Hoshiya 8
8
Nyambi ya Ngula ukunyanca Ishalela ha kulemesha tunankishi
1Nyambi ya Ngula ngayi, “Shiba mpandula yobe, ndaba kamalamo ukwiza ngonehe ngonga ha litala lya Nyambi ya Ngula, ndaba banakiluku kulimama kwami na kufutulukila mazu wami. 2Ishalela ukukalokela kukwami ngayi, ‘Obe Nyambi yetu, twa kulimuka.’ 3Ngoboni Baishalela banakana byabiwahe, ndaba bamalamo bakaya na kumukonka.
4“Bakuyaka bamyene kwakubula Ami kubetabilisha, ba kuhata batulela kwakubula Ami kulimuka. Batendele tunankishi ha shiliva na ngolinde, mukulilobesha kwabo nibo bamwine. 5Nazimba kanankishi ka ngombe, kaya bakulemesha bantu ba ku Shamaliya. Nabapilamini shikuma. Kati kukapita shikati sha kukuma hati ngayi balehe kulemesha tunankishi twabo? 6Kaya kanankishi kaliha kengile Nyambi. Muntu wa wutungu wafumine ku Ishalela niye wakatendele. Kaya kanankishi kaku Shamaliya kakacancoliwa.
7“Baishalela ba kubile mpepo, pe bakateza kakundukundu. Mowa mpeka mu lutende lwa kwimana. Kukayima byakulya lufwako, hinge ndi lukayima bayeni bakalulya. 8Ishalela unaminiwi haya uli mukati ka matunga anafweke ngo shuma showa. 9Ngonehe mbongolo wa lishaka uli mumufuno, bantu ba Efulemu banayi ku Ashiliya. Banatende lwiholwiho ku bantu babengi shikuma. 10Hinge ndi banayi na kuloba ba shikonzi babo mukati ka matunga, wuluno niye na ku ba kungwila hamo na kubashushula. Pe bakatatika kunanga kanikani. Kukuyandishiwa kwa mwene wa ngovu waku Ashiliya.
11“Efulemu wavulishakale tuula twa kufumisha wubi, ngoboni oto tuula twafutukakale twa kutendela wubi. 12Hinge ndi namutikitila ndayano zami zazingizingi, ngoboni uli na kukana. Zikuwaniwa ngo zinengi za shiyeni. 13Bahaka zinkombela ba kukombelela nyama pe hiba kulya nyama ya nkombela, ngoboni Nyambi ya Ngula ku wahilila nabyo ufwako. Haya ukanuka wubi wabo na kubashushula, pe bakaboka ku Engepita.
14“Ishalela na lizikili misheke yayinene na kuvulama Shakalenga wendi. Yunda unavulishi minzi ya bipata. Ngoboni nikatuma mundilo ha minzi yendi, pe ukahokesha bipata byendi.”
Currently Selected:
Hoshiya 8: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
Hoshiya 8
8
Nyambi ya Ngula ukunyanca Ishalela ha kulemesha tunankishi
1Nyambi ya Ngula ngayi, “Shiba mpandula yobe, ndaba kamalamo ukwiza ngonehe ngonga ha litala lya Nyambi ya Ngula, ndaba banakiluku kulimama kwami na kufutulukila mazu wami. 2Ishalela ukukalokela kukwami ngayi, ‘Obe Nyambi yetu, twa kulimuka.’ 3Ngoboni Baishalela banakana byabiwahe, ndaba bamalamo bakaya na kumukonka.
4“Bakuyaka bamyene kwakubula Ami kubetabilisha, ba kuhata batulela kwakubula Ami kulimuka. Batendele tunankishi ha shiliva na ngolinde, mukulilobesha kwabo nibo bamwine. 5Nazimba kanankishi ka ngombe, kaya bakulemesha bantu ba ku Shamaliya. Nabapilamini shikuma. Kati kukapita shikati sha kukuma hati ngayi balehe kulemesha tunankishi twabo? 6Kaya kanankishi kaliha kengile Nyambi. Muntu wa wutungu wafumine ku Ishalela niye wakatendele. Kaya kanankishi kaku Shamaliya kakacancoliwa.
7“Baishalela ba kubile mpepo, pe bakateza kakundukundu. Mowa mpeka mu lutende lwa kwimana. Kukayima byakulya lufwako, hinge ndi lukayima bayeni bakalulya. 8Ishalela unaminiwi haya uli mukati ka matunga anafweke ngo shuma showa. 9Ngonehe mbongolo wa lishaka uli mumufuno, bantu ba Efulemu banayi ku Ashiliya. Banatende lwiholwiho ku bantu babengi shikuma. 10Hinge ndi banayi na kuloba ba shikonzi babo mukati ka matunga, wuluno niye na ku ba kungwila hamo na kubashushula. Pe bakatatika kunanga kanikani. Kukuyandishiwa kwa mwene wa ngovu waku Ashiliya.
11“Efulemu wavulishakale tuula twa kufumisha wubi, ngoboni oto tuula twafutukakale twa kutendela wubi. 12Hinge ndi namutikitila ndayano zami zazingizingi, ngoboni uli na kukana. Zikuwaniwa ngo zinengi za shiyeni. 13Bahaka zinkombela ba kukombelela nyama pe hiba kulya nyama ya nkombela, ngoboni Nyambi ya Ngula ku wahilila nabyo ufwako. Haya ukanuka wubi wabo na kubashushula, pe bakaboka ku Engepita.
14“Ishalela na lizikili misheke yayinene na kuvulama Shakalenga wendi. Yunda unavulishi minzi ya bipata. Ngoboni nikatuma mundilo ha minzi yendi, pe ukahokesha bipata byendi.”
Libuka Lya Kuyela © Bible Society of Zambia, 2020.