Esaaya 14
14
Laamɗo yurmoto Yaakuuba.
1Joomiraaɗo yurmoto Yaakuuba.
O suɓoto Israa'iila katin.
O joƴƴinan ɓe ley leydi maɓɓe.
Yananɓe ngaran kawrita e maɓɓe,
de ɓeen du laatoo yimɓe suudu Yaakuuba.
2Lenyi goɗɗi ngaran tewta Israa'iilankooɓe njaara ɗum'en leyɗe muɓɓen.
Ndeen suudu Israa'iila njeytan yananɓe ley leydi Joomiraaɗo
de ɓeen laatoo maccuɓe e horɓe muɓɓen.
Waɗunooɓe ɓe maccuɓe muɓɓen ɓeen laatoto maccuɓe maɓɓe.
Wooɗi du, ɓe ndawranan torrannooɓe ɓe ɓeen.
Haala timmoode kaananke Baabiila
3Nyannde Joomiraaɗo hokkowi ma powtiri caggal torra maaɗa e wemmbere nde ngonɗaa e muuɗum, e tiiɗalla golleeji maccungaaku ɗi ngollintenoɗaa, 4caggal ɗuum fuu, a ɓantan daande de njimanaa kaananke Baabiila mbi'aa:
Noy o sakitorii, kanko torrannooɗo yimɓe oon?
Noy semmbe makko oon timmiri?
5Joomiraaɗo helii baawɗe bonɓe.
O yaaɓii sawru torrannooɓe yimɓe.
6Sawru ndu o fiyirannoo yimɓe e tikkere wakkati fuu,
ndu o dawriranannoo lenyi,
imo torrira ɗum'en e rafi yurmeende nduun.
7Duuniyaaru fuu heɓii powtiri e jam joonin.
Yimɓe na pekkitoo jaleeɗe.
8Fay leɗɗe sipire na ceyoo saabe maaɗa.
Leɗɗe seddere Liban na mbi'a:
Gilla caamuɗaa, coppannooɗo min na liɓa oon waraay katin.
9Wonɓe laahara du na ceyoo saabe jaɓɓaade ma wakkati njottotoɗaa.
Saabe maaɗa de maayɓe pinndinaama,
laatinooɓe tedduɓe ley adunaaru ɓeen.
Laamɗo waɗan kaanankooɓe lenyi ummoo
dow jooɗorɗe laamu muɓɓen ndaroo saabe maaɗa.
10Ɓe fuu iɓe kaala iɓe mbi'e:
Inani ma aan du hannden a lokkaajo hono amin!
A laatake hono amin!
11Darja maaɗa oon e kolli munkaruuji maaɗa fuu njippake ley laahara.
A fukkoto dow daɗɗo gilƴi,
de mooƴu laatoo suddamaare maaɗa.
12Noy caamirɗaa gilla dow kammu,
aan ɓoddere jayngol, ɓii pooyngol fajiri!
Noy waɗi de paɗɗaɗaa e leydi?
Aan kalkannooɗo lenyi oon!
13Aɗa wi'annoo e ɓernde maaɗa:
Mi ƴeenyan dow kammuuli,
mi tigga jooɗorgal am laamu dow koode Laamɗo,
de mi jooɗoo dow waamnde kawrital allaaji faro to ɓuri woɗɗude e soɓɓirre.
14Mi ƴeenyan faa dow duule,
mi laatoo hono Laamɗo Toowɗo oon.
15Ammaa inan, a jippinaama ley laahara.
A yaaraama faa to ɓuri luggude ley saabeere.
16Yi'uɓe ma fuu na tike gite.
Ɓe ndaarete faa wooɗa de ɓe ƴamitoo:
Yalla wanaa gorko oo dimmbannoo leydi,
na liɓa laamuuji naa?
17Yalla wanaa kanko waɗunoo duuniyaaru laatii hono ladde yoornde,
imo halkannoo galluuje,
imo salonoo yoppude nanngaaɓe koota naa?
18Kaanankooɓe lenyi duuniyaaru fuu, hoore e hoore,
pukkodake e teddeengal muɓɓen ley laahara,
mono fuu e saabeere muuɗum.
19Ammaa aan kaa a faɗɗaama to woɗɗidi e saabeere maaɗa,
hono ficcere nyolnde,
hakkunde ɓalli bardaaɗi e kaafaaje,
jippiiɗi dow kaaƴe ley saabeere,
hono ɓanndu maayɗo yaaɓaandu.
20A hawtataa e maɓɓe ley saabeere
sabo a halkii leydi maaɗa,
a ittii yonkiiji yimɓe leydi maaɗa.
Innde lenyol bonngol ngool inndataake katin.
21Cegilanee ittugol yonkiiji ɓiɓɓe
saabe hakkeeji ɗi baabiraaɓe muɓɓen ngaɗi,
taa ɓe ummowoo de ɓe teeta leydi,
ɓe kebbinira duuniyaaru fuu e galluuje maɓɓe.
22Mi ummanto ɓe,
miin Joomiraaɗo Jom Kammu e Leydi.
Mi mooytan innde Baabiila e ko heddii e muuɗum fuu faa yeggitee.
Mi halkan ɓiɓɓe muuɗum e taaniraaɓe muuɗum fuu.
Miin Joomiraaɗo wi'i noon!
23Mi waɗan Baabiila laatoo feto to kuunyaaje ngonata.
Mi wuuwiran Baabiila e buurɗi buuwooji ɗum faa lalla.
Miin Joomiraaɗo wi'i noon!
No Laamɗo halkirta Asuura
24Joomiraaɗo Jom Kammu e Leydi hunake wi'i:
Ko mbi'umi mi waɗan ɗuum laatoto.
Ko anniyiimi waɗude ɗuum tabitan.
25Mi halkan Asuura ley leydi am.
Mi yaaɓan ɗum dow baamle am.
Mi dannan yimɓe am ɓe o torrannoo ɓeen.
Mi ittan ɓe e maccungaaku ngu o wattunoo ɓe nguun.
26Wo oon anniya adaa saabe duuniyaaru fuu.
Noon poortirmi junngo faa mi jukkoo lenyi adunaaru fuu.
27Si Joomiraaɗo Jom Kammu e Leydi anniyake waɗude goɗɗum,
moy waawi haɗude ɗum?
Si o foortii junngo makko,
moy waawi o nyobba ngo?
Ko Laamɗo waɗata Filistiyankooɓe
28Ley hitaande maayde kaananke Akas, inan annabaaku garɗo e Esaaya:
29Onon Filistiyankooɓe, taa ceyee
saabe sawru ndu piiretenoɗon nduun helaama,
sabo e ɗaɗol mboddi wurtoto foosikere,
e foosikere ndeen du wurtoto ngoola piiroowa ɓurnga bonde.
30Ndeen ɓurɓe lokkiɗinde keɓan durduɗe,
talkaaɓe njooɗoto e jam.
Ammaa onon kaa mi waɗan rafo wara ɗaɗol mooɗon,
ko heddii e mooɗon fuu warete.
31Aan dammbugal, wullu!
Aan galluure, fiyu nyonaango,
Onon Filistiyankooɓe, ndiwnee kulol!
Sabo cuurki ƴuurii soɓɓirre,
de konunke fay gooto njeyaa dillude hakkunde waaldeere muuɗum.
32Ɗume ɓe njaabotoo nelaaɓe leydi ndiin?
Sikke walaa, wo Joomiraaɗo joƴƴini Siyona!
Lokkaaɓe hakkunde yimɓe makko ɓeen du keɓan suuɗorde.
Currently Selected:
Esaaya 14: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
Esaaya 14
14
Laamɗo yurmoto Yaakuuba.
1Joomiraaɗo yurmoto Yaakuuba.
O suɓoto Israa'iila katin.
O joƴƴinan ɓe ley leydi maɓɓe.
Yananɓe ngaran kawrita e maɓɓe,
de ɓeen du laatoo yimɓe suudu Yaakuuba.
2Lenyi goɗɗi ngaran tewta Israa'iilankooɓe njaara ɗum'en leyɗe muɓɓen.
Ndeen suudu Israa'iila njeytan yananɓe ley leydi Joomiraaɗo
de ɓeen laatoo maccuɓe e horɓe muɓɓen.
Waɗunooɓe ɓe maccuɓe muɓɓen ɓeen laatoto maccuɓe maɓɓe.
Wooɗi du, ɓe ndawranan torrannooɓe ɓe ɓeen.
Haala timmoode kaananke Baabiila
3Nyannde Joomiraaɗo hokkowi ma powtiri caggal torra maaɗa e wemmbere nde ngonɗaa e muuɗum, e tiiɗalla golleeji maccungaaku ɗi ngollintenoɗaa, 4caggal ɗuum fuu, a ɓantan daande de njimanaa kaananke Baabiila mbi'aa:
Noy o sakitorii, kanko torrannooɗo yimɓe oon?
Noy semmbe makko oon timmiri?
5Joomiraaɗo helii baawɗe bonɓe.
O yaaɓii sawru torrannooɓe yimɓe.
6Sawru ndu o fiyirannoo yimɓe e tikkere wakkati fuu,
ndu o dawriranannoo lenyi,
imo torrira ɗum'en e rafi yurmeende nduun.
7Duuniyaaru fuu heɓii powtiri e jam joonin.
Yimɓe na pekkitoo jaleeɗe.
8Fay leɗɗe sipire na ceyoo saabe maaɗa.
Leɗɗe seddere Liban na mbi'a:
Gilla caamuɗaa, coppannooɗo min na liɓa oon waraay katin.
9Wonɓe laahara du na ceyoo saabe jaɓɓaade ma wakkati njottotoɗaa.
Saabe maaɗa de maayɓe pinndinaama,
laatinooɓe tedduɓe ley adunaaru ɓeen.
Laamɗo waɗan kaanankooɓe lenyi ummoo
dow jooɗorɗe laamu muɓɓen ndaroo saabe maaɗa.
10Ɓe fuu iɓe kaala iɓe mbi'e:
Inani ma aan du hannden a lokkaajo hono amin!
A laatake hono amin!
11Darja maaɗa oon e kolli munkaruuji maaɗa fuu njippake ley laahara.
A fukkoto dow daɗɗo gilƴi,
de mooƴu laatoo suddamaare maaɗa.
12Noy caamirɗaa gilla dow kammu,
aan ɓoddere jayngol, ɓii pooyngol fajiri!
Noy waɗi de paɗɗaɗaa e leydi?
Aan kalkannooɗo lenyi oon!
13Aɗa wi'annoo e ɓernde maaɗa:
Mi ƴeenyan dow kammuuli,
mi tigga jooɗorgal am laamu dow koode Laamɗo,
de mi jooɗoo dow waamnde kawrital allaaji faro to ɓuri woɗɗude e soɓɓirre.
14Mi ƴeenyan faa dow duule,
mi laatoo hono Laamɗo Toowɗo oon.
15Ammaa inan, a jippinaama ley laahara.
A yaaraama faa to ɓuri luggude ley saabeere.
16Yi'uɓe ma fuu na tike gite.
Ɓe ndaarete faa wooɗa de ɓe ƴamitoo:
Yalla wanaa gorko oo dimmbannoo leydi,
na liɓa laamuuji naa?
17Yalla wanaa kanko waɗunoo duuniyaaru laatii hono ladde yoornde,
imo halkannoo galluuje,
imo salonoo yoppude nanngaaɓe koota naa?
18Kaanankooɓe lenyi duuniyaaru fuu, hoore e hoore,
pukkodake e teddeengal muɓɓen ley laahara,
mono fuu e saabeere muuɗum.
19Ammaa aan kaa a faɗɗaama to woɗɗidi e saabeere maaɗa,
hono ficcere nyolnde,
hakkunde ɓalli bardaaɗi e kaafaaje,
jippiiɗi dow kaaƴe ley saabeere,
hono ɓanndu maayɗo yaaɓaandu.
20A hawtataa e maɓɓe ley saabeere
sabo a halkii leydi maaɗa,
a ittii yonkiiji yimɓe leydi maaɗa.
Innde lenyol bonngol ngool inndataake katin.
21Cegilanee ittugol yonkiiji ɓiɓɓe
saabe hakkeeji ɗi baabiraaɓe muɓɓen ngaɗi,
taa ɓe ummowoo de ɓe teeta leydi,
ɓe kebbinira duuniyaaru fuu e galluuje maɓɓe.
22Mi ummanto ɓe,
miin Joomiraaɗo Jom Kammu e Leydi.
Mi mooytan innde Baabiila e ko heddii e muuɗum fuu faa yeggitee.
Mi halkan ɓiɓɓe muuɗum e taaniraaɓe muuɗum fuu.
Miin Joomiraaɗo wi'i noon!
23Mi waɗan Baabiila laatoo feto to kuunyaaje ngonata.
Mi wuuwiran Baabiila e buurɗi buuwooji ɗum faa lalla.
Miin Joomiraaɗo wi'i noon!
No Laamɗo halkirta Asuura
24Joomiraaɗo Jom Kammu e Leydi hunake wi'i:
Ko mbi'umi mi waɗan ɗuum laatoto.
Ko anniyiimi waɗude ɗuum tabitan.
25Mi halkan Asuura ley leydi am.
Mi yaaɓan ɗum dow baamle am.
Mi dannan yimɓe am ɓe o torrannoo ɓeen.
Mi ittan ɓe e maccungaaku ngu o wattunoo ɓe nguun.
26Wo oon anniya adaa saabe duuniyaaru fuu.
Noon poortirmi junngo faa mi jukkoo lenyi adunaaru fuu.
27Si Joomiraaɗo Jom Kammu e Leydi anniyake waɗude goɗɗum,
moy waawi haɗude ɗum?
Si o foortii junngo makko,
moy waawi o nyobba ngo?
Ko Laamɗo waɗata Filistiyankooɓe
28Ley hitaande maayde kaananke Akas, inan annabaaku garɗo e Esaaya:
29Onon Filistiyankooɓe, taa ceyee
saabe sawru ndu piiretenoɗon nduun helaama,
sabo e ɗaɗol mboddi wurtoto foosikere,
e foosikere ndeen du wurtoto ngoola piiroowa ɓurnga bonde.
30Ndeen ɓurɓe lokkiɗinde keɓan durduɗe,
talkaaɓe njooɗoto e jam.
Ammaa onon kaa mi waɗan rafo wara ɗaɗol mooɗon,
ko heddii e mooɗon fuu warete.
31Aan dammbugal, wullu!
Aan galluure, fiyu nyonaango,
Onon Filistiyankooɓe, ndiwnee kulol!
Sabo cuurki ƴuurii soɓɓirre,
de konunke fay gooto njeyaa dillude hakkunde waaldeere muuɗum.
32Ɗume ɓe njaabotoo nelaaɓe leydi ndiin?
Sikke walaa, wo Joomiraaɗo joƴƴini Siyona!
Lokkaaɓe hakkunde yimɓe makko ɓeen du keɓan suuɗorde.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022