Baloma 15
15
Wahililisha baminobe kaliha obe mwine
1Etu tunashumu mu kukulupila, tunafwanini kuyavwa aba banapopo, tubayavwe kushimba miziho yabo. Pe hinga tuliwahililisha etu bamwine. 2Muntu na muntu kukwetu awahililishe ndambo yendi, amutendele byabiwahe ngayi ashume mu kukulupila. 3#Nyi 69:9. Ndaba Kilishitu kaliha waliwahililishile niye mwine, nehi kwatikitiwa ngayi, “Matuka ba kutukanine awililile hahami.” 4Ndaba byuma byatikitiwa, byatikitiwa ngayi tulilongeshe, mwanga twikale na lunzewe, pe tushumankane munebye byatikitiwa mwanga twinge bakakulumbeza. 5Nyambi mukakupana bantu lunzewe, amishumishe ngayi mwikale hamo, oho mu kukonka Yeshu Kilishitu, 6amiyavwe ngayi na mutima umo, nimwenu muyemeze Nyambi, niye Tata Mwene wetu Yeshu Kilishitu.
Byambo byabiwahe ku Bakamatunga
7Nohobene likowaminenu umo na wamina, nehi Kilishitu amitambwile, ngayi Nyambi ayemeziwe. 8Nikwamba kupwisha kukwenu ngayi, Yeshu Kilishitu wengile mukakutendela milimo Bayunda ku monesha ngayi Nyambi wenga wa kupwisha. Mu kwinzalishilila bikulupisho atendele ku bankakazabo, 9#2Sha 22:50; Nyi 18:49. nohobene ngayi Bakamatunga bayemeze Nyambi ndaba ya nceshe zendi, nehi kwatikitiwa ngayi,
“Ndaba ya neshe nika kuyemeza mukati ka Bakamatunga,
na kwimbila lwimbo lwa kuyemeza lizina lyobe.”
10 #
Nday 32:43. Kami wambile ngayi,
“Enu Bakamatunga, wahililenu hamo na bantu ba Nyambi!”
11 #
Nyi 117:1. Pe kami wambile ngayi,
“Yemezenu Nyambi, enu bakamatunga nimwenu,
mu yemezenu enu bantu nimwabo.”
12 #
Isha 11:10. Naniye muluwe Ishaya wambile kami ngayi,
“Umo ku mupishi wa Njeshe ukatundula.
Ukeza na kulela Bakamatunga,
kami Bakamatunga bakamukulupila.”
13Nyambi mwine kulumbeza, amipane ku wahilila na ku mwena kwakwinzala mu mitima yenu ndaba ya kukulupila kwenu, ngayi kulumbeza kwenu kukule shikuma na ngovu za Moyo wa Kuyela.
Bihanganiko bya Paulu ha kutikita na kukanca
14Bawushinda wami, ninayuvwishishi ngayi enu munenzala na wuwahe, munenzala na kalimukisho nimwako, pe mu kutwesha kulilongesha umo na wamina. 15Ngoboni mu lino liñwati ninatikiti na kukanca kukwenu, ninamyanukishi byambo bino. Natikiti na kukanca ndaba ya nceshe za Nyambi eze ampanine, 16ngayi nitende mulimo wa Yeshu Kilishitu ku Bakamatunga. Wampanikile mulimo wa ku shimikila ncango zaziwahe za Nyambi ngo mukankombela, ngayi Bakamatunga batambuliwe ngo nkombela yinayeleshiwi na Moyo wa Kuyela. 17Nohobene ha kulifungila na Yeshu Kilishitu nikutwesha kuliyemeza mu mulimo nikutenda wa Nyambi. 18Ndaba ndi nafwanini kwamba, nikamba tuhu byuma anatende Kilishitu kupitila mumwami, bya kuyavwa Bakamatunga ngayi bombatale Nyambi. Unatende ebye na mazu awa ninamba na milimo eye ninatende, 19na bimonekesho na bikomokesho biya binatendiwi na ngovu za Moyo wa Nyambi. Ngayi ncango zaziwahe za Yeshu Kilishitu ninazishimikili kufuma ku Yelushalema kukuma na ku Ililika. 20Nashingile tuhu ku shimikila ncango zaziwahe za Kilishitu ku mwanya oko babulile kuyuvwa lizina lya Kilishitu, ngayi hinga nizika ha mwimbi wa muntu wamina. 21#Isha 52:15. Nehi kwatikitiwa ngayi,
“Bantu babulile kutongweziwa byendi bakamona,
kami nibo babulile kuyuvwa byendi bakayuvwa.”
Bihanganiko bya Paulu ha kuzingula Loma
22 #
Lom 1:13. Ndaba ya shuma eshe na kwanga kwiza kukwenu. 23Ngoboni namanishi mulimo wami ku mbalila ya kuno. Myaka yayingi nekalile na nyumwa ya kwiza kukwenu, 24nikulumbeza kwiza na kumimona ha mukala wami wa kuya ku Shipeni. Nikawahilila kwambola nenu mu matena a kulaba, pe munyima ya kwambola nanenu mukancindikiza ha mukala wami. 25#1Koli 16:1-4. Ngoboni ha shikati shino, nikuya ku Yelushalema mu kutwala bya kuyavwa ku bantu ba Nyambi. 26Ndaba matengo aku Mashendoniya na ku Akaya, bawahililile ha kutenda mu kungwila wakuyavwa bakakushepwa bamo ku bantu ba Nyambi ba mu Yelushalema. 27#1Koli 9:11. Mwa shikuma bawahilililile ha kutenda noho, ndaba nibo bali na shitima ku baya ba kushepwa. Ndaba Bayunda ba mu Yelushalema balitapilile mfuywezi za moyo na Bakamatunga, pe nanibo kami ba ku fwanina kuyavwa Bayunda ebye bakushinga mu kuyoya kwabo. 28Nohobene oho nikamanisha ou mulimo wami, waku bapana byuma ebye, nikapita kukwenu ha kuya ku Shipeni. 29Nikulimuka ngayi oho nikeza kukwenu, nikeza na mfuywezi za byambo bya Kilishitu.
30Wuluno nikumilomba bawushinda, ndaba ya Mwene wetu Yeshu Kilishitu na ndaba ya shishemo sha Moyo wa Kuyela ngayi, ndwilenu mu malombelo wenu kuli Nyambi. 31Mundombelele ngayi nishoboloke kukwabo bakakubula kukulupila ba mu Yundeya, kami ngayi mulimo wami ou nikatenda mu Yelushalema, bantu ba Nyambi bakawutambule shiwahe. 32Nyambi ndi uketabila nikeza kukwenu na ku wahilila, kami nikawahilila ha kukatuluka hamo nanenu. 33Nyambi mukakupana ku mwena ekale nenu nimwenu. Ameni.
Currently Selected:
Baloma 15: LLK
Highlight
Share
Compare
Copy
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
Baloma 15
15
Wahililisha baminobe kaliha obe mwine
1Etu tunashumu mu kukulupila, tunafwanini kuyavwa aba banapopo, tubayavwe kushimba miziho yabo. Pe hinga tuliwahililisha etu bamwine. 2Muntu na muntu kukwetu awahililishe ndambo yendi, amutendele byabiwahe ngayi ashume mu kukulupila. 3#Nyi 69:9. Ndaba Kilishitu kaliha waliwahililishile niye mwine, nehi kwatikitiwa ngayi, “Matuka ba kutukanine awililile hahami.” 4Ndaba byuma byatikitiwa, byatikitiwa ngayi tulilongeshe, mwanga twikale na lunzewe, pe tushumankane munebye byatikitiwa mwanga twinge bakakulumbeza. 5Nyambi mukakupana bantu lunzewe, amishumishe ngayi mwikale hamo, oho mu kukonka Yeshu Kilishitu, 6amiyavwe ngayi na mutima umo, nimwenu muyemeze Nyambi, niye Tata Mwene wetu Yeshu Kilishitu.
Byambo byabiwahe ku Bakamatunga
7Nohobene likowaminenu umo na wamina, nehi Kilishitu amitambwile, ngayi Nyambi ayemeziwe. 8Nikwamba kupwisha kukwenu ngayi, Yeshu Kilishitu wengile mukakutendela milimo Bayunda ku monesha ngayi Nyambi wenga wa kupwisha. Mu kwinzalishilila bikulupisho atendele ku bankakazabo, 9#2Sha 22:50; Nyi 18:49. nohobene ngayi Bakamatunga bayemeze Nyambi ndaba ya nceshe zendi, nehi kwatikitiwa ngayi,
“Ndaba ya neshe nika kuyemeza mukati ka Bakamatunga,
na kwimbila lwimbo lwa kuyemeza lizina lyobe.”
10 #
Nday 32:43. Kami wambile ngayi,
“Enu Bakamatunga, wahililenu hamo na bantu ba Nyambi!”
11 #
Nyi 117:1. Pe kami wambile ngayi,
“Yemezenu Nyambi, enu bakamatunga nimwenu,
mu yemezenu enu bantu nimwabo.”
12 #
Isha 11:10. Naniye muluwe Ishaya wambile kami ngayi,
“Umo ku mupishi wa Njeshe ukatundula.
Ukeza na kulela Bakamatunga,
kami Bakamatunga bakamukulupila.”
13Nyambi mwine kulumbeza, amipane ku wahilila na ku mwena kwakwinzala mu mitima yenu ndaba ya kukulupila kwenu, ngayi kulumbeza kwenu kukule shikuma na ngovu za Moyo wa Kuyela.
Bihanganiko bya Paulu ha kutikita na kukanca
14Bawushinda wami, ninayuvwishishi ngayi enu munenzala na wuwahe, munenzala na kalimukisho nimwako, pe mu kutwesha kulilongesha umo na wamina. 15Ngoboni mu lino liñwati ninatikiti na kukanca kukwenu, ninamyanukishi byambo bino. Natikiti na kukanca ndaba ya nceshe za Nyambi eze ampanine, 16ngayi nitende mulimo wa Yeshu Kilishitu ku Bakamatunga. Wampanikile mulimo wa ku shimikila ncango zaziwahe za Nyambi ngo mukankombela, ngayi Bakamatunga batambuliwe ngo nkombela yinayeleshiwi na Moyo wa Kuyela. 17Nohobene ha kulifungila na Yeshu Kilishitu nikutwesha kuliyemeza mu mulimo nikutenda wa Nyambi. 18Ndaba ndi nafwanini kwamba, nikamba tuhu byuma anatende Kilishitu kupitila mumwami, bya kuyavwa Bakamatunga ngayi bombatale Nyambi. Unatende ebye na mazu awa ninamba na milimo eye ninatende, 19na bimonekesho na bikomokesho biya binatendiwi na ngovu za Moyo wa Nyambi. Ngayi ncango zaziwahe za Yeshu Kilishitu ninazishimikili kufuma ku Yelushalema kukuma na ku Ililika. 20Nashingile tuhu ku shimikila ncango zaziwahe za Kilishitu ku mwanya oko babulile kuyuvwa lizina lya Kilishitu, ngayi hinga nizika ha mwimbi wa muntu wamina. 21#Isha 52:15. Nehi kwatikitiwa ngayi,
“Bantu babulile kutongweziwa byendi bakamona,
kami nibo babulile kuyuvwa byendi bakayuvwa.”
Bihanganiko bya Paulu ha kuzingula Loma
22 #
Lom 1:13. Ndaba ya shuma eshe na kwanga kwiza kukwenu. 23Ngoboni namanishi mulimo wami ku mbalila ya kuno. Myaka yayingi nekalile na nyumwa ya kwiza kukwenu, 24nikulumbeza kwiza na kumimona ha mukala wami wa kuya ku Shipeni. Nikawahilila kwambola nenu mu matena a kulaba, pe munyima ya kwambola nanenu mukancindikiza ha mukala wami. 25#1Koli 16:1-4. Ngoboni ha shikati shino, nikuya ku Yelushalema mu kutwala bya kuyavwa ku bantu ba Nyambi. 26Ndaba matengo aku Mashendoniya na ku Akaya, bawahililile ha kutenda mu kungwila wakuyavwa bakakushepwa bamo ku bantu ba Nyambi ba mu Yelushalema. 27#1Koli 9:11. Mwa shikuma bawahilililile ha kutenda noho, ndaba nibo bali na shitima ku baya ba kushepwa. Ndaba Bayunda ba mu Yelushalema balitapilile mfuywezi za moyo na Bakamatunga, pe nanibo kami ba ku fwanina kuyavwa Bayunda ebye bakushinga mu kuyoya kwabo. 28Nohobene oho nikamanisha ou mulimo wami, waku bapana byuma ebye, nikapita kukwenu ha kuya ku Shipeni. 29Nikulimuka ngayi oho nikeza kukwenu, nikeza na mfuywezi za byambo bya Kilishitu.
30Wuluno nikumilomba bawushinda, ndaba ya Mwene wetu Yeshu Kilishitu na ndaba ya shishemo sha Moyo wa Kuyela ngayi, ndwilenu mu malombelo wenu kuli Nyambi. 31Mundombelele ngayi nishoboloke kukwabo bakakubula kukulupila ba mu Yundeya, kami ngayi mulimo wami ou nikatenda mu Yelushalema, bantu ba Nyambi bakawutambule shiwahe. 32Nyambi ndi uketabila nikeza kukwenu na ku wahilila, kami nikawahilila ha kukatuluka hamo nanenu. 33Nyambi mukakupana ku mwena ekale nenu nimwenu. Ameni.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.