Sefaniya 1
1
1Wakkati laamaare Yosiyasi ɓii Amon laamiiɗo Yahuuda, Joomiraawo baddi Sefaniya ɓii Kusi, taaniraawo Gedaliya. Gedaliya on laati nun ɓii Amariya. O laati nun bo taaniraawo Ejekiyasi.
Joomiraawo hiitoto duuniyaaru fu
2Joomiraawo wi'i:
Mi halkan ko woni der duuniyaaru fu.
3Mi halkan himɓe, e mareefuuji, e pooli piirooji dow kammu, e liƴƴi der maayo.
Mi halkan halluɓe, e ko accata ɓee gaɗa kalluɗum der duuniyaaru fu.
Min Joomiraawo nun bati ka.
Joomiraawo hiitoto Yahuuda e *Urusaliima
4Joomiraawo wi'i: Mi fortan juunŋo am mi halka himɓe leydi Yahuuda,
e jooɗiiɓe der *Urusaliima fu.
Mi halkan nokkuuje koriiɗe to tooruure Ba'ali saafetee.
Mi waran ardiiɓe mayre e liimaamiiɓe mayre, faa ɓe jeggitanee.
5Mi halkan jiccotooɓe dow cuuɗi gam saafa naaŋe, e lewru, e koode.
Mi halkan jiccotooɓe waɗa hunayeere e inne am, min Joomiraawo,
den kade hunoroo e inne tooruure Moloku.
6Mi halkan hokkuɓe am ɓaawo, min Joomiraawo.
Mi halkan saliiɓe dartugo am,
salii bo ƴamugo saawari to am.
7Jeeɗee yeeso Alla Joomiraawo!
Gam nyalaane Joomiraawo faanake yottaago.
Kanko Joomiraawo, o siriyake kiiseteeɗi,
o laaɓinii bo ɓe o noddini.
8Joomiraawo wi'i: Nyanne kiiseteeɗi ɗin waɗetee,
mi hiitoto ardiiɓe, e ɓiɓɓe laamiiɓe,
e ɓorniiɓe kolte hande no hoɓɓe ɓornortoo fu.
9Nyanne mum, mi hiitoto fittooɓe to e naata suudu tooruure mum,
gam ɓe jiɗaa yaaɓugo caka dammugal suudu ŋol.
Mi hiitoto yaarooɓe der suudu tooruure mum, jawdi teetiraani e semme, e bujjaani.
10Joomiraawo wi'i:
Nyanne mum, bojji nanete diga dammugal noddeteeŋal dammugal liƴƴi,
e diga wanŋarde *Urusaliima heyre,
bojji mawɗi sankitinto diga dow baalle.
11Bullee onon jooɗiiɓe der luumo,
gam sippooɓe e soodooɓe fu halkidii.
12Der wakkati mum, min Joomiraawo, mi wiɗitinto *Urusaliima e fitilla,
den mi halka himɓe jooɗiiɓe seese hande to tuuni jaram daɗɗake,
den ɓee bi'a der ɓerɗe maɓɓe,
Joomiraawo waɗataa ko wooɗi,
o waɗataa bo ko halli.
13Jawdi maɓɓe teetete,
cuuɗi maɓɓe laatoto bille.
Ɓe mahan cuuɗi, amma ɓe jooɗataako der majji,
ɓe tiggan innabooje, amma ɓe jarataa innabojam majje.
Nyalaane Joomiraawo
14Nyalaane Joomiraawo mawne faanake,
ne waran nun bo e jawɗum sanne.
Nyanne mum, baa soogeejo cuusuɗo wullan bojji kaaɗuɗi,
e eela faabeego.
15Nyalaane nen laatoto nyalaane Joomiraawo hollata mone mum.
Ne laatoto nyalaane biisere ɓerne, e bone.
Ne laatoto nyalaane jiɓayeere e halkere,
e nyalaane niwre ɓaleere,
e nyalaane ne duule tekkuɗe ommata huune fu.
16Nyalaane nen laati nun nyalaane ne walardu konu fuuretee,
den soogeeji huuɓa kuuɓaali konu,
gam ɓe janta wanŋarɗe mahanaaɗe biriniiji, e cuuɗi deenirɗi genni.
17Joomiraawo wi'i:
Himɓe waɗii hakke yeeso am,
gam mum mi wattan ɓe der bone,
faa ɓe jiɓoo, ɓee jaha hande wumuɓe,
ƴiiƴam maɓɓe reƴƴitinte hande diyam,
ɓalli maɓɓe nyolan hande buuri jiddereya.
18Nyanne mum, cardi maɓɓe, naa bo kanŋeeri maɓɓe waawataa teetugo ɓe diga mone Joomiraawo mawne.
E mone makko sattune o halkirta ko woni der leydi fu.
O halkan himɓe jooɗiiɓe der leydi fu.
Currently Selected:
Sefaniya 1: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Sefaniya 1
1
1Wakkati laamaare Yosiyasi ɓii Amon laamiiɗo Yahuuda, Joomiraawo baddi Sefaniya ɓii Kusi, taaniraawo Gedaliya. Gedaliya on laati nun ɓii Amariya. O laati nun bo taaniraawo Ejekiyasi.
Joomiraawo hiitoto duuniyaaru fu
2Joomiraawo wi'i:
Mi halkan ko woni der duuniyaaru fu.
3Mi halkan himɓe, e mareefuuji, e pooli piirooji dow kammu, e liƴƴi der maayo.
Mi halkan halluɓe, e ko accata ɓee gaɗa kalluɗum der duuniyaaru fu.
Min Joomiraawo nun bati ka.
Joomiraawo hiitoto Yahuuda e *Urusaliima
4Joomiraawo wi'i: Mi fortan juunŋo am mi halka himɓe leydi Yahuuda,
e jooɗiiɓe der *Urusaliima fu.
Mi halkan nokkuuje koriiɗe to tooruure Ba'ali saafetee.
Mi waran ardiiɓe mayre e liimaamiiɓe mayre, faa ɓe jeggitanee.
5Mi halkan jiccotooɓe dow cuuɗi gam saafa naaŋe, e lewru, e koode.
Mi halkan jiccotooɓe waɗa hunayeere e inne am, min Joomiraawo,
den kade hunoroo e inne tooruure Moloku.
6Mi halkan hokkuɓe am ɓaawo, min Joomiraawo.
Mi halkan saliiɓe dartugo am,
salii bo ƴamugo saawari to am.
7Jeeɗee yeeso Alla Joomiraawo!
Gam nyalaane Joomiraawo faanake yottaago.
Kanko Joomiraawo, o siriyake kiiseteeɗi,
o laaɓinii bo ɓe o noddini.
8Joomiraawo wi'i: Nyanne kiiseteeɗi ɗin waɗetee,
mi hiitoto ardiiɓe, e ɓiɓɓe laamiiɓe,
e ɓorniiɓe kolte hande no hoɓɓe ɓornortoo fu.
9Nyanne mum, mi hiitoto fittooɓe to e naata suudu tooruure mum,
gam ɓe jiɗaa yaaɓugo caka dammugal suudu ŋol.
Mi hiitoto yaarooɓe der suudu tooruure mum, jawdi teetiraani e semme, e bujjaani.
10Joomiraawo wi'i:
Nyanne mum, bojji nanete diga dammugal noddeteeŋal dammugal liƴƴi,
e diga wanŋarde *Urusaliima heyre,
bojji mawɗi sankitinto diga dow baalle.
11Bullee onon jooɗiiɓe der luumo,
gam sippooɓe e soodooɓe fu halkidii.
12Der wakkati mum, min Joomiraawo, mi wiɗitinto *Urusaliima e fitilla,
den mi halka himɓe jooɗiiɓe seese hande to tuuni jaram daɗɗake,
den ɓee bi'a der ɓerɗe maɓɓe,
Joomiraawo waɗataa ko wooɗi,
o waɗataa bo ko halli.
13Jawdi maɓɓe teetete,
cuuɗi maɓɓe laatoto bille.
Ɓe mahan cuuɗi, amma ɓe jooɗataako der majji,
ɓe tiggan innabooje, amma ɓe jarataa innabojam majje.
Nyalaane Joomiraawo
14Nyalaane Joomiraawo mawne faanake,
ne waran nun bo e jawɗum sanne.
Nyanne mum, baa soogeejo cuusuɗo wullan bojji kaaɗuɗi,
e eela faabeego.
15Nyalaane nen laatoto nyalaane Joomiraawo hollata mone mum.
Ne laatoto nyalaane biisere ɓerne, e bone.
Ne laatoto nyalaane jiɓayeere e halkere,
e nyalaane niwre ɓaleere,
e nyalaane ne duule tekkuɗe ommata huune fu.
16Nyalaane nen laati nun nyalaane ne walardu konu fuuretee,
den soogeeji huuɓa kuuɓaali konu,
gam ɓe janta wanŋarɗe mahanaaɗe biriniiji, e cuuɗi deenirɗi genni.
17Joomiraawo wi'i:
Himɓe waɗii hakke yeeso am,
gam mum mi wattan ɓe der bone,
faa ɓe jiɓoo, ɓee jaha hande wumuɓe,
ƴiiƴam maɓɓe reƴƴitinte hande diyam,
ɓalli maɓɓe nyolan hande buuri jiddereya.
18Nyanne mum, cardi maɓɓe, naa bo kanŋeeri maɓɓe waawataa teetugo ɓe diga mone Joomiraawo mawne.
E mone makko sattune o halkirta ko woni der leydi fu.
O halkan himɓe jooɗiiɓe der leydi fu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.