Loma 14
14
Ava kanda vakòle mulufwelelo
1Ou kanda akole mulufwelelo mwitavilenu, oloze keshi mukulipula nenyi jipamiko.
2 Mutu umwe afwelela ngwenyi mwalya tuhu kala kulya, oloze ou kanda akole mulufwelelo alya visakwola kaha.
3Ou mwalya kala kulya kanda alumbilisa ou kalya kala kulyako. Kaha ou kalyako kanda akawanyina katenga ou mwalyako, mwomwo vamwitavila kuli Kalunga.
4 Yove iya numba uwanyine katenga ngamba yambala? Chipwe natesamo chipwe kateselemoko, okwo kuli Mwata wenyi ivene. Oloze kutesamo navamutesamo vene, mwomwo Mwata nahase kumulingisa atesemo.
5 Mutu umwe amona likumbi limwe ngwenyi lyalilemu kuhambakana likwavo. Mukwavo amona makumbi osena ngwenyi eseka hamwe. Mutu himutu enjikizenga kanawa mumuchima wenyi ivene.
6Ou mwajilika likumbi limwe nalijilikila hali Mwata. Kaha ou mwalya kala kulya eji kuchililanga hali Mwata, mwomwo mwasakwilila Kalunga. Kaha ou mwakana kala kulya nachikanyina hali Mwata, mwomwo mwasakwilila Kalunga.
7Mwomwo naumwe wauchi aliyoyela ivene, kaha naumwe wauchi alifwila ivene.
8Omu twayoya, twayoyela hali Mwata, kaha nge natufwa, tweji kufwilanga hali Mwata. Shikaho, chipwe tufwa, chipwe tuyoya, tuvambala vaMwata.
9Hakiko vene afwililile Kulishitu nakuyoya cheka, mangana apwenga Mwata wavafu naava vavatonyi.
10Ove, ika weji kuwanyinanga ndumbwove katenga? Chipwe ove nawa, ika weji kulumbilisanga ndumbwove? Mwomwo tuvosena natukemana kulutwe lwalitanda lyaKalunga lyakwesekela vilinga vyavaka-kufwelela.
11Mwomwo vasoneka ngwavo,
MWATA nambe ngwenyi, Hakupwa ngwayoya, mambuli osena nawakangufukamina.
Kaha nawa, Malimi osena nawaketavila ngwavo Ami nguKalunga.
12Ngocho etu tuvosena mutu himutu mwakalumbununa vyenyi kuli Kalunga.
Kanda kuhaka chimbunji mujila yandumbwoveko
13Shikaho kanda tukaliwanyina tutenga navakwetuko, oloze tujikenu michima yetu kuchuma echi ngwetu, Kanda tukahaka chimbunji mujila yandumbwetuko, chipwe chuma chakumuhukanyisa.
14Ngunatachikiza, kaha ngunakunyuka muli Mwata Yesu ngwami, kakweshi kulya chapwa chakuzeneka kutoma chiveneko. Oloze ou amona ngwenyi kachapwa chitomako, kaha kachatomako kuli ikiye.
15Mwomwo nge ndumbwove nanyengetela havize walya, kaha unaseze kutambukila muzangi. Hakulya chove kanda ukenyekelaho ou afwililile Kulishituko.
16Shikaho vize mwamona ngwenu vyamwaza kanda vavivulukila kupihyako.
17Mwomwo wangana waKalunga kawapwa kulya nakunwako, oloze kwoloka nakuunda nakuwahilila muli Shipilitu Wajila.
18Mwomwo ou eji kuzachilanga Kulishitu mujila eyi, asuulwisa Kalunga, kaha vatu navamumona kupwa wamwenemwene.
19Shikaho jino, tufwilenunga vyakuneha kuunda, nevi vyakulitunga navakwetu.
20 Havyakulya kanda mukenyekelaho milimo yaKalungako. Vyakulya vyosena vyapwa vitoma, oloze chakuhenga kuli ou mwahukanyisa mukwavo hakulya chenyi.
21 Chinawahe kuzeneka kulya nyama, chipwe kunwa vinyo, chipwe kulinga chuma chikwavo chakuhukanyisa ndumbwove.
22Ocho kufwelela kana watwama nacho, twamanga nacho kumeso aKalunga. Natokwa ou keshi naaha hakuliwanyina katenga havize netavila.
23Kaha ou ali nakukakasana, nge mwalya, nahi namulonga, mwomwo kacheshi chahakufwelelako. Mwomwo cheshocho kacheshi chahakufwelelako chapwa shili.
Currently Selected:
Loma 14: LUE
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia
Loma 14
14
Ava kanda vakòle mulufwelelo
1Ou kanda akole mulufwelelo mwitavilenu, oloze keshi mukulipula nenyi jipamiko.
2 Mutu umwe afwelela ngwenyi mwalya tuhu kala kulya, oloze ou kanda akole mulufwelelo alya visakwola kaha.
3Ou mwalya kala kulya kanda alumbilisa ou kalya kala kulyako. Kaha ou kalyako kanda akawanyina katenga ou mwalyako, mwomwo vamwitavila kuli Kalunga.
4 Yove iya numba uwanyine katenga ngamba yambala? Chipwe natesamo chipwe kateselemoko, okwo kuli Mwata wenyi ivene. Oloze kutesamo navamutesamo vene, mwomwo Mwata nahase kumulingisa atesemo.
5 Mutu umwe amona likumbi limwe ngwenyi lyalilemu kuhambakana likwavo. Mukwavo amona makumbi osena ngwenyi eseka hamwe. Mutu himutu enjikizenga kanawa mumuchima wenyi ivene.
6Ou mwajilika likumbi limwe nalijilikila hali Mwata. Kaha ou mwalya kala kulya eji kuchililanga hali Mwata, mwomwo mwasakwilila Kalunga. Kaha ou mwakana kala kulya nachikanyina hali Mwata, mwomwo mwasakwilila Kalunga.
7Mwomwo naumwe wauchi aliyoyela ivene, kaha naumwe wauchi alifwila ivene.
8Omu twayoya, twayoyela hali Mwata, kaha nge natufwa, tweji kufwilanga hali Mwata. Shikaho, chipwe tufwa, chipwe tuyoya, tuvambala vaMwata.
9Hakiko vene afwililile Kulishitu nakuyoya cheka, mangana apwenga Mwata wavafu naava vavatonyi.
10Ove, ika weji kuwanyinanga ndumbwove katenga? Chipwe ove nawa, ika weji kulumbilisanga ndumbwove? Mwomwo tuvosena natukemana kulutwe lwalitanda lyaKalunga lyakwesekela vilinga vyavaka-kufwelela.
11Mwomwo vasoneka ngwavo,
MWATA nambe ngwenyi, Hakupwa ngwayoya, mambuli osena nawakangufukamina.
Kaha nawa, Malimi osena nawaketavila ngwavo Ami nguKalunga.
12Ngocho etu tuvosena mutu himutu mwakalumbununa vyenyi kuli Kalunga.
Kanda kuhaka chimbunji mujila yandumbwoveko
13Shikaho kanda tukaliwanyina tutenga navakwetuko, oloze tujikenu michima yetu kuchuma echi ngwetu, Kanda tukahaka chimbunji mujila yandumbwetuko, chipwe chuma chakumuhukanyisa.
14Ngunatachikiza, kaha ngunakunyuka muli Mwata Yesu ngwami, kakweshi kulya chapwa chakuzeneka kutoma chiveneko. Oloze ou amona ngwenyi kachapwa chitomako, kaha kachatomako kuli ikiye.
15Mwomwo nge ndumbwove nanyengetela havize walya, kaha unaseze kutambukila muzangi. Hakulya chove kanda ukenyekelaho ou afwililile Kulishituko.
16Shikaho vize mwamona ngwenu vyamwaza kanda vavivulukila kupihyako.
17Mwomwo wangana waKalunga kawapwa kulya nakunwako, oloze kwoloka nakuunda nakuwahilila muli Shipilitu Wajila.
18Mwomwo ou eji kuzachilanga Kulishitu mujila eyi, asuulwisa Kalunga, kaha vatu navamumona kupwa wamwenemwene.
19Shikaho jino, tufwilenunga vyakuneha kuunda, nevi vyakulitunga navakwetu.
20 Havyakulya kanda mukenyekelaho milimo yaKalungako. Vyakulya vyosena vyapwa vitoma, oloze chakuhenga kuli ou mwahukanyisa mukwavo hakulya chenyi.
21 Chinawahe kuzeneka kulya nyama, chipwe kunwa vinyo, chipwe kulinga chuma chikwavo chakuhukanyisa ndumbwove.
22Ocho kufwelela kana watwama nacho, twamanga nacho kumeso aKalunga. Natokwa ou keshi naaha hakuliwanyina katenga havize netavila.
23Kaha ou ali nakukakasana, nge mwalya, nahi namulonga, mwomwo kacheshi chahakufwelelako. Mwomwo cheshocho kacheshi chahakufwelelako chapwa shili.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia