Esaaya 10
10
1Bone woodanii winndooɓe sariyaaji bonɗi.
On mbonii onon winndooɓe ko torrata yimɓe.
2Iɓe calanoo lokkaaɓe sariya goonga.
Iɓe ɗala talkaaɓe am gosu ponnditiiɗo.
Iɓe nyaama jawdi rewɓe maayraaɓe goriraaɓe muɓɓen.
Iɓe teeta ndi atiime'en du.
3Noy ngaɗoton nyannde jaango,
wakkati jukkungo ƴuuri to woɗɗi de hewtii on?
To moy ndoggirton faa keɓon hisineede?
Toy njoppoton jawdi mooɗon ndiin?
4Ko heddanii on woni turodaade e kasunkooɓe
e saamidinde e waraaɓe.
Ammaa e noon fuu, tikkere Joomiraaɗo feeway,
junngo makko du na heddii dow maɓɓe.
Haala bone keɗiiɗo Asuura e kaananke muuɗum
5Bone woodanii Asuura, leydi laatiindi sawru tikkere am.
Ɓooldeeru wonndu e junngo muuɗum nduun wo mone am.
6Miɗo nela ɓe, ɓe kaɓdowa e lenyol keeferol.
Mi yamirii ɓe, ɓe njaha haɓdoyde lenyol umminoowol tikkere am ngool,
faa ɓe njana ngol de ɓe njeyta ko ngol woodi fuu.
Ɓe njaaɓa ngol hono no loope njaaɓirtee e laawol noon.
7Ammaa wanaa noon Asuura sarortoo,
wanaa noon woni miilo makko.
Sabo halkere tan woni e miilo makko
faa o mooyta lenyi ɗuuɗɗi.
8Sabo o wi'ii:
Yalla ardiiɓe konunkooɓe meeɗen wanaa kaanankooɓe naa?
9No ngaɗunoɗen Kalno noon,
yalla wanaa noon pay ngaɗuɗen Karkemis du naa?
Hamat du hono Arpad,
Samariya du hono Damas naa?
10Saabe junngo am saamii dow laamuuji ɗowtantooɗi allaaji,
ɗi tooruuji muɓɓen ɓurnoo gonɗi ley Urusaliima e Samariya.
11Yalla mi waɗataa Urusaliima e allaaji muuɗum fuu
hono ko ngaɗumi Samariya e tooruuji muuɗum ɗuum naa?
12Ammaa wakkati miin Joomiraaɗo timminoymi golle am dow waamnde Siyona e ley Urusaliima ndeen, mi yoɓtoto kaananke Asuura ɓettaare muuɗum e mawnitaare muuɗum ndeen fuu. 13Sabo o wi'ii:
Wo e semmbe am e hakkillo am ngollirmi ɗum.
Sabo miin wo mi jom anndal.
Mi mooytii keeri leyɗe lenyi.
Mi teetii jawdi muɓɓen.
Mi jippinii jooɗinooɓe dow jooɗorɗe laamuuji leyɗe ɗeen
hono no ngaari kalahaldi ɓurndi semmbe jaalortoo noon.
14Mi ɓoɓtii jawdi muɓɓen hono no neɗɗo dettirta suudu foondu noon.
Hono no neɗɗo ɓoɓtirta ɓoccooɗe joppaaɗe noon,
wo noon ɓoɓtirmi adunaaru fuu.
Fay gootum dimmbay wippeengo, omtay hunnduko, siiɓay.
15Yalla jammbere na waawi toownude hoorem nder junngo gollitortooɗo ɗum naa?
Ceelirki leɗɗe lee, na waawi mawnitaade nder junngo jilinɗo ɗum naa?
Na nanndi e sawru enndi dimmbude junngo tiigiiɗo ɗum.
Na wa'i hono loocol muuyi ɓantude ko wanaa leggal.
16Saabe ɗuum de Joomiraaɗo, Laamɗo Jom Kammu e Leydi oon
neldan yimɓe kaananke Asuura tekkuɓe ɓeen nyawu pooƴinoowu
de yiite jayngol darja muuɗum laatoo duɗal nyaamoowal tedduɓe ley laamu makko fuu.
17Joomiraaɗo, annoora Israa'iila oon laatoto yiite,
de Ceniiɗo muuɗum oon laatoo lewngol
kuɓɓoowol de nyaama tuppe e gi'e fuu ley nyalooma gooto.
18Nge halkan teddeengal cukkuri ladde makko e gese leɗɗe makko dimooje fuu.
Nge nyaaman ko woodi yonki fuu.
Leydi ndiin laatoto hono neɗɗo mo nyawu fooƴini.
19Leɗɗe ladde maɓɓe keddoto seeɗa.
Suka pamaro winndan limoore majje.
Ko heddii e Israa'iila
20Nyannde ndeen, heddiiɓe e Israa'iila e hedditiiɓe hakkunde yimɓe Yaakuuba accitan yowude jikke muɓɓen dow tappunooɗo ɗum'en oon. Ammaa ɓe njowan jikke maɓɓe fuu e Joomiraaɗo, Ceniiɗo mo Israa'iila oon. 21Sikke walaa, yimɓe Yaakuuba hedditiiɓe ngartan to Laamɗo Jom Semmbe oon. 22Fay si yimɓe maaɗa, yaa Israa'iila, na ɗuuɗirnoo hono njaareendi daande maayo, wo seeɗa tan njeccotoo to Joomiraaɗo. Sabo Laamɗo anniyake neldude halkere dow maɓɓe. Kiite makko kiɓɓan faa rufa. 23Anniya fiɗɗeede maɓɓe taƴaama. Ndelle Joomiraaɗo, Laamɗo Jom Kammu e Leydi hiɓɓinan ɗum ley leydi ndiin fuu.
No Joomiraaɗo fiyirata Asuura
24Saabe ɗuum de inan ko Joomiraaɗo, Laamɗo Jom Kammu e Leydi wi'i: Onon yimɓe am jooɗiiɓe Siyona, taa kulee yimɓe Asuura fiyirooɓe on cabbi, ɓantooɓe looci muɓɓen dow mooɗon hono no Misirankooɓe ngaɗannoo noon. 25Sabo ɗoo e wadde seeɗa, ayyo wakkati seeɗa tan, mi tottintinan on e tikkere am ammaa mone am laatanto ɓe halkere. 26Joomiraaɗo Jom Kammu e Leydi ɓantanan Asuura sawru hono no fiyirunoo Madiyan to hayre Oreb. Wooɗi du o ɓantan sawru makko dow maayo hono no o waɗirnoo ley leydi Misira noon. 27Nyannde ndeen,
donngal mooɗon ngaal dettoto dow balaaje mooɗon.
Mi jippinan donngal dekaangal dow daaɗe mooɗon ngaal.
Donngal ngaal halkete de loomtiniree e barke mawɗo.
Haala konu har-haro ley piilol Urusaliima
28Konunkooɓe Asuura njottii Ayiyat, ɓe peƴƴi Migoron,
ɓe ndesowi kaɓitirɗe maɓɓe ley Mikmaas,
29ɓe peƴƴi laawol ɓilliingol iɓe mbi'a:
En koɗowan Geba!
Galluure Rama na ndiwna.
Geba, galluure Sawulu doggii.
30Kuuɓee, onon yimɓe Bat-Gallim!
Aan Laysa, hettina!
Bone woodanii ma, aan Anatot!
31Madamena daɗowii!
Jooɗiiɓe Gewim cuuɗowake!
32Nyannde ndeen ɓe ndarii dow nokkuure wi'eteende Nob,
ɓe cappirani waamnde Siyona e juuɗe maɓɓe,
ɓe pelɓi tilde Urusaliima ndeen.
33Inan Joomiraaɗo, Laamɗo Jom Kammu e Leydi,
saltorake licce e semmbe,
ɓurɗe fuu toowude ɗeen liɓaama,
seɓtoondu majje saami e leydi.
34E njamndi o soppiri guumooje gi'e
de lekki Liban mawki kiin saami.
Currently Selected:
Esaaya 10: FBF
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022
Esaaya 10
10
1Bone woodanii winndooɓe sariyaaji bonɗi.
On mbonii onon winndooɓe ko torrata yimɓe.
2Iɓe calanoo lokkaaɓe sariya goonga.
Iɓe ɗala talkaaɓe am gosu ponnditiiɗo.
Iɓe nyaama jawdi rewɓe maayraaɓe goriraaɓe muɓɓen.
Iɓe teeta ndi atiime'en du.
3Noy ngaɗoton nyannde jaango,
wakkati jukkungo ƴuuri to woɗɗi de hewtii on?
To moy ndoggirton faa keɓon hisineede?
Toy njoppoton jawdi mooɗon ndiin?
4Ko heddanii on woni turodaade e kasunkooɓe
e saamidinde e waraaɓe.
Ammaa e noon fuu, tikkere Joomiraaɗo feeway,
junngo makko du na heddii dow maɓɓe.
Haala bone keɗiiɗo Asuura e kaananke muuɗum
5Bone woodanii Asuura, leydi laatiindi sawru tikkere am.
Ɓooldeeru wonndu e junngo muuɗum nduun wo mone am.
6Miɗo nela ɓe, ɓe kaɓdowa e lenyol keeferol.
Mi yamirii ɓe, ɓe njaha haɓdoyde lenyol umminoowol tikkere am ngool,
faa ɓe njana ngol de ɓe njeyta ko ngol woodi fuu.
Ɓe njaaɓa ngol hono no loope njaaɓirtee e laawol noon.
7Ammaa wanaa noon Asuura sarortoo,
wanaa noon woni miilo makko.
Sabo halkere tan woni e miilo makko
faa o mooyta lenyi ɗuuɗɗi.
8Sabo o wi'ii:
Yalla ardiiɓe konunkooɓe meeɗen wanaa kaanankooɓe naa?
9No ngaɗunoɗen Kalno noon,
yalla wanaa noon pay ngaɗuɗen Karkemis du naa?
Hamat du hono Arpad,
Samariya du hono Damas naa?
10Saabe junngo am saamii dow laamuuji ɗowtantooɗi allaaji,
ɗi tooruuji muɓɓen ɓurnoo gonɗi ley Urusaliima e Samariya.
11Yalla mi waɗataa Urusaliima e allaaji muuɗum fuu
hono ko ngaɗumi Samariya e tooruuji muuɗum ɗuum naa?
12Ammaa wakkati miin Joomiraaɗo timminoymi golle am dow waamnde Siyona e ley Urusaliima ndeen, mi yoɓtoto kaananke Asuura ɓettaare muuɗum e mawnitaare muuɗum ndeen fuu. 13Sabo o wi'ii:
Wo e semmbe am e hakkillo am ngollirmi ɗum.
Sabo miin wo mi jom anndal.
Mi mooytii keeri leyɗe lenyi.
Mi teetii jawdi muɓɓen.
Mi jippinii jooɗinooɓe dow jooɗorɗe laamuuji leyɗe ɗeen
hono no ngaari kalahaldi ɓurndi semmbe jaalortoo noon.
14Mi ɓoɓtii jawdi muɓɓen hono no neɗɗo dettirta suudu foondu noon.
Hono no neɗɗo ɓoɓtirta ɓoccooɗe joppaaɗe noon,
wo noon ɓoɓtirmi adunaaru fuu.
Fay gootum dimmbay wippeengo, omtay hunnduko, siiɓay.
15Yalla jammbere na waawi toownude hoorem nder junngo gollitortooɗo ɗum naa?
Ceelirki leɗɗe lee, na waawi mawnitaade nder junngo jilinɗo ɗum naa?
Na nanndi e sawru enndi dimmbude junngo tiigiiɗo ɗum.
Na wa'i hono loocol muuyi ɓantude ko wanaa leggal.
16Saabe ɗuum de Joomiraaɗo, Laamɗo Jom Kammu e Leydi oon
neldan yimɓe kaananke Asuura tekkuɓe ɓeen nyawu pooƴinoowu
de yiite jayngol darja muuɗum laatoo duɗal nyaamoowal tedduɓe ley laamu makko fuu.
17Joomiraaɗo, annoora Israa'iila oon laatoto yiite,
de Ceniiɗo muuɗum oon laatoo lewngol
kuɓɓoowol de nyaama tuppe e gi'e fuu ley nyalooma gooto.
18Nge halkan teddeengal cukkuri ladde makko e gese leɗɗe makko dimooje fuu.
Nge nyaaman ko woodi yonki fuu.
Leydi ndiin laatoto hono neɗɗo mo nyawu fooƴini.
19Leɗɗe ladde maɓɓe keddoto seeɗa.
Suka pamaro winndan limoore majje.
Ko heddii e Israa'iila
20Nyannde ndeen, heddiiɓe e Israa'iila e hedditiiɓe hakkunde yimɓe Yaakuuba accitan yowude jikke muɓɓen dow tappunooɗo ɗum'en oon. Ammaa ɓe njowan jikke maɓɓe fuu e Joomiraaɗo, Ceniiɗo mo Israa'iila oon. 21Sikke walaa, yimɓe Yaakuuba hedditiiɓe ngartan to Laamɗo Jom Semmbe oon. 22Fay si yimɓe maaɗa, yaa Israa'iila, na ɗuuɗirnoo hono njaareendi daande maayo, wo seeɗa tan njeccotoo to Joomiraaɗo. Sabo Laamɗo anniyake neldude halkere dow maɓɓe. Kiite makko kiɓɓan faa rufa. 23Anniya fiɗɗeede maɓɓe taƴaama. Ndelle Joomiraaɗo, Laamɗo Jom Kammu e Leydi hiɓɓinan ɗum ley leydi ndiin fuu.
No Joomiraaɗo fiyirata Asuura
24Saabe ɗuum de inan ko Joomiraaɗo, Laamɗo Jom Kammu e Leydi wi'i: Onon yimɓe am jooɗiiɓe Siyona, taa kulee yimɓe Asuura fiyirooɓe on cabbi, ɓantooɓe looci muɓɓen dow mooɗon hono no Misirankooɓe ngaɗannoo noon. 25Sabo ɗoo e wadde seeɗa, ayyo wakkati seeɗa tan, mi tottintinan on e tikkere am ammaa mone am laatanto ɓe halkere. 26Joomiraaɗo Jom Kammu e Leydi ɓantanan Asuura sawru hono no fiyirunoo Madiyan to hayre Oreb. Wooɗi du o ɓantan sawru makko dow maayo hono no o waɗirnoo ley leydi Misira noon. 27Nyannde ndeen,
donngal mooɗon ngaal dettoto dow balaaje mooɗon.
Mi jippinan donngal dekaangal dow daaɗe mooɗon ngaal.
Donngal ngaal halkete de loomtiniree e barke mawɗo.
Haala konu har-haro ley piilol Urusaliima
28Konunkooɓe Asuura njottii Ayiyat, ɓe peƴƴi Migoron,
ɓe ndesowi kaɓitirɗe maɓɓe ley Mikmaas,
29ɓe peƴƴi laawol ɓilliingol iɓe mbi'a:
En koɗowan Geba!
Galluure Rama na ndiwna.
Geba, galluure Sawulu doggii.
30Kuuɓee, onon yimɓe Bat-Gallim!
Aan Laysa, hettina!
Bone woodanii ma, aan Anatot!
31Madamena daɗowii!
Jooɗiiɓe Gewim cuuɗowake!
32Nyannde ndeen ɓe ndarii dow nokkuure wi'eteende Nob,
ɓe cappirani waamnde Siyona e juuɗe maɓɓe,
ɓe pelɓi tilde Urusaliima ndeen.
33Inan Joomiraaɗo, Laamɗo Jom Kammu e Leydi,
saltorake licce e semmbe,
ɓurɗe fuu toowude ɗeen liɓaama,
seɓtoondu majje saami e leydi.
34E njamndi o soppiri guumooje gi'e
de lekki Liban mawki kiin saami.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SIM International 2012, 2022