Kututika 6
6
1Niho Nyambi ya Ngula ambile kuli Moshesha ngayi, “Haya ukamona eshe nikatenda kuli Fwalo. Ndaba na liboko lyami lya ngovu nikamukandamika kwitabilisha bantu bami ngayi baye, ukabatanda mu litunga lyendi ndaba ya liboko lyami lya ngovu.”
Nyambi ukwihana Moshesha
2 #
Shit 17:1; 28:3; 35:11; Kut 3:13-15. Nyambi wambile kuli Moshesha ngayi, “Ami Nyambi ya Ngula. 3Naliholwele kuli Abulahama na Ishaki na Yakobo ngayi Ami Nyambi Mpandashilanga. Ngoboni kaliha nalimukiwile kukwabo na lizina lyami lya kuyela.#6:3 Nyambi Mpandashilanga: Lyenga lizina lya Nyambi lya ku litanga Lizina lyendi boni lyenga Nyambi ya Ngula. (Penza 3:14). 4Nalimamine nabo kami na kuba kulupisha kubapana litunga lya Kenaani, mu litunga muya bazikilenga ngo mapukwenda. 5Haya nayuvwu kami ku shunga kwa Baishalela aba bahetiwa ku Baengepita, pe nanuku kulimama kwami. 6Nohobene tongwezenu Baishalela nehe ngayi, ‘Ami Nyambi ya Ngula. Nikamilubula na kumi kuliza ku wulungo ba kumikandamika Baengepita, pe nikakatula liboko lyami lya ngovu na kuleta kashushwilo kakanene hahabo, pe nikamilamwina. 7Nikamitambula kwinga bantu bami, kami nikenga Nyambi yenu. Kami oho nikamilubula ku wulungo wamu Engepita mukalimuka ngayi, Ami Nyambi ya Ngula, Nyambi yenu. 8Nikamitwala mu litunga liya na kulupishile na lubeza mu kulipana kuli Abulahama na Ishaki na Yakobo pe nikalipanika kukwenu kwinga likona lyenu. Ami Nyambi ya Ngula.’ 9Moshesha watongwezele Baishalela eshe, ngoboni kaliha bayuvwililile kukwendi, ndaba mitima yabo yapokokele na wulungo wabo wanguma.”
10Niho Nyambi ya Ngula ambile kuli Moshesha ngayi, 11“Yanga ukatongweze Fwalo wamu Engepita ngayi nafwanini kwitabilisha bantu ba Ishalela kufuma mu litunga lyendi.” 12Ngoboni Moshesha wakumbwile kuli Nyambi ya Ngula ngayi, “Hingebene bantu ba Ishalela kunyuvwa bafwako, haya Fwalo ukanyuvwa nahiti? Nili muntu wakuluba sha kwamba.” 13Ngoboni Nyambi ya Ngula watongwezele Moshesha na Aloni ngayi, “Tongwezenu Baishalela na Fwalo wa mu Engepita ngayi Ami namitumu kufumisha Baishalela mu Engepita.”
Mapashi a Moshesha na Aloni
14 #
Shit 46:8-11; Kul 26:5-14. Aba nibo bengile bakulwane ba mavumo wabo. Lubena, mweli wa Yakobo wabelekele ba Hanoki na Palu na Heziloni na Kalimi. Aba nibo ba livumo lya Lubena. 15Shimiyoni wabelekele ba Yemuwele na Yamini na Ohandi na Yakini na Zohali na Shaule, mwana waku mbuyama wa Kenaani, aba nibo ba livumo lya Shimiyoni. 16#Kul 3:17-20; 26:57-58; 1Bya 6:16-19.Levi wabelekele ba Ngeshona na Kohati na melali. Levi wayoyele myaka 137. 17Ngeshona wabelekele ba Limbini na Shimeyi, kami bekalile na bazukulu babengi. 18Kohati wabelekele Amalama na Iza na Hembuloni na Uziyelu. Kohati wayoyele myaka 133. 19Melali wabelekele ba Mahili na Mushi. Aba nibo ba lupashi lwa Balevi ngo ku bihemunwino byabo. 20Amalama washimbile Yokibendi mpanza tatiyendi, ou wamubelekelele ba Aloni na Moshesha. Pe myaka ya kuyoya kwa Amalama yengile myaka 137. 21Iza wabelekele ba Kola na Nefwengi na Zikali. 22Uziyelu wabelekele ba Mishayela na Elizafwani na Shitili. 23Aloni washimbile Elisheba mwana Aminandabe mpanza Nahishoni. Wamubelekelele ba Nandabi na Ambihu na Eliza na Itama. 24Kola wabelekele ba Ashila na Elikana na Ambiyashafwi, aba nibo ba livumo lya Kola. 25Eliza mwana Aloni washimbile umo ku bana ba Putiwelu, ou wamubelekelele Fwinihashi. Aba nibo mapashi na mavumo a mushobo wa Balevi. 26Ba Aloni na Moshesha nibo bayo Nyambi ya Ngula ambile kukwabo ngayi, “Fumishenu bantu ba Ishalela mu litunga lya Engepita.” 27Aba nibo batongwezele Fwalo wa mu Engepita kufumisha Baishalela mu wulungo mu litunga lya Engepita. Moshesha bene na Aloni.
Ndayano za Nyambi ya Ngula kuli Moshesha na Aloni
28Oho Nyambi ya Ngula ambile kuli Moshesha mu litunga lya Engepita, 29wambile ngayi, “Ami Nyambi ya Ngula. Tongwezenu Fwalo wa mu Engepita byuma nimwabyo nikumitongweza.” 30Ngoboni Moshesha wakumbwile Nyambi ya Ngula ngayi, “Obe walimuka ngayi nenga muntu wakuluba sha kwamba, haya Fwalo ukanyuvwilila nahiti?”
Currently Selected:
Kututika 6: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
Kututika 6
6
1Niho Nyambi ya Ngula ambile kuli Moshesha ngayi, “Haya ukamona eshe nikatenda kuli Fwalo. Ndaba na liboko lyami lya ngovu nikamukandamika kwitabilisha bantu bami ngayi baye, ukabatanda mu litunga lyendi ndaba ya liboko lyami lya ngovu.”
Nyambi ukwihana Moshesha
2 #
Shit 17:1; 28:3; 35:11; Kut 3:13-15. Nyambi wambile kuli Moshesha ngayi, “Ami Nyambi ya Ngula. 3Naliholwele kuli Abulahama na Ishaki na Yakobo ngayi Ami Nyambi Mpandashilanga. Ngoboni kaliha nalimukiwile kukwabo na lizina lyami lya kuyela.#6:3 Nyambi Mpandashilanga: Lyenga lizina lya Nyambi lya ku litanga Lizina lyendi boni lyenga Nyambi ya Ngula. (Penza 3:14). 4Nalimamine nabo kami na kuba kulupisha kubapana litunga lya Kenaani, mu litunga muya bazikilenga ngo mapukwenda. 5Haya nayuvwu kami ku shunga kwa Baishalela aba bahetiwa ku Baengepita, pe nanuku kulimama kwami. 6Nohobene tongwezenu Baishalela nehe ngayi, ‘Ami Nyambi ya Ngula. Nikamilubula na kumi kuliza ku wulungo ba kumikandamika Baengepita, pe nikakatula liboko lyami lya ngovu na kuleta kashushwilo kakanene hahabo, pe nikamilamwina. 7Nikamitambula kwinga bantu bami, kami nikenga Nyambi yenu. Kami oho nikamilubula ku wulungo wamu Engepita mukalimuka ngayi, Ami Nyambi ya Ngula, Nyambi yenu. 8Nikamitwala mu litunga liya na kulupishile na lubeza mu kulipana kuli Abulahama na Ishaki na Yakobo pe nikalipanika kukwenu kwinga likona lyenu. Ami Nyambi ya Ngula.’ 9Moshesha watongwezele Baishalela eshe, ngoboni kaliha bayuvwililile kukwendi, ndaba mitima yabo yapokokele na wulungo wabo wanguma.”
10Niho Nyambi ya Ngula ambile kuli Moshesha ngayi, 11“Yanga ukatongweze Fwalo wamu Engepita ngayi nafwanini kwitabilisha bantu ba Ishalela kufuma mu litunga lyendi.” 12Ngoboni Moshesha wakumbwile kuli Nyambi ya Ngula ngayi, “Hingebene bantu ba Ishalela kunyuvwa bafwako, haya Fwalo ukanyuvwa nahiti? Nili muntu wakuluba sha kwamba.” 13Ngoboni Nyambi ya Ngula watongwezele Moshesha na Aloni ngayi, “Tongwezenu Baishalela na Fwalo wa mu Engepita ngayi Ami namitumu kufumisha Baishalela mu Engepita.”
Mapashi a Moshesha na Aloni
14 #
Shit 46:8-11; Kul 26:5-14. Aba nibo bengile bakulwane ba mavumo wabo. Lubena, mweli wa Yakobo wabelekele ba Hanoki na Palu na Heziloni na Kalimi. Aba nibo ba livumo lya Lubena. 15Shimiyoni wabelekele ba Yemuwele na Yamini na Ohandi na Yakini na Zohali na Shaule, mwana waku mbuyama wa Kenaani, aba nibo ba livumo lya Shimiyoni. 16#Kul 3:17-20; 26:57-58; 1Bya 6:16-19.Levi wabelekele ba Ngeshona na Kohati na melali. Levi wayoyele myaka 137. 17Ngeshona wabelekele ba Limbini na Shimeyi, kami bekalile na bazukulu babengi. 18Kohati wabelekele Amalama na Iza na Hembuloni na Uziyelu. Kohati wayoyele myaka 133. 19Melali wabelekele ba Mahili na Mushi. Aba nibo ba lupashi lwa Balevi ngo ku bihemunwino byabo. 20Amalama washimbile Yokibendi mpanza tatiyendi, ou wamubelekelele ba Aloni na Moshesha. Pe myaka ya kuyoya kwa Amalama yengile myaka 137. 21Iza wabelekele ba Kola na Nefwengi na Zikali. 22Uziyelu wabelekele ba Mishayela na Elizafwani na Shitili. 23Aloni washimbile Elisheba mwana Aminandabe mpanza Nahishoni. Wamubelekelele ba Nandabi na Ambihu na Eliza na Itama. 24Kola wabelekele ba Ashila na Elikana na Ambiyashafwi, aba nibo ba livumo lya Kola. 25Eliza mwana Aloni washimbile umo ku bana ba Putiwelu, ou wamubelekelele Fwinihashi. Aba nibo mapashi na mavumo a mushobo wa Balevi. 26Ba Aloni na Moshesha nibo bayo Nyambi ya Ngula ambile kukwabo ngayi, “Fumishenu bantu ba Ishalela mu litunga lya Engepita.” 27Aba nibo batongwezele Fwalo wa mu Engepita kufumisha Baishalela mu wulungo mu litunga lya Engepita. Moshesha bene na Aloni.
Ndayano za Nyambi ya Ngula kuli Moshesha na Aloni
28Oho Nyambi ya Ngula ambile kuli Moshesha mu litunga lya Engepita, 29wambile ngayi, “Ami Nyambi ya Ngula. Tongwezenu Fwalo wa mu Engepita byuma nimwabyo nikumitongweza.” 30Ngoboni Moshesha wakumbwile Nyambi ya Ngula ngayi, “Obe walimuka ngayi nenga muntu wakuluba sha kwamba, haya Fwalo ukanyuvwilila nahiti?”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.