Levitikus Nuarin-tas alupas 11.
Nuarin-tas alupas 11.
1 Nitai eklim, edo irai pece iji ig eri caig, 4 eri jim, caig. 9 Im niji mu. 13 Im lep niji man. 29 Nitai atahas iji ig era has.
1IS tas a Ihova ehele Moses im Eron, um ika ehele rau,
2Arumu tas ehele nup Isreel aijaurau, um ika, Akumu hegaig nitai eklim edo irai pece iji igki aijaua irai iji itai eklim edo irai pece asega an nobohtan.
3Akumu hegaig nitai iji igki aijaua et imhagro nupseduon, um asjages, irai iji itai eklim edo irai pece.
4Jam jim hegaig nitai iji igki, irai iji itai eklim edo irai pece et asjages, ka imhagro nupseduon: nan, kamela, et asjages, jam eti imhagro nupseduon; et has vai caua.
5Im rabit, et idim asjages, jam eti imhagro nupseduon; et has vai caua.
6Im heer, et idim asjages, jam eti imhagro nupseduon; et has vai caua.
7Im picad, et idim imhagro nupseduon, ja et eti asjages; et has vai caua.
8Akumu jim hegaig nohura aijaua, um jim ubli nohura emesmas; et has vai caua.
9Akumu hegaig nitai iji igki aijaua irai iji itai umumoh asega et amen an jap ka inwai: akumu hegaig nitai iji igki aijaua et eteuc naran im ninehen, irai wai, im injap, im nofowai.
10Ja inyi has vai caua nitai iji igki asega et eti eteuc naran im ninehen an jap, im nofowai, irai iji itai asega et atga an jap, im niji itai umumoh et amen irai wai:
11inyi idim has vai caua nitai iji igki; akumu jim hegaig nohura aijaua, inyi lep has vai caua nohura emesmas.
12Inyi has vai caua nitai iji igki asega et ti naran im ninehen.
13Inyi lep has vai caua nitai iji igki irai man; uhmu jim hegaig, et idim has: nan, inmeijcop alupas, im inmeijcop emda, im ospre,
14im vultur, im fakon, im niji itai et idivaig;
15im niji reven asega, im niji itai et idivaig;
16im ostrij, im nalidmot, im kuku, im inmeijcop, im niji itai et idivaig,
17im inhakli nalidmot, im kormorant, im nalidmot alupas,
18im swan, im pelikan, im vultur ahi,
19im stork, im inpaig, im niji itai et idivaig, im intauoc, im nekrai.
20Im niji itai asega et acrac, um atga an nikman im neduon, inyi has vai caua.
21Ja uhmu hegaig niji itai acrac et ae um atga an nikman im neduon, um opra neduora mika yi aliaujai iran an nobohtan;
22akumu hegaig nitai iji igki aijaua, nan, inheled, im niji itai et idivaig, im inheled inig et igpit, im niji itai et idivaig, im naijiv im niji itai et idivaig.
23Ja inyi has vai caua niji itai acrac asega et eche, et ae um atga an nikman im neduon.
24Akupu has aijaua va nitai iji igki: el et ubli nohura emesmas tah, inyi has aien um yetpan an jupura.
25El et apos tah inuarin nohura emesmas tah, etmu yiri napelumai o un aien, ja etpu has aien um yetpan an jupura.
26Inyi has vai caua niji itai eklim edo irai pece emesmas asega et eti imhagro upene nupseduora, um eti asjages: el et ubli ra tah, etpu has aien.
27Inyi has vai caua nitai iji igki asega, irai iji itai eklim edo irai pece asega, et atga an nikman im neduon et amen nupsikman im nupseduon iran: el et ubli nohura emesmas tah, etpu has aien um yetpan an jupura.
28El et apos nohura emesmas tah, etmu yiri napelumai o un aien, etpu has aien um yetpan an jupura: et has vai caua nitai iji igki.
29Inyi lep has vai caua nitai iji igki irai iji itai acrac et acrac an nobohtan; nan, wisel, im incedo, im inmopcedo, im niji itai et idivaig,
30im feret, im napav, im nemisel, im intikia, im mool.
31Inyi has vai caua nitai iji igki irai iji itai asega et acrac: el et ubli nohura emesmas tah, etpu has aien um yetpan an jupura.
32El et etjose tah nitai iji igki et mas, an tah nitai, etpu has; kit nipjinitai, ka napelumai, ka narasi itai, ka incet itai, el et ipjinitai er ago itai iran, uhmu atise an wai, etpu has um yetpan an jupura, mika yi upene;
33El et etjose tah nitai iji igki an tah nipjinitai obohtan, inyi has itai iran; akumu ahtagrei aijaua.
34Inyi lep has nitai caig asega, et yetpam iran inwai iyehki: inyi lep has nitai umnyi asega er umnyi an nipjinitai iyehki.
35Inyi lep has nitai iji igki asega et etjose tah inuarin nohura emesmas iran; kit nipjiuru, ka niji uarin ikni ipjiuru iran, uhmu auahas: et has nitai iji igki, inyi lep has vai caua.
36Ja inyi upene tah inwai ahlau ohua jai, im nehpanwai et amen inwai alupas iran: ja inyi has nitai inigki et atcei pan nohura emesmas.
37El et lep etjose tah inuarin nohura irai upsi itai er ahwaig inyi eti has.
38Ja el er atise inwai irai upsi itai, el et etjose iran tah inuarin nohura emesmas, inyi has vai caua.
39El et mas tah nitai eklim edo irai pece eh caig; aien et ubli nohun mas aien, inyi has aien um yetpan an jupura.
40El et caig nohun mas tah, etmu yiri napelumai o un aien, ja etpu has aien um yetpan an jupura: etmu lep yiri napelumai o un aien et apos nohun mas aien, ja etpu has aien um yetpan an jupura.
41Inyi lep has vai caua niji itai atahas asega et atahas an nobohtan; uhmu jim hegaig.
42Akumu jim hegaig nitai iji igki aijaua et atahas irai ipjinetgara, im nitai iji igki et acrac an nikman im neduon, ka nitai iji igki et ahinag neduora irai iji itai atahas asega et atahas an nobohtan; era idim has ara.
43Akumu jim auahas caua aijaua an tah nitai atahas et atahas an nobohtan, um jim auahas caua iran, va aki jim has aijaua.
44Ek Ihova ainyak Atua unyimia: va nitai inigki akumu ago adicinadicin caua aijaua, akumu lep upene aijaua; ek idim upene ainyak: um jim auahas caua an tah nitai atahas et atahas an nobohtan.
45Ek Ihova ainyak, kis iknipagki caua ainyak an pece Ijipt, mika ki Atua unyimia ainyak: akumu lep upene aijaua; ek idim upene ainyak.
46Intas alep va niji itai eklim edo irai pece nigki, im inman, im niji itai umumoh asega et atga an jap, im niji itai umumoh asega et atahas an nobohtan:
47par asjaaicnaig irai iji itai has im niji itai upene, im lep irai iji itai eklim edo irai pece eh caig, im niji itai eklim edo irai pece eh eti caig.
Currently Selected:
Levitikus Nuarin-tas alupas 11.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)
Levitikus Nuarin-tas alupas 11.
Nuarin-tas alupas 11.
1 Nitai eklim, edo irai pece iji ig eri caig, 4 eri jim, caig. 9 Im niji mu. 13 Im lep niji man. 29 Nitai atahas iji ig era has.
1IS tas a Ihova ehele Moses im Eron, um ika ehele rau,
2Arumu tas ehele nup Isreel aijaurau, um ika, Akumu hegaig nitai eklim edo irai pece iji igki aijaua irai iji itai eklim edo irai pece asega an nobohtan.
3Akumu hegaig nitai iji igki aijaua et imhagro nupseduon, um asjages, irai iji itai eklim edo irai pece.
4Jam jim hegaig nitai iji igki, irai iji itai eklim edo irai pece et asjages, ka imhagro nupseduon: nan, kamela, et asjages, jam eti imhagro nupseduon; et has vai caua.
5Im rabit, et idim asjages, jam eti imhagro nupseduon; et has vai caua.
6Im heer, et idim asjages, jam eti imhagro nupseduon; et has vai caua.
7Im picad, et idim imhagro nupseduon, ja et eti asjages; et has vai caua.
8Akumu jim hegaig nohura aijaua, um jim ubli nohura emesmas; et has vai caua.
9Akumu hegaig nitai iji igki aijaua irai iji itai umumoh asega et amen an jap ka inwai: akumu hegaig nitai iji igki aijaua et eteuc naran im ninehen, irai wai, im injap, im nofowai.
10Ja inyi has vai caua nitai iji igki asega et eti eteuc naran im ninehen an jap, im nofowai, irai iji itai asega et atga an jap, im niji itai umumoh et amen irai wai:
11inyi idim has vai caua nitai iji igki; akumu jim hegaig nohura aijaua, inyi lep has vai caua nohura emesmas.
12Inyi has vai caua nitai iji igki asega et ti naran im ninehen.
13Inyi lep has vai caua nitai iji igki irai man; uhmu jim hegaig, et idim has: nan, inmeijcop alupas, im inmeijcop emda, im ospre,
14im vultur, im fakon, im niji itai et idivaig;
15im niji reven asega, im niji itai et idivaig;
16im ostrij, im nalidmot, im kuku, im inmeijcop, im niji itai et idivaig,
17im inhakli nalidmot, im kormorant, im nalidmot alupas,
18im swan, im pelikan, im vultur ahi,
19im stork, im inpaig, im niji itai et idivaig, im intauoc, im nekrai.
20Im niji itai asega et acrac, um atga an nikman im neduon, inyi has vai caua.
21Ja uhmu hegaig niji itai acrac et ae um atga an nikman im neduon, um opra neduora mika yi aliaujai iran an nobohtan;
22akumu hegaig nitai iji igki aijaua, nan, inheled, im niji itai et idivaig, im inheled inig et igpit, im niji itai et idivaig, im naijiv im niji itai et idivaig.
23Ja inyi has vai caua niji itai acrac asega et eche, et ae um atga an nikman im neduon.
24Akupu has aijaua va nitai iji igki: el et ubli nohura emesmas tah, inyi has aien um yetpan an jupura.
25El et apos tah inuarin nohura emesmas tah, etmu yiri napelumai o un aien, ja etpu has aien um yetpan an jupura.
26Inyi has vai caua niji itai eklim edo irai pece emesmas asega et eti imhagro upene nupseduora, um eti asjages: el et ubli ra tah, etpu has aien.
27Inyi has vai caua nitai iji igki asega, irai iji itai eklim edo irai pece asega, et atga an nikman im neduon et amen nupsikman im nupseduon iran: el et ubli nohura emesmas tah, etpu has aien um yetpan an jupura.
28El et apos nohura emesmas tah, etmu yiri napelumai o un aien, etpu has aien um yetpan an jupura: et has vai caua nitai iji igki.
29Inyi lep has vai caua nitai iji igki irai iji itai acrac et acrac an nobohtan; nan, wisel, im incedo, im inmopcedo, im niji itai et idivaig,
30im feret, im napav, im nemisel, im intikia, im mool.
31Inyi has vai caua nitai iji igki irai iji itai asega et acrac: el et ubli nohura emesmas tah, etpu has aien um yetpan an jupura.
32El et etjose tah nitai iji igki et mas, an tah nitai, etpu has; kit nipjinitai, ka napelumai, ka narasi itai, ka incet itai, el et ipjinitai er ago itai iran, uhmu atise an wai, etpu has um yetpan an jupura, mika yi upene;
33El et etjose tah nitai iji igki an tah nipjinitai obohtan, inyi has itai iran; akumu ahtagrei aijaua.
34Inyi lep has nitai caig asega, et yetpam iran inwai iyehki: inyi lep has nitai umnyi asega er umnyi an nipjinitai iyehki.
35Inyi lep has nitai iji igki asega et etjose tah inuarin nohura emesmas iran; kit nipjiuru, ka niji uarin ikni ipjiuru iran, uhmu auahas: et has nitai iji igki, inyi lep has vai caua.
36Ja inyi upene tah inwai ahlau ohua jai, im nehpanwai et amen inwai alupas iran: ja inyi has nitai inigki et atcei pan nohura emesmas.
37El et lep etjose tah inuarin nohura irai upsi itai er ahwaig inyi eti has.
38Ja el er atise inwai irai upsi itai, el et etjose iran tah inuarin nohura emesmas, inyi has vai caua.
39El et mas tah nitai eklim edo irai pece eh caig; aien et ubli nohun mas aien, inyi has aien um yetpan an jupura.
40El et caig nohun mas tah, etmu yiri napelumai o un aien, ja etpu has aien um yetpan an jupura: etmu lep yiri napelumai o un aien et apos nohun mas aien, ja etpu has aien um yetpan an jupura.
41Inyi lep has vai caua niji itai atahas asega et atahas an nobohtan; uhmu jim hegaig.
42Akumu jim hegaig nitai iji igki aijaua et atahas irai ipjinetgara, im nitai iji igki et acrac an nikman im neduon, ka nitai iji igki et ahinag neduora irai iji itai atahas asega et atahas an nobohtan; era idim has ara.
43Akumu jim auahas caua aijaua an tah nitai atahas et atahas an nobohtan, um jim auahas caua iran, va aki jim has aijaua.
44Ek Ihova ainyak Atua unyimia: va nitai inigki akumu ago adicinadicin caua aijaua, akumu lep upene aijaua; ek idim upene ainyak: um jim auahas caua an tah nitai atahas et atahas an nobohtan.
45Ek Ihova ainyak, kis iknipagki caua ainyak an pece Ijipt, mika ki Atua unyimia ainyak: akumu lep upene aijaua; ek idim upene ainyak.
46Intas alep va niji itai eklim edo irai pece nigki, im inman, im niji itai umumoh asega et atga an jap, im niji itai umumoh asega et atahas an nobohtan:
47par asjaaicnaig irai iji itai has im niji itai upene, im lep irai iji itai eklim edo irai pece eh caig, im niji itai eklim edo irai pece eh eti caig.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)