Zefwaniya 2
2
Kulambilila kutenguluka
1Enu matunga a kubula lisheni,
kungulukenu, kungulukenu hamo,
2oho shikati shilolo shikume shakwimikiwa kwa
mutena uyo ukeza ngonehe muzungu
wapepukanga na mpepo,
oho ku bamba kwa wukali wa Nyambi ya Ngula shilolo kwize hahenu,
oho mutena waku monesha kupilama
kwa Nyambi ya Ngula shilolo ukume.
3Shingenu Nyambi ya Ngula,
enu bamu litunga nimwenu,
enu mwombatalanga na kutenda ndayano zendi,
shingenu byakwoloka,
shingenu kubomba.
Kampe mukaholekiwa ha mutena wakupilama
kwa Nyambi ya Ngula.
Kushushuliwa kwa matunga azinguluka Yunda
4 #
Isha 14:29-31; Yel 47:1-7; Ezek 25:15-17; Yowe 3:4-8; Amos 1:6-8; Zaka 9:5-7. Kowa ukashalaho mu munzi wa Ngaza
na Ashikeloni ukafutuka lipembe mutena wakekala hakati ka mutwe
munzi wa Ashindondi ukenga lipembe
na munzi wa Ekiloni ukapukuliwa.
5Makando wenu enu mwazika ha shibumbo sha liwate,
enu mukoka wa Bakeleta.
Lizu lya Nyambi ya Ngula lina kumilwisha,
enu Bakenaani,
muli mu litunga lya Bafwilishitina nenu kami nikaminongesha,
kukabule hinge umo ukashalaho.
6Enu bibumbo bya liwate
mukafutuka mabuyishilo a bambelele na
bilembalemba bya balishani na kwa kulala bambelele.
7Shibumbo sha liwate likenga litunga lya mashaliza aba litala lya Yunda,
omu nimo bakabuyishilanga matanga wabo.
Kami mu matala amu Ashikeloni nimo bakalangananga ku mazolo.
Ndaba Nyambi ya Ngula, Nyambi yabo,
ukabafulankana na kubweshela kutangama kwabo.
8 #
Isha 15:1—16:14; 25:10-12; Yel 48:1-47; Ezek 25:8-11; Amos 1:13-15; Yel 49:1-6; Ezek 21:28-32; 25:1-7; Amos 1:13-15. Nyambi ya Ngula unakwamba ngayi,
“Nayuvwu lihandu lya Mowambi na matuka a Baamoni,
eshe banahandulu bantu bami na kulilundumika ha litunga lyabo.
9Nohobene, ngonehe nikuyoya
Ami Nyambi wa Makunge, Nyambi wa Ishalela,
Nikulibeza ngayi, Mowambi na Baamoni bakalobeshiwa
ngonehe Shondoma na Ngomola,
kukekala mwanya wa kayuwa nzovu na mateke a mushele.
Likenga lya kuloba mwaya myaka,
mashaliza a bantu bami bakabapukula,
pe bampuluki ba matunga wami bakakona litunga lyabo.”
10Eshe nisho bakatambula ha kuliyemeza kwabo,
ndaba bashilawizile na kuliyemezela ha bantu ba Nyambi wa Makunge.
11Nyambi ya Ngula ukenga wakutinisha na kubalwisha,
oho akalobesha banyambi ba hano hanci,
pe matunga nimwawo hano hanci akafunkama na kumulemesha.
12 #
Isha 18:1-7. Nanenu kami Kushi,
mukazihiwa na mukwale wami.
13 #
Isha 10:5-34; 14:24-27; Nah 1:1—3:19. Pe ukatandubula liboko lyendi na kulwisha ba ku ncelele
na kunongesha Ashiliya,
kami ukafutula Neniva ku mwinga wakunonga,
ukafutuka kwinga nyuminine ngonehe libelelengwa.
14Matanga a bambelele na zingombe akalala mukati ka munzi
na tuyamana nimwato twa lishaka,
likubi na shishaka bakatentama ha bishimi byawo,
kulila kwa makungulu kukayuvwanika mu mampananga
na makwangala akayuvwanika ku shikwiliti,
ndaba mikambo ya mutondo wa shenda yikashandoliwa.
15Shiya nisho shikamoneka ku lukena luya lwekalile mu myelembo,
na kuhanganika ngayi luli shiwahe mu ku mwena,
bantu balwo bakuhanganika ngayi
kampe lunengi lwalunene mu kaye nimwako.
Haya monenu eshe lukaloba,
lukafutuka mwakwikala tuyamana twa lishaka.
Bantu nimwabo ba kupitamo bakashiba milozi
na kulikama mu maboko.
Currently Selected:
Zefwaniya 2: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
Zefwaniya 2
2
Kulambilila kutenguluka
1Enu matunga a kubula lisheni,
kungulukenu, kungulukenu hamo,
2oho shikati shilolo shikume shakwimikiwa kwa
mutena uyo ukeza ngonehe muzungu
wapepukanga na mpepo,
oho ku bamba kwa wukali wa Nyambi ya Ngula shilolo kwize hahenu,
oho mutena waku monesha kupilama
kwa Nyambi ya Ngula shilolo ukume.
3Shingenu Nyambi ya Ngula,
enu bamu litunga nimwenu,
enu mwombatalanga na kutenda ndayano zendi,
shingenu byakwoloka,
shingenu kubomba.
Kampe mukaholekiwa ha mutena wakupilama
kwa Nyambi ya Ngula.
Kushushuliwa kwa matunga azinguluka Yunda
4 #
Isha 14:29-31; Yel 47:1-7; Ezek 25:15-17; Yowe 3:4-8; Amos 1:6-8; Zaka 9:5-7. Kowa ukashalaho mu munzi wa Ngaza
na Ashikeloni ukafutuka lipembe mutena wakekala hakati ka mutwe
munzi wa Ashindondi ukenga lipembe
na munzi wa Ekiloni ukapukuliwa.
5Makando wenu enu mwazika ha shibumbo sha liwate,
enu mukoka wa Bakeleta.
Lizu lya Nyambi ya Ngula lina kumilwisha,
enu Bakenaani,
muli mu litunga lya Bafwilishitina nenu kami nikaminongesha,
kukabule hinge umo ukashalaho.
6Enu bibumbo bya liwate
mukafutuka mabuyishilo a bambelele na
bilembalemba bya balishani na kwa kulala bambelele.
7Shibumbo sha liwate likenga litunga lya mashaliza aba litala lya Yunda,
omu nimo bakabuyishilanga matanga wabo.
Kami mu matala amu Ashikeloni nimo bakalangananga ku mazolo.
Ndaba Nyambi ya Ngula, Nyambi yabo,
ukabafulankana na kubweshela kutangama kwabo.
8 #
Isha 15:1—16:14; 25:10-12; Yel 48:1-47; Ezek 25:8-11; Amos 1:13-15; Yel 49:1-6; Ezek 21:28-32; 25:1-7; Amos 1:13-15. Nyambi ya Ngula unakwamba ngayi,
“Nayuvwu lihandu lya Mowambi na matuka a Baamoni,
eshe banahandulu bantu bami na kulilundumika ha litunga lyabo.
9Nohobene, ngonehe nikuyoya
Ami Nyambi wa Makunge, Nyambi wa Ishalela,
Nikulibeza ngayi, Mowambi na Baamoni bakalobeshiwa
ngonehe Shondoma na Ngomola,
kukekala mwanya wa kayuwa nzovu na mateke a mushele.
Likenga lya kuloba mwaya myaka,
mashaliza a bantu bami bakabapukula,
pe bampuluki ba matunga wami bakakona litunga lyabo.”
10Eshe nisho bakatambula ha kuliyemeza kwabo,
ndaba bashilawizile na kuliyemezela ha bantu ba Nyambi wa Makunge.
11Nyambi ya Ngula ukenga wakutinisha na kubalwisha,
oho akalobesha banyambi ba hano hanci,
pe matunga nimwawo hano hanci akafunkama na kumulemesha.
12 #
Isha 18:1-7. Nanenu kami Kushi,
mukazihiwa na mukwale wami.
13 #
Isha 10:5-34; 14:24-27; Nah 1:1—3:19. Pe ukatandubula liboko lyendi na kulwisha ba ku ncelele
na kunongesha Ashiliya,
kami ukafutula Neniva ku mwinga wakunonga,
ukafutuka kwinga nyuminine ngonehe libelelengwa.
14Matanga a bambelele na zingombe akalala mukati ka munzi
na tuyamana nimwato twa lishaka,
likubi na shishaka bakatentama ha bishimi byawo,
kulila kwa makungulu kukayuvwanika mu mampananga
na makwangala akayuvwanika ku shikwiliti,
ndaba mikambo ya mutondo wa shenda yikashandoliwa.
15Shiya nisho shikamoneka ku lukena luya lwekalile mu myelembo,
na kuhanganika ngayi luli shiwahe mu ku mwena,
bantu balwo bakuhanganika ngayi
kampe lunengi lwalunene mu kaye nimwako.
Haya monenu eshe lukaloba,
lukafutuka mwakwikala tuyamana twa lishaka.
Bantu nimwabo ba kupitamo bakashiba milozi
na kulikama mu maboko.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.