Nupu Roma Nuarin-tas alupas 2.
Nuarin-tas alupas 2.
1VA nitai ineigki et ehka vai euc intasvaig, ak natimi ira ra asega, na ated intak atimi aiek: na wit ated intak atimi aiek va nedo o un, na ated euc aiek; na ated intak atimi aiek, jam idim ago nedo o un.
2Ja inta ato akaija, nikavaig, et atoh neruvaig o Atua imi ra sji eigki era ago nitai iji eigki ara.
3Ak natimi ated ra sji eigki era ago nitai iji eigki ara, jam lep ago nitai iji eigki, na aktaktai aiek mika, napu aha va neruvaig o Atua, ka oʼo?
4Ka na esjum aiek va nedo aiheuc alupas o un, im nedo erop o un, im nedo eti auatiemda o un, um eti ato, nikavaig, et ahugni euc nedo aiheuc o Atua, mika an adumoij aiek anliinmopom?
5Ja nai ikni intavaitap vai euc aiek vai inliinmopom ipjin im inliinmopom uucai, an nadiat u intavaitap, uhu wit ehvaig neruvaig atoh o Atua;
6etpu idim aru aien ira atimi asega inyi idivaig auritai ura:
7um alupai ra sji eigki nitai umoh iran ineig inyi ti lep ti, era amen aktit ara an nedo upene, um ahilek nimyiahpas, im nitai upene, im neti mas ura:
8ja uhpu ati imi ra sji eigki, era imyiisjis itai ara, um imyipalea intas inivaijec, jam imyiaiji nedo has, intavaitap, im nedemda,
9im nohocred, im nerekinman ira ra, ira atimi asega era ago nedo has ara, muhup urai nupu Jutaia, um yetpan irai nupu Crisi:
10jam nimyiahpas, im nitai upene, im neigpa, ira atimi asega era ago nedo upene ara, muhup urai nupu Jutaia, um yetpan irai nupu Crisi:
11et idim eti asjaaicnaig ira atimi a Atua.
12¶ Ara asega eris eti leh intas alep o Atua ara, jam ago nedo has, uhpu auahas ra, ja eti an tas alep: ja ara asega eris leh intas alep ara, jam ago nedo has, uhpu asuptecnaig nimtan imi ra an tas alep;
13an nadiat iyehki etpu ahilek niji itai adenaig o atimi a Atua irai Iesu Kristo, et idivaig intas-upene ineig ek asuptecnaig ainyak:
14(et eti atoh nedo o ilpu atimi atahaijeg intas alep an nuhup o Atua, ja er ika et atoh nedo o ilpu atimi imyiaiji intas alep.
15Et eti amen intas alep ehele nup urai iji taka pece, ja eru wit ispara ago nedo an tas alep ara, era tas alep imi ra ara, ja et eti amen ehele ra intas alep:
16er ehvaig nauritai an tas alep eris aged anliinmopura ara, et asuptecnaig vai ra naktaktai ura, et lep ated jipe ra inliinmopura um imyiahras jipe ra.)
17Im lep ineig, er anvi nidam par ika nupu Jutaia, na lep asgeig an tas alep aiek, um tas emda vai Atua,
18um ato intas o un, um almaijidjid niji itai acheiachei, eris esege imi euc an tas alep;
19na aktaktai aiek mika na atimi atau irai ilpu atimi aupat nesganimtara, um lep itai lah imi ra sji eigki era amen an naupat ara,
20im natimi ated ilpu atimi ahnag, im natimi esege imi ilpu halav; et amen ehelum nohuun asjaaicnaig an narapakau, im ninivaijec an tas alep.
21Im lep ineig, ak natimi esege imi tak atimi, na idim eti esege imi euc aiek; ak natimi asuptecnaig, um ika, jim ehneg itai, na idim ehneg itai aiek;
22aiek na ika aiek, jim ago ingaijid, na idim ago ingaijid aiek; aiek na amcel vai ilpu atmas aiek, na idim ahneg nitai iji eigki aiek et itaup;
23aiek na tas emda aiek vai intas alep, na idim auahas intas alep aiek, um auoh ehcamai vai Atua vaig.
24“Era idim tas has va nidai Atua a nup urai iji pece vai caua,” et idivaig eris aged.
25¶ Et upene naperitome, el et imyiaiji intas alep aiek; ja el et auahas intas alep aiek, et eti aperitome naperitome iram.
26Va nitai ineigki el era apos niji edo an tas alep a ilpu atimi eti aperitome, uhpu idim asaig mika et aperitome neti aperitome ira ra;
27el era imyiaiji intas alep a ilpu atimi iji eig era eti aperitome ira ra an tup nedo ura, erupu idim ated euc ara, na auahas intas alep aiek, an namen u intas itaup ehelum im naperitome.
28Et eti upu Jutaia natimi ineig et upu Jutaia an nohun ache; et lep eti aperitome nitai ineig eh leh an nohun er almoi:
29ja et upu Jutaia natimi ineig et upu Jutaia anliinmopon aien; et lep aperitome nitai ineig eh leh anliinmopon va nesgan, jam eti va nohun ache; et eti ahes nimyiahpas vaig ehele atimi, ja et ahes ehele Atua.
Currently Selected:
Nupu Roma Nuarin-tas alupas 2.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)