Kulaba 2
2
Kuliwahisha kwa mishobo mu Munkungwa
1Nyambi ya Ngula wambile kuli Moshesha na Aloni ngayi, 2“Oho Baishalela bakwimika munkungwa, muntu na muntu ukatulila mu nceto ya ndembela ya shipani shendi na ndembela ya bamu livumo lyendi. Munkungwa ukuzikiwa kuzingwilisha ntanda nimwayo. 3Kumbalila yaku mushamuko, baya bali mu nceto ya ndembela ya shipani sha Yunda bakatulila mu tunzunga twabo, mu nceto ya bakakutwaminina babo. Mu kanzunga ka Yunda mukakutwaminina ukenga Nahishoni, mwana Aminandabe. 4Bantu balabiwile mu kanzunga kendi bengile 74,600. 5Mu kanzunga ka Ishaka mukakutwaminina ukenga Natanele, mwana Zuwala. 6Bantu balabiwile mu kanzunga kendi bengile 54,400. 7Mu kanzunga ka Zembuloni mukakutwaminina ukenga Eliyambi, mwana Heloni. 8Bantu balabiwile mu kanzunga kendi bengile 57,400. 9Bantu nimwabo balabiwile mu shipani sha Yunda bakenga 186,400. Shipani sha Yunda shikayangaho kumbili na kuwuluta.
10“Ku mbalila yaku mabukubuku, baya bali mu nceto ya ndembela ya shipani sha Lubena bakatulila mu tuzunga twabo, mu nceto ya bakakutwaminina babo. Mu kanzunga ka Lubena mukakutwaminina ukenga Elizula, mwana Shendula. 11Bantu balabiwile mu kanzunga kendi bengile 46,500. 12Mu kanzunga ka Shimiyoni mukakutwaminina ukenga Shelumiyela, mwana Zulishandayi. 13Bantu balabiwile bengile 59,300. 14Mu kanzunga ka Ngandi mukakutwaminina ukenga Eliyashafwi, mwana Leulu. 15Bantu balabiwile mu kanzunga kendi bengile 45,650. 16Bantu balabiwile mu shipani sha Lubena bengile 151,450. Shipani sha Lubena shikalundaminako kuya na kuwuluta.
17“Niho mukati ka bipani bibili bya kutatika nanebye bya kukotokela bibili, Balevi bakaya na kuwuluta na kushimba ntanda. Shipani na shipani shikenda mu ndayano zimo ngonehe batulile, mu mwanya washo mu nceto ya ndembela yasho.
18“Ku mbalila yaku mponci, baya bali mu nceto ya ndembela ya shipani sha Efulemu bakatulila mu tunzunga twabo mu nceto ya bakakutwaminina babo. Ku kanzunga ka Efulemu mukakutwaminina ukenga Elishama, mwana Amihundi. 19Bantu balabiwile mu kanzunga kendi bengile 40,500. 20Mu kazunga ka Manashe mukakutwaminina ukenga Ngamaliyele, mwana Pendahizu. 21Bantu balabiwile mu kanzunga kendi bengile 32,200. 22Mu kanzunga ka Mbenjamani mukakutwaminina ukenga Ambindani, mwana Ngindiyoni wa mulume. 23Bantu balabiwile mu kanzunga kendi bengile 35,400. 24Bantu nimwabo balabiwile mushipani sha Efulemu bengile 108,100. Bakaya naku wuluta mu shipani sha wuhatu.
25“Ku mbalila yaku ncelele baya bali mu nceto ya ndembela ya shipani sha Ndani bakatulila mu tuzunga twabo mu nceto ya bakakutwaminina babo. Mu kanzunga ka Ndani mukakutwaminina ukenga Ahiyaza, mwana Amishandayi. 26Bantu balabiwile mu kanzunga kendi bengile 62,700. 27Mu kanzunga ka Asha mukakutwaminina ukenga Pangiyele, mwana Okilani. 28Bantu balabiwile mu kazunga kendi bengile 41,500. 29Mu kanzunga ka Nafwitali mukakutwaminina ukenga Ahila, mwana Enani. 30Bantu balabiwile mu kanzunga kendi bengile 53,400. 31Bantu nimwabo balabiwile mu shipani sha Ndani bengile 157,600. Shipani sha Ndani shikashalila kunyima na kuwuluta.”
32Bantu nimwabo ba Ishalela balabiwile mu bipani, kanzunga na kanzunga bengile 603,550. 33Ngoboni Balevi kaliha balabiwile hamo na Baishalela bamina, ngonehe Nyambi ya Ngula atongwezele Moshesha.
34Nohobene bantu ba Ishalela batendele byuma nimwabyo biya Nyambi ya Ngula atongwezele Moshesha. Batulilile muntu na muntu mu nceto ya ndembela yendi, pe bawulutile muntu na muntu hamo na bamu livumo lyendi.
Currently Selected:
Kulaba 2: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.