Amosu 3
3
Joomiraawo hiitoto himɓe Isira'iila
1Kettinee nanon ka min Joomiraawo batananmi on, onon himɓe Isira'iila fu, onon ɓe burtinoymi diga leydi Misira.
2Der lenyi duuniyaaru fu, onon tan nun cuɓumi,
gam majjum, mi hiitoto on gam sabbu boofi ɗi gaɗuɗon fu.
To Alla batii gecca, sey *annabiijo yottinaka himɓe
3To himɓe ɗiɗo nannantiray ɓe baawan yaadugo naa?
4Jaggere halɓan der binŋa to ne happay tew naa?
Ɓinŋel jaggere ŋuuran e banni mum to heɓay ko ƴakkata naa?
5Colel yantan der pittol tunnaaŋol e leydi to ŋel sankitanaaka ɗon gawri naa?
Pittol faltoto to goɗɗum yaaɓay ŋol naa?
6Fuuraanu konu fuurete der wanŋarde,
den himɓe mayre hulay naa?
Bone gom tawan wanŋarde to hinaa Joomiraawo waddi ne naa?
7Non non Alla Joomiraawo waɗataa goɗɗum, sey to o anninii ɗum *annabiiɓe, laatiiɓe gollantooɓe mo.
8To jaggere halɓii, moy woni hulataa?
To Alla batii gecca, *annabiijo moy woni yottintaa ka himɓe?
Joomiraawo hiitoto wanŋarde Samariya
9Eencee dow cuuɗi Asidodu cemmiɗinɗi,
e dow cuuɗi Misira cemmiɗinɗi,
piinee bi'on:
Kawritee dow baalle Samariya,
den ji'on baadiiji bonɗi ɗuuɗɗi,
e nyaamontirgo semme ko woni caka maɓɓe.
10Joomiraawo wi'i:
Ɓe laataaki foonnitiiɓe,
jawdi ni ɓe teeti to woɓɓe, e ni ɓe bujji, ɓee kawrita ni der cuuɗi maɓɓe booɗɗi.
11Gam sabbu mum, min Alla Joomiraawo bi'umi:
Wayɓe filfitinto leydi Samariya,
ɓe keennyan semme mayri,
ɓe pusan cuuɗi mayri booɗɗi, ɓe ɓotta jawdi mayri.
12Nani ɗo ka Joomiraawo bati wi'i:
Hande no duroowo teetirta kolcon ɗiɗon, naa bo noppi baala tan diga e hunnuko jaggere,
non non himɓe Isira'iila jooɗiiɓe der Samariya daɗinirtee,
kamɓe fukkiiɓe sera banni, naa bo sera leece.
13Alla Joomiraawo, Joom huune fu wi'i:
Kettinee, den anninon ka himɓe lenyol Yaakuubu bi'on:
14Nyanne kiitotoomi himɓe Isira'iila gam sabbu boofi mum,
mi pusan kiisirɗe Beteli,
den galarɗi majje heltoto yana e leydi.
15Mi pusan cuuɗi mon ɗi naatoton wakkati peewol,
e cuuɗi mon ɗi naatoton wakkati guli.
Mi halkan cuuɗi mon mahiraaɗi e nyiiƴe nyiibi.
Mi halkan bo cuuɗi mon mawɗi fu.
Min Joomiraawo nun bati ka.
Currently Selected:
Amosu 3: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Amosu 3
3
Joomiraawo hiitoto himɓe Isira'iila
1Kettinee nanon ka min Joomiraawo batananmi on, onon himɓe Isira'iila fu, onon ɓe burtinoymi diga leydi Misira.
2Der lenyi duuniyaaru fu, onon tan nun cuɓumi,
gam majjum, mi hiitoto on gam sabbu boofi ɗi gaɗuɗon fu.
To Alla batii gecca, sey *annabiijo yottinaka himɓe
3To himɓe ɗiɗo nannantiray ɓe baawan yaadugo naa?
4Jaggere halɓan der binŋa to ne happay tew naa?
Ɓinŋel jaggere ŋuuran e banni mum to heɓay ko ƴakkata naa?
5Colel yantan der pittol tunnaaŋol e leydi to ŋel sankitanaaka ɗon gawri naa?
Pittol faltoto to goɗɗum yaaɓay ŋol naa?
6Fuuraanu konu fuurete der wanŋarde,
den himɓe mayre hulay naa?
Bone gom tawan wanŋarde to hinaa Joomiraawo waddi ne naa?
7Non non Alla Joomiraawo waɗataa goɗɗum, sey to o anninii ɗum *annabiiɓe, laatiiɓe gollantooɓe mo.
8To jaggere halɓii, moy woni hulataa?
To Alla batii gecca, *annabiijo moy woni yottintaa ka himɓe?
Joomiraawo hiitoto wanŋarde Samariya
9Eencee dow cuuɗi Asidodu cemmiɗinɗi,
e dow cuuɗi Misira cemmiɗinɗi,
piinee bi'on:
Kawritee dow baalle Samariya,
den ji'on baadiiji bonɗi ɗuuɗɗi,
e nyaamontirgo semme ko woni caka maɓɓe.
10Joomiraawo wi'i:
Ɓe laataaki foonnitiiɓe,
jawdi ni ɓe teeti to woɓɓe, e ni ɓe bujji, ɓee kawrita ni der cuuɗi maɓɓe booɗɗi.
11Gam sabbu mum, min Alla Joomiraawo bi'umi:
Wayɓe filfitinto leydi Samariya,
ɓe keennyan semme mayri,
ɓe pusan cuuɗi mayri booɗɗi, ɓe ɓotta jawdi mayri.
12Nani ɗo ka Joomiraawo bati wi'i:
Hande no duroowo teetirta kolcon ɗiɗon, naa bo noppi baala tan diga e hunnuko jaggere,
non non himɓe Isira'iila jooɗiiɓe der Samariya daɗinirtee,
kamɓe fukkiiɓe sera banni, naa bo sera leece.
13Alla Joomiraawo, Joom huune fu wi'i:
Kettinee, den anninon ka himɓe lenyol Yaakuubu bi'on:
14Nyanne kiitotoomi himɓe Isira'iila gam sabbu boofi mum,
mi pusan kiisirɗe Beteli,
den galarɗi majje heltoto yana e leydi.
15Mi pusan cuuɗi mon ɗi naatoton wakkati peewol,
e cuuɗi mon ɗi naatoton wakkati guli.
Mi halkan cuuɗi mon mahiraaɗi e nyiiƴe nyiibi.
Mi halkan bo cuuɗi mon mawɗi fu.
Min Joomiraawo nun bati ka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.