Numera Nuarin-tas alupas 35.
Nuarin-tas alupas 35.
1 Er ikni inmaliyum, et forte eet vai ilpu mapoi Livai im lep niji uari obohtan marehed mihtag, im nasjaaicnaig iran. 6 Er ikni inmaliyum et siks irai ra sji ehki par ahapan iran. 9 Intas alep va natgei atmas. 31 Eri jim leh tah nimtan va natgei atmas.
1IS tas a Ihova ehele Moses irai uari marara Moab u nofowai Jortan ubutpotet pan Jeriko, um ika,
2Asaig ehele nup Isreel, mika eri atcijaig imi ilpu mapoi Livai niji maliyum par amen iran an pece era ohuun ara; akumu lep atcijaig imi ilpu mapoi Livai aijaua niji uari obohtan et arehed irai iji maliyum ura.
3Inyi eteuc ira ra niji maliyum mika eri amen iran ara; ja inyi uarin amen u kurimatau ura, im niji itai eklim edo irai pece asega ura, im hal itai ura, nuari obohtan iji ehki et arehed.
4Akumu atcijaig imi ilpu mapoi Livai niji uari obohtan aijaua irai iji maliyum, um ahes an nathatahau an maliyum um yetpan itac kubit inyi wun dausant um arehed mihtag.
5Akumu asjaaicnaig irai kubit et tu dausant aijaua an nahaijin maliyum an ridjai o un aijaua, im lep kubit et tu dausant an nahaijin maliyum an nuarin inig et ahes nuritoga iran, im lep kubit et tu dausant an nahaijin maliyum an nete o un, um lep kubit et tu dausant an nahaijin maliyum an nuarin inig et ahes narutu iran; ja etmu uarin amen u atimi juju: niji uari obohtan imi ra nigki irai iji maliyum.
6Akumu lep anvai inmaliyum atpuh iran inyi siks aijaua irai maliyum iji ig, akumu atcijaig imi ilpu mapoi Livai aijaua, va natimi atgei atmas, mika yi ahapan eahki aien: akumu lep atcijaig imi ra aijaua niji maliyum inyi forte tu.
7Akumu atcijaig imi ilpu mapoi Livai inmaliyum inyi forte eet aijaua: im lep niji uari obohtan et arehed iran.
8Akumu atcijaig imi ra inmaliyum iji igki aijaua an pece u nup Isreel: erumu atcijaig inyi ahinag ara et ahinag ura; erumu lep atcijaig inyi eti elpat ara et eti elpat ura: erumu atcijaig imi ilpu mapoi Livai niji maliyum imi ra natimi asega et idivaig et tau ira ra.
9Is tas a Ihova ehele Moses, um ika,
10Namu tas aiek ehele nup Isreel, um ika ehele ra, Aku wit algauwaig nofowai Jortan aijaua, um apan an pece Kenan;
11akumu anvai niji maliyum imi caua aijaua par atpuh iran; va etpu ahapan eahki natimi atgei atmas et auahas tah aien, jam eti ethetiknaig.
12Inyi maliyum atpuh iran imi caua va natimi eijejei atmas; vai yi jim mas a natimi atgei atmas um imihum pan an nopan iyehki uhpu tas alep vai yin an nuhup u atimi.
13Inyi maliyum atpuh iran inmaliyum inyi siks, irai maliyum iji igki akumu atcijaig imi ra aijaua.
14Akumu atcijaig inmaliyum inyi dri an nahaijin nofowai Jortan igcapam, um lep atcijaig inmaliyum inyi dri an pece Kenan, inyi maliyum atpuh iran ji igki.
15Inyi maliyum atpuh iran inmaliyum et siks iji igki imi nup Isreel, im nup urai taka pece, im ilpu alaig unyimia: vai erupu ahapan eahki a ilpu atimi atgei atmas jam eti ethetiknaig.
16El et atcei tah aien an tah nitai aiurn el et mas aien, et atimi atgei atmas aien: uhmu idim atgei natimi atgei atmas.
17El et lep asji tah aien an hat mika yi mas aien, el et mas aien, et atimi atgei atmas aien: uhmu idim atgei natimi atgei atmas.
18El et lep auud yin aien an tah nauincai an nikman, mika yi mas aien, el et mas aien, et atimi atgei atmas aien: uhmu idim atgei natimi atgei atmas.
19Etmu atgei natimi atgei atmas a natimi eijejei atmas: etu wit ecet yin aien, etmu atgei yin aien.
20Ja el et ahcai yin aien va nedemda o un, ka atpaijinaig yin, um asji yin, va etpu mas aien;
21ka atcei yin an nikman va namcel vai yin, va etpu mas aien: uhmu idim atgei yin is atgei atmas aien: et atimi atgei atmas aien: etmu atgei natimi atgei atmas a natimi eijejei atmas, etu wit ecet yin aien.
22Ja el et auroauro aien um ahcai yin jam eti amcel vai yin, ka asji yin an tah nitai, jam eti atpaijinai yin,
23ka an tah inhat, et mas vaig aien, ka asji yin an tah nitai va etpu mas aien, jam eti ecet yin, um eti edemda vai yin, um eti merit, nauahas yin vaig:
24erumu tas alep a ilpu atimi asjapicnaig va natimi atgei atmas im natimi eijejei atmas, et idivaig intas alep iji igki:
25erumu lep imialep natimi atgei atmas a ilpu atimi asjapicnaig va natimi eijejei atmas, erumu lep imiapan yin a ilpu natimi asjapicnaig an maliyum atpuh iran o un, is ahapan eahki aien: etmu amen eahki aien um imihum pan an nopan iyehki, etpu mas a natimi esjilid an nahlap eris aspi yin an narakei itap.
26Ja el et lep apan itac an maliyum iyehki is ahapan iran a natimi atgei atmas;
27el et ecet yin itac a natimi eijejei atmas an maliyum atpuh iran, el et atgei yin a natimi eijejei atmas; eri jim aru iran vai inmas o un:
28vaig inig nikavaig, eris idim ika yi amen aien an maliyum atpuh iran, um imihum pan an nopan iyehki etpu mas a natimi esjilid an nahlap: ja etu wit mas a natimi esjilid an nahlap, etmu adumoij pan an maliyum o un a natimi atgei atmas.
29Intas alep imi caua ji igki im ilpu mapomia irai iji uarin amen unyimia.
30El et atgei atmas tah, uhmu lep atgei yin vai intas u ilpu atimi asuptecnaig: ja inyi eti mas tah vai intas asuptecnaig u natimi yi ethi ache.
31Akumu jim lucsei nimtan aijaua mika yi umoh a natimi atgei atmas, et upene mika yi mas aien: uhmu idim atgei yin.
32Um jim lucsei nimtan va natimi inig et ahapan aien an maliyum atpuh iran, mika yi lep apan aien um amen an pece, um imihum pan an nopan iyehki etpu mas a natimi esjilid an nahlap.
33Va aki jim auahas inpece aijaua eka amen iran aijaua: et auahas inpece natgei atmas: inyi upene inpece va natgei atmas iran, vai inmas o un ache is atgei atmas aien.
34Akumu jim auahas inpece inig aijaua akupu amen iran aijaua, ek amen iran ainyak: ek amen ehele nup Isreel ainyak Ihova.
Currently Selected:
Numera Nuarin-tas alupas 35.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)
Numera Nuarin-tas alupas 35.
Nuarin-tas alupas 35.
1 Er ikni inmaliyum, et forte eet vai ilpu mapoi Livai im lep niji uari obohtan marehed mihtag, im nasjaaicnaig iran. 6 Er ikni inmaliyum et siks irai ra sji ehki par ahapan iran. 9 Intas alep va natgei atmas. 31 Eri jim leh tah nimtan va natgei atmas.
1IS tas a Ihova ehele Moses irai uari marara Moab u nofowai Jortan ubutpotet pan Jeriko, um ika,
2Asaig ehele nup Isreel, mika eri atcijaig imi ilpu mapoi Livai niji maliyum par amen iran an pece era ohuun ara; akumu lep atcijaig imi ilpu mapoi Livai aijaua niji uari obohtan et arehed irai iji maliyum ura.
3Inyi eteuc ira ra niji maliyum mika eri amen iran ara; ja inyi uarin amen u kurimatau ura, im niji itai eklim edo irai pece asega ura, im hal itai ura, nuari obohtan iji ehki et arehed.
4Akumu atcijaig imi ilpu mapoi Livai niji uari obohtan aijaua irai iji maliyum, um ahes an nathatahau an maliyum um yetpan itac kubit inyi wun dausant um arehed mihtag.
5Akumu asjaaicnaig irai kubit et tu dausant aijaua an nahaijin maliyum an ridjai o un aijaua, im lep kubit et tu dausant an nahaijin maliyum an nuarin inig et ahes nuritoga iran, im lep kubit et tu dausant an nahaijin maliyum an nete o un, um lep kubit et tu dausant an nahaijin maliyum an nuarin inig et ahes narutu iran; ja etmu uarin amen u atimi juju: niji uari obohtan imi ra nigki irai iji maliyum.
6Akumu lep anvai inmaliyum atpuh iran inyi siks aijaua irai maliyum iji ig, akumu atcijaig imi ilpu mapoi Livai aijaua, va natimi atgei atmas, mika yi ahapan eahki aien: akumu lep atcijaig imi ra aijaua niji maliyum inyi forte tu.
7Akumu atcijaig imi ilpu mapoi Livai inmaliyum inyi forte eet aijaua: im lep niji uari obohtan et arehed iran.
8Akumu atcijaig imi ra inmaliyum iji igki aijaua an pece u nup Isreel: erumu atcijaig inyi ahinag ara et ahinag ura; erumu lep atcijaig inyi eti elpat ara et eti elpat ura: erumu atcijaig imi ilpu mapoi Livai niji maliyum imi ra natimi asega et idivaig et tau ira ra.
9Is tas a Ihova ehele Moses, um ika,
10Namu tas aiek ehele nup Isreel, um ika ehele ra, Aku wit algauwaig nofowai Jortan aijaua, um apan an pece Kenan;
11akumu anvai niji maliyum imi caua aijaua par atpuh iran; va etpu ahapan eahki natimi atgei atmas et auahas tah aien, jam eti ethetiknaig.
12Inyi maliyum atpuh iran imi caua va natimi eijejei atmas; vai yi jim mas a natimi atgei atmas um imihum pan an nopan iyehki uhpu tas alep vai yin an nuhup u atimi.
13Inyi maliyum atpuh iran inmaliyum inyi siks, irai maliyum iji igki akumu atcijaig imi ra aijaua.
14Akumu atcijaig inmaliyum inyi dri an nahaijin nofowai Jortan igcapam, um lep atcijaig inmaliyum inyi dri an pece Kenan, inyi maliyum atpuh iran ji igki.
15Inyi maliyum atpuh iran inmaliyum et siks iji igki imi nup Isreel, im nup urai taka pece, im ilpu alaig unyimia: vai erupu ahapan eahki a ilpu atimi atgei atmas jam eti ethetiknaig.
16El et atcei tah aien an tah nitai aiurn el et mas aien, et atimi atgei atmas aien: uhmu idim atgei natimi atgei atmas.
17El et lep asji tah aien an hat mika yi mas aien, el et mas aien, et atimi atgei atmas aien: uhmu idim atgei natimi atgei atmas.
18El et lep auud yin aien an tah nauincai an nikman, mika yi mas aien, el et mas aien, et atimi atgei atmas aien: uhmu idim atgei natimi atgei atmas.
19Etmu atgei natimi atgei atmas a natimi eijejei atmas: etu wit ecet yin aien, etmu atgei yin aien.
20Ja el et ahcai yin aien va nedemda o un, ka atpaijinaig yin, um asji yin, va etpu mas aien;
21ka atcei yin an nikman va namcel vai yin, va etpu mas aien: uhmu idim atgei yin is atgei atmas aien: et atimi atgei atmas aien: etmu atgei natimi atgei atmas a natimi eijejei atmas, etu wit ecet yin aien.
22Ja el et auroauro aien um ahcai yin jam eti amcel vai yin, ka asji yin an tah nitai, jam eti atpaijinai yin,
23ka an tah inhat, et mas vaig aien, ka asji yin an tah nitai va etpu mas aien, jam eti ecet yin, um eti edemda vai yin, um eti merit, nauahas yin vaig:
24erumu tas alep a ilpu atimi asjapicnaig va natimi atgei atmas im natimi eijejei atmas, et idivaig intas alep iji igki:
25erumu lep imialep natimi atgei atmas a ilpu atimi asjapicnaig va natimi eijejei atmas, erumu lep imiapan yin a ilpu natimi asjapicnaig an maliyum atpuh iran o un, is ahapan eahki aien: etmu amen eahki aien um imihum pan an nopan iyehki, etpu mas a natimi esjilid an nahlap eris aspi yin an narakei itap.
26Ja el et lep apan itac an maliyum iyehki is ahapan iran a natimi atgei atmas;
27el et ecet yin itac a natimi eijejei atmas an maliyum atpuh iran, el et atgei yin a natimi eijejei atmas; eri jim aru iran vai inmas o un:
28vaig inig nikavaig, eris idim ika yi amen aien an maliyum atpuh iran, um imihum pan an nopan iyehki etpu mas a natimi esjilid an nahlap: ja etu wit mas a natimi esjilid an nahlap, etmu adumoij pan an maliyum o un a natimi atgei atmas.
29Intas alep imi caua ji igki im ilpu mapomia irai iji uarin amen unyimia.
30El et atgei atmas tah, uhmu lep atgei yin vai intas u ilpu atimi asuptecnaig: ja inyi eti mas tah vai intas asuptecnaig u natimi yi ethi ache.
31Akumu jim lucsei nimtan aijaua mika yi umoh a natimi atgei atmas, et upene mika yi mas aien: uhmu idim atgei yin.
32Um jim lucsei nimtan va natimi inig et ahapan aien an maliyum atpuh iran, mika yi lep apan aien um amen an pece, um imihum pan an nopan iyehki etpu mas a natimi esjilid an nahlap.
33Va aki jim auahas inpece aijaua eka amen iran aijaua: et auahas inpece natgei atmas: inyi upene inpece va natgei atmas iran, vai inmas o un ache is atgei atmas aien.
34Akumu jim auahas inpece inig aijaua akupu amen iran aijaua, ek amen iran ainyak: ek amen ehele nup Isreel ainyak Ihova.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)