Mateo 2
2
Balume bangana bafumine ku mushamuko
1Oho Yeshu ahemuwilile mu munzi wa Mbetelehema mu Yundeya, ha matena a Helonda ou wengile mwene, ku mushamuko kwafumine balume bangana baya bezile ku Yelushalema, 2pe bepwile ngayi, “Ulikuti ou mbututu unahemuwu mwene wa Bayunda? Tunamono lunyenye lwendi ku mushamuko, pe tunezi mu kumulemesha.”
3Oho Mwene Helonda ayuvwile ebye, waliyakatile shikuma hamo na bantu nimwabo ba mu Yelushalema. 4Helonda wehanine bakankombela ba bakulwane nimwabo na bakakulongesha ndayano, pe wabepwile ngayi, “Kati Kilishitu ukuhemuwila kuti?” 5Bamutongwezele ngayi, “Mu munzi wa Mbetelehema mu Yundeya, ndaba nisho atikitile muluwe wa Nyambi ngayi,
6 #
Mika 5:2. ‘Obe Mbetelehema, wa mu litunga lya Yunda,
kaliha uli wamushe ku minzi yayinene ya Yunda,
ndaba kukwobe kukafuma kalela,
ou ukenga mulishani wa bantu bami Baishalela.’ ”
7Niho Helonda ehanine baya balume bangana kuwi, pe wabepwizizile shikati osho lwamonekele lunyenye. 8Niho abatumine ku Mbetelehema, pe wambile ngayi, “Yenunga mukashingishishe mwana, mwakamuwana, mukantongweze ngayi na nami kami mwanga niye na kumulemesha.” 9Oho bayuvwile mazu a mwene, bayile mu nzila yabo, pe bamonene lunyenye luya bamonene ku mushamuko, lwabatwaminine kumbili hantu noho lwakemanine ha mwanya uya ekalile mbututu. 10Oho bamonene lunyenye, bawahililile shikuma na kutangala. 11Benginine mu litala, bamonene mbututu na mandiyendi Maliya, bashinkamine hanci, pe bamulemeshele. Niho bafukulwile zimfuma zabo, pe bamupanikile bishemo bya ngolinde na incence na miila. 12Niho Nyambi abashiwulwile mu mulo ngayi hinga baboka kuli Helonda, pe babokele ku litunga lyabo na nzila yashenge.
Mwana ba kumutinishila ku Engepita
13Balume bangana oho bayile, lingeloyi lya Mwene lyalimonekeshele kuli Yoshefwa mu mulo ngayi, “Pinduka ushimbe mwana na mandiyendi, pe tininenu ku Engepita. Mukekaleko kuyo hantu nakamitongweze, ndaba Helonda ukushinga mwana ngayi amuzihe.”
14Yoshefwa wapindukile washimbile mwana na mandiyendi wushiku wuyo, pe bayile ku Engepita. 15#Hosh 11:1. Wakekalile kuyo kutwala noho Helonda afwile. Eshe shatendiwile ngayi shinge sha kupwisha eshe ambile Mwene muli muluwe wendi ngayi, “Nehanine Mwanami kumufumisha ku Engepita.”
Kuzihiwa kwa batwanuke
16Oho Helonda amonene ngayi baya balume bangana banamukweshuku, wapilamine shikuma, pe watumine bantu kuya nakuziha batwanuke babalume nimwabo ba mu Mbetelehema na ba mu minzi ya zingulukako kuyo, baya bekalile na myaka yibili na bamu nceto yabo, kwezekesha na shikati osho ayuvwile ku balume bangana oho lunyenye lwamonekele.
17Nohobene kwatendiwile ebye ambile muluwe Yelemiya ngayi,
18 #
Yel 31:15. “Lukuwa lunayuvwaniki mu Lama,
lwa kutuwa mbingo.
Lakele uli na kulila bana bendi,
ukukana kubengezekiwa,
ndaba bana bendi banafu.”
Yeshu na bahemi bendi ba kuboka kufuma ku Engepita
19Ngoboni oho afwile Helonda, lingeloyi lya Mwene lyalimonekeshele kuli Yoshefwa mu mulo mu Engepita, 20pe wambile ngayi, “Katuka, shimba kanuke na mandiyendi, pe muboke ku litunga lya Ishalela, ndaba baya bashingilenga kuziha kanuke banafu.”
21Nohobene Yoshefwa wakatukile washimbile kanuke na mandiyendi, pe babokele ku litunga lya Ishalela. 22Ngoboni oho Yoshefwa ayuvwile ngayi Akelashi unashwana tatiyendi Helonda kwinga mwene wa mu Yundeya, watinine kuyako. Oho Nyambi amushiwulwile mu mulo, wayile ku litunga lya Ngalileya, 23#Mako 1:24; Luka 2:39; Yowa 1:45. pe wazikile mu munzi watumbiwile Nazaleta. Kwatendiwile ebye bambile bamiluwe ba Nyambi ngayi, “Ukatumbiwa Kanazaleta.”
Currently Selected:
Mateo 2: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
Mateo 2
2
Balume bangana bafumine ku mushamuko
1Oho Yeshu ahemuwilile mu munzi wa Mbetelehema mu Yundeya, ha matena a Helonda ou wengile mwene, ku mushamuko kwafumine balume bangana baya bezile ku Yelushalema, 2pe bepwile ngayi, “Ulikuti ou mbututu unahemuwu mwene wa Bayunda? Tunamono lunyenye lwendi ku mushamuko, pe tunezi mu kumulemesha.”
3Oho Mwene Helonda ayuvwile ebye, waliyakatile shikuma hamo na bantu nimwabo ba mu Yelushalema. 4Helonda wehanine bakankombela ba bakulwane nimwabo na bakakulongesha ndayano, pe wabepwile ngayi, “Kati Kilishitu ukuhemuwila kuti?” 5Bamutongwezele ngayi, “Mu munzi wa Mbetelehema mu Yundeya, ndaba nisho atikitile muluwe wa Nyambi ngayi,
6 #
Mika 5:2. ‘Obe Mbetelehema, wa mu litunga lya Yunda,
kaliha uli wamushe ku minzi yayinene ya Yunda,
ndaba kukwobe kukafuma kalela,
ou ukenga mulishani wa bantu bami Baishalela.’ ”
7Niho Helonda ehanine baya balume bangana kuwi, pe wabepwizizile shikati osho lwamonekele lunyenye. 8Niho abatumine ku Mbetelehema, pe wambile ngayi, “Yenunga mukashingishishe mwana, mwakamuwana, mukantongweze ngayi na nami kami mwanga niye na kumulemesha.” 9Oho bayuvwile mazu a mwene, bayile mu nzila yabo, pe bamonene lunyenye luya bamonene ku mushamuko, lwabatwaminine kumbili hantu noho lwakemanine ha mwanya uya ekalile mbututu. 10Oho bamonene lunyenye, bawahililile shikuma na kutangala. 11Benginine mu litala, bamonene mbututu na mandiyendi Maliya, bashinkamine hanci, pe bamulemeshele. Niho bafukulwile zimfuma zabo, pe bamupanikile bishemo bya ngolinde na incence na miila. 12Niho Nyambi abashiwulwile mu mulo ngayi hinga baboka kuli Helonda, pe babokele ku litunga lyabo na nzila yashenge.
Mwana ba kumutinishila ku Engepita
13Balume bangana oho bayile, lingeloyi lya Mwene lyalimonekeshele kuli Yoshefwa mu mulo ngayi, “Pinduka ushimbe mwana na mandiyendi, pe tininenu ku Engepita. Mukekaleko kuyo hantu nakamitongweze, ndaba Helonda ukushinga mwana ngayi amuzihe.”
14Yoshefwa wapindukile washimbile mwana na mandiyendi wushiku wuyo, pe bayile ku Engepita. 15#Hosh 11:1. Wakekalile kuyo kutwala noho Helonda afwile. Eshe shatendiwile ngayi shinge sha kupwisha eshe ambile Mwene muli muluwe wendi ngayi, “Nehanine Mwanami kumufumisha ku Engepita.”
Kuzihiwa kwa batwanuke
16Oho Helonda amonene ngayi baya balume bangana banamukweshuku, wapilamine shikuma, pe watumine bantu kuya nakuziha batwanuke babalume nimwabo ba mu Mbetelehema na ba mu minzi ya zingulukako kuyo, baya bekalile na myaka yibili na bamu nceto yabo, kwezekesha na shikati osho ayuvwile ku balume bangana oho lunyenye lwamonekele.
17Nohobene kwatendiwile ebye ambile muluwe Yelemiya ngayi,
18 #
Yel 31:15. “Lukuwa lunayuvwaniki mu Lama,
lwa kutuwa mbingo.
Lakele uli na kulila bana bendi,
ukukana kubengezekiwa,
ndaba bana bendi banafu.”
Yeshu na bahemi bendi ba kuboka kufuma ku Engepita
19Ngoboni oho afwile Helonda, lingeloyi lya Mwene lyalimonekeshele kuli Yoshefwa mu mulo mu Engepita, 20pe wambile ngayi, “Katuka, shimba kanuke na mandiyendi, pe muboke ku litunga lya Ishalela, ndaba baya bashingilenga kuziha kanuke banafu.”
21Nohobene Yoshefwa wakatukile washimbile kanuke na mandiyendi, pe babokele ku litunga lya Ishalela. 22Ngoboni oho Yoshefwa ayuvwile ngayi Akelashi unashwana tatiyendi Helonda kwinga mwene wa mu Yundeya, watinine kuyako. Oho Nyambi amushiwulwile mu mulo, wayile ku litunga lya Ngalileya, 23#Mako 1:24; Luka 2:39; Yowa 1:45. pe wazikile mu munzi watumbiwile Nazaleta. Kwatendiwile ebye bambile bamiluwe ba Nyambi ngayi, “Ukatumbiwa Kanazaleta.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.