Ndanyele 10
10
Shimono sha Ndanyele ku mushinzi wa Tingilishi
1Mu mwaka wawuhatu wakulela kwa Shilushi mwene wamu Pesha, lizu lyaholokele kuli Ndanyele, ou watumbiwile kami ngayi Mbeleteshaza. Elye lizu lyengile lya kupwisha, lyengile lya bya nzita yayinene. Kuyuvwishisha kwa lizu elye kwezile kukwendi mu shimono.
2Ha shikati shiyo ami Ndanyele nekalile mu wunginga ha zishunda zihatu. 3Kaliha nalile byakulya byabiwahe hinge nyama hinge kunwa waine hinge kuwaba mazi ha lutu hinge huki hantu noho kwapitile zishunda zihatu. 4Ha mutena wa 24 mu ngonda wakutatika aha nemanine ha shibumbo sha mushinzi wa Tingilishi, 5nayimbwile meho wami pe namonene mulume ou wavwalile makwiza a kulelema na mukunzi wa ngolinde wa ufwazi mu lukanda lwendi. 6Lutu lwendi lwa byaziminenga ngonehe limanya lya ndando yayinene likutumbiwa mbeliyola. Lupala lwendi lwengile lwa kubesha ngonehe kumwesha kwa lumuni, kami meho wendi abangilenga ngonehe lumuni lwa mundilo. Maboko wendi na mawulu wendi abyaziminenga ngonehe lubemba lwa ku shamishiwa na lizu lyendi lyavuminenga ngonehe likunge lya bantu babengi. 7Ami Ndanyele ninkayami namonene eshe shimono. Balume aba nekalile nabo kaliha bamonene shuma shimina, ngoboni bowa wabakwatile shikuma pe betukile na kuholama. 8Niho nashalile ninkayami hinipenza shiya shimono sha kukomokesha. Kami lupala lwami lwafutukile kwinga lwa kutubuluka kaliha nekalile na nyala pe napopele. 9Niho nayuvwile lingeloyi Ngambiliyele hamba, aha namuyuvwilililenga nawililile hanci na kulunguka hinga nafulumana kukinka lupala hanci.
10Niho liboko lyankwatile na kukatula maboko wami na manungo, oku hinikanka. 11Lingeloyi lyambile kukwami ngayi, “Obe Ndanyele, ou Nyambi ahaka shikuma, katuka wimane na kuyuvwilila shiwahe kunebye nili na kushinga kwamba kukwobe, ndaba natumiwi kukwobe.” Aha ambilenga eshe kukwami na katukile na kwimana hinikanka. 12Niho ambile ngayi, “Ndanyele hinga utina. Nyambi unayuvwu malombelo wobe ku balika ha mutena wakutatika uya wayongwele kulilimbwilisha ngayi utweshe ku yuvwishisha. Ninezi kwinga kukumbula malombelo wobe. 13Lingeloyi mukakulama wene wa Pesha wandwishile matena 21. Mayikulu, umo ha bakulwane ba mangeloyi, wezile mu kunyavwa, ndaba nashalile ninkayami na bamyene bamu Pesha. 14Haya nezi mu ku kutontwelela ebye bikamoneka ku bantu bobe kumbili. Eshe shinengi shimono sha kwinika bikamoneka kumbili.”
15Oho ambilenga eshe kukwami nanyongaminine hanci nakwangile kwamba. 16Niho lingeloyi lyankwatile ku mivumbo. Nayahamishile kanwa kami na kutatika kwamba ku muntu uya wemanine kumbili yami ngayi, “Hekulu, eshe shimono shinankoleshe ku mutima, pe nabulu na nyala. 17Ami mukamulimo wobe, nikutwesha nahiti kwamba kukwobe obe hekulu? Nabulu nyala hinge kutwesha kwoya nifwako.”
18Niho lingeloyi lyankwatile kami, pe nekalile na nyala, 19lyambile ngayi, “Obe Nyambi ahaka, hinga utina. Ku mwena kwikale nobe. Winge wakukanca haya winge wakushuma.” Oho ambilenga kukwami nashumine na kwamba ngayi, “Haya obe hekulu amba, ndaba wampanakale nyala.” 20Niho ambile kukwami ngayi, “Kati ukulimuka shuma nezili kukwobe ndi? Wuluno niboke na kulwisha lingeloyi wa mukulwane walama wene wa Pesha, pe oho nikaya lingeloyi mukakulama Ngilishi ukeza. 21Nikutatika taha kukutongweza ebye byatikitiwa mu Libuka lya Kupwisha. Kowa muntu wakunyavwa ndele tuhu Mayikulu, umo ha bakulwane ba mangeloyi.”
Currently Selected:
Ndanyele 10: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
Ndanyele 10
10
Shimono sha Ndanyele ku mushinzi wa Tingilishi
1Mu mwaka wawuhatu wakulela kwa Shilushi mwene wamu Pesha, lizu lyaholokele kuli Ndanyele, ou watumbiwile kami ngayi Mbeleteshaza. Elye lizu lyengile lya kupwisha, lyengile lya bya nzita yayinene. Kuyuvwishisha kwa lizu elye kwezile kukwendi mu shimono.
2Ha shikati shiyo ami Ndanyele nekalile mu wunginga ha zishunda zihatu. 3Kaliha nalile byakulya byabiwahe hinge nyama hinge kunwa waine hinge kuwaba mazi ha lutu hinge huki hantu noho kwapitile zishunda zihatu. 4Ha mutena wa 24 mu ngonda wakutatika aha nemanine ha shibumbo sha mushinzi wa Tingilishi, 5nayimbwile meho wami pe namonene mulume ou wavwalile makwiza a kulelema na mukunzi wa ngolinde wa ufwazi mu lukanda lwendi. 6Lutu lwendi lwa byaziminenga ngonehe limanya lya ndando yayinene likutumbiwa mbeliyola. Lupala lwendi lwengile lwa kubesha ngonehe kumwesha kwa lumuni, kami meho wendi abangilenga ngonehe lumuni lwa mundilo. Maboko wendi na mawulu wendi abyaziminenga ngonehe lubemba lwa ku shamishiwa na lizu lyendi lyavuminenga ngonehe likunge lya bantu babengi. 7Ami Ndanyele ninkayami namonene eshe shimono. Balume aba nekalile nabo kaliha bamonene shuma shimina, ngoboni bowa wabakwatile shikuma pe betukile na kuholama. 8Niho nashalile ninkayami hinipenza shiya shimono sha kukomokesha. Kami lupala lwami lwafutukile kwinga lwa kutubuluka kaliha nekalile na nyala pe napopele. 9Niho nayuvwile lingeloyi Ngambiliyele hamba, aha namuyuvwilililenga nawililile hanci na kulunguka hinga nafulumana kukinka lupala hanci.
10Niho liboko lyankwatile na kukatula maboko wami na manungo, oku hinikanka. 11Lingeloyi lyambile kukwami ngayi, “Obe Ndanyele, ou Nyambi ahaka shikuma, katuka wimane na kuyuvwilila shiwahe kunebye nili na kushinga kwamba kukwobe, ndaba natumiwi kukwobe.” Aha ambilenga eshe kukwami na katukile na kwimana hinikanka. 12Niho ambile ngayi, “Ndanyele hinga utina. Nyambi unayuvwu malombelo wobe ku balika ha mutena wakutatika uya wayongwele kulilimbwilisha ngayi utweshe ku yuvwishisha. Ninezi kwinga kukumbula malombelo wobe. 13Lingeloyi mukakulama wene wa Pesha wandwishile matena 21. Mayikulu, umo ha bakulwane ba mangeloyi, wezile mu kunyavwa, ndaba nashalile ninkayami na bamyene bamu Pesha. 14Haya nezi mu ku kutontwelela ebye bikamoneka ku bantu bobe kumbili. Eshe shinengi shimono sha kwinika bikamoneka kumbili.”
15Oho ambilenga eshe kukwami nanyongaminine hanci nakwangile kwamba. 16Niho lingeloyi lyankwatile ku mivumbo. Nayahamishile kanwa kami na kutatika kwamba ku muntu uya wemanine kumbili yami ngayi, “Hekulu, eshe shimono shinankoleshe ku mutima, pe nabulu na nyala. 17Ami mukamulimo wobe, nikutwesha nahiti kwamba kukwobe obe hekulu? Nabulu nyala hinge kutwesha kwoya nifwako.”
18Niho lingeloyi lyankwatile kami, pe nekalile na nyala, 19lyambile ngayi, “Obe Nyambi ahaka, hinga utina. Ku mwena kwikale nobe. Winge wakukanca haya winge wakushuma.” Oho ambilenga kukwami nashumine na kwamba ngayi, “Haya obe hekulu amba, ndaba wampanakale nyala.” 20Niho ambile kukwami ngayi, “Kati ukulimuka shuma nezili kukwobe ndi? Wuluno niboke na kulwisha lingeloyi wa mukulwane walama wene wa Pesha, pe oho nikaya lingeloyi mukakulama Ngilishi ukeza. 21Nikutatika taha kukutongweza ebye byatikitiwa mu Libuka lya Kupwisha. Kowa muntu wakunyavwa ndele tuhu Mayikulu, umo ha bakulwane ba mangeloyi.”
Libuka Lya Kuyela © Bible Society of Zambia, 2020.