Kulaba 36
36
Likona lya bakazi ba kuyekiwa
1Bakulwane ba lupashi ba livumo lya Ngiliyande, mwana Makiya muzukulya Manashe mwana Yoshefwa, bayile kuli Moshesha nakubakakutwaminina bamina ba baishalela. 2#Kul 27:7.Pe bambile ngayi, “Nyambi ya Ngula wamilayile kutapila litunga ku bantu ba Ishalela na kutenda nyela. Kami walayile kupanika likona lya kawushinda wetu Zelofwehandi ku bana bendi babambuyama. 3Ngoboni ndi ba kuyekiwa ku balume ba mushobo washenge, likona lyabo haya likenga lya uya mushobo, pe lyatapiwilile kukwetu na nyela likafumishiwa. 4Mu Mwaka Wakushoboloka oho likona nimwalyo liya lyalandishiwa likabokela ku bamwine walyo ba mwaka, likona lya bana ba Zelofwehandi babambuyama likafungiliwanga mwaya myaka ku mushobo ou banayekiwi na kwinga lya kuyongala ku mushobo wetu.”
5Nohobene Moshesha wapanikile bantu ba Ishalela ndayano za Nyambi ya Ngula ngayi, “Ebye unamba mushobo wa Yoshefwa binawaha, 6ebye nibyo Nyambi ya Ngula ambile ngayi bana ba Zelofwehandi babambuyama banashoboloko kuyekiwa ku muntu nimwendi bakushinga, ngoboni ndele mukati ka mushobo wabo bamwine. 7Likona lya Baishalela nimwabo likekala hinga lyayuminina ku mushobo wabo. 8Bambuyama nimwabo aba banakono likona mu mushobo wa Baishalela ba ku fwanina kuyekiwa ku balume ba ku mushobo uyo. Mu nzila eye Kaishalela nimwendi ukakona likona lya bankakazendi. 9Pe likona kukapita kufuma ku mushobo umo na kuya kuwamina lifwako. Mushobo na mushobo ukazamina kuheta likona lyawo niwowine.”
10Nohobene bana ba Zelofwehandi babambuyama batendele ngonehe alayile Nyambi ya Ngula kuli Moshesha. 11Pe Mahila na Tiliza na Hongila na Milika na Nowa, bana ba Zelofwehandi babambuyama, batendele ngonehe eshe Nyambi ya Ngula atongwezele Moshesha na kuyekiwa ku bafwala babo. 12Bayekiwile mukati ka mavumo a mushobo wa Manashe mwana Yoshefwa na likona lyabo lyekalile mukati ka mushobo wa tatiyabo.
13Eze nizo ndayano ziya Nyambi ya Ngula apanikile Baishalela mu maboko a Moshesha mu zimbuwa za Mowambi mu nciza ya Mushinzi wa Yondana kuliyahikiza na Yeliko.
Currently Selected:
Kulaba 36: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.