Baloma 8
8
Wumi ukuwaniwa mu Moyo
1Nohobene kowa kuyatiwa kukwabo bali muli Yeshu Kilishitu, aba bakubula kwenda mu biheka bya wuntu. 2Ndaba ndayano za Moyo wa Kuyela, za kutupanika wumi muli Yeshu Kilishitu, zinancobololo ku ndayano za wubi na za lufu. 3Nyambi watendele eze Ndayano za Moshesha zakwangile kutenda, ndaba ya kupopa kwa bantu. Nyambi unayata wubi uli mu zinyutu za bantu ha kutuma Mwanendi ou wezile mu shifwekesha sha muntu wamubi, ngayi na lutu luyo atweshe kumanisha uya wubi. 4Nyambi watendele ebye ngayi etu tukuyoya mu moyo, tukubula kwenda mu biheka bya wuntu tutweshe kulama ndayano za kuyela.
5Ndaba nibo ba kutenda biheka bya wuntu bakulifulankana byuma bya wuntu, ngoboni nibo bakwenda mu biheka bya Moyo bakulifulankana byuma bya Moyo. 6Ndaba kulifulankana bya wuntu kukuleta lufu, ngoboni kulifulankana bya Moyo kukuleta wumi na ku mwena. 7Ndaba bakakulifulankana bya wuntu benga bamalamo kuli Nyambi, bantu banoho bafwako kwombatala ndayano za Nyambi, mwa shikuma kutwesha kuzombatala bafwako. 8Nohobene nibo ba kuyoya mu wuntu kutwesha kuwahililisha Nyambi bafwako.
9Ngoboni enu kuyoya mu wuntu mufwako, mu kuyoya mu Moyo, ndi Moyo wa Nyambi ukwikala mumwenu. Ngoboni ndi muntu wufwawo Moyo wa Kilishitu, pe niye kaliha Mukakilishitu. 10Kami ndi Kilishitu ukuyoya mumwenu, hinge ndi zinyutu zenu zikufwa ndaba ya wubi, ngoboni Moyo wenu ukekala na wumi ndaba ya kwoloka. 11#1Koli 3:16. Ndi Moyo wa Nyambi ou washangwile Yeshu ku bafu ukwikala mumwenu, ou washangwile Kilishitu ku bafu ukayoyesha zinyutu zenu za kufwa na Moyo wendi ukwikala mumwenu.
12Nohobene bawushinda, tuli na mu kuli, kaliha mu kuli wa kutenda byabibi bya wuntu, ngoboni kutenda sha mutima wendi. 13Ndaba ndi mu kuyoya mu biheka byabibi bya wuntu, mukafwa. Ngoboni ndi na Moyo mukaziha milimo yayibi ya wuntu, pe mukayoya. 14Nimwabo aba ba kutwamininiwa na Moyo, banengi bana ba Nyambi. 15#Nga 4:5-7. #Mako 14:36; Nga 4:6. Ndaba kaliha mwatambwile Moyo ukumitwala mu wulungo waku bokela ku bowa, ngoboni mwatambwile Moyo unamingishi bana ba Nyambi, ou ukututweshesha kulambilila ngayi, “Tate! Tate!” 16Moyo wa Nyambi niwo ukutupaka ngayi tuli bana ba Nyambi. 17Ndi tuli bana ba Nyambi, tukatambula likona hamo na bantu anawahishili. Pe tukakona hamo na Kilishitu, ndaba ngayi ndi tukuyanda na Kilishitu, tukatambula likona hamo nendi.
Wuwahe wakumbili
18Nikuhanganika ngayi makando a shikati shino afwako kutwesha kulyezeka na wuwahe ou Nyambi akamonekeshe kukwetu. 19Ebye byalengiwa nimwabyo bina kutatilila ngayi Nyambi aholole bana bendi. 20#Shit 3:17-19. Ndaba ebye byalengiwa byanyanciwile, kaliha nisho byashingile, ngoboni Nyambi niye wafungilesho. Hinge noho kuli kulumbeza, 21ngayi mutena wamina byalengiwa bikashoboloka ku wulungo waku bola, pe bikawana ku shoboloka kwakuwahe kwa bana ba Nyambi. 22Tukulimuka ngayi kukuma na shikati shino byalengiwa nimwabyo bili na ku shunga hamo na kuyuvwa makando, makando akulifweka na shikati sha mbuyama oho akushampuluka. 23#2Koli 5:2-4. Kaliha byalengiwa tuhu, ngoboni nanetu tuli na mikabo ya kutatika ya Moyo, ha shikati shino tukushunga mu mutima, oho tukutatilila Nyambi kutulamwina na kutwinga bana bendi. 24Nyambi unatupulwishi na kulumbeza, ngoboni kulumbeza kwaku moneka, kaliha kulumbeza, ndaba osho muntu aku mona ukushilumbeza nahiti? 25Ngoboni ndi tukulumbeza osho tukubula ku mona, tukushitatilila na lunzewe.
26Nahiyo Moyo kami ukutuyavwa mu kupopa kwetu, ndaba kulimuka ebye tuku fwanina kulombela tufwako, ngoboni Moyo ukutuyavwa kulombela na ku shunga kwakubula kutwesha kwambiwa. 27Kami Nyambi uku mona bili mu mitima ya bantu, ukulimuka bihanganiko bya Moyo, ndaba Moyo ukulombelela bakakwitabila ngo shamutima wa Nyambi.
28Kami tukulimuka ngayi Nyambi, mu byuma nimwabyo ukutendabyo shiwahe kukwabo ba kumuhaka, kukwabo banehaniwi ngo shifungo shendi. 29Ndaba bantu aba Nyambi ahatile mwaka, wabahatile mwaka ngayi batendiwe ngo mu shifwekesha sha Mwanendi, ngayi niye enge mweli mukati ka bakonzobendi babengi. 30Nyambi aba ahatile, wabehanine, aba Nyambi ehanine, wabolokeshele, aba Nyambi olokeshele, wabatapilile ku wuwahe wendi.
Shishemo sha Nyambi muli Yeshu Kilishitu
31Kati tukamba bishini ku byuma ebye? Ndi Nyambi unatwimanini, yani ukutwesha kutulwisha? 32Niye wabulile kukanisha Mwanendi, ngoboni wamutupwile ndaba yetu nimwetu, pe ukabula nahiti kutupanika hamo nendi byuma nimwabyo? 33Yani ukabapana mulandu aba anahata Nyambi? Kowa, ndaba unabamono ngayi bakwoloka. 34Yani ou ukabayata? Kowa, ndaba Yeshu Kilishitu niye wafwile, washangukile ku bafu, ou uli ku liboko lya shilyo lya Nyambi, ou kami ukutulombelela. 35Yani ukatutapulula ku shishemo sha Kilishitu? Kampe makalikiza, hinge malwa, hinge byezeko, hinge nzala, hinge wuvwu, hinge malamo, hinge lufu ndi?
36 #
Nyi 44:22. Nehi kwatikitiwa ngayi,
“Ndaba yobe shikati nimwasho,
tu ku labiwa ngonehe bambelele bakuya mu ku zihiwa.”
37Ngoboni, mu byuma nimwabyo ebye tunakupitakana kupitila mumwendi watuhakile. 38Ndaba nakashuku ngayi kowa shikatutapulula ku shishemo sha Nyambi. Hinge lufu, hinge wumi, hinge mangeloyi, hinge batulela, hinge byuma biliko, hinge byuma bikeza, hinge bya ngovu byamina. 39Hinge wutali wakuya muyilu, hinge kunonka, hinge bya hano hanci, hinge shibumbwabumbwa shamina sha kulengiwa, bifwako kutwesha kututapulula ku shishemo sha Nyambi, eshe tuli nasho muli Yeshu Kilishitu Mwene wetu.
Currently Selected:
Baloma 8: LLK
Highlight
Share
Compare
Copy
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
Baloma 8
8
Wumi ukuwaniwa mu Moyo
1Nohobene kowa kuyatiwa kukwabo bali muli Yeshu Kilishitu, aba bakubula kwenda mu biheka bya wuntu. 2Ndaba ndayano za Moyo wa Kuyela, za kutupanika wumi muli Yeshu Kilishitu, zinancobololo ku ndayano za wubi na za lufu. 3Nyambi watendele eze Ndayano za Moshesha zakwangile kutenda, ndaba ya kupopa kwa bantu. Nyambi unayata wubi uli mu zinyutu za bantu ha kutuma Mwanendi ou wezile mu shifwekesha sha muntu wamubi, ngayi na lutu luyo atweshe kumanisha uya wubi. 4Nyambi watendele ebye ngayi etu tukuyoya mu moyo, tukubula kwenda mu biheka bya wuntu tutweshe kulama ndayano za kuyela.
5Ndaba nibo ba kutenda biheka bya wuntu bakulifulankana byuma bya wuntu, ngoboni nibo bakwenda mu biheka bya Moyo bakulifulankana byuma bya Moyo. 6Ndaba kulifulankana bya wuntu kukuleta lufu, ngoboni kulifulankana bya Moyo kukuleta wumi na ku mwena. 7Ndaba bakakulifulankana bya wuntu benga bamalamo kuli Nyambi, bantu banoho bafwako kwombatala ndayano za Nyambi, mwa shikuma kutwesha kuzombatala bafwako. 8Nohobene nibo ba kuyoya mu wuntu kutwesha kuwahililisha Nyambi bafwako.
9Ngoboni enu kuyoya mu wuntu mufwako, mu kuyoya mu Moyo, ndi Moyo wa Nyambi ukwikala mumwenu. Ngoboni ndi muntu wufwawo Moyo wa Kilishitu, pe niye kaliha Mukakilishitu. 10Kami ndi Kilishitu ukuyoya mumwenu, hinge ndi zinyutu zenu zikufwa ndaba ya wubi, ngoboni Moyo wenu ukekala na wumi ndaba ya kwoloka. 11#1Koli 3:16. Ndi Moyo wa Nyambi ou washangwile Yeshu ku bafu ukwikala mumwenu, ou washangwile Kilishitu ku bafu ukayoyesha zinyutu zenu za kufwa na Moyo wendi ukwikala mumwenu.
12Nohobene bawushinda, tuli na mu kuli, kaliha mu kuli wa kutenda byabibi bya wuntu, ngoboni kutenda sha mutima wendi. 13Ndaba ndi mu kuyoya mu biheka byabibi bya wuntu, mukafwa. Ngoboni ndi na Moyo mukaziha milimo yayibi ya wuntu, pe mukayoya. 14Nimwabo aba ba kutwamininiwa na Moyo, banengi bana ba Nyambi. 15#Nga 4:5-7. #Mako 14:36; Nga 4:6. Ndaba kaliha mwatambwile Moyo ukumitwala mu wulungo waku bokela ku bowa, ngoboni mwatambwile Moyo unamingishi bana ba Nyambi, ou ukututweshesha kulambilila ngayi, “Tate! Tate!” 16Moyo wa Nyambi niwo ukutupaka ngayi tuli bana ba Nyambi. 17Ndi tuli bana ba Nyambi, tukatambula likona hamo na bantu anawahishili. Pe tukakona hamo na Kilishitu, ndaba ngayi ndi tukuyanda na Kilishitu, tukatambula likona hamo nendi.
Wuwahe wakumbili
18Nikuhanganika ngayi makando a shikati shino afwako kutwesha kulyezeka na wuwahe ou Nyambi akamonekeshe kukwetu. 19Ebye byalengiwa nimwabyo bina kutatilila ngayi Nyambi aholole bana bendi. 20#Shit 3:17-19. Ndaba ebye byalengiwa byanyanciwile, kaliha nisho byashingile, ngoboni Nyambi niye wafungilesho. Hinge noho kuli kulumbeza, 21ngayi mutena wamina byalengiwa bikashoboloka ku wulungo waku bola, pe bikawana ku shoboloka kwakuwahe kwa bana ba Nyambi. 22Tukulimuka ngayi kukuma na shikati shino byalengiwa nimwabyo bili na ku shunga hamo na kuyuvwa makando, makando akulifweka na shikati sha mbuyama oho akushampuluka. 23#2Koli 5:2-4. Kaliha byalengiwa tuhu, ngoboni nanetu tuli na mikabo ya kutatika ya Moyo, ha shikati shino tukushunga mu mutima, oho tukutatilila Nyambi kutulamwina na kutwinga bana bendi. 24Nyambi unatupulwishi na kulumbeza, ngoboni kulumbeza kwaku moneka, kaliha kulumbeza, ndaba osho muntu aku mona ukushilumbeza nahiti? 25Ngoboni ndi tukulumbeza osho tukubula ku mona, tukushitatilila na lunzewe.
26Nahiyo Moyo kami ukutuyavwa mu kupopa kwetu, ndaba kulimuka ebye tuku fwanina kulombela tufwako, ngoboni Moyo ukutuyavwa kulombela na ku shunga kwakubula kutwesha kwambiwa. 27Kami Nyambi uku mona bili mu mitima ya bantu, ukulimuka bihanganiko bya Moyo, ndaba Moyo ukulombelela bakakwitabila ngo shamutima wa Nyambi.
28Kami tukulimuka ngayi Nyambi, mu byuma nimwabyo ukutendabyo shiwahe kukwabo ba kumuhaka, kukwabo banehaniwi ngo shifungo shendi. 29Ndaba bantu aba Nyambi ahatile mwaka, wabahatile mwaka ngayi batendiwe ngo mu shifwekesha sha Mwanendi, ngayi niye enge mweli mukati ka bakonzobendi babengi. 30Nyambi aba ahatile, wabehanine, aba Nyambi ehanine, wabolokeshele, aba Nyambi olokeshele, wabatapilile ku wuwahe wendi.
Shishemo sha Nyambi muli Yeshu Kilishitu
31Kati tukamba bishini ku byuma ebye? Ndi Nyambi unatwimanini, yani ukutwesha kutulwisha? 32Niye wabulile kukanisha Mwanendi, ngoboni wamutupwile ndaba yetu nimwetu, pe ukabula nahiti kutupanika hamo nendi byuma nimwabyo? 33Yani ukabapana mulandu aba anahata Nyambi? Kowa, ndaba unabamono ngayi bakwoloka. 34Yani ou ukabayata? Kowa, ndaba Yeshu Kilishitu niye wafwile, washangukile ku bafu, ou uli ku liboko lya shilyo lya Nyambi, ou kami ukutulombelela. 35Yani ukatutapulula ku shishemo sha Kilishitu? Kampe makalikiza, hinge malwa, hinge byezeko, hinge nzala, hinge wuvwu, hinge malamo, hinge lufu ndi?
36 #
Nyi 44:22. Nehi kwatikitiwa ngayi,
“Ndaba yobe shikati nimwasho,
tu ku labiwa ngonehe bambelele bakuya mu ku zihiwa.”
37Ngoboni, mu byuma nimwabyo ebye tunakupitakana kupitila mumwendi watuhakile. 38Ndaba nakashuku ngayi kowa shikatutapulula ku shishemo sha Nyambi. Hinge lufu, hinge wumi, hinge mangeloyi, hinge batulela, hinge byuma biliko, hinge byuma bikeza, hinge bya ngovu byamina. 39Hinge wutali wakuya muyilu, hinge kunonka, hinge bya hano hanci, hinge shibumbwabumbwa shamina sha kulengiwa, bifwako kutwesha kututapulula ku shishemo sha Nyambi, eshe tuli nasho muli Yeshu Kilishitu Mwene wetu.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.