakol?
Moy waawi fonndirde baamle e ponndirgal?
E fonndirde tile e etirgal?
13Moy waawi fonndude miilooji Joomiraaɗo?
Moy laatii tindinoowo mo?
14Moy o haaldi e muuɗum faa o faamitoo goɗɗum?
Moy ekiti o saroraade goonga?
Moy janngini o anndal?
Moy holli o no paamal heɓirtee?
15Inan Lenyi na nga'i hono waadere ndiyam siimtotoonde e cawgal,
hono gabbel bolonngu ley ponndirgal.
Inan leyɗe hakkunde maayooji na nanndi e sollaare nde henndu ruuyni.
16Leɗɗe Liban keƴataa wulirde sadakaaji,
daabaaji muuɗum du keƴataa ko waɗee kirsamaaji buleteeɗi.
17Lenyi adunaaru fuu na laatii hono ɓolum yeeso makko.
Imo ndaardi ɗi hono ɓolum e faa'e.
18E moy nanndinton Laamɗo?
Ɗume kaandinton nanndinde e makko?
19Yalla tooru naa?
Wo bahillo tafi ndu.
Wo nyokkaajo mooyti ndu kaŋŋe
de siiwi callaloy cardi takki ndu.
20Laatiiɗo talkaajo faa waawaa hokkude iri dokkal ngaal fu,
filoo leggal ngal wuƴataa,
heɓa cehoowo nyeenyuɗo,
faa sehana ɗum tooru ndu dimmataako.
21Yalla on anndaa naa?
Yalla on nanaay naa?
Yalla on kumpitaaka ɗum gilla fuɗɗoode naa?
Yalla on paamaay no adunaaru joƴƴiniraa naa?
22Wo kanko woni jooɗiiɗo faa dow jiimande mbeɗu leydi.
Imo tiima jooɗiiɓe e mayri na nga'i hono baɓɓatti.
Kanko weƴƴiti kammuuli hono wudere,
o feerti ɗi hono hukum faa o jooɗoo e majji.
23Wo kanko waɗata kaanankooɓe laatoo ɓolum,
kanko fiɗɗata sarotooɓe adunaaru faa lalla soy.
24Gilla ɓe tiiraaka,
illa ɓe aawaaka tafon,
gilla ɓe ngaɗay ɗaɗi ley leydi,
si Laamɗo wifii dow maɓɓe fu,
ɓe njooran korom,
henndu ruuynan ɓe hono nyaande.
25Ceniiɗo oon ƴami ɓe wi'i:
E moy ponndoton kam,
faa mi laatoo hono muuɗum?
26Ɓantee gite mon de ndaaron dow:
Moy tagi kujje ɗeen?
Wo kanko wurtinta koode kammuuli ley hoɗorde muɓɓen.
Imo noddira ngel hen fuu e innde muuɗum.
Saabe baawɗe makko e semmbe makko de fay gootel nyakaay.
Joomiraaɗo semmbinɗinan tampuɓe
27Yaakuuba, ko saabii de aɗa wi'a,
Israa'iila ko ɗume de aɗa wi'a:
Joomiraaɗo yi'ataa ko hewtotoo kam,
Laamɗo am jinngantaa kam.
28Yalla a anndaa naa?
Yalla a nanaay naa?
Joomiraaɗo woni Laamɗo duumiiɗo.
Kanko diidi keerol leydi.
O somataa, o tampataa.
Anndal makko walaa haddi.
29Kanko semmbinɗinta lokkaajo,
o ɓeydana tampuɗo semmbe.
30Hayotooɓe na coma, na tampa
fay jokolɓe semmbiɗinɓe na pergoo.
31Ammaa hooliiɓe Joomiraaɗo ɓeen kaa,
semmbe muɓɓen na heyɗita wakkati fuu.
Iɓe piira hono ciile cemmbiɗinɗe.
Iɓe ndogga de ɓe comataa.
Iɓe njaha de ɓe tampataa.
Currently Selected:
Esaaya 40: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
Esaaya 40
40
Mbaaltinee hakkillooji yimɓe am
1Laamɗo mon wi'i:
Mbaaltinee, mbaaltinee ɓerɗe yimɓe am.
2Kaaldiree Urusaliima e yurmeende, kollon ɗum
ko balɗe maccungaaku muuɗum timmii,
hakkeeji muuɗum njaafaama.
Joomiraaɗo hiitake ɗum fodde hakkeeji muuɗum fuu.
3Daande na ƴeewnoo na wi'a:
Cegilanee Joomiraaɗo laawol ley ladde yoornde!
Moƴƴinanee Laamɗo meeɗen balangol ley naɗɗol joorngol.
4Naɗɗi fuu kebbinnee,
baamle e tile fuu leeƴinee,
ko laatinoo toowndiije fuu jippinee,
nokkuuje ɗeen fuu mbaaloo.
5Ndeen teddeengal Joomiraaɗo ɓangan.
Adunaaru fuu yi'an ɗum nde wootere.
Noon Joomiraaɗo wi'i.
6Daande wi'i: Ƴeewna haalu!
Goɗɗo ƴami wi'i: Ɗume ƴeewnotoomi mi wi'a?
Mbi'aa: Yonki fuu na laatii hono huɗo.
Darja muuɗum du na laatii hono pinndi gese.
7Huɗo yooran, pinndi ɗaylan
wakkati foofaango Joomiraaɗo fanti dow muɓɓen.
Si goonga yonkiiji ɓiɓɓe Aadama na nga'i hono huɗo.
8Huɗo yooran, pinndi du ɗaylan,
ammaa konngol Laamɗo meeɗen tabitan faa abada.
Haala kabaaru lobbo
9Aan Siyona, tiigiiɗo kabaaru lobbo,
ƴeenyu dow waamnde toownde,
peekoroɗaa e semmbe.
Aan Urusaliima, tiigiiɗo kabaaru lobbo,
ɓantu daande maaɗa, taa hulu!
Mbi'aa galluuje Yahuuda:
Inan Laamɗo mooɗon!
10Laamɗo Joomiraaɗo wardan e baawɗe.
O laamorto e semmbe junngo makko.
Imo wondi e njobdi makko,
mbarjaari makko na ardii mo.
11O duriran coggal makko ngaal hono no duroowo durirta kulle muuɗum noon.
O mubigoto ɓikkoy baali kooy e junngo makko.
O wakkoto koy dow balaaje makko.
O ɗowan baali musinteeɗi.
Walaa nannduɗo e Laamɗo
12Moy fonndiri diyeele maayooji e junngo muuɗum?
Moy waawi fonndirde kammu e newre junngo muuɗum?
Moy waawi fonndirde sollaare dow mbeɗu leydi fuu e kaakol?
Moy waawi fonndirde baamle e ponndirgal?
E fonndirde tile e etirgal?
13Moy waawi fonndude miilooji Joomiraaɗo?
Moy laatii tindinoowo mo?
14Moy o haaldi e muuɗum faa o faamitoo goɗɗum?
Moy ekiti o saroraade goonga?
Moy janngini o anndal?
Moy holli o no paamal heɓirtee?
15Inan Lenyi na nga'i hono waadere ndiyam siimtotoonde e cawgal,
hono gabbel bolonngu ley ponndirgal.
Inan leyɗe hakkunde maayooji na nanndi e sollaare nde henndu ruuyni.
16Leɗɗe Liban keƴataa wulirde sadakaaji,
daabaaji muuɗum du keƴataa ko waɗee kirsamaaji buleteeɗi.
17Lenyi adunaaru fuu na laatii hono ɓolum yeeso makko.
Imo ndaardi ɗi hono ɓolum e faa'e.
18E moy nanndinton Laamɗo?
Ɗume kaandinton nanndinde e makko?
19Yalla tooru naa?
Wo bahillo tafi ndu.
Wo nyokkaajo mooyti ndu kaŋŋe
de siiwi callaloy cardi takki ndu.
20Laatiiɗo talkaajo faa waawaa hokkude iri dokkal ngaal fu,
filoo leggal ngal wuƴataa,
heɓa cehoowo nyeenyuɗo,
faa sehana ɗum tooru ndu dimmataako.
21Yalla on anndaa naa?
Yalla on nanaay naa?
Yalla on kumpitaaka ɗum gilla fuɗɗoode naa?
Yalla on paamaay no adunaaru joƴƴiniraa naa?
22Wo kanko woni jooɗiiɗo faa dow jiimande mbeɗu leydi.
Imo tiima jooɗiiɓe e mayri na nga'i hono baɓɓatti.
Kanko weƴƴiti kammuuli hono wudere,
o feerti ɗi hono hukum faa o jooɗoo e majji.
23Wo kanko waɗata kaanankooɓe laatoo ɓolum,
kanko fiɗɗata sarotooɓe adunaaru faa lalla soy.
24Gilla ɓe tiiraaka,
illa ɓe aawaaka tafon,
gilla ɓe ngaɗay ɗaɗi ley leydi,
si Laamɗo wifii dow maɓɓe fu,
ɓe njooran korom,
henndu ruuynan ɓe hono nyaande.
25Ceniiɗo oon ƴami ɓe wi'i:
E moy ponndoton kam,
faa mi laatoo hono muuɗum?
26Ɓantee gite mon de ndaaron dow:
Moy tagi kujje ɗeen?
Wo kanko wurtinta koode kammuuli ley hoɗorde muɓɓen.
Imo noddira ngel hen fuu e innde muuɗum.
Saabe baawɗe makko e semmbe makko de fay gootel nyakaay.
Joomiraaɗo semmbinɗinan tampuɓe
27Yaakuuba, ko saabii de aɗa wi'a,
Israa'iila ko ɗume de aɗa wi'a:
Joomiraaɗo yi'ataa ko hewtotoo kam,
Laamɗo am jinngantaa kam.
28Yalla a anndaa naa?
Yalla a nanaay naa?
Joomiraaɗo woni Laamɗo duumiiɗo.
Kanko diidi keerol leydi.
O somataa, o tampataa.
Anndal makko walaa haddi.
29Kanko semmbinɗinta lokkaajo,
o ɓeydana tampuɗo semmbe.
30Hayotooɓe na coma, na tampa
fay jokolɓe semmbiɗinɓe na pergoo.
31Ammaa hooliiɓe Joomiraaɗo ɓeen kaa,
semmbe muɓɓen na heyɗita wakkati fuu.
Iɓe piira hono ciile cemmbiɗinɗe.
Iɓe ndogga de ɓe comataa.
Iɓe njaha de ɓe tampataa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022