Mika 2
2
Ncuungu batambulanga bakakuyandisha bancepwe
1Makando wabo, baya ba kubalika bya kuluwa
na kuyongola byabibi ha shikati sha wushiku ha malili wabo.
Oho kunashi lumenemene ba kuwana shikati,
sha kutenda byabibi ebye banayongolonga.
2Bakupukula na kushimba byuma bya baminabo,
oho bakushinga mafuba ba kuwashimba.
Oho bakushinga matala ba kuwashimba.
Kowa lupashi hinge wuheti wendi bilishiwahe.
3Nyambi ya Ngula uli na kwamba ngayi,
monenu, na kuyongola kuleta malwa hahenu, kami mufwako kutwesha kukapanza.
Mukekala mu makalikiza, kami kukaliyemeza mufwako.
4Oho shiya shikati shakakumina,
bantu bakamihengamina na kwimbila lwimbo lwa kuyena ngayi,
“Twalobeshiwakale,
Nyambi ya Ngula unatuyangulu litunga lyetu,
na kupana baya batutwalile mu wuntapwa.”
5Nohobene, shikati shakakuma sha kubweshela litunga ku bantu ba Nyambi ya Ngula,
kowa hinge umo kukwenu ukawana shitapilo.
6Bantu ba ku shimikila kukwami bakwamba ngayi,
“Hinga utushimikila, hinga utulubulwila bya noho.
Etu kukekala na lisheni tufwako.
7Kati obe ukuhanganika ngayi bantu ba Ishalela banakutiwi ndi?
Kati Nyambi ya Ngula ukutwesha kutatililila ndi?
Kati ukutwesha kutenda byuma bya nehe ndi?
Mazu wendi enga amawahe kukwetu bakakutenda byabiwahe.”
8Munafutulukili bantu bami ngonehe bamalamo.
Bantu bami oho ba kuboka kufuma ku nzita, bakuhanganika bali mu ku mwena,
mu kutatilila ngayi mubapukule bivwalo byabo.
9Munatanda bakaza bantu bami mu matala abo amawahe,
na kufumisha mfuywezi zami ku banababo mwaya myaka.
10Katukenu, muye. Kuno hikowa mwanya waku kwangulukila,
ndaba wubi wenu unaleteshe ngayi lino litunga lilobeshiwe.
11Enu mukushinga bamiluwe bali na mazu akwongeza na kwamba ngayi,
“Nikulubulula kukwenu bya kuvula kwa waine na malovu.”
12“Enu mashaliza a Ishalela,
nikamiwanika hamo ngonehe bambelele ba kuboka ku mutanga.
Litunga lyenu likekala na bantu babengi,
ngonehe mabuyishilo anenzala na bambelele.”
13Nyambi ukabashinkwilila nzila na kubafumisha mu wulungo.
Bakashoboloka na kututikila mumapangati.
Nyambi ya Ngula, mwene yabo, niye ukenda kumbili ku batwaminina.
Currently Selected:
Mika 2: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
Mika 2
2
Ncuungu batambulanga bakakuyandisha bancepwe
1Makando wabo, baya ba kubalika bya kuluwa
na kuyongola byabibi ha shikati sha wushiku ha malili wabo.
Oho kunashi lumenemene ba kuwana shikati,
sha kutenda byabibi ebye banayongolonga.
2Bakupukula na kushimba byuma bya baminabo,
oho bakushinga mafuba ba kuwashimba.
Oho bakushinga matala ba kuwashimba.
Kowa lupashi hinge wuheti wendi bilishiwahe.
3Nyambi ya Ngula uli na kwamba ngayi,
monenu, na kuyongola kuleta malwa hahenu, kami mufwako kutwesha kukapanza.
Mukekala mu makalikiza, kami kukaliyemeza mufwako.
4Oho shiya shikati shakakumina,
bantu bakamihengamina na kwimbila lwimbo lwa kuyena ngayi,
“Twalobeshiwakale,
Nyambi ya Ngula unatuyangulu litunga lyetu,
na kupana baya batutwalile mu wuntapwa.”
5Nohobene, shikati shakakuma sha kubweshela litunga ku bantu ba Nyambi ya Ngula,
kowa hinge umo kukwenu ukawana shitapilo.
6Bantu ba ku shimikila kukwami bakwamba ngayi,
“Hinga utushimikila, hinga utulubulwila bya noho.
Etu kukekala na lisheni tufwako.
7Kati obe ukuhanganika ngayi bantu ba Ishalela banakutiwi ndi?
Kati Nyambi ya Ngula ukutwesha kutatililila ndi?
Kati ukutwesha kutenda byuma bya nehe ndi?
Mazu wendi enga amawahe kukwetu bakakutenda byabiwahe.”
8Munafutulukili bantu bami ngonehe bamalamo.
Bantu bami oho ba kuboka kufuma ku nzita, bakuhanganika bali mu ku mwena,
mu kutatilila ngayi mubapukule bivwalo byabo.
9Munatanda bakaza bantu bami mu matala abo amawahe,
na kufumisha mfuywezi zami ku banababo mwaya myaka.
10Katukenu, muye. Kuno hikowa mwanya waku kwangulukila,
ndaba wubi wenu unaleteshe ngayi lino litunga lilobeshiwe.
11Enu mukushinga bamiluwe bali na mazu akwongeza na kwamba ngayi,
“Nikulubulula kukwenu bya kuvula kwa waine na malovu.”
12“Enu mashaliza a Ishalela,
nikamiwanika hamo ngonehe bambelele ba kuboka ku mutanga.
Litunga lyenu likekala na bantu babengi,
ngonehe mabuyishilo anenzala na bambelele.”
13Nyambi ukabashinkwilila nzila na kubafumisha mu wulungo.
Bakashoboloka na kututikila mumapangati.
Nyambi ya Ngula, mwene yabo, niye ukenda kumbili ku batwaminina.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.