Balevi 3
3
Zinkombela za kulilumikila
1“Oho muntu ukukombelela umo ha zingombe zendi kwinga nkombela ya kulilumikila kuli Nyambi ya Ngula, yiku fwanina kwinga ya nkunzi hinge ya shitole wafwanina kutupula wakubula muhendo. 2Ou muntu ukakambika liboko lyendi ha mutwe wa shimuna na kumuzihila ku menginino a Ntanda ya Shikungulukilo. Niho bakankombela bana ba Aloni, bakayitila mukeza ha zimbalila za kaala nimwazo zinaa. 3Pe bakaleta bimamo ebye nimwabyo bya shimuna kwinga nkombela ya byakulya ya kuhokesha kuli Nyambi ya Ngula, mazi nimwawo a bya mukati, 4na mashiye abili na mazi awo na mbalila yayiwahe ya ku litima. 5Pe bakankombela bana ba Aloni bakahokesha ebye nimwabyo ha kaala hamo na zinkombela za kuhokesha ziya zili hayilu ya nkuni ha mundilo. Niyo yinengi nkombela ya kuhokesha, pe livumba lya neye nkombela ya byakulya bya kuwahililisha Nyambi ya Ngula.
6“Ndi muntu ukutupula kwinga nkombela ya kulilumikila kuli Nyambi ya Ngula, hamina nkombela wa shikungwe hinge wa shitole, ngoboni uku fwanina kwinga wakubula muhendo. 7Ndi ukukombelela mbelele kwinga ntupu, ukamulete ku meho a Nyambi ya Ngula. 8Pe ukakambika liboko lyendi ha mutwe wa mbelele na kumuzihila kumbili ya Ntanda ya Shikungulukilo. Bakankombela bakayitila mukeza wendi kuzimbalila nimwazo za kaala zinaa. 9Niho mukankombela uku fwanina kuleta nkombela ya kulilumikila kwinga nkombela ya kuhokesha kuli Nyambi ya Ngula. Uku fwanina kukombelela mazi na mushila wa mazi nimwawo waku ketwila kwakwipi na mongo na mazi nimwawo akufwika bya mukati nimwabyo, 10na mashiye abili hamo na mazi awo na mbalila yayiwahe yaku litima. Ebye bikafumishiwa, 11pe mukankombela ukabihokesha ha kaala. Yikenga nkombela yayiwahe ya kuhokesha kuli Nyambi ya Ngula.
12“Ndi muntu ukukombelela mpongo kwinga ntupu, amulete kuli Nyambi ya Ngula, 13ukambike maboko ha mutwe wa mpongo na kumuzihila kumbili ku menginino a Ntanda ya Shikungulukilo. Niho bakankombela bana ba Aloni bakayitila mukeza kuzingwilisha kaala. 14Mukankombela uku fwanina kuleta bimamo ebye bya shimuna kwinga ntupu ya byakulya ya kuhokesha kuli Nyambi ya Ngula, mazi nimwawo a bya mukati, 15na mashiye abili na mazi awo na mbalila yayiwahe yaku litima. 16Pe mukankombela ukabihokeshela ebye nimwabyo ha kaala kwinga nkombela ya byakulya ya kuhokesha, livumba lyaliwahe likawahililisha Nyambi ya Ngula. Mazi nimwawo akenga a Nyambi ya Ngula. 17Kaishalela kaliha wafwanina kulya mazi hinge mukeza, awa anengi mazu a kulamiwa mwaya myaka ku bihemunwino bya Baishalela nimwabyo, oku nimwako bakekala.”
Currently Selected:
Balevi 3: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
Balevi 3
3
Zinkombela za kulilumikila
1“Oho muntu ukukombelela umo ha zingombe zendi kwinga nkombela ya kulilumikila kuli Nyambi ya Ngula, yiku fwanina kwinga ya nkunzi hinge ya shitole wafwanina kutupula wakubula muhendo. 2Ou muntu ukakambika liboko lyendi ha mutwe wa shimuna na kumuzihila ku menginino a Ntanda ya Shikungulukilo. Niho bakankombela bana ba Aloni, bakayitila mukeza ha zimbalila za kaala nimwazo zinaa. 3Pe bakaleta bimamo ebye nimwabyo bya shimuna kwinga nkombela ya byakulya ya kuhokesha kuli Nyambi ya Ngula, mazi nimwawo a bya mukati, 4na mashiye abili na mazi awo na mbalila yayiwahe ya ku litima. 5Pe bakankombela bana ba Aloni bakahokesha ebye nimwabyo ha kaala hamo na zinkombela za kuhokesha ziya zili hayilu ya nkuni ha mundilo. Niyo yinengi nkombela ya kuhokesha, pe livumba lya neye nkombela ya byakulya bya kuwahililisha Nyambi ya Ngula.
6“Ndi muntu ukutupula kwinga nkombela ya kulilumikila kuli Nyambi ya Ngula, hamina nkombela wa shikungwe hinge wa shitole, ngoboni uku fwanina kwinga wakubula muhendo. 7Ndi ukukombelela mbelele kwinga ntupu, ukamulete ku meho a Nyambi ya Ngula. 8Pe ukakambika liboko lyendi ha mutwe wa mbelele na kumuzihila kumbili ya Ntanda ya Shikungulukilo. Bakankombela bakayitila mukeza wendi kuzimbalila nimwazo za kaala zinaa. 9Niho mukankombela uku fwanina kuleta nkombela ya kulilumikila kwinga nkombela ya kuhokesha kuli Nyambi ya Ngula. Uku fwanina kukombelela mazi na mushila wa mazi nimwawo waku ketwila kwakwipi na mongo na mazi nimwawo akufwika bya mukati nimwabyo, 10na mashiye abili hamo na mazi awo na mbalila yayiwahe yaku litima. Ebye bikafumishiwa, 11pe mukankombela ukabihokesha ha kaala. Yikenga nkombela yayiwahe ya kuhokesha kuli Nyambi ya Ngula.
12“Ndi muntu ukukombelela mpongo kwinga ntupu, amulete kuli Nyambi ya Ngula, 13ukambike maboko ha mutwe wa mpongo na kumuzihila kumbili ku menginino a Ntanda ya Shikungulukilo. Niho bakankombela bana ba Aloni bakayitila mukeza kuzingwilisha kaala. 14Mukankombela uku fwanina kuleta bimamo ebye bya shimuna kwinga ntupu ya byakulya ya kuhokesha kuli Nyambi ya Ngula, mazi nimwawo a bya mukati, 15na mashiye abili na mazi awo na mbalila yayiwahe yaku litima. 16Pe mukankombela ukabihokeshela ebye nimwabyo ha kaala kwinga nkombela ya byakulya ya kuhokesha, livumba lyaliwahe likawahililisha Nyambi ya Ngula. Mazi nimwawo akenga a Nyambi ya Ngula. 17Kaishalela kaliha wafwanina kulya mazi hinge mukeza, awa anengi mazu a kulamiwa mwaya myaka ku bihemunwino bya Baishalela nimwabyo, oku nimwako bakekala.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.