Kututika 26
26
Ntanda ya Shikungulukilo
(Kututika 36:8-38)
1“Ukatende Ntanda ya Shikungulukilo ha makwiza likumi amawahe a kulelema akupohela hamo na wutonge wawuhombo nawa kufumbuluka nawa kufubila, akatangiwe na bifwekesha bya makelumbi. 2Likwiza na likwiza likenge lya kwezekela hamo mamita 13 na mamita abili muwipi. 3Mutanu wawo akatungiwile hamo kwinga mu wumbo wumo, pe katende noho na amina kami mutanu. 4Ukatende zinkobo za likwiza lya wuhombo ha nkumo ya mu wumbo na mu wumbo. 5Ukayake zinkobo makumi mutanu ha mu wumbo wakutatika, hamo na zinkobo makumi mutanu ha mu wumbo wawubili ngayi yikezekele hamo. 6Ukafule kami tuhanto makumi mutanu twa ngolinde, ukanunge hamo miwumbo yibili na tuhanto otwo, pe yikenge mu wumbo wumo.
7“Pe ukatende kami sha kufwika hayilu ya Ntanda sha mu wumbo wa makwiza likumi na limo a wushako wa bampongo. 8Likwiza na likwiza likenge lya mamita 14 mu wutali na mamita abili muwipi. Nimwawo akezekele hamo. 9Mutanu wawo akatungiwile hamo kwinga mu wumbo wumo na makwiza amina mutanu na limo kwinga mu wumbo wamina. Ukavunge mu wumbo wa makwiza mutanu na limo kabili hayilu kumbili ya ntanda. 10Kami ukayake zinkobo makumi mutanu ha nkumo ya mu wumbo wakutatika, kami zinkobo makumi mutanu ha nkumo ya mu wumbo wamina. 11Pe ukafule tuhanto twa lubemba makumi mutanu twa kukolekesha mu kununga miwumbo yibili ngayi winge mu wumbo wumo. 12Ukanyenzumune shitika sha mita shikashalako hayilu kunyima ya ntanda. 13Pe likwiza lya mashentimita 46 shikanyenzumukile ku zimbalila wubili wazo za wutali wa ntanda na kuyifwika.
14“Pe ukanyuke bya kufwika ha ntanda byamina bibili, shimo ha bitembe bya bikungwe bya bambelele bya kulomba kufubila na shamina sha bitembe bya bitutunga bya kunyuka shiwahe sha kuyala ha munkanda wayo.
15“Pe ukabaze maleenge akwimika a mutondo wa mumbambangoma aku ntanda. 16Lileenge na lileenge likenge mamita anaa mu wutali na mashentimita 69 muwipi, 17hamo na tupilikisho tubili ngayi maleenge mwanga aliwanike hamo. Maleenge nimwawo akekale nanotwe tupilikisho. 18Ukabaze kami maleenge makumi abili aku mbalila yaku mabukubuku, 19pe ukatende tupona makumi anaa twa shiliva twa kuyaka ku nceto ya maleenge, tupona tubili ku lileenge na lileenge twa ku kwatisha tupilikisho twalyo tubili. 20Ukabaze maleenge makumi abili aku ncelele ya ntanda, 21na tupona makumi anaa twa shiliva, tupona tubili ku nceto ya lileenge na lileenge. 22Kunyima ya ntanda kumbalila yaku mponci kabazileko maleenge mutanu na limo, 23na maleenge abili amu zinkomi za ntanda. 24Awa maleenge amu nkomi akawanikiwe ku nceto na kuyilu. Maleenge awa abili akutenda zinkomi zibili akatendiwe munzila eye. 25Nohobene kukekale maleenge mutanu na ahatu hamo na tupona twawo twa shiliva likumi na mutanu na kamo, tubili ku nceto ya lileenge na lileenge.
26“Pe ukabaze kami mikambo likumi na mutanu ya mutondo wa mumbambangoma, mikambo mutanu yaku maleenge ku mbalila yimo ya ntanda, 27kami mikambo mutanu yaku maleenge kumbalila yamina na mikambo mutanu yaku maleenge aku mponci kunyima ya ntanda. 28Mukambo wa mukati ukapite mukati na kukuma kunkumo yimo ya ntanda naku yamina hakati ka maleenge. 29Ukafwike maleenge na ngolinde, kami ukafulileko mahuzi a ngolinde akukwata mikambo. Eye mikambo kami yikafwikiwe na ngolinde. 30Kami ukazike ntanda ngonehe shiya nakufundizizile aha nakutongwezele sha kutenda ha lipili.
31“Ukatunge kami shibaamba sha likwiza lyaliwahe lya kulelema, lya kupohela hamo na wutonge wawuhombo nawa kufumbuluka nawa kufubila. Ka litange shiwahewahe na bifwekesha bya makelumbi. 32Ukakoleke shibaamba na tuhanto twa ngolinde ha zimpangwa zinaa za mutondo wa mumbambangoma za kufwikiwa na ngolinde, zikemane mu tupona tunaa twa shiliva. 33#Bal 6:19; 9:3-5. Ukakoleke shibaamba ku tuhanto twaha zimpangwa, pe ukayake Likwati lya Kulimama lya wupaki omu muli matapa akwanuka kulimama kunyima ya shibaamba. Shibaamba shikatapulule Mwanya wa kuyela mu Mwanya wa kuyela shikuma. 34Ukayake muhuko wa nceshe hayilu ya Likwati lya Kulimama mu mwanya wa kuyela. 35Ukayake tebulu ha munkanda wa mwanya wakuzila mu mwanya wakuzila kumbalila yaku ncelele ya ntanda. Pe ukayake kami lyeyeko lya mimuni mu mwanya wa kuyela kumbalila yaku mabukubuku kuliyahikiza na tebulu.
36“Pe kami ku menginino a ntanda ukayakeko mu wumbo wa makwiza amawahe a kulelema akupohela hamo na wutonge wa wuhombo nawa kufumbuluka nawa kufubila, wakutanga mabalamabala. 37Ukabaze zimpangwa mutanu za mutondo wa mumbambangoma na kuzifwika na ngolinde. Ukayakeko kami tuhanto twa ngolinde twa ku kwatisha shibaamba. Ukafule kami tupona mutanu twa lubemba twa neze zimpangwa.”
Currently Selected:
Kututika 26: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
Kututika 26
26
Ntanda ya Shikungulukilo
(Kututika 36:8-38)
1“Ukatende Ntanda ya Shikungulukilo ha makwiza likumi amawahe a kulelema akupohela hamo na wutonge wawuhombo nawa kufumbuluka nawa kufubila, akatangiwe na bifwekesha bya makelumbi. 2Likwiza na likwiza likenge lya kwezekela hamo mamita 13 na mamita abili muwipi. 3Mutanu wawo akatungiwile hamo kwinga mu wumbo wumo, pe katende noho na amina kami mutanu. 4Ukatende zinkobo za likwiza lya wuhombo ha nkumo ya mu wumbo na mu wumbo. 5Ukayake zinkobo makumi mutanu ha mu wumbo wakutatika, hamo na zinkobo makumi mutanu ha mu wumbo wawubili ngayi yikezekele hamo. 6Ukafule kami tuhanto makumi mutanu twa ngolinde, ukanunge hamo miwumbo yibili na tuhanto otwo, pe yikenge mu wumbo wumo.
7“Pe ukatende kami sha kufwika hayilu ya Ntanda sha mu wumbo wa makwiza likumi na limo a wushako wa bampongo. 8Likwiza na likwiza likenge lya mamita 14 mu wutali na mamita abili muwipi. Nimwawo akezekele hamo. 9Mutanu wawo akatungiwile hamo kwinga mu wumbo wumo na makwiza amina mutanu na limo kwinga mu wumbo wamina. Ukavunge mu wumbo wa makwiza mutanu na limo kabili hayilu kumbili ya ntanda. 10Kami ukayake zinkobo makumi mutanu ha nkumo ya mu wumbo wakutatika, kami zinkobo makumi mutanu ha nkumo ya mu wumbo wamina. 11Pe ukafule tuhanto twa lubemba makumi mutanu twa kukolekesha mu kununga miwumbo yibili ngayi winge mu wumbo wumo. 12Ukanyenzumune shitika sha mita shikashalako hayilu kunyima ya ntanda. 13Pe likwiza lya mashentimita 46 shikanyenzumukile ku zimbalila wubili wazo za wutali wa ntanda na kuyifwika.
14“Pe ukanyuke bya kufwika ha ntanda byamina bibili, shimo ha bitembe bya bikungwe bya bambelele bya kulomba kufubila na shamina sha bitembe bya bitutunga bya kunyuka shiwahe sha kuyala ha munkanda wayo.
15“Pe ukabaze maleenge akwimika a mutondo wa mumbambangoma aku ntanda. 16Lileenge na lileenge likenge mamita anaa mu wutali na mashentimita 69 muwipi, 17hamo na tupilikisho tubili ngayi maleenge mwanga aliwanike hamo. Maleenge nimwawo akekale nanotwe tupilikisho. 18Ukabaze kami maleenge makumi abili aku mbalila yaku mabukubuku, 19pe ukatende tupona makumi anaa twa shiliva twa kuyaka ku nceto ya maleenge, tupona tubili ku lileenge na lileenge twa ku kwatisha tupilikisho twalyo tubili. 20Ukabaze maleenge makumi abili aku ncelele ya ntanda, 21na tupona makumi anaa twa shiliva, tupona tubili ku nceto ya lileenge na lileenge. 22Kunyima ya ntanda kumbalila yaku mponci kabazileko maleenge mutanu na limo, 23na maleenge abili amu zinkomi za ntanda. 24Awa maleenge amu nkomi akawanikiwe ku nceto na kuyilu. Maleenge awa abili akutenda zinkomi zibili akatendiwe munzila eye. 25Nohobene kukekale maleenge mutanu na ahatu hamo na tupona twawo twa shiliva likumi na mutanu na kamo, tubili ku nceto ya lileenge na lileenge.
26“Pe ukabaze kami mikambo likumi na mutanu ya mutondo wa mumbambangoma, mikambo mutanu yaku maleenge ku mbalila yimo ya ntanda, 27kami mikambo mutanu yaku maleenge kumbalila yamina na mikambo mutanu yaku maleenge aku mponci kunyima ya ntanda. 28Mukambo wa mukati ukapite mukati na kukuma kunkumo yimo ya ntanda naku yamina hakati ka maleenge. 29Ukafwike maleenge na ngolinde, kami ukafulileko mahuzi a ngolinde akukwata mikambo. Eye mikambo kami yikafwikiwe na ngolinde. 30Kami ukazike ntanda ngonehe shiya nakufundizizile aha nakutongwezele sha kutenda ha lipili.
31“Ukatunge kami shibaamba sha likwiza lyaliwahe lya kulelema, lya kupohela hamo na wutonge wawuhombo nawa kufumbuluka nawa kufubila. Ka litange shiwahewahe na bifwekesha bya makelumbi. 32Ukakoleke shibaamba na tuhanto twa ngolinde ha zimpangwa zinaa za mutondo wa mumbambangoma za kufwikiwa na ngolinde, zikemane mu tupona tunaa twa shiliva. 33#Bal 6:19; 9:3-5. Ukakoleke shibaamba ku tuhanto twaha zimpangwa, pe ukayake Likwati lya Kulimama lya wupaki omu muli matapa akwanuka kulimama kunyima ya shibaamba. Shibaamba shikatapulule Mwanya wa kuyela mu Mwanya wa kuyela shikuma. 34Ukayake muhuko wa nceshe hayilu ya Likwati lya Kulimama mu mwanya wa kuyela. 35Ukayake tebulu ha munkanda wa mwanya wakuzila mu mwanya wakuzila kumbalila yaku ncelele ya ntanda. Pe ukayake kami lyeyeko lya mimuni mu mwanya wa kuyela kumbalila yaku mabukubuku kuliyahikiza na tebulu.
36“Pe kami ku menginino a ntanda ukayakeko mu wumbo wa makwiza amawahe a kulelema akupohela hamo na wutonge wa wuhombo nawa kufumbuluka nawa kufubila, wakutanga mabalamabala. 37Ukabaze zimpangwa mutanu za mutondo wa mumbambangoma na kuzifwika na ngolinde. Ukayakeko kami tuhanto twa ngolinde twa ku kwatisha shibaamba. Ukafule kami tupona mutanu twa lubemba twa neze zimpangwa.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.