Luka 10
10
1Kulondela hayumiyi, hakutonda amakwawu makumi atanu nayedi, hakuyitemesha ŋahu dehi kumbidi, ayedi ayedi, kwahita nyikala yamaneni yejima, ni mwituŋa dejima mwakukeŋa kuyayi yomweni. 2Hakuyila nindi, Mbutu yinahi yayivulu, ilaŋa akwakukalakala anakehi. Dichi lombenu kudi Mwanta diyi mukwakwaŋula, atemeshi akwakukalakala kumudimu wakwaŋula mbutu yindi. 3Yenuŋa kwenu; tiyenu, chidi neyi nidi nakutemesha anyana kanyikoku mukachi kawatuŋiwidi. 4Bayi musenda hela chikwama, hela ipakumuna, hela nkwabiluku; bayi mwimwisha muntu munjilaku. 5Itala dimwakeŋa ila, mwakasambila kwilamu nenu, Mwitalidi kwikali kuwunda. 6Neyi mudi muntu wawunda, kuwunda kwenu kwakekala hadi yena; neyi nehi, kuwunda kwenu kwakafunta cheŋi kudenu aweni. 7Itala dimwakashakama, kadyenu nikunwa yuma yakayinkawu yejima, mulona mukwakukalakala nateli wufwetu windi. Bayi mwakatutujoka mufuma italidi muya itala dacheŋuku. 8Nyikala yejima yimwakeŋa ila yakayitambulawu, kadyenu yuma yejima yakayinkawu; 9kayukenu akata adumu; kayilenu nenu, Wanta waNzambi wunenzi dehi kwakwihi nanenu. 10Hakwila nyikala yejima yimwakeŋa ila yakabula kuyitambulawu, mwakayi munyikwakwa yayu, 11mwakayili nenu, Tunayidikumwini nilunkuŋu lwakumukala wenu lunalamati kunyendu yetu. Hela chochu, ilukenu nenu wanta waNzambi wunenzi dehi kwakwihi. 12Tiyenu niyileji, ifuku dakusompesha, yihuŋu yakamona mukalowu yakabadika yihuŋu yakamonawu akwaSodoma.
13O yihuŋu yiwakamoneyi Korasi! O yihuŋu yiwakamoneyi Beteseda! Nyidimu yaŋovu yaneliluwu mudenu, neyi ayililili muTira naZidoni, mutenowu abalumukili dehi munyichima yawu, ashakama dehi nimumawuti avwala dehi nimasaka. 14Hakusompesha, ihuŋu daTira naZidoni dakakuminamu, denwenu dakabadika. 15Eyi Kaperinawu, nineyi nawa akakutúumbakesha chashika nikwiwulu, tahindi? Akakukunkumwisha mukaluŋa.
16Muntu wukutiyenu nantiyami; wukulekenu nanlekami; wukuniekami naleki yena wantemesheli.
17Owu makumi atanu nayedi hiyakufunta namuzaŋalu nawu, Mwanta, hela ademoni aweni, kuyitenena ijina deyi anatwovwahili. 18Hakuyila nindi, Namweni Satana kuholoka kwiwulu neyi chikwanzaji. 19Tiyenu, nayinki wanta wakudata nihatupela nihatunjimbu, nayinki wanta wakufwomona Ŋovu jachilumbu jejima; hikudi chuma chakayikatisha hela hantuku. 20Hela chochu, bayi muzaŋalaia nanochu chanayovwahiluwu kudi ademonuku; ilaŋa zaŋalalenu nanochu chanasonekuwu majinenu mwiwulu.
21Hakuzaŋalala mudi Spiritu Wajila yena mpinji oyu nindi, Eyi Tata, Mwanta wewulu niiseki, nakusakilili chiwajindili akwamaana niakwakashinshi yumiyi, hiwukuyimwekesha kudi anyikeki; mwamweni Tata, dichi chiwamweni kuwaha. 22Tata yami nankunjiki yuma yejima; hikwekala wamwiluka Mwanaku, amwiluka kudi Tata hohu; hikwekala nawa wamwiluka Tataku, amwiluka kudi Mwana hohu, nimuntu anetejiyi Mwana kumumwekeshelayi.
23Hakushetumuka kudi atumbanji twindi kumbadi kwakanka wawu, hakuyila nindi, Mesu amonaŋa yuma yimwamonaŋenu anakooleki. 24Nukuyileja nami, atuprofwetu amavulu nawanyanta ankanu akeŋelaŋa nawu amoni yuma yimwamonaŋenu, hiyayimwenuku; akeŋelaŋa nawu atiyi yuma yimwatiyaŋenu, hiyayitiyiluku.
25Kutala kunemani dehi mukwanshimbi wumu, hakumweseka nindi, Eyi Nkuluŋaŋa, nukwila ŋahi kulonda niswani wumi wahaya nyaka? 26Yesu hakumwila nindi, Munshimbi anasoneki nawudi? Wataŋaŋamu ŋahi? 27Hakwakula nindi, Nawu, Keŋaku Yehova Nzambi yeyi namuchima weyi wejima, nawumi weyi wejima, naŋovu jeyi jejima, namaaneyi ejima; keŋaku nawa mukwenu neyi chiwadikeŋa eyi aweni. 28Yesu hakumwila nindi, Wunaakuli chachiwahi, ilaŋa kweyi mwomwenomu, wukuhanda.
29Yena hakukeŋa kumwekesha kuloŋa kwindi, hakumwila Yesu nindi, Mukwetu yowinyi? 30Yesu hakwila nindi, Muntu wumu wadiŋi nakufuma kuYerusalema nindi akunkumuki kuYeriku. Kukasumuka anamukwati dehi kudi atupondu; hiyakumuvúula, hiyakumweta, hiyakuya kwawu, kumushiya wudi kwakwihi nakufwa. 31Kapristu wumu hakukunkumuka njiloyu, chanamumoniyi hakumutondolwela. 32Kushika nawa nikaLevi, niyena nawa chanamumoniyi hakumutondolwela. 33Ilaŋa kaSamariya wumu wadiŋi nakuya munjila yindi, hakushika kwadiŋiyi; chanamumoniyi, hakumutiyila wushona, 34hakuya kudi yena, hakuhuŋunwina hayitu yindi manji nivinyu; hakukasakasaku. Amusha nihakanyama kindi yomweni hakumuleta kwitala dakamaŋa enyi, hakumuhemba. 35Chikunachi, hakunona mali ayedi, hakumwinka mwini itala nindi, Muhembi; neyi yiwakamwinka yakamotokamu, chinakafunta nakakuhiŋishilamu yacheŋi. 36Awa asatu nanowu aholokeleluwu kudi atupondu, eyi wunatoŋojoki neyi mukwawu yowu wumwodihi? 37Yena nindi, Owu wamutiyilili luwi. Yesu hakumwila nindi, Nineyi nawa yaloŋa wakelaŋa mwomumu.
38Hadiŋi nakuyawu munjila yawu, hakushika hamukala wumu; mumbanda wumu, ijina dindi Mata, hakumutambula mwitala dindi. 39Yenowu nawa wadiŋi namwanyikindi wamumbanda, ijina dindi Mariya; yena Mariya hakwinza nakushakama kunyendu yaMwanta nakutiyilila mazu adiŋi nakuhoshayi. 40Ilaŋa Mata wadiŋi nakubimba nanyidimu yayivulu; hakwinza kudi yena nindi, Mwanta, chananlekeliyi mwanyikami nyidimu kanka wami, hiwunashuku muchima weyuku? Mwili enzi ankwashuku. 41Mwanta hakumwakulo nindi, Mata, Mata, yuma yayivulu wudi nakwakama, wudi nakudikabisha tuhu kweyi; 42kunabuli chuma chimu hohu; chuma chanatondiyi Mariya, dichichuma chasweja kuwaha, hiyakamutambulachuku.
Currently Selected:
Luka 10: MW62
Highlight
Share
Copy
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
Luka 10
10
1Kulondela hayumiyi, hakutonda amakwawu makumi atanu nayedi, hakuyitemesha ŋahu dehi kumbidi, ayedi ayedi, kwahita nyikala yamaneni yejima, ni mwituŋa dejima mwakukeŋa kuyayi yomweni. 2Hakuyila nindi, Mbutu yinahi yayivulu, ilaŋa akwakukalakala anakehi. Dichi lombenu kudi Mwanta diyi mukwakwaŋula, atemeshi akwakukalakala kumudimu wakwaŋula mbutu yindi. 3Yenuŋa kwenu; tiyenu, chidi neyi nidi nakutemesha anyana kanyikoku mukachi kawatuŋiwidi. 4Bayi musenda hela chikwama, hela ipakumuna, hela nkwabiluku; bayi mwimwisha muntu munjilaku. 5Itala dimwakeŋa ila, mwakasambila kwilamu nenu, Mwitalidi kwikali kuwunda. 6Neyi mudi muntu wawunda, kuwunda kwenu kwakekala hadi yena; neyi nehi, kuwunda kwenu kwakafunta cheŋi kudenu aweni. 7Itala dimwakashakama, kadyenu nikunwa yuma yakayinkawu yejima, mulona mukwakukalakala nateli wufwetu windi. Bayi mwakatutujoka mufuma italidi muya itala dacheŋuku. 8Nyikala yejima yimwakeŋa ila yakayitambulawu, kadyenu yuma yejima yakayinkawu; 9kayukenu akata adumu; kayilenu nenu, Wanta waNzambi wunenzi dehi kwakwihi nanenu. 10Hakwila nyikala yejima yimwakeŋa ila yakabula kuyitambulawu, mwakayi munyikwakwa yayu, 11mwakayili nenu, Tunayidikumwini nilunkuŋu lwakumukala wenu lunalamati kunyendu yetu. Hela chochu, ilukenu nenu wanta waNzambi wunenzi dehi kwakwihi. 12Tiyenu niyileji, ifuku dakusompesha, yihuŋu yakamona mukalowu yakabadika yihuŋu yakamonawu akwaSodoma.
13O yihuŋu yiwakamoneyi Korasi! O yihuŋu yiwakamoneyi Beteseda! Nyidimu yaŋovu yaneliluwu mudenu, neyi ayililili muTira naZidoni, mutenowu abalumukili dehi munyichima yawu, ashakama dehi nimumawuti avwala dehi nimasaka. 14Hakusompesha, ihuŋu daTira naZidoni dakakuminamu, denwenu dakabadika. 15Eyi Kaperinawu, nineyi nawa akakutúumbakesha chashika nikwiwulu, tahindi? Akakukunkumwisha mukaluŋa.
16Muntu wukutiyenu nantiyami; wukulekenu nanlekami; wukuniekami naleki yena wantemesheli.
17Owu makumi atanu nayedi hiyakufunta namuzaŋalu nawu, Mwanta, hela ademoni aweni, kuyitenena ijina deyi anatwovwahili. 18Hakuyila nindi, Namweni Satana kuholoka kwiwulu neyi chikwanzaji. 19Tiyenu, nayinki wanta wakudata nihatupela nihatunjimbu, nayinki wanta wakufwomona Ŋovu jachilumbu jejima; hikudi chuma chakayikatisha hela hantuku. 20Hela chochu, bayi muzaŋalaia nanochu chanayovwahiluwu kudi ademonuku; ilaŋa zaŋalalenu nanochu chanasonekuwu majinenu mwiwulu.
21Hakuzaŋalala mudi Spiritu Wajila yena mpinji oyu nindi, Eyi Tata, Mwanta wewulu niiseki, nakusakilili chiwajindili akwamaana niakwakashinshi yumiyi, hiwukuyimwekesha kudi anyikeki; mwamweni Tata, dichi chiwamweni kuwaha. 22Tata yami nankunjiki yuma yejima; hikwekala wamwiluka Mwanaku, amwiluka kudi Tata hohu; hikwekala nawa wamwiluka Tataku, amwiluka kudi Mwana hohu, nimuntu anetejiyi Mwana kumumwekeshelayi.
23Hakushetumuka kudi atumbanji twindi kumbadi kwakanka wawu, hakuyila nindi, Mesu amonaŋa yuma yimwamonaŋenu anakooleki. 24Nukuyileja nami, atuprofwetu amavulu nawanyanta ankanu akeŋelaŋa nawu amoni yuma yimwamonaŋenu, hiyayimwenuku; akeŋelaŋa nawu atiyi yuma yimwatiyaŋenu, hiyayitiyiluku.
25Kutala kunemani dehi mukwanshimbi wumu, hakumweseka nindi, Eyi Nkuluŋaŋa, nukwila ŋahi kulonda niswani wumi wahaya nyaka? 26Yesu hakumwila nindi, Munshimbi anasoneki nawudi? Wataŋaŋamu ŋahi? 27Hakwakula nindi, Nawu, Keŋaku Yehova Nzambi yeyi namuchima weyi wejima, nawumi weyi wejima, naŋovu jeyi jejima, namaaneyi ejima; keŋaku nawa mukwenu neyi chiwadikeŋa eyi aweni. 28Yesu hakumwila nindi, Wunaakuli chachiwahi, ilaŋa kweyi mwomwenomu, wukuhanda.
29Yena hakukeŋa kumwekesha kuloŋa kwindi, hakumwila Yesu nindi, Mukwetu yowinyi? 30Yesu hakwila nindi, Muntu wumu wadiŋi nakufuma kuYerusalema nindi akunkumuki kuYeriku. Kukasumuka anamukwati dehi kudi atupondu; hiyakumuvúula, hiyakumweta, hiyakuya kwawu, kumushiya wudi kwakwihi nakufwa. 31Kapristu wumu hakukunkumuka njiloyu, chanamumoniyi hakumutondolwela. 32Kushika nawa nikaLevi, niyena nawa chanamumoniyi hakumutondolwela. 33Ilaŋa kaSamariya wumu wadiŋi nakuya munjila yindi, hakushika kwadiŋiyi; chanamumoniyi, hakumutiyila wushona, 34hakuya kudi yena, hakuhuŋunwina hayitu yindi manji nivinyu; hakukasakasaku. Amusha nihakanyama kindi yomweni hakumuleta kwitala dakamaŋa enyi, hakumuhemba. 35Chikunachi, hakunona mali ayedi, hakumwinka mwini itala nindi, Muhembi; neyi yiwakamwinka yakamotokamu, chinakafunta nakakuhiŋishilamu yacheŋi. 36Awa asatu nanowu aholokeleluwu kudi atupondu, eyi wunatoŋojoki neyi mukwawu yowu wumwodihi? 37Yena nindi, Owu wamutiyilili luwi. Yesu hakumwila nindi, Nineyi nawa yaloŋa wakelaŋa mwomumu.
38Hadiŋi nakuyawu munjila yawu, hakushika hamukala wumu; mumbanda wumu, ijina dindi Mata, hakumutambula mwitala dindi. 39Yenowu nawa wadiŋi namwanyikindi wamumbanda, ijina dindi Mariya; yena Mariya hakwinza nakushakama kunyendu yaMwanta nakutiyilila mazu adiŋi nakuhoshayi. 40Ilaŋa Mata wadiŋi nakubimba nanyidimu yayivulu; hakwinza kudi yena nindi, Mwanta, chananlekeliyi mwanyikami nyidimu kanka wami, hiwunashuku muchima weyuku? Mwili enzi ankwashuku. 41Mwanta hakumwakulo nindi, Mata, Mata, yuma yayivulu wudi nakwakama, wudi nakudikabisha tuhu kweyi; 42kunabuli chuma chimu hohu; chuma chanatondiyi Mariya, dichichuma chasweja kuwaha, hiyakamutambulachuku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.