Fuɗɗoode 46
46
No Yaakuubu yahiri Misira
1Yaakuubu, noddeteeɗo kade Isira'iila ummii e ko woodi fu, yanti laawol. O yottii Beriseba, go o waɗani ɗon Alla baaba makko Isiyaaku kiiseteeɗi. 2No jemma waɗi, Alla baddi mo der koyɗool wi'i: Yaakuubu! Yaakuubu! O toontii, o wi'i: Mi nani. 3O wi'i kade: Min woni Alla Joomiraawo baaba maa, taa hulu yahugo Misira, gam ton nun ɗuuɗinanmi lenyol maa. 4Min e hoore am, mi yaadan e maa faa leydi Misira. Mi wartiree bo. To a maayii, Yusufu e hoore mum nun uwetee.
5Yaakuubu ummii diga Beriseba. Sukaaɓe makko etti mo kanko e rewɓe maɓɓe, e saareeji maɓɓe der laanaaji pucci ɗi Firawna lildunoo gam ɓe ettiree. 6Ɓe ɓotti mareefuuji maɓɓe e jawdi ni ɓe keɓunoo der leydi Kanaana fu, ɓe jawtidi faa leydi Misira. Non bo Yaakuubu e himɓe mum fu. 7Diga sukaaɓe makko worɓe e rewɓe, e taaniraaɓe makko worɓe e rewɓe, e himɓe makko fu, ɓe jaaraa leydi Misira.
Himɓe wuro Yaakuubu
8Nani ɗo inɗe ɓiɓɓe Isira'iila, noddeteeɗo kade Yaakuubu waruɓe der leydi Misira. Rubeni woni suka Yaakuubu afo. 9Sukaaɓe Rubeni worɓe woni: Enoku, e Pallu, e Heseroni, e Karami. 10Sukaaɓe Simeyon woni: Yemuyeli, e Yaminu, e Ohadu, e Yakinu, e Sahari, e Sawulu mo debbo Kanaaninkeejo rimani mo. 11Sukaaɓe Leewi woni: Gerisoni, e Kehati, e Merari. 12Sukaaɓe Yahuuda woni: Eri, e Onan, e Sela, e Peresi, e Jera. Amma Eri e Onan maayii der leydi Kanaana. Ɓiɓɓe Faresi woni: Hetisironi, e Hamulu. 13Sukaaɓe Isakaa woni: Tola, e Puwa, e Yasubu, e Simuroni. 14Sukaaɓe Jabulon woni: Seredi, e Eloni, e Yaleeli. 15Kamɓe woni ɓiɓɓe ɓe Leya rimani Yaakuubu faa Paddan Aramu, e suka makko debbo noddeteeɗo Dina. Ɓiɓɓe makko worɓe e rewɓe fu waɗii laso e sappo e tato (33).
16Sukaaɓe Gada woni: Sifuyoni, e Haggi, e Suni, e Etisibonu, e Eri, e Arodi, e Areli. 17Sukaaɓe Asee woni: Yimuna, e Yisuwa, e Yisuwi, e Beriya, e Sera sakiike maɓɓe. Sukaaɓe Beriya woni: Heberu, e Malikiyeli. 18Kamɓe woni ɓiɓɓe Jilipa, korɗo mo Labani hokkunoo Leya suka mum debbo. Kamɓe nun o rimani Yaakuubu. Ɓe fu ɓe gaɗii sappo e jeego'o (16).
19Sukaaɓe Rahiilu debbo Yaakuubu woni: Yusufu, e Benyamin 20Sukaaɓe Yusufu rimaaɓe der leydi Misira woni: Manase, e Efurayimu. Asenati ɓii Poti Fera *liimaamiijo Oni debbo nun rimani mo ɓe. 21Sukaaɓe Benyamin woni: Bela, e Bekee, e Asebeli, e Gerar, e Namaanu, e Ehi, e Rosu, e Muppimu, e Hapumu, e Ardu. 22Kamɓe woni sukaaɓe ɓe Rahiilu rimani Yaakuubu. Ɓe fu ɓe gaɗii sukaaɓe sappo e nayo (14).
23Suka Dan woni: Husimu. 24Sukaaɓe Nefutali woni: Yatiseeli, e Guni, e Yetiser, e Sillemu. 25Kamɓe woni sukaaɓe Biliha, korɗo mo Labani hokkunoo Rahiilu ɓiyiiko debbo. Kamɓe nun o rimani Yaakuubu. Ɓe fu ɓe gaɗii himɓe jeeɗiɗo.
26Himɓe ɓe Yaakuubu naatidi der leydi Misira, wurtiiɓe diga e lenyol makko waɗii himɓe lasoy tato e jeego'o (66). Rewɓe ɓiɓɓe makko limaaka. 27Yusufu e woodunoo sukaaɓe ɗiɗo ɓe o rimanaa der leydi Misira. Himɓe ƴiwuɓe diga saare Yaakuubu, waruɓe der leydi Misira laati nun himɓe lasoy tato e sappo (70).
Yaakuubu e himɓe mum yottake der leydi Misira
28Yaakuubu lilii Yahuuda ardoo bata Yusufu no ɓee jaha leydi Gosan. 29Ɗon nun Yusufu naati laana pucci mum, yahi Gosan gam fottugo baaba mum Isira'iila. No ɓe potti, o gattii mo e daane, o wulli faa ɓooyi. 30Isira'iila wi'i Yusufu: Jooni kan, baa to mi maayii, gacce walaa, gam mi yi'ii yeeso maa, mi yi'ii bo no a na'on e yonki. 31Yusufu bati mawniraaɓe mum e himɓe wuro baaba mum fu wi'i: Mi yahan mi maatina Firawna mi wi'a mo: Mawniraaɓe am, e himɓe wuro baaba am, wonnooɓe leydi Kanaana wartii to am. 32Mi batan mo no on laati nun durooɓe, on gaddii bo baali mon, e na'i mon, e ko gooduɗon fu. 33To Firawna noddii on, ƴami on: Ume woni golle mon? 34Bi'on mo: Menen maccuɓe maa, men laati nun durooɓe, menen e baabiraaɓe amen, diga sukaanaaku amen faa warugo hanne. Den mum on jooɗoyto der leydi Gosan, gam Misirankeeɓe yiɗaa durooɓe.
Currently Selected:
Fuɗɗoode 46: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Fuɗɗoode 46
46
No Yaakuubu yahiri Misira
1Yaakuubu, noddeteeɗo kade Isira'iila ummii e ko woodi fu, yanti laawol. O yottii Beriseba, go o waɗani ɗon Alla baaba makko Isiyaaku kiiseteeɗi. 2No jemma waɗi, Alla baddi mo der koyɗool wi'i: Yaakuubu! Yaakuubu! O toontii, o wi'i: Mi nani. 3O wi'i kade: Min woni Alla Joomiraawo baaba maa, taa hulu yahugo Misira, gam ton nun ɗuuɗinanmi lenyol maa. 4Min e hoore am, mi yaadan e maa faa leydi Misira. Mi wartiree bo. To a maayii, Yusufu e hoore mum nun uwetee.
5Yaakuubu ummii diga Beriseba. Sukaaɓe makko etti mo kanko e rewɓe maɓɓe, e saareeji maɓɓe der laanaaji pucci ɗi Firawna lildunoo gam ɓe ettiree. 6Ɓe ɓotti mareefuuji maɓɓe e jawdi ni ɓe keɓunoo der leydi Kanaana fu, ɓe jawtidi faa leydi Misira. Non bo Yaakuubu e himɓe mum fu. 7Diga sukaaɓe makko worɓe e rewɓe, e taaniraaɓe makko worɓe e rewɓe, e himɓe makko fu, ɓe jaaraa leydi Misira.
Himɓe wuro Yaakuubu
8Nani ɗo inɗe ɓiɓɓe Isira'iila, noddeteeɗo kade Yaakuubu waruɓe der leydi Misira. Rubeni woni suka Yaakuubu afo. 9Sukaaɓe Rubeni worɓe woni: Enoku, e Pallu, e Heseroni, e Karami. 10Sukaaɓe Simeyon woni: Yemuyeli, e Yaminu, e Ohadu, e Yakinu, e Sahari, e Sawulu mo debbo Kanaaninkeejo rimani mo. 11Sukaaɓe Leewi woni: Gerisoni, e Kehati, e Merari. 12Sukaaɓe Yahuuda woni: Eri, e Onan, e Sela, e Peresi, e Jera. Amma Eri e Onan maayii der leydi Kanaana. Ɓiɓɓe Faresi woni: Hetisironi, e Hamulu. 13Sukaaɓe Isakaa woni: Tola, e Puwa, e Yasubu, e Simuroni. 14Sukaaɓe Jabulon woni: Seredi, e Eloni, e Yaleeli. 15Kamɓe woni ɓiɓɓe ɓe Leya rimani Yaakuubu faa Paddan Aramu, e suka makko debbo noddeteeɗo Dina. Ɓiɓɓe makko worɓe e rewɓe fu waɗii laso e sappo e tato (33).
16Sukaaɓe Gada woni: Sifuyoni, e Haggi, e Suni, e Etisibonu, e Eri, e Arodi, e Areli. 17Sukaaɓe Asee woni: Yimuna, e Yisuwa, e Yisuwi, e Beriya, e Sera sakiike maɓɓe. Sukaaɓe Beriya woni: Heberu, e Malikiyeli. 18Kamɓe woni ɓiɓɓe Jilipa, korɗo mo Labani hokkunoo Leya suka mum debbo. Kamɓe nun o rimani Yaakuubu. Ɓe fu ɓe gaɗii sappo e jeego'o (16).
19Sukaaɓe Rahiilu debbo Yaakuubu woni: Yusufu, e Benyamin 20Sukaaɓe Yusufu rimaaɓe der leydi Misira woni: Manase, e Efurayimu. Asenati ɓii Poti Fera *liimaamiijo Oni debbo nun rimani mo ɓe. 21Sukaaɓe Benyamin woni: Bela, e Bekee, e Asebeli, e Gerar, e Namaanu, e Ehi, e Rosu, e Muppimu, e Hapumu, e Ardu. 22Kamɓe woni sukaaɓe ɓe Rahiilu rimani Yaakuubu. Ɓe fu ɓe gaɗii sukaaɓe sappo e nayo (14).
23Suka Dan woni: Husimu. 24Sukaaɓe Nefutali woni: Yatiseeli, e Guni, e Yetiser, e Sillemu. 25Kamɓe woni sukaaɓe Biliha, korɗo mo Labani hokkunoo Rahiilu ɓiyiiko debbo. Kamɓe nun o rimani Yaakuubu. Ɓe fu ɓe gaɗii himɓe jeeɗiɗo.
26Himɓe ɓe Yaakuubu naatidi der leydi Misira, wurtiiɓe diga e lenyol makko waɗii himɓe lasoy tato e jeego'o (66). Rewɓe ɓiɓɓe makko limaaka. 27Yusufu e woodunoo sukaaɓe ɗiɗo ɓe o rimanaa der leydi Misira. Himɓe ƴiwuɓe diga saare Yaakuubu, waruɓe der leydi Misira laati nun himɓe lasoy tato e sappo (70).
Yaakuubu e himɓe mum yottake der leydi Misira
28Yaakuubu lilii Yahuuda ardoo bata Yusufu no ɓee jaha leydi Gosan. 29Ɗon nun Yusufu naati laana pucci mum, yahi Gosan gam fottugo baaba mum Isira'iila. No ɓe potti, o gattii mo e daane, o wulli faa ɓooyi. 30Isira'iila wi'i Yusufu: Jooni kan, baa to mi maayii, gacce walaa, gam mi yi'ii yeeso maa, mi yi'ii bo no a na'on e yonki. 31Yusufu bati mawniraaɓe mum e himɓe wuro baaba mum fu wi'i: Mi yahan mi maatina Firawna mi wi'a mo: Mawniraaɓe am, e himɓe wuro baaba am, wonnooɓe leydi Kanaana wartii to am. 32Mi batan mo no on laati nun durooɓe, on gaddii bo baali mon, e na'i mon, e ko gooduɗon fu. 33To Firawna noddii on, ƴami on: Ume woni golle mon? 34Bi'on mo: Menen maccuɓe maa, men laati nun durooɓe, menen e baabiraaɓe amen, diga sukaanaaku amen faa warugo hanne. Den mum on jooɗoyto der leydi Gosan, gam Misirankeeɓe yiɗaa durooɓe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.