Loma 12
12
Mwatela vaka-Kulishitu kulinganga
1Shikaho, enu vandumbwami, ngunamilembelela hakutetela chaKalunga ngwami, hanenu mijimba yenu nge chimuna wakumuvatwila wamutonyi, wajila, wakusuulwisa Kalunga, ukiko vene mulimo wenu wakulifukula wamuze mwaya mangana.
2Kaha kanda mulifwanyisanga namwaya myaka yinoko, oloze vamyalumunenga mweka hakulingisa vishinganyeka vyenu kupwa vyavihya, mangana mwesekenga vyosena, mutachize#12:2 Mokomoko ngwavo, mutachikize mwaya muchima waKalunga, mukiko mwamwenemwene, mwakumusuulwisa, mwakukupuka mwosena. ovyo vyamwenemwene, vyakumusuulwisa, vyakukupuka — mukiko mwaya muchima waKalunga.
3 Halikoji vánanguhane, nangwamba mutu himutu áli mukachi kenu ngwami, kanda akalimona ivene mwakuhambakana omu mwatela kulimonako. Oloze ashinganyekenga nakuliunjika, kweseka nomu nahanyina Kalunga mutu himutu seteko yalufwelelo.
4Mwomwo ngana omu tukwechi vilyo vyavivulu mumujimba umwe, kaha vilyo vyosena kavyeshi namilimo yoyimweko,
5ngocho etu, chipwe tuvavavulu, tumujimba umwe muli Kulishitu, kaha twapwa, mutu himutu, chilyo chakumujimba umwe navakwetu.
6 Kaha omu tuli namawana auhashi akulikoji eka naeka, nge mwaya uhashi wakulikoji vátuhana, tuwazachisenunga. Nge wana wakupolofweta, kaha tuuzachisenunga kutesa naseteko yalufwelelo lwetu,
7chipwe wakuzachila vakwetu, kaha tuhakenunga michima yetu kukuzata chetu, muka-kunangula ahakenga muchima wenyi kukunangula chenyi;
8chipwe muka-kuzamikisa vakwavo, ahakenga muchima wenyi kukuzamikisa chenyi. Muka-likoji lyakuhana awezelengako. Muka-kutwaminyina atwaminyinenga naunyongochima. Muka-kutetela vakwavo, avatetelenga nachisambo.
Kutwama chamuka-kufwelela
9Zangi yenu yipwenga yakuzeneka kulyonga. Hungenunga cheshocho chachipi, linjililenunga cheshocho chamwenemwene.
10Pwenunga muvaka-kulizanga navakwenu nazangi yamuwana-wakwenu. Monenunga vakwenu ngwenu vamihambakana ulemu.
11Hakenunga michima kumilimo yaMwata, kanda mupwa nakanengauliko. Mujishipilitu jenu ivwenunga hyangu. Zachilenunga Mwata muundungo.
12 Mukutalilila chenu wahililenunga. Hakumona chenu luyando liunjikenunga. Jikenunga michima yenu kukulomba.
13 Kafwenunga vaka-kujila mukukalikiza chavo. Lihanenunga kumilimo yakuzumbula vangeji.
14Kisulenunga vaze navamiyanjisa. Vakisulenu, kanda muvangulako.
15Wahililenunga navaze navawahilila, lishonenunga navaze navalishona.
16 Lishinganyekenunga navakwenu mwamwenemwene. Kanda namulivwimbangako, oloze likatenu navaze vazeneka ulemu. Kanda mukalimona ngwenu mwahambakana vakwenu manganako.
17 Kanda mukahungasana kupihya nakupihya ndwa kuli mutu naumweko. Lyanukilenunga nakulinga vyamwenemwene kumeso avatu vosena.
18Nge chinahase, mweshomwo munahashila, twamenunga mukuunda navatu vosena.
19Enu ngwazanga, kanda mukalitendako, oloze chisezenu kuutenu waKalunga, mwomwo vasoneka ngwavo,
Kutenda chapwa chayAmi, Ami nangukavahilwishilamo. Mukiko nambe MWATA.
20Oloze,
Nge muka-kole wove mwevwa zala, mulise. Nge mwevwa lipwila, munwise.
Mwomwo,
Hakulinga ngocho mwevwa sonyi#12:20 MuchiHelase ngwavo, Naulunjika makala akakahya hamutwe wenyi. (Hakulinga ngocho, uli nakulinga mwalikoji kuli muka-kole wove, evwenga sonyi. Ngocho munamutungu.).
21Kupihya kanda chikamifungululako, oloze muchifungululenga hakulinganga mwamwenemwene.
Currently Selected:
Loma 12: LUE
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia
Loma 12
12
Mwatela vaka-Kulishitu kulinganga
1Shikaho, enu vandumbwami, ngunamilembelela hakutetela chaKalunga ngwami, hanenu mijimba yenu nge chimuna wakumuvatwila wamutonyi, wajila, wakusuulwisa Kalunga, ukiko vene mulimo wenu wakulifukula wamuze mwaya mangana.
2Kaha kanda mulifwanyisanga namwaya myaka yinoko, oloze vamyalumunenga mweka hakulingisa vishinganyeka vyenu kupwa vyavihya, mangana mwesekenga vyosena, mutachize#12:2 Mokomoko ngwavo, mutachikize mwaya muchima waKalunga, mukiko mwamwenemwene, mwakumusuulwisa, mwakukupuka mwosena. ovyo vyamwenemwene, vyakumusuulwisa, vyakukupuka — mukiko mwaya muchima waKalunga.
3 Halikoji vánanguhane, nangwamba mutu himutu áli mukachi kenu ngwami, kanda akalimona ivene mwakuhambakana omu mwatela kulimonako. Oloze ashinganyekenga nakuliunjika, kweseka nomu nahanyina Kalunga mutu himutu seteko yalufwelelo.
4Mwomwo ngana omu tukwechi vilyo vyavivulu mumujimba umwe, kaha vilyo vyosena kavyeshi namilimo yoyimweko,
5ngocho etu, chipwe tuvavavulu, tumujimba umwe muli Kulishitu, kaha twapwa, mutu himutu, chilyo chakumujimba umwe navakwetu.
6 Kaha omu tuli namawana auhashi akulikoji eka naeka, nge mwaya uhashi wakulikoji vátuhana, tuwazachisenunga. Nge wana wakupolofweta, kaha tuuzachisenunga kutesa naseteko yalufwelelo lwetu,
7chipwe wakuzachila vakwetu, kaha tuhakenunga michima yetu kukuzata chetu, muka-kunangula ahakenga muchima wenyi kukunangula chenyi;
8chipwe muka-kuzamikisa vakwavo, ahakenga muchima wenyi kukuzamikisa chenyi. Muka-likoji lyakuhana awezelengako. Muka-kutwaminyina atwaminyinenga naunyongochima. Muka-kutetela vakwavo, avatetelenga nachisambo.
Kutwama chamuka-kufwelela
9Zangi yenu yipwenga yakuzeneka kulyonga. Hungenunga cheshocho chachipi, linjililenunga cheshocho chamwenemwene.
10Pwenunga muvaka-kulizanga navakwenu nazangi yamuwana-wakwenu. Monenunga vakwenu ngwenu vamihambakana ulemu.
11Hakenunga michima kumilimo yaMwata, kanda mupwa nakanengauliko. Mujishipilitu jenu ivwenunga hyangu. Zachilenunga Mwata muundungo.
12 Mukutalilila chenu wahililenunga. Hakumona chenu luyando liunjikenunga. Jikenunga michima yenu kukulomba.
13 Kafwenunga vaka-kujila mukukalikiza chavo. Lihanenunga kumilimo yakuzumbula vangeji.
14Kisulenunga vaze navamiyanjisa. Vakisulenu, kanda muvangulako.
15Wahililenunga navaze navawahilila, lishonenunga navaze navalishona.
16 Lishinganyekenunga navakwenu mwamwenemwene. Kanda namulivwimbangako, oloze likatenu navaze vazeneka ulemu. Kanda mukalimona ngwenu mwahambakana vakwenu manganako.
17 Kanda mukahungasana kupihya nakupihya ndwa kuli mutu naumweko. Lyanukilenunga nakulinga vyamwenemwene kumeso avatu vosena.
18Nge chinahase, mweshomwo munahashila, twamenunga mukuunda navatu vosena.
19Enu ngwazanga, kanda mukalitendako, oloze chisezenu kuutenu waKalunga, mwomwo vasoneka ngwavo,
Kutenda chapwa chayAmi, Ami nangukavahilwishilamo. Mukiko nambe MWATA.
20Oloze,
Nge muka-kole wove mwevwa zala, mulise. Nge mwevwa lipwila, munwise.
Mwomwo,
Hakulinga ngocho mwevwa sonyi#12:20 MuchiHelase ngwavo, Naulunjika makala akakahya hamutwe wenyi. (Hakulinga ngocho, uli nakulinga mwalikoji kuli muka-kole wove, evwenga sonyi. Ngocho munamutungu.).
21Kupihya kanda chikamifungululako, oloze muchifungululenga hakulinganga mwamwenemwene.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zambia