Josua Nuarin-tas alupas 11.
Nuarin-tas alupas 11.
1 Era esjilid ara irai hal ilpu atimarid irai wai Mirom. 10 Eh atoraliak inmaliyum Hesor um atnamud. 16 Et atoraliak inpece asega a Josua. 21 Et lep auahas ehni ilpu mapoi Enak aien.
1IS wat atahaijeg intas va nitai iji igki a Jebin natimarid u nup u Hesor, is abraig pan atimi aien ehele Jobab natimarid u nup u Meton, im lep ehele natimarid u nup u Simron, im lep ehele natimarid u nup Aksaf,
2im ilpu atimarid eris amen irai lola edoon ara an nuarin inig et ahes narutu iran, im lep irai uarin marara an nahaijin Kinerod, an nuarin inig et ahes narutu iran, im lep an niskanse, im lep an nahaijin Tor an nete o un,
3im nup u Kenan an ridjai o un im lep an nete o un, im nup Emor, im nup u Hed, im nup u Piris, im nup u Jibus irai lola edoon, im nup u Haivai ithan Hermon an pece Mispi.
4Eris apan ara im ilpu eucsupo asega ura, natimi is ahinag, eris ahinag ara et idivaig nauanavig an nohmunjap, im lep hors im jariot is ahinag.
5Eris wat asjapicnaig a ilpu atimarid iji igki asega, eris apan ara um amen ui wai Mirom, par ago nedoa vai nup Isreel.
6Is ika a Ihova ehele Josua, Jim imtitai ra aiek: ekpu ikni ra ainyak an nuhup u nup Isreel an nopan inig imraig, ja eri emesmas ara asega: namu lep ahtamud inwau irai eduei hors ura, um atnamud niji jariot ura.
7Is apan a Josua, im ilpu eucsupo asega ehelen, um auroauro um ago nedoa vai ra ui wai Mirom; eris ehtelotelo pan ira ra ara.
8Is ikni ra an nikmai nup Isreel a Ihova; eris auud ra ara, um ahau ra um yetpan Saiton alupas, im Misrifod-meem, im niskanse Mispi an ridjai o un; eris atgei ra ara, um eti imialep tah is ethi ira ra.
9Is ago nedo iyehki vai ra a Josua is asaig ehelen a Ihova: is ahtamud inwau irai eduei hors ura aien, um atnamud niji jariot ura.
10Is adumoij a Josua an nopan iyehki, um atoraliak inmaliyum Hesor, um atgei natimarid iran an nedoa; is esjilid Hesor irai elcau iji ehki asega itu acen.
11Eris atgei atimi asega eahki ara an nedoa, um auahas ehni ra: is eti umoh tah is ethi: is lep atnamud Hesor aien.
12Is atoraliak niji maliyum asega u ilpu atimarid iji ehki a Josua, um atgei ilpu atimarid iran an nedoa, um auahas ehni ra, is idivaig is asaig a Moses naheca u Ihova.
13Ja eris eti atnamud niji maliyum irai lola edoon a nup Isreel, Hesor ache; is atnamud a Josua.
14Eris lucsei naga asega irai maliyum iji ehki a nup Isreel, im niji itai eklim edo irai pece ura, imi ra; ja eris auahas atimi asega an nedoa, um atgei ehni ra, is eti umoh tah is ethi.
15Is asaig a Moses ehele Josua, is lep ago a Josua, is idivaig is asaig a Ihova ehele Moses naheca o un; is eti udei tah nitai a Josua is asaig a Ihova ehele Moses.
16Is atoraliak inpece asega a Josua, inpece asega an nuarin inig et ahes nuritoga iran, is eteuc lola edoon iran, im inpece Cosen asega, im niskanse, im nuarin marara, im niji edoon Isreel, im niskanse iran;
17nahes vaig an nedoon Helak, et uhum pan Sier, um yetpan Beal-cat an niskanse Lebanon ithan nedoon Hermon: is arop irai ilpu atimarid asega ura aien, um auud ra, um atgei ra.
18Is ago nedoa vai ilpu atimarid iji ehki asega a Josua is itu iran.
19Eris eti ahpu nigpa ehele nup Isreel a nup uran tah inmaliyum is ethi, nup u Haivai ache eris amen Cibeon ara: eris atoraliak asega ara an nedoa.
20Is ago ipjin inliinmopora a Ihova, mika eri ago nedoa vai nup Isreel ara, va etpu auahas ehni ra aien, eri lep eti aiheuc va ra, jam auahas ra, is idivaig is asaig a Ihova ehele Moses.
21Is apan a Josua an nopan iyehki um auahas nup Enak irai lola edoon, im Hibron, im Tibir, im Enab, im niji edoon asega Juta, im niji edoon asega Isreel: is auahas ehni ra a Josua im niji maliyum ura.
22Is eti amen tah nup Enak is ethi an pece u nup Isreel: eris amen ara Cesa ache, im Cad, im Astot.
23Is atoraliak inpece asega a Josua, is idivaig intas asega u Ihova ehele Moses; is alupai nup Isreel a Josua mika eri ohuun ara is idivaig niji elcau ura vai ilpu retpora. Eris atumop ara va nedoa.
Currently Selected:
Josua Nuarin-tas alupas 11.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)
Josua Nuarin-tas alupas 11.
Nuarin-tas alupas 11.
1 Era esjilid ara irai hal ilpu atimarid irai wai Mirom. 10 Eh atoraliak inmaliyum Hesor um atnamud. 16 Et atoraliak inpece asega a Josua. 21 Et lep auahas ehni ilpu mapoi Enak aien.
1IS wat atahaijeg intas va nitai iji igki a Jebin natimarid u nup u Hesor, is abraig pan atimi aien ehele Jobab natimarid u nup u Meton, im lep ehele natimarid u nup u Simron, im lep ehele natimarid u nup Aksaf,
2im ilpu atimarid eris amen irai lola edoon ara an nuarin inig et ahes narutu iran, im lep irai uarin marara an nahaijin Kinerod, an nuarin inig et ahes narutu iran, im lep an niskanse, im lep an nahaijin Tor an nete o un,
3im nup u Kenan an ridjai o un im lep an nete o un, im nup Emor, im nup u Hed, im nup u Piris, im nup u Jibus irai lola edoon, im nup u Haivai ithan Hermon an pece Mispi.
4Eris apan ara im ilpu eucsupo asega ura, natimi is ahinag, eris ahinag ara et idivaig nauanavig an nohmunjap, im lep hors im jariot is ahinag.
5Eris wat asjapicnaig a ilpu atimarid iji igki asega, eris apan ara um amen ui wai Mirom, par ago nedoa vai nup Isreel.
6Is ika a Ihova ehele Josua, Jim imtitai ra aiek: ekpu ikni ra ainyak an nuhup u nup Isreel an nopan inig imraig, ja eri emesmas ara asega: namu lep ahtamud inwau irai eduei hors ura, um atnamud niji jariot ura.
7Is apan a Josua, im ilpu eucsupo asega ehelen, um auroauro um ago nedoa vai ra ui wai Mirom; eris ehtelotelo pan ira ra ara.
8Is ikni ra an nikmai nup Isreel a Ihova; eris auud ra ara, um ahau ra um yetpan Saiton alupas, im Misrifod-meem, im niskanse Mispi an ridjai o un; eris atgei ra ara, um eti imialep tah is ethi ira ra.
9Is ago nedo iyehki vai ra a Josua is asaig ehelen a Ihova: is ahtamud inwau irai eduei hors ura aien, um atnamud niji jariot ura.
10Is adumoij a Josua an nopan iyehki, um atoraliak inmaliyum Hesor, um atgei natimarid iran an nedoa; is esjilid Hesor irai elcau iji ehki asega itu acen.
11Eris atgei atimi asega eahki ara an nedoa, um auahas ehni ra: is eti umoh tah is ethi: is lep atnamud Hesor aien.
12Is atoraliak niji maliyum asega u ilpu atimarid iji ehki a Josua, um atgei ilpu atimarid iran an nedoa, um auahas ehni ra, is idivaig is asaig a Moses naheca u Ihova.
13Ja eris eti atnamud niji maliyum irai lola edoon a nup Isreel, Hesor ache; is atnamud a Josua.
14Eris lucsei naga asega irai maliyum iji ehki a nup Isreel, im niji itai eklim edo irai pece ura, imi ra; ja eris auahas atimi asega an nedoa, um atgei ehni ra, is eti umoh tah is ethi.
15Is asaig a Moses ehele Josua, is lep ago a Josua, is idivaig is asaig a Ihova ehele Moses naheca o un; is eti udei tah nitai a Josua is asaig a Ihova ehele Moses.
16Is atoraliak inpece asega a Josua, inpece asega an nuarin inig et ahes nuritoga iran, is eteuc lola edoon iran, im inpece Cosen asega, im niskanse, im nuarin marara, im niji edoon Isreel, im niskanse iran;
17nahes vaig an nedoon Helak, et uhum pan Sier, um yetpan Beal-cat an niskanse Lebanon ithan nedoon Hermon: is arop irai ilpu atimarid asega ura aien, um auud ra, um atgei ra.
18Is ago nedoa vai ilpu atimarid iji ehki asega a Josua is itu iran.
19Eris eti ahpu nigpa ehele nup Isreel a nup uran tah inmaliyum is ethi, nup u Haivai ache eris amen Cibeon ara: eris atoraliak asega ara an nedoa.
20Is ago ipjin inliinmopora a Ihova, mika eri ago nedoa vai nup Isreel ara, va etpu auahas ehni ra aien, eri lep eti aiheuc va ra, jam auahas ra, is idivaig is asaig a Ihova ehele Moses.
21Is apan a Josua an nopan iyehki um auahas nup Enak irai lola edoon, im Hibron, im Tibir, im Enab, im niji edoon asega Juta, im niji edoon asega Isreel: is auahas ehni ra a Josua im niji maliyum ura.
22Is eti amen tah nup Enak is ethi an pece u nup Isreel: eris amen ara Cesa ache, im Cad, im Astot.
23Is atoraliak inpece asega a Josua, is idivaig intas asega u Ihova ehele Moses; is alupai nup Isreel a Josua mika eri ohuun ara is idivaig niji elcau ura vai ilpu retpora. Eris atumop ara va nedoa.
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)