Golle Lilaaɓe 15
15
Hawriine waɗaane Urusaliima
1Himɓe woɓɓe ƴiwi Yahudiya, wari Antiyokiya e janŋina banniraaɓe, e wi'a: «To on juulnaaka hande no *tawreeta Muusa batiri, on kisataa.» 2Pol e Barnabasi yeddontiri e maɓɓe, faa ɗum juuti. Den goonɗinɓe suɓi lila Pol e Barnabasi e banniraaɓe woɓɓe faa *Urusaliima, to lilaaɓe, e *dottiiɓe gam haala kan.
3No eklesiya siriyi yaadu maɓɓe, ɓe ummii ɓe tokkiri Finikiya e Samariya, ɓee bata no ɓe lenyi janani tuubiri. Ɗum laatanake banniraaɓe fu belɗum ɓerne mawɗum. 4No ɓe jottii *Urusaliima, eklesiya, e lilaaɓe, e *dottiiɓe, jaɓɓii ɓe. Go Pol e Barnabasi bati ɓe ko Alla waɗi fu diga e maɓɓe. 5Amma goonɗinɓe woɓɓe ƴiwuɓe diga *Farisaaɓe ummii, wi'i: «Sey goonɗinɓe ɓe laataaki *Yahuuduɓe juulnee, ɓe batee ɓe tokka *tawreeta Muusa.»
6Den lilaaɓe e *dottiiɓe hawritii, gam ɓe daara haala kan. 7Ɓaawo jeddi ɗuuɗɗi, Piyer ummii, wi'i ɓe: «Banniraaɓe, oon anni Alla suɓi am caka mooɗon diga ko ɓooyi, gam mi waajoo *linjiila caka lenyi janani, gam ɓe nana, ɓe laatoo goonɗinɓe. 8Alla annuɗo ɓerɗe himɓe, seedanake ɓe, no o hokki ɓe Ruuhu Ceniiɗo hande no o hokkiri en. 9O suttontiray en e maɓɓe, gam o laaɓinii ɓerɗe gam sabbu ɓe goonɗinii. 10Jooni, ko waɗi oon poonna Alla, oon jowana goonɗinɓe dongal ŋal enen e kookiraaɓe meeɗen, en baaway ko roonii? 11To on gaɗee non nun. Een koolii e moƴƴere Yeesu Joomiraawo tan nun kisirɗen, hande nun kamɓe bo.»
12Hawtuɓe ton fu deƴƴi, e hettinanii Barnabasi e Pol e bata ɓe no Alla waɗiri haaynaareeji hakkune lenyi janani diga e maɓɓe. 13Ɓaawo no ɓe bati ɓe keennyi, Yaakuuba hocci haala, wi'i: «Banniraaɓe, kettinanee am! 14Simon batii no Alla suɓiri diga arande lenyi janani ɗi noddee himɓe makko. 15Ɗum ɗon yaadii e haalaaji ɗi *annabiiɓe, winnunoo der dewte wi'i,
16"Joomiraawo wi'i: Ɓaawo mum, mi wittaan,
mi mahitoo suudu Dawda januŋol,
mi umminan bille maggol,
mi darnan ŋol kade,
17gam himɓe horiiɓe daartanmi min Joomiraawo,
non non bo himɓe lenyi janani laataniiɓe am.
Min Joomiraawo bati ka,
18mi hollitii kujje ɗe, diga ko ɓooyi#15:18 Amosu 9:11-12 .
19Gam majjum min kan ko ji'umi, to en tooru himɓe ɓe lenyi janani tuubooɓe e wittaa to Alla. 20Amma en binnanee ɓe, ɓe acca nyaamugo ko harmi ƴiwuɗum e tooruuje, e jeenu, e nyaamugo caaɗuɗum, e nyaamugo ƴiiƴam. 21Gam diga jaamanuuji ɓooyuɗi, himɓe e waajoo dooka Muusa der siire fu, gam nyalaane siwteteene fu sariya makko e janŋee der baajorɗe#15:21 Sariyaaji juulde 17-18.»
Goonɗinɓe ɓe lenyi janani lildaama ɗerewol
22Den lilaaɓe, e *dottiiɓe, e eklesiya fu dawridi ɓe cuɓi woɓɓe der maɓɓe ɓe kawta e Pol e Barnabasi, ɓe jahida Antiyokiya. Ɓe cuɓi hooreeɓe ɗiɗo der banniraaɓe, Yahuuda, bi'eteeɗo Barsabbasi, kanko e Silaasi. 23Ɓe kokki ɓe ɗerewol bi'uŋol: «Menen banniraaɓe mooɗon lilaaɓe e *dottiiɓe, emen canna on, onon banniraaɓe amen ɓe lenyi janani tawaaɓe Antiyokiya, e tawaaɓe der leydi Siriya, e Silisiya. 24Men nanii himɓe ƴiwi to amen, yahi laawi on e haalaaji, jiɓi hakkillooji mooɗon. Men batay ɓe gaɗa ɗum. 25Men dawrii, men poti, go men cuɓi himɓe, men lila ɓe to mooɗon, ɓe jahida e yiɗaaɓe amen Barnabasi e Pol, 26hokkitirɓe yonkiiji mum gam Joomiraawo men Yeesu *Almasiihu. 27Gam majjum men lilii Yahuuda e Silaasi, ɓe paamina on hunnuko e hunnuko ko men binni. 28Ɗum fottani Ruuhu Ceniiɗo, e menen bo, to men jowan on dongal gom, to hinaa ko haani tan. 29To on ƴakkee tew caafiraaɗum tooruuje, to on nyaamee ƴiiƴam e ko saaɗi, accee jeenu. To on deenii ko'e mooɗon no wooɗi e majjum, on gaɗii ko wooɗi. Jam wonana on!»
30Ɓe kokkaa laawol, ɓe jahi Antiyokiya. No ɓe jottii, ɓe kawriti eklesiya, ɓe kokki ɓe ɗerewol ŋol. 31No ɓe janŋi ŋol, ɓerne maɓɓe weli gam haalaaji ɗin semmiɗinii ɓe. 32Yahuuda e Silaasi, kanun bo laati nun *annabiiɓe, ɓe baajii banniraaɓe waajuuji ɗuuɗɗi, ɓe cemmiɗini ɓe. 33No ɓe gaɗi ton balɗe, banniraaɓe waynii ɓe ɓe bitta jam to lilunooɓe ɓe. [34Amma Silaasi, kan ɗum fottanii mo o jooɗoo ton#15:34 Ɗereeji seɗɗa tan, ɗi woodaa baawɗe woodi aayaare nee ɗo: 34 Amma Silaasi, kan ɗum fottanii mo o jooɗoo ton..]
35Pol e Barnabasi jooɗii Antiyokiya, kamɓe woɓɓe ɗuuɓɓe, ɓee janŋina, ɓee baajoo haala Joomiraawo.
Pol seennirii e Barnabasi
36Ɓaawo balɗe seɗɗa Pol wi'i Barnabasi: «En bittee e ci'e to baajinoɗen haala Joomiraawo fu, daaren banniraaɓe meeɗen, ji'en no ɓe goniri.»
37Barnabasi e yiɗunoo ɓe jahida e Yuhaana bi'eteeɗo Marku. 38Amma Pol miili ɗum haanay o yaada e maɓɓe, gam o accuno ɓe nun Panfiliya, o salii gollidoygo e maɓɓe. 39Ɓe jeddontiri sanne faa ɓe ceenniri. Barnabasi yaadi e Marku, ɓe naati laana diyam ɓe jahi Kipurusu. 40Pol suɓi Silaasi, yaadi e makko ɓaawo banniraaɓe eelani ɓe moƴƴere Joomiraawo. 41Ɓe tokkiri leydi Siriya, e Silisiya, ɓee cemmiɗina eklesiyaaji.
Currently Selected:
Golle Lilaaɓe 15: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Golle Lilaaɓe 15
15
Hawriine waɗaane Urusaliima
1Himɓe woɓɓe ƴiwi Yahudiya, wari Antiyokiya e janŋina banniraaɓe, e wi'a: «To on juulnaaka hande no *tawreeta Muusa batiri, on kisataa.» 2Pol e Barnabasi yeddontiri e maɓɓe, faa ɗum juuti. Den goonɗinɓe suɓi lila Pol e Barnabasi e banniraaɓe woɓɓe faa *Urusaliima, to lilaaɓe, e *dottiiɓe gam haala kan.
3No eklesiya siriyi yaadu maɓɓe, ɓe ummii ɓe tokkiri Finikiya e Samariya, ɓee bata no ɓe lenyi janani tuubiri. Ɗum laatanake banniraaɓe fu belɗum ɓerne mawɗum. 4No ɓe jottii *Urusaliima, eklesiya, e lilaaɓe, e *dottiiɓe, jaɓɓii ɓe. Go Pol e Barnabasi bati ɓe ko Alla waɗi fu diga e maɓɓe. 5Amma goonɗinɓe woɓɓe ƴiwuɓe diga *Farisaaɓe ummii, wi'i: «Sey goonɗinɓe ɓe laataaki *Yahuuduɓe juulnee, ɓe batee ɓe tokka *tawreeta Muusa.»
6Den lilaaɓe e *dottiiɓe hawritii, gam ɓe daara haala kan. 7Ɓaawo jeddi ɗuuɗɗi, Piyer ummii, wi'i ɓe: «Banniraaɓe, oon anni Alla suɓi am caka mooɗon diga ko ɓooyi, gam mi waajoo *linjiila caka lenyi janani, gam ɓe nana, ɓe laatoo goonɗinɓe. 8Alla annuɗo ɓerɗe himɓe, seedanake ɓe, no o hokki ɓe Ruuhu Ceniiɗo hande no o hokkiri en. 9O suttontiray en e maɓɓe, gam o laaɓinii ɓerɗe gam sabbu ɓe goonɗinii. 10Jooni, ko waɗi oon poonna Alla, oon jowana goonɗinɓe dongal ŋal enen e kookiraaɓe meeɗen, en baaway ko roonii? 11To on gaɗee non nun. Een koolii e moƴƴere Yeesu Joomiraawo tan nun kisirɗen, hande nun kamɓe bo.»
12Hawtuɓe ton fu deƴƴi, e hettinanii Barnabasi e Pol e bata ɓe no Alla waɗiri haaynaareeji hakkune lenyi janani diga e maɓɓe. 13Ɓaawo no ɓe bati ɓe keennyi, Yaakuuba hocci haala, wi'i: «Banniraaɓe, kettinanee am! 14Simon batii no Alla suɓiri diga arande lenyi janani ɗi noddee himɓe makko. 15Ɗum ɗon yaadii e haalaaji ɗi *annabiiɓe, winnunoo der dewte wi'i,
16"Joomiraawo wi'i: Ɓaawo mum, mi wittaan,
mi mahitoo suudu Dawda januŋol,
mi umminan bille maggol,
mi darnan ŋol kade,
17gam himɓe horiiɓe daartanmi min Joomiraawo,
non non bo himɓe lenyi janani laataniiɓe am.
Min Joomiraawo bati ka,
18mi hollitii kujje ɗe, diga ko ɓooyi#15:18 Amosu 9:11-12 .
19Gam majjum min kan ko ji'umi, to en tooru himɓe ɓe lenyi janani tuubooɓe e wittaa to Alla. 20Amma en binnanee ɓe, ɓe acca nyaamugo ko harmi ƴiwuɗum e tooruuje, e jeenu, e nyaamugo caaɗuɗum, e nyaamugo ƴiiƴam. 21Gam diga jaamanuuji ɓooyuɗi, himɓe e waajoo dooka Muusa der siire fu, gam nyalaane siwteteene fu sariya makko e janŋee der baajorɗe#15:21 Sariyaaji juulde 17-18.»
Goonɗinɓe ɓe lenyi janani lildaama ɗerewol
22Den lilaaɓe, e *dottiiɓe, e eklesiya fu dawridi ɓe cuɓi woɓɓe der maɓɓe ɓe kawta e Pol e Barnabasi, ɓe jahida Antiyokiya. Ɓe cuɓi hooreeɓe ɗiɗo der banniraaɓe, Yahuuda, bi'eteeɗo Barsabbasi, kanko e Silaasi. 23Ɓe kokki ɓe ɗerewol bi'uŋol: «Menen banniraaɓe mooɗon lilaaɓe e *dottiiɓe, emen canna on, onon banniraaɓe amen ɓe lenyi janani tawaaɓe Antiyokiya, e tawaaɓe der leydi Siriya, e Silisiya. 24Men nanii himɓe ƴiwi to amen, yahi laawi on e haalaaji, jiɓi hakkillooji mooɗon. Men batay ɓe gaɗa ɗum. 25Men dawrii, men poti, go men cuɓi himɓe, men lila ɓe to mooɗon, ɓe jahida e yiɗaaɓe amen Barnabasi e Pol, 26hokkitirɓe yonkiiji mum gam Joomiraawo men Yeesu *Almasiihu. 27Gam majjum men lilii Yahuuda e Silaasi, ɓe paamina on hunnuko e hunnuko ko men binni. 28Ɗum fottani Ruuhu Ceniiɗo, e menen bo, to men jowan on dongal gom, to hinaa ko haani tan. 29To on ƴakkee tew caafiraaɗum tooruuje, to on nyaamee ƴiiƴam e ko saaɗi, accee jeenu. To on deenii ko'e mooɗon no wooɗi e majjum, on gaɗii ko wooɗi. Jam wonana on!»
30Ɓe kokkaa laawol, ɓe jahi Antiyokiya. No ɓe jottii, ɓe kawriti eklesiya, ɓe kokki ɓe ɗerewol ŋol. 31No ɓe janŋi ŋol, ɓerne maɓɓe weli gam haalaaji ɗin semmiɗinii ɓe. 32Yahuuda e Silaasi, kanun bo laati nun *annabiiɓe, ɓe baajii banniraaɓe waajuuji ɗuuɗɗi, ɓe cemmiɗini ɓe. 33No ɓe gaɗi ton balɗe, banniraaɓe waynii ɓe ɓe bitta jam to lilunooɓe ɓe. [34Amma Silaasi, kan ɗum fottanii mo o jooɗoo ton#15:34 Ɗereeji seɗɗa tan, ɗi woodaa baawɗe woodi aayaare nee ɗo: 34 Amma Silaasi, kan ɗum fottanii mo o jooɗoo ton..]
35Pol e Barnabasi jooɗii Antiyokiya, kamɓe woɓɓe ɗuuɓɓe, ɓee janŋina, ɓee baajoo haala Joomiraawo.
Pol seennirii e Barnabasi
36Ɓaawo balɗe seɗɗa Pol wi'i Barnabasi: «En bittee e ci'e to baajinoɗen haala Joomiraawo fu, daaren banniraaɓe meeɗen, ji'en no ɓe goniri.»
37Barnabasi e yiɗunoo ɓe jahida e Yuhaana bi'eteeɗo Marku. 38Amma Pol miili ɗum haanay o yaada e maɓɓe, gam o accuno ɓe nun Panfiliya, o salii gollidoygo e maɓɓe. 39Ɓe jeddontiri sanne faa ɓe ceenniri. Barnabasi yaadi e Marku, ɓe naati laana diyam ɓe jahi Kipurusu. 40Pol suɓi Silaasi, yaadi e makko ɓaawo banniraaɓe eelani ɓe moƴƴere Joomiraawo. 41Ɓe tokkiri leydi Siriya, e Silisiya, ɓee cemmiɗina eklesiyaaji.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.