Esaaya 25
25
Jimol yettoore Joomiraaɗo
1Yaa Joomiraaɗo, aan woni Laamɗo am.
Mi teddinte, mi yettan innde maaɗa,
sabo a waɗii kujje kayniiɗe,
a tabintinii ko wooɗi ko podinoɗaa gilla ko ɓooyi.
2A waɗii huɓeere laatake joorde kaaƴe,
galluure semmbinɗinaande du laatii winnde.
Galluuje yananɓe ngalaa katin, ɗe nyiɓtataake abada.
3Saabe ɗuum de lenyol cemmbiɗingol na teddine,
galluure yimɓe haaŋaaɓe na hule.
4Sabo aan laatanii talkaaɓe suuɗorde,
lokkaaɓe du reenorde wakkati tiiɗalla.
Aan woni tenndeere ɗo ɓe ɗuwotoo wakkati ƴoonde
e ɗoogi to ɓe corata wakkati naange haaɗi.
Sabo foofaango bonɓe na nanndi e kenkenam dow kokuwol,
5e naange dow kollangal.
Aɗa nyifira duko yananɓe hono no ruulde suddirta naange noon.
6Joomiraaɗo, Jom Kammu e Leydi waɗanan lenyi fuu weltaare dow waamnde ndee.
Ɓe nyaaman teewuuji ɓurɗi welde,
ɓe njara inaboojam mbelɗam.
Ɓe nyaaman ɓelle e mbusam
de ɓe kolƴitoo inaboojam ciiwaaɗam faa laaɓi.
7Dow waamnde ndeen,
o halkan lefol cuddunoongol yimɓe fuu ngool.
O sudditan wudere suddunoonde lenyi fuu ndeen.
8O halkan baawɗe maayde faa abada.
Laamɗo Joomiraaɗo mooytan gonɗi e geese yimɓe fuu.
O ittan semteende dow yimɓe makko ley duuniyaaru fuu.
Wo Joomiraaɗo wi'i noon.
9Nyannde ndeen, wi'ete:
Wo kanko woni Laamɗo amin.
Min koolake mo, kanko du o dannii min!
Wo Joomiraaɗo mo min koolinoo oon.
En ceyo, en mbelwelta saabe o hisinii en.
10Junngo Joomiraaɗo wonan dow waamnde ndee.
Ammaa o niisan Mo'abinkooɓe ley leydi muɓɓen faa ɗigga
hono no huɗo ɓoosirtee ley luggere faa laatoo binngal noon.
11Ɗoon Mo'abinkooɓe cannyata juuɗe hono wuulooɓe ley ndiyam,
noon Joomiraaɗo leeƴinirta mawnitaare maɓɓe ndeen
fay ko ɓe ndurwitotoo faa ɓe kisa ɗuum fuu.
12Joomiraaɗo liɓan kokuuji Mo'ab cemmbiɗinɗi deenirɗi ɗum ɗiin.
O waɗan ɗi caama e leydi de o fusa ɗi ley mbuɗlarga.
Currently Selected:
Esaaya 25: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
Esaaya 25
25
Jimol yettoore Joomiraaɗo
1Yaa Joomiraaɗo, aan woni Laamɗo am.
Mi teddinte, mi yettan innde maaɗa,
sabo a waɗii kujje kayniiɗe,
a tabintinii ko wooɗi ko podinoɗaa gilla ko ɓooyi.
2A waɗii huɓeere laatake joorde kaaƴe,
galluure semmbinɗinaande du laatii winnde.
Galluuje yananɓe ngalaa katin, ɗe nyiɓtataake abada.
3Saabe ɗuum de lenyol cemmbiɗingol na teddine,
galluure yimɓe haaŋaaɓe na hule.
4Sabo aan laatanii talkaaɓe suuɗorde,
lokkaaɓe du reenorde wakkati tiiɗalla.
Aan woni tenndeere ɗo ɓe ɗuwotoo wakkati ƴoonde
e ɗoogi to ɓe corata wakkati naange haaɗi.
Sabo foofaango bonɓe na nanndi e kenkenam dow kokuwol,
5e naange dow kollangal.
Aɗa nyifira duko yananɓe hono no ruulde suddirta naange noon.
6Joomiraaɗo, Jom Kammu e Leydi waɗanan lenyi fuu weltaare dow waamnde ndee.
Ɓe nyaaman teewuuji ɓurɗi welde,
ɓe njara inaboojam mbelɗam.
Ɓe nyaaman ɓelle e mbusam
de ɓe kolƴitoo inaboojam ciiwaaɗam faa laaɓi.
7Dow waamnde ndeen,
o halkan lefol cuddunoongol yimɓe fuu ngool.
O sudditan wudere suddunoonde lenyi fuu ndeen.
8O halkan baawɗe maayde faa abada.
Laamɗo Joomiraaɗo mooytan gonɗi e geese yimɓe fuu.
O ittan semteende dow yimɓe makko ley duuniyaaru fuu.
Wo Joomiraaɗo wi'i noon.
9Nyannde ndeen, wi'ete:
Wo kanko woni Laamɗo amin.
Min koolake mo, kanko du o dannii min!
Wo Joomiraaɗo mo min koolinoo oon.
En ceyo, en mbelwelta saabe o hisinii en.
10Junngo Joomiraaɗo wonan dow waamnde ndee.
Ammaa o niisan Mo'abinkooɓe ley leydi muɓɓen faa ɗigga
hono no huɗo ɓoosirtee ley luggere faa laatoo binngal noon.
11Ɗoon Mo'abinkooɓe cannyata juuɗe hono wuulooɓe ley ndiyam,
noon Joomiraaɗo leeƴinirta mawnitaare maɓɓe ndeen
fay ko ɓe ndurwitotoo faa ɓe kisa ɗuum fuu.
12Joomiraaɗo liɓan kokuuji Mo'ab cemmbiɗinɗi deenirɗi ɗum ɗiin.
O waɗan ɗi caama e leydi de o fusa ɗi ley mbuɗlarga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022