Josua Nuarin-tas alupas 1.
Nuarin-tas alupas 1.
1 Et ati Josua a Atua mika yi isjeupigmoig Moses. 3 Niji ehni an pece inig eris upyi asaig vaig. 5, 9 Et ika a Atua yi atau irai Josua aien. 8 Et asuptecnaig nedo o un ehele Josua aien. 10 Et tas alep a Josua vai nalgaunyi Jortan vaig. 12 Et ahugni nup urai elcau et ero im nahaiji elcau a Josua vai intas upyi asaig ura ehele Moses. 16 Era ika ara eri imiaiji intas o un.
1IS mas a Moses naheca u Ihova, ja is par tas a Ihova ehele Josua inhal u Nun, natimi atau imi Moses, um ika,
2Is mas a Moses naheca unyak; namu atidai aiek, um algaunyi Jortan inigki, im lep natimi asega iji igki, um apan an pece iyehki ek alupai ra ainyak, nup Isreel marom.
3Ek alupai caua niji uarin asega ainyak, akupu atga iran aijaua, et idivaig kis asaig ehele Moses ainyak.
4Nahesvaig an namasacen im Lebanon naico um yetpan an nofowai alupas, nofowai Yufretes, inpece asega u nup u Hed, um lep yetpan an jap alupas an nete o un, nehni an pece unyimia nigki.
5Inyi eti emda tah natimi natidai vaig an nuhup unyum ira adiat asega an numoh vaig unyum: ekpu amen ehelum ainyak, et idivaig kis amen ehele Moses ainyak: inki eti amen itac acen vai euc ainyak, um eti udei euc.
6Namu emda aiek um jim auatialidi inliinmopom: napu idim ahaig imi atimi iji igki aiek inpece iyehki, kis upyi asaig ehele ilpu retpora ainyak mika ki alupai ra, mika eri ohuun ara.
7Namu emda aiek um jim auatialidi inliinmopom, par imiaiji intas alep asega, is asaig ehelum a Moses naheca unyak: jim atidjim iran aiek, um apan an matam ka an mauum, va apu ago nedo upene aiek irai iji uarin napu apan iran aiek.
8Etmu amen an nipjineucsem intas alep an nitaasviitai inigki; namu aktaktai vaig aiek irai iji adiat im niji epig, um imiaiji niji itai asega eris aged iran: va apu arapakau aiek, um amen upene.
9Ek mun idim asaig ehelum ainyak. Namu emda aiek um jim auatialidi inliinmopom: jim imtitaig, um jim eucjeucjeucaij: etpu amen ehelum a Ihova Atua unyum irai iji uarin asega an apan iran aiek.
10Is tas a Josua ehele ilpu atimi alupas u atimi, um ika,
11Akumu atga ehele atimi aijaua, um tas alep ehele ra, um ika, Akumu ago nitai hegaig aijaua; etu wit ti pan itac nadiat inyi eseij akupu algaunyi Jortan inigki aijaua, um apan um ohuun inpece iyehki, et alupai caua a Ihova Atua unyimia mika aki ohuun aijaua.
12Is tas a Josua ehele ilpu mapoi Ruben, im ilpu mapoi Cat, im nahaiji ilpu mapoi Manasi, um ika,
13Akumu imiehva aijaua intas is asaig ehelemia a Moses naheca u Ihova, um ika, Is alupai caua nitai atumop a Ihova Atua unyimia, is lep alupai caua inpece inigki aien.
14Erumu amen a ilpu ehgamia, im ilpu hal unyimia, im niji itai eklim edo irai pece unyimia, an pece inig is alupai caua a Moses an nahaijin Jortan inigki; ja akumu atga uhup irai ilpu etwamia aijaua, um apos nij va atimi, ilpu atimi esjilid asega, im ilpu atimi emda, um atau imi ra;
15um imihum pan an nopan iyehki etpu alupai ilpu etwamia nitai atumop a Ihova, et idivaig is alupai caua aien, eru wit ohuun inpece iyehki ara etpu alupai ra a Ihova Atua unyimia: ja akupu lep adumoij pam aijaua, um ohuun inpece is alupai caua a Moses naheca u Ihova, an nahaijin Jortan inigki an ridjai o un.
16Eris tas ehele Josua ara, um ika, Ecrupu ago niji itai asega aijama na mun asaig ehelema aiek, ecrupu lep apan aijama irai iji uarin asega aijama, napu abraig pan cama iran aiek.
17Ecrupu atahaijeg intas asega unyum aijama, et idivaig ecris atahaijeg intas o Moses aijama va niji itai asega: ja etmu amen ehelum a Ihova Atua unyum, et idivaig is amen ehele Moses aien.
18El et imipalea intas alep unyum tah, um eti atahaijeg intas asega unyum napu asaig ehelen aiek, uhmu atgei yin: ja namu emda aiek um jim auatialidi inliinmopom.
Currently Selected:
Josua Nuarin-tas alupas 1.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)
Josua Nuarin-tas alupas 1.
Nuarin-tas alupas 1.
1 Et ati Josua a Atua mika yi isjeupigmoig Moses. 3 Niji ehni an pece inig eris upyi asaig vaig. 5, 9 Et ika a Atua yi atau irai Josua aien. 8 Et asuptecnaig nedo o un ehele Josua aien. 10 Et tas alep a Josua vai nalgaunyi Jortan vaig. 12 Et ahugni nup urai elcau et ero im nahaiji elcau a Josua vai intas upyi asaig ura ehele Moses. 16 Era ika ara eri imiaiji intas o un.
1IS mas a Moses naheca u Ihova, ja is par tas a Ihova ehele Josua inhal u Nun, natimi atau imi Moses, um ika,
2Is mas a Moses naheca unyak; namu atidai aiek, um algaunyi Jortan inigki, im lep natimi asega iji igki, um apan an pece iyehki ek alupai ra ainyak, nup Isreel marom.
3Ek alupai caua niji uarin asega ainyak, akupu atga iran aijaua, et idivaig kis asaig ehele Moses ainyak.
4Nahesvaig an namasacen im Lebanon naico um yetpan an nofowai alupas, nofowai Yufretes, inpece asega u nup u Hed, um lep yetpan an jap alupas an nete o un, nehni an pece unyimia nigki.
5Inyi eti emda tah natimi natidai vaig an nuhup unyum ira adiat asega an numoh vaig unyum: ekpu amen ehelum ainyak, et idivaig kis amen ehele Moses ainyak: inki eti amen itac acen vai euc ainyak, um eti udei euc.
6Namu emda aiek um jim auatialidi inliinmopom: napu idim ahaig imi atimi iji igki aiek inpece iyehki, kis upyi asaig ehele ilpu retpora ainyak mika ki alupai ra, mika eri ohuun ara.
7Namu emda aiek um jim auatialidi inliinmopom, par imiaiji intas alep asega, is asaig ehelum a Moses naheca unyak: jim atidjim iran aiek, um apan an matam ka an mauum, va apu ago nedo upene aiek irai iji uarin napu apan iran aiek.
8Etmu amen an nipjineucsem intas alep an nitaasviitai inigki; namu aktaktai vaig aiek irai iji adiat im niji epig, um imiaiji niji itai asega eris aged iran: va apu arapakau aiek, um amen upene.
9Ek mun idim asaig ehelum ainyak. Namu emda aiek um jim auatialidi inliinmopom: jim imtitaig, um jim eucjeucjeucaij: etpu amen ehelum a Ihova Atua unyum irai iji uarin asega an apan iran aiek.
10Is tas a Josua ehele ilpu atimi alupas u atimi, um ika,
11Akumu atga ehele atimi aijaua, um tas alep ehele ra, um ika, Akumu ago nitai hegaig aijaua; etu wit ti pan itac nadiat inyi eseij akupu algaunyi Jortan inigki aijaua, um apan um ohuun inpece iyehki, et alupai caua a Ihova Atua unyimia mika aki ohuun aijaua.
12Is tas a Josua ehele ilpu mapoi Ruben, im ilpu mapoi Cat, im nahaiji ilpu mapoi Manasi, um ika,
13Akumu imiehva aijaua intas is asaig ehelemia a Moses naheca u Ihova, um ika, Is alupai caua nitai atumop a Ihova Atua unyimia, is lep alupai caua inpece inigki aien.
14Erumu amen a ilpu ehgamia, im ilpu hal unyimia, im niji itai eklim edo irai pece unyimia, an pece inig is alupai caua a Moses an nahaijin Jortan inigki; ja akumu atga uhup irai ilpu etwamia aijaua, um apos nij va atimi, ilpu atimi esjilid asega, im ilpu atimi emda, um atau imi ra;
15um imihum pan an nopan iyehki etpu alupai ilpu etwamia nitai atumop a Ihova, et idivaig is alupai caua aien, eru wit ohuun inpece iyehki ara etpu alupai ra a Ihova Atua unyimia: ja akupu lep adumoij pam aijaua, um ohuun inpece is alupai caua a Moses naheca u Ihova, an nahaijin Jortan inigki an ridjai o un.
16Eris tas ehele Josua ara, um ika, Ecrupu ago niji itai asega aijama na mun asaig ehelema aiek, ecrupu lep apan aijama irai iji uarin asega aijama, napu abraig pan cama iran aiek.
17Ecrupu atahaijeg intas asega unyum aijama, et idivaig ecris atahaijeg intas o Moses aijama va niji itai asega: ja etmu amen ehelum a Ihova Atua unyum, et idivaig is amen ehele Moses aien.
18El et imipalea intas alep unyum tah, um eti atahaijeg intas asega unyum napu asaig ehelen aiek, uhmu atgei yin: ja namu emda aiek um jim auatialidi inliinmopom.
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)