Hose'a 9
9
Himɓe Isira'iila happete maccuŋaaku yaaree der leyɗe janane
1Onon himɓe Isira'iila, to on ceyee.
To on belbeltee hande no lenyi koriiɗi,
gam on boppii Alla mon go jantuɗon oon caafa tooruuje.
To on ceyoree riiba gaɗuuji mon kalluɗi ka keɓoton der piyirɗe alkamaari mon fu.
2Gam alkamaari ni piyoton e piyirɗe alkamaari mon,
e nebbam ɗam ɓiɗɗoton e ɓiɗɗirɗe jaytuuje mon laatantaako on.
On keɓataa bo innabojam kesam ɗam keɗiɗon ɗam.
3Himɓe lenyol Efurayimu jooɗataako der leydi ni Joomiraawo suɓi.
Ɓe bittan leydi Misira.
Ɓe jahan der leydi Asuura, ɓe nyaama ton nafa coɓuka.
4Ɓe deƴƴitantaa kade Joomiraawo innabojam ɗam ɓe gaddani mo.
Kiiseteeɗi ɗi ɓe gaɗanta mo fottantaa mo kade.
Kiiseteeɗi ɗin laatanto ɓe hande nyaamdu nyaameteeŋol nyanne himɓe jooɗii maaydere.
Nyaamuɓe ŋol fu laatoto soɓuɓe.
Ɓe nyaaman nyaamdu maɓɓe gam hebbingo deeɗi maɓɓe tan,
amma ɓe baawataa yaarango ŋol Joomiraawo der suudu mum.
5Ume gaɗoyton nyanne juulɗe?
Ume gaɗoyton nyanne juulɗe Joomiraawo?
6On burtake leydi mon gam daɗon halkere,
amma leydi Misira silminan on,
wanŋarde Menfisi laatoto nokkuure to uweteɗon.
Fuɗo bonko fuɗan e nokkuure to kujje mon booɗɗe woni.
Kuuraaje gi'e fuɗan der bukaaji mon.
7Wakkati ki Joomiraawo hiitotoo on yottake.
Wakkati o yoɓata neɗɗo fu ko waɗi yottake.
E haani annon ɗum onon himɓe Isira'iila.
Oon bi'a:
*Annabiijo haaŋa nun.
Haalaaji neɗɗo gooduɗo Ruuhu Alla walaa hoore.
Nanii bo gam sabbu ɗuuggo hakkeeji mon,
e gayŋu manŋu ŋu banyuɗon mo nun acci oon batira non non.
8*Annabiijo nun woni deenoowo himɓe lenyol Efurayimu, Alla e wondi e makko.
Amma enon fu himɓe e tunnana mo pittol to o yahata fu.
Ɓee jogorii mo ganyaani baa der suudu Alla makko.
9Ɓe gaɗii ko halli sanne hande no himɓe waɗirnoo ɗum faa Gibeya.
Alla siwtoran kalluɗum ɗum ɓe gaɗi.
O hiitoto ɓe gam sabbu hakkeeji maɓɓe.
Ɓerne Joomiraawo biisake
10Joomiraawo wi'i:
Onon himɓe Isira'iila, wakkati cuɓumi on,
on pottananno am nun hande innabooje gonuɗe der ladde yorne.
Kookiraaɓe mon fottananno am nun hande ibbe artuɗe ɓenni.
Amma diga no ɓe jottii Ba'ali Pe'ori,
ɓe janti ɓee caafa tooruure Ba'ali sentiniine.
Go banyumi ɓe hande no banyirmi tooruure ne ɓe caafata nen.
11Onon himɓe lenyol Efurayimu,
tedduŋal mon yawtan hande no colel fiirirta diga to ŋel hoɗunoo.
Rewɓe mon laatoto rewɓe ɓe rimataa kade.
Ɓe caawataa fakko ɓe dima.
12Baa to ɓe keɓoy sukaaɓe ɓe ɓe jogotoo,
mi waran ɓe diga ɓe mawnay.
Onon himɓe lenyol Efurayimu,
bone tawan on to mi woppii on.
13Mi yi'iino himɓe lenyol Efurayimu e nandi hande papahi tiggaaki takkol beela.
Amma jooni, ɓe burtinan ɓiɓɓe maɓɓe yeeso wayɓe maɓɓe gam ɓe baree.
14Joomiraawo, to aa hiitoo ɓe, kiita kaye nun haani kiitoɗaa ɓe?
Accu deeɗi rewɓe maɓɓe takkitoo.
Acca bo enɗi rewɓe maɓɓe ɓen dulla #9:14 Enɗam: Woɓɓe e wi'a kosamenɗam.
15Joomiraawo wi'i kade:
Gaɗuuji maɓɓe kalluɗi fu hollitake faa Giligali.
Ton nun puɗɗumi wanyugo ɓe.
Mi riiwan ɓe diga der suudu am gam sabbu kalluɗum ɗum ɓe gaɗi.
Mi yiɗataa ɓe kade.
Ardiiɓe maɓɓe fu ummani am nun.
16Himɓe lenyol Efurayimu yi'ii bone,
ɓe laatake hande leggal ŋal ɗaɗi mum yoori.
Ɓe dimataa kade ɓiɓɓe.
Baa to rewɓe maɓɓe rimii sukaaɓe,
mi waran sukaaɓe ɓen baa no ɓe jiɗiri ɓe fu.
17Hose'a wi'i:
Alla am woppan himɓe lenyol Efurayimu,
gam sabbu ɓe kettinanaaki mo.
Ɓe laatoto woosotooɓe der leyɗe janane.
Currently Selected:
Hose'a 9: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Hose'a 9
9
Himɓe Isira'iila happete maccuŋaaku yaaree der leyɗe janane
1Onon himɓe Isira'iila, to on ceyee.
To on belbeltee hande no lenyi koriiɗi,
gam on boppii Alla mon go jantuɗon oon caafa tooruuje.
To on ceyoree riiba gaɗuuji mon kalluɗi ka keɓoton der piyirɗe alkamaari mon fu.
2Gam alkamaari ni piyoton e piyirɗe alkamaari mon,
e nebbam ɗam ɓiɗɗoton e ɓiɗɗirɗe jaytuuje mon laatantaako on.
On keɓataa bo innabojam kesam ɗam keɗiɗon ɗam.
3Himɓe lenyol Efurayimu jooɗataako der leydi ni Joomiraawo suɓi.
Ɓe bittan leydi Misira.
Ɓe jahan der leydi Asuura, ɓe nyaama ton nafa coɓuka.
4Ɓe deƴƴitantaa kade Joomiraawo innabojam ɗam ɓe gaddani mo.
Kiiseteeɗi ɗi ɓe gaɗanta mo fottantaa mo kade.
Kiiseteeɗi ɗin laatanto ɓe hande nyaamdu nyaameteeŋol nyanne himɓe jooɗii maaydere.
Nyaamuɓe ŋol fu laatoto soɓuɓe.
Ɓe nyaaman nyaamdu maɓɓe gam hebbingo deeɗi maɓɓe tan,
amma ɓe baawataa yaarango ŋol Joomiraawo der suudu mum.
5Ume gaɗoyton nyanne juulɗe?
Ume gaɗoyton nyanne juulɗe Joomiraawo?
6On burtake leydi mon gam daɗon halkere,
amma leydi Misira silminan on,
wanŋarde Menfisi laatoto nokkuure to uweteɗon.
Fuɗo bonko fuɗan e nokkuure to kujje mon booɗɗe woni.
Kuuraaje gi'e fuɗan der bukaaji mon.
7Wakkati ki Joomiraawo hiitotoo on yottake.
Wakkati o yoɓata neɗɗo fu ko waɗi yottake.
E haani annon ɗum onon himɓe Isira'iila.
Oon bi'a:
*Annabiijo haaŋa nun.
Haalaaji neɗɗo gooduɗo Ruuhu Alla walaa hoore.
Nanii bo gam sabbu ɗuuggo hakkeeji mon,
e gayŋu manŋu ŋu banyuɗon mo nun acci oon batira non non.
8*Annabiijo nun woni deenoowo himɓe lenyol Efurayimu, Alla e wondi e makko.
Amma enon fu himɓe e tunnana mo pittol to o yahata fu.
Ɓee jogorii mo ganyaani baa der suudu Alla makko.
9Ɓe gaɗii ko halli sanne hande no himɓe waɗirnoo ɗum faa Gibeya.
Alla siwtoran kalluɗum ɗum ɓe gaɗi.
O hiitoto ɓe gam sabbu hakkeeji maɓɓe.
Ɓerne Joomiraawo biisake
10Joomiraawo wi'i:
Onon himɓe Isira'iila, wakkati cuɓumi on,
on pottananno am nun hande innabooje gonuɗe der ladde yorne.
Kookiraaɓe mon fottananno am nun hande ibbe artuɗe ɓenni.
Amma diga no ɓe jottii Ba'ali Pe'ori,
ɓe janti ɓee caafa tooruure Ba'ali sentiniine.
Go banyumi ɓe hande no banyirmi tooruure ne ɓe caafata nen.
11Onon himɓe lenyol Efurayimu,
tedduŋal mon yawtan hande no colel fiirirta diga to ŋel hoɗunoo.
Rewɓe mon laatoto rewɓe ɓe rimataa kade.
Ɓe caawataa fakko ɓe dima.
12Baa to ɓe keɓoy sukaaɓe ɓe ɓe jogotoo,
mi waran ɓe diga ɓe mawnay.
Onon himɓe lenyol Efurayimu,
bone tawan on to mi woppii on.
13Mi yi'iino himɓe lenyol Efurayimu e nandi hande papahi tiggaaki takkol beela.
Amma jooni, ɓe burtinan ɓiɓɓe maɓɓe yeeso wayɓe maɓɓe gam ɓe baree.
14Joomiraawo, to aa hiitoo ɓe, kiita kaye nun haani kiitoɗaa ɓe?
Accu deeɗi rewɓe maɓɓe takkitoo.
Acca bo enɗi rewɓe maɓɓe ɓen dulla #9:14 Enɗam: Woɓɓe e wi'a kosamenɗam.
15Joomiraawo wi'i kade:
Gaɗuuji maɓɓe kalluɗi fu hollitake faa Giligali.
Ton nun puɗɗumi wanyugo ɓe.
Mi riiwan ɓe diga der suudu am gam sabbu kalluɗum ɗum ɓe gaɗi.
Mi yiɗataa ɓe kade.
Ardiiɓe maɓɓe fu ummani am nun.
16Himɓe lenyol Efurayimu yi'ii bone,
ɓe laatake hande leggal ŋal ɗaɗi mum yoori.
Ɓe dimataa kade ɓiɓɓe.
Baa to rewɓe maɓɓe rimii sukaaɓe,
mi waran sukaaɓe ɓen baa no ɓe jiɗiri ɓe fu.
17Hose'a wi'i:
Alla am woppan himɓe lenyol Efurayimu,
gam sabbu ɓe kettinanaaki mo.
Ɓe laatoto woosotooɓe der leyɗe janane.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.