Josua Nuarin-tas alupas 5.
Nuarin-tas alupas 5.
1 Era imtitaig a nup u Kenan. 2 Et atupun a Josua um aperitome ira atimi. 10 Er aminjinaig nahtaregdei atimi Cilcal. 12 Et omot manna. 13 Et ehcohos pan ehele Josua a Nagelo.
1ERIS wat atahaijeg a ilpu atimarid asega u nup Emor, eris amen ara an nahaijin Jortan an nete o un, im ilpu atamarid asega u nup u Kenan eris amen ubutpotet pan u injap ara mika, is ika a Ihova yi ame inwai Jortan an nuhup u nup Isreel, um imihum pan an nopan iyehki eris algaunyi ara, is auatialidi inliinmopora ara, is lep imtitaig mas inliinmopora ara, vai nup Isreel.
2Is tas a Ihova ehele Josua an nopan iyehki, um ika, Namu ago auitoga arig aiek, um lep aperitome irai up Isreel.
3Is ago auitoga arig a Josua, um aperitome irai up Isreel an lolan nedoon ira arasi uhup.
4Is aperitome ira ra a Josua va nitai inigki, nikavaig: Eris emesmas an namasacen an nefalaig a ilpu atamaig asega eris ahes Ijipt ara, a ilpu atimi ago nedoa asega marom.
5Eris idim aperitome ira atimi asega eris ahes eahki ara: ja eris eti aperitome ira atimi iji ig eris apos ra an namasacen an nefalaig inig et ahes Ijipt iran.
6Eris atga an namasacen irai mesese is forte a nup Isreel, um imihum pan an nopan iyehki eris emesmas a ilpu atimi ago nedoa asega eris ahes Ijipt ara, va nedo ura, nikavaig, eris eti imiaiji intas o Ihova ara: is asaig intas aktit ehele ra aien mika eri eti ecetai inpece iyehki ara, is upyi asaig ehele ilpu retpora a Ihova mika, etpu alupai ra aien inpece et alupas nidenided im hune iran.
7Ja is aperitome irai ilpu hal ura a Josua, is imiatidai ra a Ihova par isjeupigmoig ra: eris ilpu atimi eti aperitome, eris eti aperitome ira ra an nefalaig.
8Eris aperitome ehni ira atimi asega, ja eris amen ara irai iji uarin amen ura, um imihum pan an nopan iyehki eris cehcehe ara.
9Is tas a Ihova ehele Josua, um ika, Ek mun atcelcaig pagki ehelemia ainyak nitai er amcel vaig irai up Ijipt, an nadiat inigki. Va nitai inigki eris anvi nidan nuarin iyehki par ika Cilcal (Natcelcaig), um imihum pam an nopan inig.
10Eris atumop Cilcal a nup Isreel, um aminjinaig nahtaregdei atimi an jupura an nadiat fortiind an mohoc iyehki irai uari marara Jeriko.
11Eris caig nitai ahlap va nahtaregdei atimi ara, ja is wat lahlah an tak apnyin, eris caig nareto is ti leven iran ara, im korn eris ahen, irai korn itu an nadiat iyehki.
12Eris caig korn itu an pece, ja is wat lahlah an tak apnyin is omot manna; eris eti lep leh manna a nup Isreel; ja eris caig nitai hegaig an pece Kenan ara irai yier iyehki.
13IS wat amen a Josua ubutpotet pan Jeriko, is yiasji pan aien, um ecet natimi is ethi, is aiji ubutpotet pan ehelen, is apos nauitoga o un is ahyausei aien: is apan ehelen a Josua, um ika ehelen, Na leh imi cama aiek, ka na atimi tak atimi irama aiek?
14Is ika aien, Oʼo; ja ek mun ham ainyak mika ki atimarid irai ilpu eucsupo o Ihova ainyak. Is atpuse an nobohtan a Josua, um imiahpas yin, um ika ehelen, Intas o natimarid unyak ehele naheca o un nevitai?
15Is tas ehele Josua a natimarid irai ilpu eucsupo o Ihova, um ika, Namu atipagki incedpon eduom aiek; et itap nuarin inig na aiji iran aiek. Is ago is uce a Josua.
Currently Selected:
Josua Nuarin-tas alupas 5.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)
Josua Nuarin-tas alupas 5.
Nuarin-tas alupas 5.
1 Era imtitaig a nup u Kenan. 2 Et atupun a Josua um aperitome ira atimi. 10 Er aminjinaig nahtaregdei atimi Cilcal. 12 Et omot manna. 13 Et ehcohos pan ehele Josua a Nagelo.
1ERIS wat atahaijeg a ilpu atimarid asega u nup Emor, eris amen ara an nahaijin Jortan an nete o un, im ilpu atamarid asega u nup u Kenan eris amen ubutpotet pan u injap ara mika, is ika a Ihova yi ame inwai Jortan an nuhup u nup Isreel, um imihum pan an nopan iyehki eris algaunyi ara, is auatialidi inliinmopora ara, is lep imtitaig mas inliinmopora ara, vai nup Isreel.
2Is tas a Ihova ehele Josua an nopan iyehki, um ika, Namu ago auitoga arig aiek, um lep aperitome irai up Isreel.
3Is ago auitoga arig a Josua, um aperitome irai up Isreel an lolan nedoon ira arasi uhup.
4Is aperitome ira ra a Josua va nitai inigki, nikavaig: Eris emesmas an namasacen an nefalaig a ilpu atamaig asega eris ahes Ijipt ara, a ilpu atimi ago nedoa asega marom.
5Eris idim aperitome ira atimi asega eris ahes eahki ara: ja eris eti aperitome ira atimi iji ig eris apos ra an namasacen an nefalaig inig et ahes Ijipt iran.
6Eris atga an namasacen irai mesese is forte a nup Isreel, um imihum pan an nopan iyehki eris emesmas a ilpu atimi ago nedoa asega eris ahes Ijipt ara, va nedo ura, nikavaig, eris eti imiaiji intas o Ihova ara: is asaig intas aktit ehele ra aien mika eri eti ecetai inpece iyehki ara, is upyi asaig ehele ilpu retpora a Ihova mika, etpu alupai ra aien inpece et alupas nidenided im hune iran.
7Ja is aperitome irai ilpu hal ura a Josua, is imiatidai ra a Ihova par isjeupigmoig ra: eris ilpu atimi eti aperitome, eris eti aperitome ira ra an nefalaig.
8Eris aperitome ehni ira atimi asega, ja eris amen ara irai iji uarin amen ura, um imihum pan an nopan iyehki eris cehcehe ara.
9Is tas a Ihova ehele Josua, um ika, Ek mun atcelcaig pagki ehelemia ainyak nitai er amcel vaig irai up Ijipt, an nadiat inigki. Va nitai inigki eris anvi nidan nuarin iyehki par ika Cilcal (Natcelcaig), um imihum pam an nopan inig.
10Eris atumop Cilcal a nup Isreel, um aminjinaig nahtaregdei atimi an jupura an nadiat fortiind an mohoc iyehki irai uari marara Jeriko.
11Eris caig nitai ahlap va nahtaregdei atimi ara, ja is wat lahlah an tak apnyin, eris caig nareto is ti leven iran ara, im korn eris ahen, irai korn itu an nadiat iyehki.
12Eris caig korn itu an pece, ja is wat lahlah an tak apnyin is omot manna; eris eti lep leh manna a nup Isreel; ja eris caig nitai hegaig an pece Kenan ara irai yier iyehki.
13IS wat amen a Josua ubutpotet pan Jeriko, is yiasji pan aien, um ecet natimi is ethi, is aiji ubutpotet pan ehelen, is apos nauitoga o un is ahyausei aien: is apan ehelen a Josua, um ika ehelen, Na leh imi cama aiek, ka na atimi tak atimi irama aiek?
14Is ika aien, Oʼo; ja ek mun ham ainyak mika ki atimarid irai ilpu eucsupo o Ihova ainyak. Is atpuse an nobohtan a Josua, um imiahpas yin, um ika ehelen, Intas o natimarid unyak ehele naheca o un nevitai?
15Is tas ehele Josua a natimarid irai ilpu eucsupo o Ihova, um ika, Namu atipagki incedpon eduom aiek; et itap nuarin inig na aiji iran aiek. Is ago is uce a Josua.
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)