Kututika 10
10
Malwa a mutanu na ahatu
Mikumbi
1Nyambi ya Ngula wambile kuli Moshesha ngayi, “Yanga ukalimone na Fwalo. Namukaluhishakale mutima hamo na babilolo bendi, ngayi mwanga nitende ebye bikomokesho mukati kabo. 2Pe mukatweshe kutongweza bana benu na bazukulyenu ebye natende ha kufutozola Baengepita oho natendele bikomokesho, nimwenu mwanga mulimuke ngayi Ami Nyambi ya Ngula.”
3Nohobene ba Moshesha na Aloni bayile kuli Fwalo, pe bambile kukwendi ngayi, “Nyambi ya Ngula, Nyambi wa Bahebelu unamba nehe ngayi, bikati binga kati ukakana kulilimbwilisha kukwami? Yitabilisha bantu bami baye bakandemeshe. 4Ndi ukuzamina kukana, pe nzona nikaleta mikumbi mu litunga lyobe. 5Yika bumba hanci nimwaho, mwanga hakabule kutwesha ku moneka. Pe yikalya byuma nimwabyo biya byabulile kunongeshiwa ku likandavula, yikalya mitondo yenu nimwayo. 6Yikenzala mu misheke yenu nimwayo na mumatala a babilolo bobe nimwawo nawa a bantu bobe nimwabo. Byuma biya batatizenu hinge bankakazenu hinga batanga kubimona.” Niho Moshesha akatukile na kuya.
7Babilolo ba Fwalo bambile kukwendi ngayi, “Shikati ngani ou muntu eze akalehe kutuyandisha? Lehenu balume ba Baishalela baye bakalemeshe Nyambi ya Ngula, Nyambi yabo. Kati ku mona wufwako ngayi Engepita walobakale ndi?”
8Nohobene Moshesha na Aloni baletiwile kuli Fwalo, pe wambile kukwabo ngayi, “Yenunga mukalemeshe Nyambi ya Ngula, Nyambi yenu. Ngoboni bayani aba bakaya?”
9Moshesha wakumbwile ngayi, “Nimwetumwetu tukaya, hamo na banabetu na batukulukazi betu. Tukaya hamo na banabetu babalume na banabetu ba bambuyama na bambelele betu na bampongo betu na zingombe zetu, ndaba tuku fwanina kupingila Nyambi ya Ngula shimbo sha kumulemesha.”
10Pe mwene wambile kukwabo ngayi, “Nyambi ya Ngula ekale nenu ndi ami nikumitabilisha ngayi mushimbe bakazenu na bana benu! Shinamoneke shiwahewahe ngayi muli na kufunga wubi wakumfutulukila mu mitima yenu. 11Byo! Kuye tuhu balume na kulemesha Nyambi ya Ngula ndi eshe nisho mukushinga.” Pe ba Moshesha na Aloni batandiwile ku meho a Fwalo.
12Niho Nyambi ya Ngula ambile kuli Moshesha ngayi, “Olwela liboko lyobe ha litunga lya Engepita. Mikumbi yize mu kulya byuma nimwabyo ebye bikumena, hinge ebye byuma nimwabyo byashalile ku likandavula.” 13Nohobene Moshesha wolwele liboko lyendi na muwana, pe Nyambi ya Ngula waletele mpepo ya ku mushamuko na kupepokeshela ha litunga mwaana na wushiku nimwawo. Kulumenemene mpepo yaletele mikumbi. 14#Kuh 9:2-3. Pe libimbe lya mikumbi lyezile na kutulila ha litunga nimwalyo. Lyengile libimbe lyalinene shikuma lya mikumbi ngayi hinga kwatanga kaliha yekalileko hinge kukamoneka kami yifwako. 15Lyafwikile hanci nimwaho, pe lyashipishile litunga. Lyalile nimwabyo biya byamenene na mikabo nimwayo yaku mitondo, eye yashalile ku likandavula. Kowa shuma shashibihu shashalile ku mutondo hinge mbuto mu litunga lya Engepita nimwalyo.
16Niho Fwalo anyankupile kwihana ba Moshesha na Aloni, wambile ngayi, “Nabipishi kuli Nyambi ya Ngula, Nyambi yenu, hamo nanenu. 17Haya nyatilenu wubi wami hahano bene na kulombela kuli Nyambi ya Ngula, Nyambi yenu, ngayi afumishe kukwami kashushwilo kakufwana.” 18Nohobene Moshesha wafumine kuli Fwalo, pe walombelele kuli Nyambi ya Ngula. 19Pe Nyambi ya Ngula wafutwile mpepo ya ngovu shikuma ku mponci, eye yatwalile mikumbi na kuyipepwila mu Liwate lya kufubila.#10:19 Liwate lya kufubila: Mu shihebelu ngayi liwate lya matete. Kowa hinge mukumbi wumo washalile mu Engepita nimwamo. 20Ngoboni Nyambi ya Ngula wakaluhishile mutima wa Fwalo, kaliha wetabilishile Baishalela ngayi baye.
Malwa a mutanu na anaa
Mincimpwe
21Nyambi ya Ngula wambile kuli Moshesha ngayi, “Olwela liboko lyobe kuyilu ngayi mwanga kwikale mincimpwe yayinene yifwike litunga lya Engepita.” 22Moshesha wolwele liboko lyendi kuyilu, pe kwekalile mincimpwe bwii mu litunga nimwalyo lya Engepita matena ahatu. 23Baengepita kaliha batweshele kulimona umo na wamina, kami kowa muntu wafumine mu litala lyendi ha matena ahatu. Ngoboni Baishalela nimwabo bekalile mu mwaana oku bekalilenga.
24Niho Fwalo ehanine Moshesha pe wambile ngayi, “Mu ku fwanina kuya mu kulemesha Nyambi ya Ngula hamo na bakazenu na bana benu. Ndele tuhu bambelele benu na bampongo benu na zingombe zenu nimwabyo bikushala kuno.”
25Ngoboni Moshesha wakumbwile ngayi, “Uku fwanina kutwitabilisha ngayi tuye na bimuna bya zinkombela na zinkombela za kuhokesha mwanga tukakombelele kuli Nyambi ya Ngula, Nyambi yetu. 26Tunafwanini kushimba bimuna byetu nimwabyo, kowa umo ukashala. Tukafwanina kukahata bimuna etu bamwine bya kulemesha nabyo Nyambi ya Ngula, Nyambi yetu. Kulimuka bimuna ebye tukahate bya kukombelela kuli Nyambi ya Ngula tufwako ndele ndi tunakakumu.”
27Ngoboni Nyambi ya Ngula wakaluhishile mutima wa Fwalo, pe kaliha wabetabilishile ngayi baye. 28Niho Fwalo ambile kuli Moshesha ngayi, “Fuma ku meho wami! Keya haya kukamona kami wufwako, ha mutena uyo wakamona pe ukafwa.”
29Moshesha wakumbwile ngayi, “Nimo! Hinga mwaka ukatanga kami ku mona lupala lwami.”
Currently Selected:
Kututika 10: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
Kututika 10
10
Malwa a mutanu na ahatu
Mikumbi
1Nyambi ya Ngula wambile kuli Moshesha ngayi, “Yanga ukalimone na Fwalo. Namukaluhishakale mutima hamo na babilolo bendi, ngayi mwanga nitende ebye bikomokesho mukati kabo. 2Pe mukatweshe kutongweza bana benu na bazukulyenu ebye natende ha kufutozola Baengepita oho natendele bikomokesho, nimwenu mwanga mulimuke ngayi Ami Nyambi ya Ngula.”
3Nohobene ba Moshesha na Aloni bayile kuli Fwalo, pe bambile kukwendi ngayi, “Nyambi ya Ngula, Nyambi wa Bahebelu unamba nehe ngayi, bikati binga kati ukakana kulilimbwilisha kukwami? Yitabilisha bantu bami baye bakandemeshe. 4Ndi ukuzamina kukana, pe nzona nikaleta mikumbi mu litunga lyobe. 5Yika bumba hanci nimwaho, mwanga hakabule kutwesha ku moneka. Pe yikalya byuma nimwabyo biya byabulile kunongeshiwa ku likandavula, yikalya mitondo yenu nimwayo. 6Yikenzala mu misheke yenu nimwayo na mumatala a babilolo bobe nimwawo nawa a bantu bobe nimwabo. Byuma biya batatizenu hinge bankakazenu hinga batanga kubimona.” Niho Moshesha akatukile na kuya.
7Babilolo ba Fwalo bambile kukwendi ngayi, “Shikati ngani ou muntu eze akalehe kutuyandisha? Lehenu balume ba Baishalela baye bakalemeshe Nyambi ya Ngula, Nyambi yabo. Kati ku mona wufwako ngayi Engepita walobakale ndi?”
8Nohobene Moshesha na Aloni baletiwile kuli Fwalo, pe wambile kukwabo ngayi, “Yenunga mukalemeshe Nyambi ya Ngula, Nyambi yenu. Ngoboni bayani aba bakaya?”
9Moshesha wakumbwile ngayi, “Nimwetumwetu tukaya, hamo na banabetu na batukulukazi betu. Tukaya hamo na banabetu babalume na banabetu ba bambuyama na bambelele betu na bampongo betu na zingombe zetu, ndaba tuku fwanina kupingila Nyambi ya Ngula shimbo sha kumulemesha.”
10Pe mwene wambile kukwabo ngayi, “Nyambi ya Ngula ekale nenu ndi ami nikumitabilisha ngayi mushimbe bakazenu na bana benu! Shinamoneke shiwahewahe ngayi muli na kufunga wubi wakumfutulukila mu mitima yenu. 11Byo! Kuye tuhu balume na kulemesha Nyambi ya Ngula ndi eshe nisho mukushinga.” Pe ba Moshesha na Aloni batandiwile ku meho a Fwalo.
12Niho Nyambi ya Ngula ambile kuli Moshesha ngayi, “Olwela liboko lyobe ha litunga lya Engepita. Mikumbi yize mu kulya byuma nimwabyo ebye bikumena, hinge ebye byuma nimwabyo byashalile ku likandavula.” 13Nohobene Moshesha wolwele liboko lyendi na muwana, pe Nyambi ya Ngula waletele mpepo ya ku mushamuko na kupepokeshela ha litunga mwaana na wushiku nimwawo. Kulumenemene mpepo yaletele mikumbi. 14#Kuh 9:2-3. Pe libimbe lya mikumbi lyezile na kutulila ha litunga nimwalyo. Lyengile libimbe lyalinene shikuma lya mikumbi ngayi hinga kwatanga kaliha yekalileko hinge kukamoneka kami yifwako. 15Lyafwikile hanci nimwaho, pe lyashipishile litunga. Lyalile nimwabyo biya byamenene na mikabo nimwayo yaku mitondo, eye yashalile ku likandavula. Kowa shuma shashibihu shashalile ku mutondo hinge mbuto mu litunga lya Engepita nimwalyo.
16Niho Fwalo anyankupile kwihana ba Moshesha na Aloni, wambile ngayi, “Nabipishi kuli Nyambi ya Ngula, Nyambi yenu, hamo nanenu. 17Haya nyatilenu wubi wami hahano bene na kulombela kuli Nyambi ya Ngula, Nyambi yenu, ngayi afumishe kukwami kashushwilo kakufwana.” 18Nohobene Moshesha wafumine kuli Fwalo, pe walombelele kuli Nyambi ya Ngula. 19Pe Nyambi ya Ngula wafutwile mpepo ya ngovu shikuma ku mponci, eye yatwalile mikumbi na kuyipepwila mu Liwate lya kufubila.#10:19 Liwate lya kufubila: Mu shihebelu ngayi liwate lya matete. Kowa hinge mukumbi wumo washalile mu Engepita nimwamo. 20Ngoboni Nyambi ya Ngula wakaluhishile mutima wa Fwalo, kaliha wetabilishile Baishalela ngayi baye.
Malwa a mutanu na anaa
Mincimpwe
21Nyambi ya Ngula wambile kuli Moshesha ngayi, “Olwela liboko lyobe kuyilu ngayi mwanga kwikale mincimpwe yayinene yifwike litunga lya Engepita.” 22Moshesha wolwele liboko lyendi kuyilu, pe kwekalile mincimpwe bwii mu litunga nimwalyo lya Engepita matena ahatu. 23Baengepita kaliha batweshele kulimona umo na wamina, kami kowa muntu wafumine mu litala lyendi ha matena ahatu. Ngoboni Baishalela nimwabo bekalile mu mwaana oku bekalilenga.
24Niho Fwalo ehanine Moshesha pe wambile ngayi, “Mu ku fwanina kuya mu kulemesha Nyambi ya Ngula hamo na bakazenu na bana benu. Ndele tuhu bambelele benu na bampongo benu na zingombe zenu nimwabyo bikushala kuno.”
25Ngoboni Moshesha wakumbwile ngayi, “Uku fwanina kutwitabilisha ngayi tuye na bimuna bya zinkombela na zinkombela za kuhokesha mwanga tukakombelele kuli Nyambi ya Ngula, Nyambi yetu. 26Tunafwanini kushimba bimuna byetu nimwabyo, kowa umo ukashala. Tukafwanina kukahata bimuna etu bamwine bya kulemesha nabyo Nyambi ya Ngula, Nyambi yetu. Kulimuka bimuna ebye tukahate bya kukombelela kuli Nyambi ya Ngula tufwako ndele ndi tunakakumu.”
27Ngoboni Nyambi ya Ngula wakaluhishile mutima wa Fwalo, pe kaliha wabetabilishile ngayi baye. 28Niho Fwalo ambile kuli Moshesha ngayi, “Fuma ku meho wami! Keya haya kukamona kami wufwako, ha mutena uyo wakamona pe ukafwa.”
29Moshesha wakumbwile ngayi, “Nimo! Hinga mwaka ukatanga kami ku mona lupala lwami.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.