Yo'el 4
4
Alla hiitoto lenyi janani
1Joomiraawo wi'i:
E wakkati mum,
mi accan leydi Yahuuda e *Urusaliima wittaa hande no wa'unoo.
2Mi hawritan himɓe lenyi janani fu,
mi yaara ɓe der *jole baalle noddeteeɗe Joomiraawi e hiitoo,
den mi hiitoo ɓe ton,
gam sabbu ko ɓe gaɗani himɓe am Isira'iilaaɓe, laataniiɓe am,
gam ɓe cankitii ɓe caka lenyi janani.
Mi hiitoto ɓe bo gam sabbu leydi am ni ɓe ceenni.
3Ɓe piɗanii himɓe am tete, gam ɓe ji'a mo moy fu maɓɓe ettata,
ɓe cippii gojankeeɓe maɓɓe, gam ɓe dartira kaaruwaaji,
ɓe cippii gati maɓɓe gam ɓe jarira bagi.
4Onon bo himɓe Tiri, e ɓe Sidon, e himɓe jeyɗe Filisitinkeeɓe fu,
ume jiɗuɗon waɗugo am?
Oon jiɗi wattaago mone mon dow am naa?
To oon jiɗi wattaago mone mon dow am,
jooni mi accan ɗum witta dow ko'e mon.
5On ettii cardi am e kanŋeeri am, e gineeji am booɗɗi ɗi ceede,
jaaruɗon desoyɗon der cuuɗi tooruuje mon.
6On kappii himɓe leydi Yahuuda e ɓe *Urusaliima, cippirɗon Yunaninkeeɓe,
gam boɗɗinon ɓe diga leydi maɓɓe.
7Jooni, mi wartiran ɓe diga nokkuuje to cippunoɗon ɓe,
den mi yoɓa on kalluɗum ɗum gaɗanɗon ɓe.
8Mi sippiran himɓe Yahuuda sukaaɓe mon worɓe e rewɓe,
kamɓe bo ɓe cippira ɓe himɓe Seba woɗɗuɓe.
Min Joomiraawo nun bati ka.
Konu cakitiiŋu e kiita
9Batee lenyi janani bi'on:
Ciriyee konu, umminee haɓooɓe semmenteeɓe,
haɓooɓe konu fu wara yanta hawre.
10Ettee jale ga'i mon, tafiron kaafaaje,
ettee baaruɗi mon gaɗiron sakaaje!
Mo walaa semme fu wi'a:
Mi laati nun kaɓoowo cuusuɗo.
11Onon lenyi janani ɓattiiɗi,
ummee kawritee garon lallaw!
Joomiraawo, accu soogeeji maa yaha ton.
12Joomiraawo wi'i:
Onon lenyi janani, ummee jahon faa *jole baalle noddeteeɗe Joomiraawo e hiitoo!
Gam mi joɗoto ton gam mi hiitoo lenyi janani ɓattiiɗi fu.
13Hallande maɓɓe mawnii.
Gam mum ettee baaruɗi mon, ba'on ɓe hande no nafa ɓennuka wa'irtee wakkati dugge!
Garee ɓiɗɗee ɓe hande no innabooje ɓiɗɗirtee,
faa innabojam hebba der ɓiɗɗirde innabooje,
to ɗam wattetee bo hebba faa e ila.
14Jama'aare ɗuunne e wara der *jole baalle to kiita waɗetee ɗon!
Gam nyalaane ne Joomiraawo warata hiitaago himɓe der *jole baalle ɗon faanake warugo.
15Naaŋe e lewru niɓɓii,
koode bo accii yaynugo.
16Joomiraawo e falma diga Siyon,
daane makko e nanee diga *Urusaliima,
go kammu e leydi e diwna.
Amma Joomiraawo woni suuɗorde himɓe mum,
oo reeni himɓe Isira'iila.
17Joomiraawo wi'i himɓe Isira'iila:
Den mum on annitan no min woni Alla Joomiraawo mon,
mii jooɗii Siyon, dow waanne am seniine.
*Urusaliima laatoto wanŋarde seniine,
hoɓɓe naatataa kade der mayre.
Alla barkiɗinan himɓe mum
18Nyanne mum, innabooje fuɗan faa ɗuuɗa dow baalle,
na'i hebban dow tile,
diyam ilan der gooruuji Yahuuda fu,
ɓulirde diyam wurtoto diga der suudu Joomiraawo,
ɗam ila ɗam naata faa gooruwol Sitimu.
19Misira halkan,
Edomu bo halkan, laatoo bille,
gam sabbu ɓe kollii himɓe Yahuuda semme,
ɓe bari himɓe Yahuuda ɓe walaa gacce der leydi mum.
20Amma himɓe Yahuuda jooɗoto der leydi mum faa e baadey,
ɓe jooɗoto der *Urusaliima jaamanuuji ɗuuɗɗi.
21Mi wattanto ɓe barki ki ɓe baraa gam baanji.
Den min Joomiraawo mi jooɗoo der Siyon.
Currently Selected:
Yo'el 4: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Yo'el 4
4
Alla hiitoto lenyi janani
1Joomiraawo wi'i:
E wakkati mum,
mi accan leydi Yahuuda e *Urusaliima wittaa hande no wa'unoo.
2Mi hawritan himɓe lenyi janani fu,
mi yaara ɓe der *jole baalle noddeteeɗe Joomiraawi e hiitoo,
den mi hiitoo ɓe ton,
gam sabbu ko ɓe gaɗani himɓe am Isira'iilaaɓe, laataniiɓe am,
gam ɓe cankitii ɓe caka lenyi janani.
Mi hiitoto ɓe bo gam sabbu leydi am ni ɓe ceenni.
3Ɓe piɗanii himɓe am tete, gam ɓe ji'a mo moy fu maɓɓe ettata,
ɓe cippii gojankeeɓe maɓɓe, gam ɓe dartira kaaruwaaji,
ɓe cippii gati maɓɓe gam ɓe jarira bagi.
4Onon bo himɓe Tiri, e ɓe Sidon, e himɓe jeyɗe Filisitinkeeɓe fu,
ume jiɗuɗon waɗugo am?
Oon jiɗi wattaago mone mon dow am naa?
To oon jiɗi wattaago mone mon dow am,
jooni mi accan ɗum witta dow ko'e mon.
5On ettii cardi am e kanŋeeri am, e gineeji am booɗɗi ɗi ceede,
jaaruɗon desoyɗon der cuuɗi tooruuje mon.
6On kappii himɓe leydi Yahuuda e ɓe *Urusaliima, cippirɗon Yunaninkeeɓe,
gam boɗɗinon ɓe diga leydi maɓɓe.
7Jooni, mi wartiran ɓe diga nokkuuje to cippunoɗon ɓe,
den mi yoɓa on kalluɗum ɗum gaɗanɗon ɓe.
8Mi sippiran himɓe Yahuuda sukaaɓe mon worɓe e rewɓe,
kamɓe bo ɓe cippira ɓe himɓe Seba woɗɗuɓe.
Min Joomiraawo nun bati ka.
Konu cakitiiŋu e kiita
9Batee lenyi janani bi'on:
Ciriyee konu, umminee haɓooɓe semmenteeɓe,
haɓooɓe konu fu wara yanta hawre.
10Ettee jale ga'i mon, tafiron kaafaaje,
ettee baaruɗi mon gaɗiron sakaaje!
Mo walaa semme fu wi'a:
Mi laati nun kaɓoowo cuusuɗo.
11Onon lenyi janani ɓattiiɗi,
ummee kawritee garon lallaw!
Joomiraawo, accu soogeeji maa yaha ton.
12Joomiraawo wi'i:
Onon lenyi janani, ummee jahon faa *jole baalle noddeteeɗe Joomiraawo e hiitoo!
Gam mi joɗoto ton gam mi hiitoo lenyi janani ɓattiiɗi fu.
13Hallande maɓɓe mawnii.
Gam mum ettee baaruɗi mon, ba'on ɓe hande no nafa ɓennuka wa'irtee wakkati dugge!
Garee ɓiɗɗee ɓe hande no innabooje ɓiɗɗirtee,
faa innabojam hebba der ɓiɗɗirde innabooje,
to ɗam wattetee bo hebba faa e ila.
14Jama'aare ɗuunne e wara der *jole baalle to kiita waɗetee ɗon!
Gam nyalaane ne Joomiraawo warata hiitaago himɓe der *jole baalle ɗon faanake warugo.
15Naaŋe e lewru niɓɓii,
koode bo accii yaynugo.
16Joomiraawo e falma diga Siyon,
daane makko e nanee diga *Urusaliima,
go kammu e leydi e diwna.
Amma Joomiraawo woni suuɗorde himɓe mum,
oo reeni himɓe Isira'iila.
17Joomiraawo wi'i himɓe Isira'iila:
Den mum on annitan no min woni Alla Joomiraawo mon,
mii jooɗii Siyon, dow waanne am seniine.
*Urusaliima laatoto wanŋarde seniine,
hoɓɓe naatataa kade der mayre.
Alla barkiɗinan himɓe mum
18Nyanne mum, innabooje fuɗan faa ɗuuɗa dow baalle,
na'i hebban dow tile,
diyam ilan der gooruuji Yahuuda fu,
ɓulirde diyam wurtoto diga der suudu Joomiraawo,
ɗam ila ɗam naata faa gooruwol Sitimu.
19Misira halkan,
Edomu bo halkan, laatoo bille,
gam sabbu ɓe kollii himɓe Yahuuda semme,
ɓe bari himɓe Yahuuda ɓe walaa gacce der leydi mum.
20Amma himɓe Yahuuda jooɗoto der leydi mum faa e baadey,
ɓe jooɗoto der *Urusaliima jaamanuuji ɗuuɗɗi.
21Mi wattanto ɓe barki ki ɓe baraa gam baanji.
Den min Joomiraawo mi jooɗoo der Siyon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.