Ezekiyele 24
24
Nyungu ya kutatila ha kuteleka
1Ha mutena wawulikumi wa ngonda ya wulikumi mu mwaka wa mutanu na yinaa, Nyambi ya Ngula wambile kukwami ngayi, 2#2Bamy 25:1; Yel 52:4. “Mwana muntu, tikita zinciku za lelo, uno niwo mutena uya mwene wa Mbambiloni a kutatika ku shitila shipata ku Yelushalema. 3Tongweza bantu bami bakakufutulukila eye nguli Ami Nyambi ya Ngula nili hahabo,
‘Yaka nyungu ha mundilo,
na kuyiyinzalisha mema.
4Yakenumo bituntula byabiwahe bya nyama,
ya bifuzi na ya mawulu,
yinzalishenuyo ya bifupa bya kuhata shiwahe.
5Shimbenu nyama ya mbelele wa kushuwa,
hambizenu nkuni mu nceto ya nyungu.
Lehenu mema abile,
telekenu bifupa na nyama.’”
6Eshe nisho anakwamba Nyambi ya Ngula ngayi, “Lukena luya lunenzala na batupondwa! Unengi ngo nyungu ya ku tatila yinabulu ku yoweshiwa. Shituntula na shituntula shinafumishiwimo, pe kowa hinge shimo shi kushalamo ha ku kukuna nyela. 7Mu munzi mwekalile mponde, ngoboni mukeza kaliha wayitikilile hanci oho lukungu lwatweshelenga kuholeka mukeza, niwo wayitikilile ha limanya lya nahiya. 8Nashiya mukeza ha limanya, oku ukubula kutwesheka kuholekiwa, ndaba ya kushinga ku monesha wukali wami.”
9Eshe nisho anakwamba Nyambi ya Ngula ngayi, “Makando ku Yelushalema lukena lwa batupondwa! Amimwine nikawubungikila nkuni za mundilo. 10Letenu nkuni zazingi na kupembezela mundilo, telekenu nyama, yumishenu muhozi. Fwitishenu bifupa. 11Haya wunga eye nyungu ya lubemba ya kubula shimina ha mashanga, lehayo yibeye shikuma. Byabibi nimwabyo binyangumuke, bya kutatila bifume pe nyungu yikawaha kami. 12Ngoboni kutatila nimwako kwashalile mu nyungu na kuyumbiwila mu mundilo. 13Obe lukena, linyawe lyobe watendanga linakubipishi. Hinge noho ami nashingile kukuyelesha, ngoboni kuyela wufwako. Kami kukayeleshiwa wufwako kutwala ha shikati ukayuvwa ulemu wakupilama kwami. 14Ami Nyambi ya Ngula nikwamba ngayi ebye. Shikati sha kutenda shakumakale. Ami nifwako kukamonesha nceshe ha bantu ba Yelushalema, hinge kufutula bihanganiko byami. Banafwanini kushushuliwila ha byabibi banatende.” Eshe nisho nikwamba Ami Nyambi ya Ngula.
Lufu lwa mukaza muluwe
15Nyambi ya Ngula wambile kukwami ngayi, 16“Obe Ezekiyele, mwa ku bazumuna nikashimba wumi wa mukazobe. Ngoboni hinga ulihohoma, hinga kulila hinga kuvwisha mihozi. 17Lila ngoboni ulile umwe. Manga kaponda ku mutwe, vwala ncangwa ku mawulu. Hinga ufwika ku meho wobe hinge kulya byakulya bya baka malila.”
18Lumenemene ami nambwelenga na bantu, ku mazolo mukazami akufwa. Oho kwashile natendele ngonehe natongweziwile. 19Bantu banyipwile ngayi, “Shumangani eshe ukutendela nehe?”
20Nohobene ami nambile kukwabo ngayi, “Nyambi ya Ngula wantongwezele ngayi 21nipanike enu bana ba Ishalela lizu elye likufuma kukwendi. Enu mu kuliyemeza ha ku shuma kwa Litala lya Nyambi. Enu mwahakilenga kulitilamina na kulizingula. Ngoboni Nyambi ya Ngula ukalifumisha. Bana benu babalume na ba bambuyama baya bashalile mu Yelushalema bakazihiwa na mukwale. 22Niho enu mukatenda ebye natende. Enu mufwako kukafwika ku meho wenu hinge kulya byakulya bya baka malila. 23Enu mukazenga tuponda ku mitwe na kuvwala ncangwa ku mawulu, mufwako kukakwizoka, hinge kulila. Mukayena ndaba ya wubi wenu, kami mukashunga umo na wamina mukati kenu. 24Haya Ezekiyele ukenga shilimukisho kukwenu. Mukatenda shuma nimwasho eshe anatende. Ebye oho bikamoneka enu mukalimuka ngayi Ami nili Nyambi ya Ngula.”
25“Obe mwana muntu, ami nikabayangula litala lyami lya ku shuma liya lyengile kuliyemeza kwabo na mukeyu, elye bahakilenga kulitilamina na kuzingula. Kami nikabayangula bana babo babalume na naba ba bambuyama. 26Ha mutena uyo shakatendiwa, muntu wamina ou ukapanza kukunonga ukeza mu kukutongwezabyo. 27#Ezek 3:26-27; 33:21-22.Ha mutena uyo bene obe ukabokesha ngovu za kwamba pe ukamba nabo kami. Mu nzila eye enu mukenga shilimukilo ku bantu pe nibo bakalimuka ngayi Ami nili Nyambi ya Ngula.”
Currently Selected:
Ezekiyele 24: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
Ezekiyele 24
24
Nyungu ya kutatila ha kuteleka
1Ha mutena wawulikumi wa ngonda ya wulikumi mu mwaka wa mutanu na yinaa, Nyambi ya Ngula wambile kukwami ngayi, 2#2Bamy 25:1; Yel 52:4. “Mwana muntu, tikita zinciku za lelo, uno niwo mutena uya mwene wa Mbambiloni a kutatika ku shitila shipata ku Yelushalema. 3Tongweza bantu bami bakakufutulukila eye nguli Ami Nyambi ya Ngula nili hahabo,
‘Yaka nyungu ha mundilo,
na kuyiyinzalisha mema.
4Yakenumo bituntula byabiwahe bya nyama,
ya bifuzi na ya mawulu,
yinzalishenuyo ya bifupa bya kuhata shiwahe.
5Shimbenu nyama ya mbelele wa kushuwa,
hambizenu nkuni mu nceto ya nyungu.
Lehenu mema abile,
telekenu bifupa na nyama.’”
6Eshe nisho anakwamba Nyambi ya Ngula ngayi, “Lukena luya lunenzala na batupondwa! Unengi ngo nyungu ya ku tatila yinabulu ku yoweshiwa. Shituntula na shituntula shinafumishiwimo, pe kowa hinge shimo shi kushalamo ha ku kukuna nyela. 7Mu munzi mwekalile mponde, ngoboni mukeza kaliha wayitikilile hanci oho lukungu lwatweshelenga kuholeka mukeza, niwo wayitikilile ha limanya lya nahiya. 8Nashiya mukeza ha limanya, oku ukubula kutwesheka kuholekiwa, ndaba ya kushinga ku monesha wukali wami.”
9Eshe nisho anakwamba Nyambi ya Ngula ngayi, “Makando ku Yelushalema lukena lwa batupondwa! Amimwine nikawubungikila nkuni za mundilo. 10Letenu nkuni zazingi na kupembezela mundilo, telekenu nyama, yumishenu muhozi. Fwitishenu bifupa. 11Haya wunga eye nyungu ya lubemba ya kubula shimina ha mashanga, lehayo yibeye shikuma. Byabibi nimwabyo binyangumuke, bya kutatila bifume pe nyungu yikawaha kami. 12Ngoboni kutatila nimwako kwashalile mu nyungu na kuyumbiwila mu mundilo. 13Obe lukena, linyawe lyobe watendanga linakubipishi. Hinge noho ami nashingile kukuyelesha, ngoboni kuyela wufwako. Kami kukayeleshiwa wufwako kutwala ha shikati ukayuvwa ulemu wakupilama kwami. 14Ami Nyambi ya Ngula nikwamba ngayi ebye. Shikati sha kutenda shakumakale. Ami nifwako kukamonesha nceshe ha bantu ba Yelushalema, hinge kufutula bihanganiko byami. Banafwanini kushushuliwila ha byabibi banatende.” Eshe nisho nikwamba Ami Nyambi ya Ngula.
Lufu lwa mukaza muluwe
15Nyambi ya Ngula wambile kukwami ngayi, 16“Obe Ezekiyele, mwa ku bazumuna nikashimba wumi wa mukazobe. Ngoboni hinga ulihohoma, hinga kulila hinga kuvwisha mihozi. 17Lila ngoboni ulile umwe. Manga kaponda ku mutwe, vwala ncangwa ku mawulu. Hinga ufwika ku meho wobe hinge kulya byakulya bya baka malila.”
18Lumenemene ami nambwelenga na bantu, ku mazolo mukazami akufwa. Oho kwashile natendele ngonehe natongweziwile. 19Bantu banyipwile ngayi, “Shumangani eshe ukutendela nehe?”
20Nohobene ami nambile kukwabo ngayi, “Nyambi ya Ngula wantongwezele ngayi 21nipanike enu bana ba Ishalela lizu elye likufuma kukwendi. Enu mu kuliyemeza ha ku shuma kwa Litala lya Nyambi. Enu mwahakilenga kulitilamina na kulizingula. Ngoboni Nyambi ya Ngula ukalifumisha. Bana benu babalume na ba bambuyama baya bashalile mu Yelushalema bakazihiwa na mukwale. 22Niho enu mukatenda ebye natende. Enu mufwako kukafwika ku meho wenu hinge kulya byakulya bya baka malila. 23Enu mukazenga tuponda ku mitwe na kuvwala ncangwa ku mawulu, mufwako kukakwizoka, hinge kulila. Mukayena ndaba ya wubi wenu, kami mukashunga umo na wamina mukati kenu. 24Haya Ezekiyele ukenga shilimukisho kukwenu. Mukatenda shuma nimwasho eshe anatende. Ebye oho bikamoneka enu mukalimuka ngayi Ami nili Nyambi ya Ngula.”
25“Obe mwana muntu, ami nikabayangula litala lyami lya ku shuma liya lyengile kuliyemeza kwabo na mukeyu, elye bahakilenga kulitilamina na kuzingula. Kami nikabayangula bana babo babalume na naba ba bambuyama. 26Ha mutena uyo shakatendiwa, muntu wamina ou ukapanza kukunonga ukeza mu kukutongwezabyo. 27#Ezek 3:26-27; 33:21-22.Ha mutena uyo bene obe ukabokesha ngovu za kwamba pe ukamba nabo kami. Mu nzila eye enu mukenga shilimukilo ku bantu pe nibo bakalimuka ngayi Ami nili Nyambi ya Ngula.”
Libuka Lya Kuyela © Bible Society of Zambia, 2020.