Kututika 8
8
Malwa a wubili
Mambotwe
1Niho Nyambi ya Ngula ambile kuli Moshesha ngayi, “Yanga kuli Fwalo pe ukamutongweze ngayi, ‘Nyambi ya Ngula ukwamba nehe ngayi, yitabilisha bantu bami baye bakandemeshe. 2Ngoboni ndi unakana nikashushula litunga lyobe nimwalyo na mambotwe. 3Mushinzi wa Nayilo ukapalala na mambotwe pe akazabuka na kuya mumusheke wobe namu malalo wobe naha wulili wobe namu matala a babilolo bobe nawa a bantu bobe namu bivulu byobe namu zindonga zobe za kuvubila mankende. 4Akakilokela hahobe na ha bantu bobe naha babilolo bobe nimwabo.’” 5Nyambi ya Ngula wambile kuli Moshesha ngayi, “Tongweza Aloni ngayi, ‘Olola liboko lyobe na muwana wobe ha mishinzi nimwayo naha malomba naha maziba na kututwisha mambotwe ngayi azabukile ha litunga lya Engepita.’” 6Nohobene Aloni wolwele liboko lyendi na muwana ha mema nimwawo, pe mambotwe azabukile na kubumba litunga. 7Ngoboni bakamalele nanibo batendele kami shuma shimo na malele wabo na kututwisha mambotwe ha litunga lya Engepita. 8Niho Fwalo ehanine Moshesha na Aloni, pe wambile ngayi, “Lombelenu kuli Nyambi ya Ngula ngayi mwanga afumishe mambotwe kukwami naku bantu bami. Pe niketabilisha bantu ba Ishalela ngayi baye bakakombelele nkombela kuli Nyambi ya Ngula.” 9Moshesha wambile kuli Fwalo ngayi, “Netabili kukulombelela. Shashiwahe, ntongweze tuhu shikati osho nika kulombelela, obe na babilolo bobe na bantu bobe. Niho mambotwe akafume kukwobe naku matala wenu, kowa kami mambotwe akashalako ndele tuhu mu mushinzi wa Nayilo.” 10Fwalo wakumbwile ngayi, “Nzona ukandombelele.” Moshesha wambile ngayi, “Nikatenda ngonehe osho unamba, mwanga ulimuke ngayi kowa nyambi washenge wakufweka ngo Nyambi ya Ngula, Nyambi yetu. 11Mambotwe akafuma kukwobe naku matala wobe naku matala a babilolo bobe naku matala a bantu bobe. Kowa mambotwe akashalako ndele tuhu mu mushinzi wa Nayilo.” 12Niho Moshesha na Aloni bafumine kuli Fwalo, Moshesha walombelele shikuma kuli Nyambi ya Ngula ngayi afumishe mambotwe, awa aletele hali Fwalo. 13Pe Nyambi ya Ngula wayuvwile lilombelo lya Moshesha, mambotwe afwile mu matala namu bipango na mumafuba. 14Pe Baengepita bawakungwile hamo mishiinzi yayinene na litunga lyanukile nuu! 15Oho Fwalo amonene ngayi mambotwe anafu wakaluhishile kami mutima wendi, pe kaliha wayuvwililile ba Moshesha na Aloni ngonehe shiya Nyambi ya Ngula ambile.
Malwa a wuhatu
Mbalembale
16Niho Nyambi ya Ngula ambile kuli Moshesha ngayi, “Tongweza Aloni ngayi olole liboko lyendi na muwana, awukame hanci pe lukungu lifutuke mbalembale mu litunga nimwalyo lya Engepita.” 17Nohobene Aloni wolwele liboko lyendi na muwana na kuwu kama hanci, pe lukungu lwafutukile mbalembale ha bantu naha bimuna. Lukungu nimwalwo mu Engepita lwafutukile mbalembale. 18Bakamalele nanibo bezekele na malele wabo kufutula mbalembale ngoboni kaliha batweshele. Pe kwekalile mbalembale ha bantu naha bimuna. 19Niho bakamalele bambile kuli Fwalo ngayi, “Eshe shinatendiwi na munwe wa Nyambi.” Ngoboni mutima wa Fwalo wakaluhile, pe kaliha wetabilile kubayuvwilila ba Moshesha na Aloni, ngonehe eshe Nyambi ya Ngula ambile.
Malwa a wunaa
Banzinzi
20Niho Nyambi ya Ngula ambile kuli Moshesha ngayi, “Ukalimeneke kupinduka zona lumenemene ukaye mu kuliwana na Fwalo akayanga ku mushinzi, umutongweze ngayi, ‘Nyambi ya Ngula unamba nehe ngayi, yitabilisha bantu bami baye bakandemeshe. 21Ndi ukukana kwitabilisha bantu bami ngayi baye, nika kushushula pe nika kutumina banzinzi 22Ngoboni nika shiyaho tuhu litunga lya Ngosheni omu bazika bantu bami. Banzinzi kukekalako bafwako, mwanga ukalimuke ngayi Ami Nyambi ya Ngula, nili muno mu litunga. 23Nikatapulula mukati ka bantu bami na bantu bobe. Nzona bikomokesho ebye bikekalako.’” 24Pe Nyambi ya Ngula watendele eshe, kwezile matanga amanene a banzinzi enginine mu musheke wa Fwalo namu matala a babilolo bendi, banzinzi babipishile litunga nimwalyo lya Engepita.
25Niho Fwalo ehanine Moshesha na Aloni, wambile kukwabo ngayi, “Yenunga mukakombelele kuli Nyambi yenu mu litunga lino.” 26Moshesha wakumbwile ngayi, “Kaliha shiku fwanina kutenda noho, ndaba tukakombelela nkombela ya wunyengwe ku Baengepita. Twakukombelela kuli Nyambi ya Ngula, Nyambi yetu, bimuna biya bya wunyengwe ku Baengepita na kukombelela oku hibatumona, pe bakatupuha mamanya tukafwa. 27Tuku fwanina kuya mukala wa matena ahatu mulibelelengwa na kukombelela kuli Nyambi ya Ngula, Nyambi yetu ngonehe atutongwezele.” 28Fwalo wambile ngayi, “Nikamitabilisha ngayi muye mukakombelele kuli Nyambi ya Ngula, Nyambi yenu mulibelelengwa, ngoboni hinga muya kwakutali shikuma. Haya ndombelelenuko.” 29Moshesha wambile ngayi, “Nafuma tuhu kukwobe, pe nikalombela kuli Nyambi ya Ngula ngayi nzona matanga a banzinzi mwanga akafume kukwobe naku babilolo bobe naku bantu bobe ngoboni kaliha wafwanina kutwongeza kami na kukanisha bantu kuya na kukombelela kuli Nyambi ya Ngula.” 30Moshesha washiyile Fwalo, walombelele kuli Nyambi ya Ngula.
31Nyambi ya Ngula wayuvwile lilombelo lya Moshesha. Banzinzi bafumine kuli Fwalo naku babilolo bendi naku bantu bendi, kaliha kwashalile banzinzi hinge umo. 32Ngoboni Fwalo hinge noho, wakaluhishile mutima wendi, kami kaliha wetabilishile bantu ngayi baye.
Currently Selected:
Kututika 8: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
Kututika 8
8
Malwa a wubili
Mambotwe
1Niho Nyambi ya Ngula ambile kuli Moshesha ngayi, “Yanga kuli Fwalo pe ukamutongweze ngayi, ‘Nyambi ya Ngula ukwamba nehe ngayi, yitabilisha bantu bami baye bakandemeshe. 2Ngoboni ndi unakana nikashushula litunga lyobe nimwalyo na mambotwe. 3Mushinzi wa Nayilo ukapalala na mambotwe pe akazabuka na kuya mumusheke wobe namu malalo wobe naha wulili wobe namu matala a babilolo bobe nawa a bantu bobe namu bivulu byobe namu zindonga zobe za kuvubila mankende. 4Akakilokela hahobe na ha bantu bobe naha babilolo bobe nimwabo.’” 5Nyambi ya Ngula wambile kuli Moshesha ngayi, “Tongweza Aloni ngayi, ‘Olola liboko lyobe na muwana wobe ha mishinzi nimwayo naha malomba naha maziba na kututwisha mambotwe ngayi azabukile ha litunga lya Engepita.’” 6Nohobene Aloni wolwele liboko lyendi na muwana ha mema nimwawo, pe mambotwe azabukile na kubumba litunga. 7Ngoboni bakamalele nanibo batendele kami shuma shimo na malele wabo na kututwisha mambotwe ha litunga lya Engepita. 8Niho Fwalo ehanine Moshesha na Aloni, pe wambile ngayi, “Lombelenu kuli Nyambi ya Ngula ngayi mwanga afumishe mambotwe kukwami naku bantu bami. Pe niketabilisha bantu ba Ishalela ngayi baye bakakombelele nkombela kuli Nyambi ya Ngula.” 9Moshesha wambile kuli Fwalo ngayi, “Netabili kukulombelela. Shashiwahe, ntongweze tuhu shikati osho nika kulombelela, obe na babilolo bobe na bantu bobe. Niho mambotwe akafume kukwobe naku matala wenu, kowa kami mambotwe akashalako ndele tuhu mu mushinzi wa Nayilo.” 10Fwalo wakumbwile ngayi, “Nzona ukandombelele.” Moshesha wambile ngayi, “Nikatenda ngonehe osho unamba, mwanga ulimuke ngayi kowa nyambi washenge wakufweka ngo Nyambi ya Ngula, Nyambi yetu. 11Mambotwe akafuma kukwobe naku matala wobe naku matala a babilolo bobe naku matala a bantu bobe. Kowa mambotwe akashalako ndele tuhu mu mushinzi wa Nayilo.” 12Niho Moshesha na Aloni bafumine kuli Fwalo, Moshesha walombelele shikuma kuli Nyambi ya Ngula ngayi afumishe mambotwe, awa aletele hali Fwalo. 13Pe Nyambi ya Ngula wayuvwile lilombelo lya Moshesha, mambotwe afwile mu matala namu bipango na mumafuba. 14Pe Baengepita bawakungwile hamo mishiinzi yayinene na litunga lyanukile nuu! 15Oho Fwalo amonene ngayi mambotwe anafu wakaluhishile kami mutima wendi, pe kaliha wayuvwililile ba Moshesha na Aloni ngonehe shiya Nyambi ya Ngula ambile.
Malwa a wuhatu
Mbalembale
16Niho Nyambi ya Ngula ambile kuli Moshesha ngayi, “Tongweza Aloni ngayi olole liboko lyendi na muwana, awukame hanci pe lukungu lifutuke mbalembale mu litunga nimwalyo lya Engepita.” 17Nohobene Aloni wolwele liboko lyendi na muwana na kuwu kama hanci, pe lukungu lwafutukile mbalembale ha bantu naha bimuna. Lukungu nimwalwo mu Engepita lwafutukile mbalembale. 18Bakamalele nanibo bezekele na malele wabo kufutula mbalembale ngoboni kaliha batweshele. Pe kwekalile mbalembale ha bantu naha bimuna. 19Niho bakamalele bambile kuli Fwalo ngayi, “Eshe shinatendiwi na munwe wa Nyambi.” Ngoboni mutima wa Fwalo wakaluhile, pe kaliha wetabilile kubayuvwilila ba Moshesha na Aloni, ngonehe eshe Nyambi ya Ngula ambile.
Malwa a wunaa
Banzinzi
20Niho Nyambi ya Ngula ambile kuli Moshesha ngayi, “Ukalimeneke kupinduka zona lumenemene ukaye mu kuliwana na Fwalo akayanga ku mushinzi, umutongweze ngayi, ‘Nyambi ya Ngula unamba nehe ngayi, yitabilisha bantu bami baye bakandemeshe. 21Ndi ukukana kwitabilisha bantu bami ngayi baye, nika kushushula pe nika kutumina banzinzi 22Ngoboni nika shiyaho tuhu litunga lya Ngosheni omu bazika bantu bami. Banzinzi kukekalako bafwako, mwanga ukalimuke ngayi Ami Nyambi ya Ngula, nili muno mu litunga. 23Nikatapulula mukati ka bantu bami na bantu bobe. Nzona bikomokesho ebye bikekalako.’” 24Pe Nyambi ya Ngula watendele eshe, kwezile matanga amanene a banzinzi enginine mu musheke wa Fwalo namu matala a babilolo bendi, banzinzi babipishile litunga nimwalyo lya Engepita.
25Niho Fwalo ehanine Moshesha na Aloni, wambile kukwabo ngayi, “Yenunga mukakombelele kuli Nyambi yenu mu litunga lino.” 26Moshesha wakumbwile ngayi, “Kaliha shiku fwanina kutenda noho, ndaba tukakombelela nkombela ya wunyengwe ku Baengepita. Twakukombelela kuli Nyambi ya Ngula, Nyambi yetu, bimuna biya bya wunyengwe ku Baengepita na kukombelela oku hibatumona, pe bakatupuha mamanya tukafwa. 27Tuku fwanina kuya mukala wa matena ahatu mulibelelengwa na kukombelela kuli Nyambi ya Ngula, Nyambi yetu ngonehe atutongwezele.” 28Fwalo wambile ngayi, “Nikamitabilisha ngayi muye mukakombelele kuli Nyambi ya Ngula, Nyambi yenu mulibelelengwa, ngoboni hinga muya kwakutali shikuma. Haya ndombelelenuko.” 29Moshesha wambile ngayi, “Nafuma tuhu kukwobe, pe nikalombela kuli Nyambi ya Ngula ngayi nzona matanga a banzinzi mwanga akafume kukwobe naku babilolo bobe naku bantu bobe ngoboni kaliha wafwanina kutwongeza kami na kukanisha bantu kuya na kukombelela kuli Nyambi ya Ngula.” 30Moshesha washiyile Fwalo, walombelele kuli Nyambi ya Ngula.
31Nyambi ya Ngula wayuvwile lilombelo lya Moshesha. Banzinzi bafumine kuli Fwalo naku babilolo bendi naku bantu bendi, kaliha kwashalile banzinzi hinge umo. 32Ngoboni Fwalo hinge noho, wakaluhishile mutima wendi, kami kaliha wetabilishile bantu ngayi baye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.