Eksotus Nuarin-tas alupas 39.
Nuarin-tas alupas 39.
1 Niji apelumai par ago nauritai iran im niji apelumai itap. 2 Efot. 8 Nitai atapin riti Eron. 22 Napelumai uri efot. 27 Niji apelumai uhup, im niji cat adgaig, im niji itai ahid ira apelumai yilyil. 30 Nitai apalapal uri incat adgaig itap. 32 Et almoi nitai iji igki asega a Moses um ika et upene asega.
1ERIS ago niji apelumai uri itai ara, ira apelumai emilmat, um umjigumjig, um cap, par ago nauritai iran an nuarin itap, um lep ago niji apelumai itap imi Eron; is idivaig is asaig a Ihova ehele Moses.
2Eris lep ago efot ara irai colt, im napelumai emilmat, um umjigumjig, um cap, um yilyil eris atpelaig inya iran.
3Eris atcei colt ara mika yi acreacre, um eldei, um ago inya, um ahod pelaig ira apelumai emilmat, um umjigumjig, um cap, um yilyil, an nauritai arapakau.
4Eris ago nuarin is ero ara uri neuhlin, par ahtehgaig: eris ahtehgaig an tid iran is ero.
5Eris lep ago nitai ahid esjilid iran irai efot, is idivaig nauritai iran; irai colt, im napelumai emilmat, um umjigumjig, um cap, um yilyil eris atpelaig inya iran; is idivaig is asaig a Ihova ehele Moses.
6Eris lep ahumiaig inhat oniks ara, um ati irai pai colt, eris aged nidai ilpu hal u Isreel iran, is idivaig er aged irai itai asjaaicnaig.
7Is ikni an neuhli efot aien, mika yi itai imiehva nup Isreel inhat iyehki; is idivaig is asaig a Ihova ehele Moses.
8Eris lep ago nitai atapin riti Eron ara irai efot; irai colt, im napelumai emilmat, um umjigumjig, um cap, um yilyil eris atpelaig inya iran; is arapakau nauritai iran is idivaig nauritai irai efot.
9Is tup apapa pikgaig nahaijin is for; eris asvapicnaig ero nitai atapin riti Eron ara: is idivaig nikma atimi nopra iran, is lep idivaig nikma atimi netgeig nan, eris asvapicnaig ero.
10Eris ikni natah hat is for iran ara: is amen an natah iran uhup sartius, im topas, im karbugkel: natah iran nigki.
11Is amen an natah iran sekunt emeralt, im safir, im taimunt.
12Is amen an natah iran dirt laicur, im acet, im amedist.
13Is amen an natah iran ford beril, im oniks, im jasper: eris ikni irai pai colt, um ago ipjin.
14Is tup apapa inhat pan irai idai ilpu hal u Isreel is twelv, is idivaig nidara, et idivaig intas er aged irai itai asjaaicnaig, is amen nidara asega iran, is idivaig ilpu retpora is twelv, athi um athi ehni.
15Eris ago natau hat ara irai colt upene eris atpelaig, um ati an nitai atapin riti Eron an nesvi vaig.
16Eris ago inpai colt is ero ara, im nitai arehed is ero irai colt; um ati nitai arehed is ero an nesvi vaig is ero an nitai atapin riti Eron.
17Eris ati natau colt is ero ara eris atpelaig irai itai arehed is ero an nesvi vaig is ero an nitai atapin riti Eron.
18Eris athai pan an pai colt is ero ara nilpui natau colt is ero eris atpelaig, um aijalcei ijinies an neuhli efot an nahaijin uhup.
19Eris ago nitai arehed irai colt is ero ara, um ati an nesvi vaig is ero an nitai atapin riti Eron, an nitai arehed nahaijin anliin.
20Eris lep ago nitai arehed colt is ero is eche ara, um ati an nesvi va efot is ero sepagko an nahaijin uhup, ubutpotet pan u nuarin ahtehgaig iran, ijinies an nitai ahid esjilid irai efot.
21Eris ahtehgaig jipe niji itai arehed an nitai atapin riti Eron im niji itai arehed irai efot an ya emilmat, mika yi amen ijinies an nitai ahid esjilid irai efot, va yi jim etjo nitai atapin riti Eron irai efot; is idivaig is asaig a Ihova ehele Moses.
22Eris ago napelumai uri efot ara an napelumai eris ahod, is emilmat asega.
23Is eteuc inuarin va nauinwan juju an napelumai, et idivaig inuarin an napelumai u neucsupo, eris lep ijei nuarin napelumai inigki um arehed mihtag, va yi jim rag.
24Eris ago nalmui pumcranet an tid an napelumai ira apelumai emilmat, um umjigumjig, um cap, um yilyil eris atpelaig inya iran.
25Eris ago niji itai ahlaig irai colt upene ara, um ikni juju an niblai pumcranet, an tid an napelumai, um arehed mihtag, juju an niblai pumcranet;
26eris ehtiplai jipe nitai ahlaig is ethi im pumcranet is ethi, an tid an napelumai, um arehed mihtag, par ago itai iran; is idivaig is asaig a Ihova ehele Moses.
27Eris lep ago napelumai uhup irai Eron im ilpu hal o un ara, ira apelumai yilyil eris ahod,
28im incat adgaig is ethi ira apelumai yilyil, im niji cat adgaig upene ira apelumai yilyil, im incedpoi eduora ira apelumai yilyil eris ahod,
29im nitai ahid ira apelumai yilyil eris atpelaig inya iran, um emilmat, um umjigumjig, um cap, eris ijei nalmuitai iran; is idivaig is asaig a Ihova ehele Moses.
30Eris lep ago nitai apalapal ara uri incat adgaig itap irai colt upene, um aged intas iran, et idivaig er aged intas irai itai asjaaicnaig, um ika, Et itap vai Ihova.
31Eris athai inya emilmat iran par arore ijinies an cat adgaig; is idivaig is asaig a Ihova ehele Moses.
32Is idim uco eris ago ehni nauritai an neom apelumai, neom er asjapicnaig o un marom: eris ago nitai iji igki asega a nup Isreel is asaig a Ihova ehele Moses, eris idim ago ara.
33Eris imiapan neom atga ehele Moses ara, neom apelumai marom, im niji itai asega urin, nikavaig, niji itai ahtehgaig, im inuari cai, im niji akaukau, im niji auicai aduwi, im niji itai ipjilai,
34im nitai adahpoi ira arasi siip atamaig eris ago cap, im niji itai adahpoi ira arasi kuri et amen an jap, im napelumai atapin,
35im nelcau is amen intas alep iran, im inceen is ero, im nitai atapnes,
36im nefata, im niji itai asega iran, im nareto eris ehvaig,
37im nitai atijai incap alahala iran, im niji lamp urin, mika eri ikni upene lamp iran, im niji itai urin, im narakei uri incap alahala,
38im lep natau colt, im narakei aspi, im nitai auanipin upene er atni, im napelumai atapin neucse neom atga,
39im natau bras, im nilidiye bras iran, im inceen is ero, im niji itai asega urin, im nelcau ereuc iran, im intapnes,
40im niji apelumai atapin nokoro, im niji auicai aduwi, im niji itai ipjilai urin, im napelumai atapin neucse nah, im niji inya urin, im neel urin, im niji itai asega par ago nauritai iran an neom atga, neom er asjapicnaig o un marom,
41im niji apelumai par ago nauritai iran an nuarin itap, im niji apelumai itap imi Eron natimi ahlap, im niji apelumai imi ilpu halav atamaig o un, par ago nauritai u ilpu atimi ahlap iran.
42Eris ago niji itai asega a nup Isreel, is idivaig is asaig a Ihova ehele Moses.
43Is almoi nauritai asega a Moses eris ago ara, is idivaig is asaig a Ihova, eris idim ago ara is uce: is acis yi alwai ra a Moses.
Currently Selected:
Eksotus Nuarin-tas alupas 39.: ABO
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)
Eksotus Nuarin-tas alupas 39.
Nuarin-tas alupas 39.
1 Niji apelumai par ago nauritai iran im niji apelumai itap. 2 Efot. 8 Nitai atapin riti Eron. 22 Napelumai uri efot. 27 Niji apelumai uhup, im niji cat adgaig, im niji itai ahid ira apelumai yilyil. 30 Nitai apalapal uri incat adgaig itap. 32 Et almoi nitai iji igki asega a Moses um ika et upene asega.
1ERIS ago niji apelumai uri itai ara, ira apelumai emilmat, um umjigumjig, um cap, par ago nauritai iran an nuarin itap, um lep ago niji apelumai itap imi Eron; is idivaig is asaig a Ihova ehele Moses.
2Eris lep ago efot ara irai colt, im napelumai emilmat, um umjigumjig, um cap, um yilyil eris atpelaig inya iran.
3Eris atcei colt ara mika yi acreacre, um eldei, um ago inya, um ahod pelaig ira apelumai emilmat, um umjigumjig, um cap, um yilyil, an nauritai arapakau.
4Eris ago nuarin is ero ara uri neuhlin, par ahtehgaig: eris ahtehgaig an tid iran is ero.
5Eris lep ago nitai ahid esjilid iran irai efot, is idivaig nauritai iran; irai colt, im napelumai emilmat, um umjigumjig, um cap, um yilyil eris atpelaig inya iran; is idivaig is asaig a Ihova ehele Moses.
6Eris lep ahumiaig inhat oniks ara, um ati irai pai colt, eris aged nidai ilpu hal u Isreel iran, is idivaig er aged irai itai asjaaicnaig.
7Is ikni an neuhli efot aien, mika yi itai imiehva nup Isreel inhat iyehki; is idivaig is asaig a Ihova ehele Moses.
8Eris lep ago nitai atapin riti Eron ara irai efot; irai colt, im napelumai emilmat, um umjigumjig, um cap, um yilyil eris atpelaig inya iran; is arapakau nauritai iran is idivaig nauritai irai efot.
9Is tup apapa pikgaig nahaijin is for; eris asvapicnaig ero nitai atapin riti Eron ara: is idivaig nikma atimi nopra iran, is lep idivaig nikma atimi netgeig nan, eris asvapicnaig ero.
10Eris ikni natah hat is for iran ara: is amen an natah iran uhup sartius, im topas, im karbugkel: natah iran nigki.
11Is amen an natah iran sekunt emeralt, im safir, im taimunt.
12Is amen an natah iran dirt laicur, im acet, im amedist.
13Is amen an natah iran ford beril, im oniks, im jasper: eris ikni irai pai colt, um ago ipjin.
14Is tup apapa inhat pan irai idai ilpu hal u Isreel is twelv, is idivaig nidara, et idivaig intas er aged irai itai asjaaicnaig, is amen nidara asega iran, is idivaig ilpu retpora is twelv, athi um athi ehni.
15Eris ago natau hat ara irai colt upene eris atpelaig, um ati an nitai atapin riti Eron an nesvi vaig.
16Eris ago inpai colt is ero ara, im nitai arehed is ero irai colt; um ati nitai arehed is ero an nesvi vaig is ero an nitai atapin riti Eron.
17Eris ati natau colt is ero ara eris atpelaig irai itai arehed is ero an nesvi vaig is ero an nitai atapin riti Eron.
18Eris athai pan an pai colt is ero ara nilpui natau colt is ero eris atpelaig, um aijalcei ijinies an neuhli efot an nahaijin uhup.
19Eris ago nitai arehed irai colt is ero ara, um ati an nesvi vaig is ero an nitai atapin riti Eron, an nitai arehed nahaijin anliin.
20Eris lep ago nitai arehed colt is ero is eche ara, um ati an nesvi va efot is ero sepagko an nahaijin uhup, ubutpotet pan u nuarin ahtehgaig iran, ijinies an nitai ahid esjilid irai efot.
21Eris ahtehgaig jipe niji itai arehed an nitai atapin riti Eron im niji itai arehed irai efot an ya emilmat, mika yi amen ijinies an nitai ahid esjilid irai efot, va yi jim etjo nitai atapin riti Eron irai efot; is idivaig is asaig a Ihova ehele Moses.
22Eris ago napelumai uri efot ara an napelumai eris ahod, is emilmat asega.
23Is eteuc inuarin va nauinwan juju an napelumai, et idivaig inuarin an napelumai u neucsupo, eris lep ijei nuarin napelumai inigki um arehed mihtag, va yi jim rag.
24Eris ago nalmui pumcranet an tid an napelumai ira apelumai emilmat, um umjigumjig, um cap, um yilyil eris atpelaig inya iran.
25Eris ago niji itai ahlaig irai colt upene ara, um ikni juju an niblai pumcranet, an tid an napelumai, um arehed mihtag, juju an niblai pumcranet;
26eris ehtiplai jipe nitai ahlaig is ethi im pumcranet is ethi, an tid an napelumai, um arehed mihtag, par ago itai iran; is idivaig is asaig a Ihova ehele Moses.
27Eris lep ago napelumai uhup irai Eron im ilpu hal o un ara, ira apelumai yilyil eris ahod,
28im incat adgaig is ethi ira apelumai yilyil, im niji cat adgaig upene ira apelumai yilyil, im incedpoi eduora ira apelumai yilyil eris ahod,
29im nitai ahid ira apelumai yilyil eris atpelaig inya iran, um emilmat, um umjigumjig, um cap, eris ijei nalmuitai iran; is idivaig is asaig a Ihova ehele Moses.
30Eris lep ago nitai apalapal ara uri incat adgaig itap irai colt upene, um aged intas iran, et idivaig er aged intas irai itai asjaaicnaig, um ika, Et itap vai Ihova.
31Eris athai inya emilmat iran par arore ijinies an cat adgaig; is idivaig is asaig a Ihova ehele Moses.
32Is idim uco eris ago ehni nauritai an neom apelumai, neom er asjapicnaig o un marom: eris ago nitai iji igki asega a nup Isreel is asaig a Ihova ehele Moses, eris idim ago ara.
33Eris imiapan neom atga ehele Moses ara, neom apelumai marom, im niji itai asega urin, nikavaig, niji itai ahtehgaig, im inuari cai, im niji akaukau, im niji auicai aduwi, im niji itai ipjilai,
34im nitai adahpoi ira arasi siip atamaig eris ago cap, im niji itai adahpoi ira arasi kuri et amen an jap, im napelumai atapin,
35im nelcau is amen intas alep iran, im inceen is ero, im nitai atapnes,
36im nefata, im niji itai asega iran, im nareto eris ehvaig,
37im nitai atijai incap alahala iran, im niji lamp urin, mika eri ikni upene lamp iran, im niji itai urin, im narakei uri incap alahala,
38im lep natau colt, im narakei aspi, im nitai auanipin upene er atni, im napelumai atapin neucse neom atga,
39im natau bras, im nilidiye bras iran, im inceen is ero, im niji itai asega urin, im nelcau ereuc iran, im intapnes,
40im niji apelumai atapin nokoro, im niji auicai aduwi, im niji itai ipjilai urin, im napelumai atapin neucse nah, im niji inya urin, im neel urin, im niji itai asega par ago nauritai iran an neom atga, neom er asjapicnaig o un marom,
41im niji apelumai par ago nauritai iran an nuarin itap, im niji apelumai itap imi Eron natimi ahlap, im niji apelumai imi ilpu halav atamaig o un, par ago nauritai u ilpu atimi ahlap iran.
42Eris ago niji itai asega a nup Isreel, is idivaig is asaig a Ihova ehele Moses.
43Is almoi nauritai asega a Moses eris ago ara, is idivaig is asaig a Ihova, eris idim ago ara is uce: is acis yi alwai ra a Moses.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)