Hoshiya 5
5
1Yuvwililenu eshe, enu bakankombela. Nanenu bantu ba Ishalela, yuvwililenu. Enu ba litala lya mwene, tengekenu matu. Kuyata kunakundama kukwenu, ndaba mwengile shipukalisho ku Mizipa, pe kanyanzi kana tandubuliwi ha Tambola. 2Munakaba linkwina lya kunonka ngayi mubakwatile ku Shitimu, ngoboni nikamikeyesha nimwenu. 3Nikulimuka Efulemu pe Ishalela kuholama kukwami ufwako, ndaba haya, obe Ishalela unatende lwiholwiho, obe Ishalela unalibipishi.
Hoshiya ukushiwulula bantu ha kulemesha tunankishi
4Ntendelo yabo kubetabilisha kuboka kuli Nyambi yabo yifwako. Ndaba moyo walwiholwiho ushili mu mitima yabo, pe kami kulimuka Nyambi ya Ngula bafwako. 5Kuliyemeza kwa Ishalela kwalete wupaki ku meho wendi niyemwine, pe Efulemu ukapukala ha mulandu wendi. Yunda kami ukapukala hamo nabo. 6Bakaya hamo na matanga abo a bambelele nanawa a zingombe na kushinga Nyambi ya Ngula ngoboni kukamuwana bafwako, ndaba unafumu kukwabo. 7Banabipishili Nyambi ya Ngula ha kubula kukulupila. Ndaba banabeleke bana bamu wunjenge. Haya mu ngonda wamupya bakalobeshiwa hamo na mafuba wabo.
Nzita mukati ka Yunda na Ishalela
8Shibenu mpeta mu Ngimbiya, shibenu mpandula mu Lama. Bilikenu mu Mbeti Abeni ngayi, nyoho, obe Mbenjamani. 9Efulemu ukafutuka lipembe ha mutena wa kashushwilo namba kupwisha mukati ka mishobo ya Ishalela. 10Babilolo bamu Yunda banafweke ngo baya banahenyeshe nginza ya litunga, nikayitila wukali wami hahabo ngonehe mema. 11Efulemu uli na kuyandishiwa, pe banamunyomweshe ha kuyatishiwa, ndaba washinga kulemesha tunankishi.
12Nohobene kuli Efulemu nengakale ngo kanzembule,
nengakale ngo lishenze ku bantu ba Yunda.
13Oho Efulemu amonene malweli wendi na Yunda oho amonene bitombo byendi niho Ishalela ayile ku Ashiliya, pe watumine ntumwana kuli mwene wamunene ngoboni kaliha watweshele kukupanga hinge kukupolesha. 14Ndaba ya neshe nikenga ngo shimbwi kuli Efulemu, kami nikenga ngo shimbwi wamukali ku litala lya Yunda. Nikabashanyozola pe hinikaya, nikabatwala kami kowa muntu ukabalamwina. 15Nikabafutamina bantu bami, hantu banayanda shikuma ndaba ya wubi wabo. Bakabokela kukwami na kuncingancinga kampe mu makalikiza wabo bakangwana.
Currently Selected:
Hoshiya 5: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
Hoshiya 5
5
1Yuvwililenu eshe, enu bakankombela. Nanenu bantu ba Ishalela, yuvwililenu. Enu ba litala lya mwene, tengekenu matu. Kuyata kunakundama kukwenu, ndaba mwengile shipukalisho ku Mizipa, pe kanyanzi kana tandubuliwi ha Tambola. 2Munakaba linkwina lya kunonka ngayi mubakwatile ku Shitimu, ngoboni nikamikeyesha nimwenu. 3Nikulimuka Efulemu pe Ishalela kuholama kukwami ufwako, ndaba haya, obe Ishalela unatende lwiholwiho, obe Ishalela unalibipishi.
Hoshiya ukushiwulula bantu ha kulemesha tunankishi
4Ntendelo yabo kubetabilisha kuboka kuli Nyambi yabo yifwako. Ndaba moyo walwiholwiho ushili mu mitima yabo, pe kami kulimuka Nyambi ya Ngula bafwako. 5Kuliyemeza kwa Ishalela kwalete wupaki ku meho wendi niyemwine, pe Efulemu ukapukala ha mulandu wendi. Yunda kami ukapukala hamo nabo. 6Bakaya hamo na matanga abo a bambelele nanawa a zingombe na kushinga Nyambi ya Ngula ngoboni kukamuwana bafwako, ndaba unafumu kukwabo. 7Banabipishili Nyambi ya Ngula ha kubula kukulupila. Ndaba banabeleke bana bamu wunjenge. Haya mu ngonda wamupya bakalobeshiwa hamo na mafuba wabo.
Nzita mukati ka Yunda na Ishalela
8Shibenu mpeta mu Ngimbiya, shibenu mpandula mu Lama. Bilikenu mu Mbeti Abeni ngayi, nyoho, obe Mbenjamani. 9Efulemu ukafutuka lipembe ha mutena wa kashushwilo namba kupwisha mukati ka mishobo ya Ishalela. 10Babilolo bamu Yunda banafweke ngo baya banahenyeshe nginza ya litunga, nikayitila wukali wami hahabo ngonehe mema. 11Efulemu uli na kuyandishiwa, pe banamunyomweshe ha kuyatishiwa, ndaba washinga kulemesha tunankishi.
12Nohobene kuli Efulemu nengakale ngo kanzembule,
nengakale ngo lishenze ku bantu ba Yunda.
13Oho Efulemu amonene malweli wendi na Yunda oho amonene bitombo byendi niho Ishalela ayile ku Ashiliya, pe watumine ntumwana kuli mwene wamunene ngoboni kaliha watweshele kukupanga hinge kukupolesha. 14Ndaba ya neshe nikenga ngo shimbwi kuli Efulemu, kami nikenga ngo shimbwi wamukali ku litala lya Yunda. Nikabashanyozola pe hinikaya, nikabatwala kami kowa muntu ukabalamwina. 15Nikabafutamina bantu bami, hantu banayanda shikuma ndaba ya wubi wabo. Bakabokela kukwami na kuncingancinga kampe mu makalikiza wabo bakangwana.
Libuka Lya Kuyela © Bible Society of Zambia, 2020.