Golle Lilaaɓe 13
13
Barnabasi e Sol lilaama
1*Annabiiɓe, e janŋinooɓe e wonnoo der eklesiya Antiyokiya. Kamɓe woni Barnabasi, e Simeyon innitirteeɗo ɓaleejo, e Lusiyusi mo Sirene, e Manahen, mawnidinɗo e Eroodu hooreejo leydi, e Sol. 2Nyalaane gom eɓe cujidana Joomiraawo eɓe cuumorii, go Ruuhu Ceniiɗo wi'i ɓe: «Accanee am Barnabasi e Sol gam golle ɗe noddanmi ɓe.» 3Ɓaawo ɓe cuumii, ɓe du'ii, ɓe jowi juuɗe maɓɓe dow maɓɓe, ɓe acci ɓe ɓe jawti.
Barnabasi e Sol e waajoo himɓe Kipurusu
4Non nun Ruuhu Ceniiɗo liliri Barnabasi e Sol, ɓe jahi Selewkiya, diga ɗon ɓe naati laana diyam ɓe jahi Kipurusu. 5No ɓe jottii siire Salamisi, ɓe baajii haala Alla der baajorɗe Yahuduuɓe. Yuhaana Marku, balloowo ɓe e wondi e maɓɓe.
6No ɓe joli dunne ɓe jottii Pafosu, ɓe tawi ton *Yahuduujo gaɗoowo dobo dobo, laatiiɗo *annabiijo pewoowo, inne makko nun Bar Yeesu. 7Oo wondi e Segiyusu Pol, hooreejo dunne nen. Segiyusu Pol on laati nun neɗɗo mo annal. O noddi Barnabasi e Sol gam oo yiɗi nanugo haala Alla. 8Amma Elimasi e daarta haɗugo hooreejo dunne on goonɗingo (maana Elimasi woni mo dobo dobo.) 9Den Sol, bi'eteeɗo kade Pol, kebbinaaɗo Ruuhu Ceniiɗo, tiggi mo gite, 10wi'i: «An kebbuɗo jamma, e baadi kalluni, ɓii Seyɗan e ganyo ko wooɗi fu! A accataa lelugo laabi Joomiraawo poonnitiiɗi na? 11Jooni kiita Joomiraawo warante, a wuman, a yi'ataa naaŋe faa wakkati gom waɗa.»
Ɗon maa ɗon niwre yanti mo, o wumi, oo meema nokku fu oo daarta jogotooɗo mo. 12No hooreejo on yi'i ko waɗi, o goonɗini, haaynaare waɗi mo gam sabbu haala Joomiraawo ka o nani.
Waaju Pol der siire Antiyokiya der leydi Pisidiya
13Pol e jaadiiɓe muuɗum naati laana diyam der siire Pafosu, e fonnii Perge der leydi Panfiliya. Ton Yuhaana Marku acci ɓe, wittii *Urusaliima. 14Amma kamɓe ɓe ummii diga Perge, ɓe gari Antiyokiya der leydi Pisidiya. Ɓe jahi der waajorde, der nyalaane siwteteene, ɓe jooɗii. 15Ɓaawo no ɓe janŋanaa der *tawreeta Muusa, e der dewte *annabiiɓe, hooreeɓe waajorde nen bati ɓe, wi'i: «Banniraaɓe, to oon goodi ka kokkirton himɓe semme, batee.»
16Pol ummii darii, ɓanti juunŋo muuɗum, wi'i: «Onon Isira'iilaaɓe, e onon himɓe lenyi janani huluɓe Alla, kettinee. 17Alla mo himɓe Isira'iila suɓii kookiraaɓe meeɗen, ɗuuɗini lenyol maɓɓe no ŋol jooɗinoo leydi Misira, kade o wurtiniri ɓe ton e baawɗe makko. 18O hakkilanii ɓe faa duuɓi lasoy ɗiɗi (40) der ladde yorne#13:18 Dewte goɗɗe wi'ii: «O nyaamnii ɓe.». 19Ɓaawo o halki lenyi jeeɗiɗi der leydi Kanaana, o seennani ni himɓe makko ɓe jeya ni, 20jaka duuɓi keme naay e lasooji ɗiɗi e sappo (450). Ɓaawo mum, o hokki ɓe ardiiɓe faa jaamanu annabi Samuyiila.
21Ɓaawo mum, ɓe ƴami Alla hokka ɓe laamiiɗo. O hokki ɓe Sawulu, ɓii Kisi, ƴiwuɗo der lenyol Benyamin. O laamanii ɓe duuɓi lasooji ɗiɗi (40). 22Den Alla wurtini mo laamaare, laamini Dawda, mo o bati haala muuɗum o wi'i: "Mi heɓii Dawda, ɓii Yesa, gorko pottanɗo ɓerne am, gaɗoowo ko jiɗumi#13:22 Jabuura 89:21, Samuyiila I 13:14." 23Diga e lenyol makko nun Yeesu wurtii, o laatii Kisinoowo himɓe Isira'iila, hande no Alla haɓɓirannoo ɓe alkawal mum. 24Go o wara, Yuhaana waajakeno lenyol Isira'iila fu tuuba, ɓe gaɗanee *batisi. 25Kade, no Yuhaana heennyata golle muuɗum, o wi'ii: "Mi laataaki mo miiloton. Amma goɗɗo e wara ɓaawo am mo mi fotay baa firtugo ɓoggi paɗe muuɗum".»
26«Banniraaɓe, onon ɓe lenyol Iburaahiima, e onon himɓe lenyi janani, huluɓe Alla, enen lildaa habaru faabuwe ŋuu ɗo. 27Gam wonɓe *Urusaliima e hooreeɓe mum fu annitay Yeesu on. Amma no ɓe kiitii mo, ɓe kebbinii haalaaji *annabiiɓe janŋetenooɗi nyalaane siwteteene fu. 28Baa no ɓe keɓay gacce baa goote ɗe ɓe barirta mo, ɓe eeli Pilaatu wara mo. 29No ɓe kebbini ko Dewte wi'unoo dow makko fu, ɓe jippini mo e *palaaŋal, ɓe gatti mo der yanaane. 30Amma Alla fintinii mo. 31Balɗe ɗuuɗɗe oo holla hoore makko ummodoyɓe e makko diga Galili faa *Urusaliima. Kamɓe nun woni seedantooɓe mo jooni yeeso himɓe Isira'iila. 32Menen bo emen bata on *linjiila dow alkawal ŋal Alla haɓɓani kookiraaɓe meeɗen, 33Alla hebbinanii en ŋal, enen ɓiɓɓe maɓɓe, no o fintini Yeesu, hande no winniraa der Jabuura Suura ɗiɗi:
"An, nun woni ɓiyam, hanne mi rimii maa#13:33 Jabuura 2:7".
34Alla wi'iino fintinan mo diga maayde, gam to o nyolu. Gam mum nun o bati, o wi'i:
"Mi barkiɗinan on barkaaji ceniiɗi,
laaɓuɗi, koolaaɗi,
ɗi alkawal mum kaɓɓanmi Dawda#13:34 Esaaya 55:3".
35Kan waɗi o bati kade der dewtere Jabuura, o wi'i:
"A accataa Ceniiɗo maa nyola#13:35 Jabuura 16:10".
36Gam Dawda waɗii ko Alla yiɗi der jaamanu muuɗum. Ɓaawo mum o maayi, o hawraa e kookiraaɓe makko, o nyoli. 37Amma mo Alla fintini nyolay.
38Banniraaɓe, annee no gam sabbu makko nun baajaɗon yaafuye hakkeeji. 39*Tawreeta Muusa waaway ko waɗi neɗɗo laatoo poonnitiiɗo, amma der kawtal e makko, goonɗinɗo mo fu, laaɓinte diga e hakke mum. 40Gam majjum, gaɗee hakkillo, gam ko *annabiiɓe batunoo der annabaaku mum to tawu on. Gam ɓe bi'ii:
41"Daaree onon yawiiɓe Alla, kayɗinee, kalkee!
Gam mi waɗan gollal der wakkati mooɗon,
on goonɗintaa ŋal baa to neɗɗo batiino on#13:41 Habakuku 1:5".»
42No Pol e Barnabasi wurtotoo e waajorde, jama'aare eeli ɓe kade ɓe bittitoo nyalaane siwteteene waroore, gam ɓe baajitoo haala kan. 43Ɓaawo hawriine nen, *Yahuduuɓe ɗuuɓɓe e naatuɓe diina maɓɓe tokki Pol e Barnabasi. Kamɓe bo eɓe badda e maɓɓe eɓe cemmiɗina ɓe ɓe tabitoo der moƴƴere Alla.
44Nyalaane siwteteene tokkune, himɓe wanŋarde nen, ɗuuɓɓe mum hawritii, gam hettinoo haala Alla. 45No *Yahuduuɓe yi'i jama'aare, nawniraagu maɓɓe ummii, ɓe jeddi ka Pol waajotoo, ɓee jenna mo. 46Den Pol e Barnabasi bati e cuusal, wi'i: «Onon nun haani men arta batugo on haala Alla, amma no boppuɗon ka, kolluɗon on potay heɓugo yonki tabitiiki, jooni men jahan to lenyi janani. 47Gam ɗum ɗon nun Joomiraawo resani men men gaɗa, o wi'i:
"Mi suɓii maa gam laatanoɗaa lenyi janani jayŋol,
gam jaaraa faabuwe faa keerol duuniyaaru.#13:47 Esaaya 49:6"»
48No himɓe lenyi janani nani haalaaji ɗin, ɓerɗe maɓɓe welii, ɓe teddini haala Joomiraawo. Suɓaaɓe gam heɓa yonki tabitiiki fu goonɗinii.
49Haala Joomiraawo sankitii toy fu e leydi nin. 50Amma *Yahuduuɓe ummini rewɓe tedduɓe, hulooɓe Alla, e mawɓe siire. Ɓe gaddani Pol e Barnabasi toora mawka, ɓe diiwi ɓe e leydi maɓɓe. 51Pol e Barnabasi fiɗɗani ɓe sollaare koyɗe mum, yawtiri Ikoniya. 52Amma enon fu goonɗinɓe Antiyokiya e hebbi belɗum ɓerne e Ruuhu Ceniiɗo.
Currently Selected:
Golle Lilaaɓe 13: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
Golle Lilaaɓe 13
13
Barnabasi e Sol lilaama
1*Annabiiɓe, e janŋinooɓe e wonnoo der eklesiya Antiyokiya. Kamɓe woni Barnabasi, e Simeyon innitirteeɗo ɓaleejo, e Lusiyusi mo Sirene, e Manahen, mawnidinɗo e Eroodu hooreejo leydi, e Sol. 2Nyalaane gom eɓe cujidana Joomiraawo eɓe cuumorii, go Ruuhu Ceniiɗo wi'i ɓe: «Accanee am Barnabasi e Sol gam golle ɗe noddanmi ɓe.» 3Ɓaawo ɓe cuumii, ɓe du'ii, ɓe jowi juuɗe maɓɓe dow maɓɓe, ɓe acci ɓe ɓe jawti.
Barnabasi e Sol e waajoo himɓe Kipurusu
4Non nun Ruuhu Ceniiɗo liliri Barnabasi e Sol, ɓe jahi Selewkiya, diga ɗon ɓe naati laana diyam ɓe jahi Kipurusu. 5No ɓe jottii siire Salamisi, ɓe baajii haala Alla der baajorɗe Yahuduuɓe. Yuhaana Marku, balloowo ɓe e wondi e maɓɓe.
6No ɓe joli dunne ɓe jottii Pafosu, ɓe tawi ton *Yahuduujo gaɗoowo dobo dobo, laatiiɗo *annabiijo pewoowo, inne makko nun Bar Yeesu. 7Oo wondi e Segiyusu Pol, hooreejo dunne nen. Segiyusu Pol on laati nun neɗɗo mo annal. O noddi Barnabasi e Sol gam oo yiɗi nanugo haala Alla. 8Amma Elimasi e daarta haɗugo hooreejo dunne on goonɗingo (maana Elimasi woni mo dobo dobo.) 9Den Sol, bi'eteeɗo kade Pol, kebbinaaɗo Ruuhu Ceniiɗo, tiggi mo gite, 10wi'i: «An kebbuɗo jamma, e baadi kalluni, ɓii Seyɗan e ganyo ko wooɗi fu! A accataa lelugo laabi Joomiraawo poonnitiiɗi na? 11Jooni kiita Joomiraawo warante, a wuman, a yi'ataa naaŋe faa wakkati gom waɗa.»
Ɗon maa ɗon niwre yanti mo, o wumi, oo meema nokku fu oo daarta jogotooɗo mo. 12No hooreejo on yi'i ko waɗi, o goonɗini, haaynaare waɗi mo gam sabbu haala Joomiraawo ka o nani.
Waaju Pol der siire Antiyokiya der leydi Pisidiya
13Pol e jaadiiɓe muuɗum naati laana diyam der siire Pafosu, e fonnii Perge der leydi Panfiliya. Ton Yuhaana Marku acci ɓe, wittii *Urusaliima. 14Amma kamɓe ɓe ummii diga Perge, ɓe gari Antiyokiya der leydi Pisidiya. Ɓe jahi der waajorde, der nyalaane siwteteene, ɓe jooɗii. 15Ɓaawo no ɓe janŋanaa der *tawreeta Muusa, e der dewte *annabiiɓe, hooreeɓe waajorde nen bati ɓe, wi'i: «Banniraaɓe, to oon goodi ka kokkirton himɓe semme, batee.»
16Pol ummii darii, ɓanti juunŋo muuɗum, wi'i: «Onon Isira'iilaaɓe, e onon himɓe lenyi janani huluɓe Alla, kettinee. 17Alla mo himɓe Isira'iila suɓii kookiraaɓe meeɗen, ɗuuɗini lenyol maɓɓe no ŋol jooɗinoo leydi Misira, kade o wurtiniri ɓe ton e baawɗe makko. 18O hakkilanii ɓe faa duuɓi lasoy ɗiɗi (40) der ladde yorne#13:18 Dewte goɗɗe wi'ii: «O nyaamnii ɓe.». 19Ɓaawo o halki lenyi jeeɗiɗi der leydi Kanaana, o seennani ni himɓe makko ɓe jeya ni, 20jaka duuɓi keme naay e lasooji ɗiɗi e sappo (450). Ɓaawo mum, o hokki ɓe ardiiɓe faa jaamanu annabi Samuyiila.
21Ɓaawo mum, ɓe ƴami Alla hokka ɓe laamiiɗo. O hokki ɓe Sawulu, ɓii Kisi, ƴiwuɗo der lenyol Benyamin. O laamanii ɓe duuɓi lasooji ɗiɗi (40). 22Den Alla wurtini mo laamaare, laamini Dawda, mo o bati haala muuɗum o wi'i: "Mi heɓii Dawda, ɓii Yesa, gorko pottanɗo ɓerne am, gaɗoowo ko jiɗumi#13:22 Jabuura 89:21, Samuyiila I 13:14." 23Diga e lenyol makko nun Yeesu wurtii, o laatii Kisinoowo himɓe Isira'iila, hande no Alla haɓɓirannoo ɓe alkawal mum. 24Go o wara, Yuhaana waajakeno lenyol Isira'iila fu tuuba, ɓe gaɗanee *batisi. 25Kade, no Yuhaana heennyata golle muuɗum, o wi'ii: "Mi laataaki mo miiloton. Amma goɗɗo e wara ɓaawo am mo mi fotay baa firtugo ɓoggi paɗe muuɗum".»
26«Banniraaɓe, onon ɓe lenyol Iburaahiima, e onon himɓe lenyi janani, huluɓe Alla, enen lildaa habaru faabuwe ŋuu ɗo. 27Gam wonɓe *Urusaliima e hooreeɓe mum fu annitay Yeesu on. Amma no ɓe kiitii mo, ɓe kebbinii haalaaji *annabiiɓe janŋetenooɗi nyalaane siwteteene fu. 28Baa no ɓe keɓay gacce baa goote ɗe ɓe barirta mo, ɓe eeli Pilaatu wara mo. 29No ɓe kebbini ko Dewte wi'unoo dow makko fu, ɓe jippini mo e *palaaŋal, ɓe gatti mo der yanaane. 30Amma Alla fintinii mo. 31Balɗe ɗuuɗɗe oo holla hoore makko ummodoyɓe e makko diga Galili faa *Urusaliima. Kamɓe nun woni seedantooɓe mo jooni yeeso himɓe Isira'iila. 32Menen bo emen bata on *linjiila dow alkawal ŋal Alla haɓɓani kookiraaɓe meeɗen, 33Alla hebbinanii en ŋal, enen ɓiɓɓe maɓɓe, no o fintini Yeesu, hande no winniraa der Jabuura Suura ɗiɗi:
"An, nun woni ɓiyam, hanne mi rimii maa#13:33 Jabuura 2:7".
34Alla wi'iino fintinan mo diga maayde, gam to o nyolu. Gam mum nun o bati, o wi'i:
"Mi barkiɗinan on barkaaji ceniiɗi,
laaɓuɗi, koolaaɗi,
ɗi alkawal mum kaɓɓanmi Dawda#13:34 Esaaya 55:3".
35Kan waɗi o bati kade der dewtere Jabuura, o wi'i:
"A accataa Ceniiɗo maa nyola#13:35 Jabuura 16:10".
36Gam Dawda waɗii ko Alla yiɗi der jaamanu muuɗum. Ɓaawo mum o maayi, o hawraa e kookiraaɓe makko, o nyoli. 37Amma mo Alla fintini nyolay.
38Banniraaɓe, annee no gam sabbu makko nun baajaɗon yaafuye hakkeeji. 39*Tawreeta Muusa waaway ko waɗi neɗɗo laatoo poonnitiiɗo, amma der kawtal e makko, goonɗinɗo mo fu, laaɓinte diga e hakke mum. 40Gam majjum, gaɗee hakkillo, gam ko *annabiiɓe batunoo der annabaaku mum to tawu on. Gam ɓe bi'ii:
41"Daaree onon yawiiɓe Alla, kayɗinee, kalkee!
Gam mi waɗan gollal der wakkati mooɗon,
on goonɗintaa ŋal baa to neɗɗo batiino on#13:41 Habakuku 1:5".»
42No Pol e Barnabasi wurtotoo e waajorde, jama'aare eeli ɓe kade ɓe bittitoo nyalaane siwteteene waroore, gam ɓe baajitoo haala kan. 43Ɓaawo hawriine nen, *Yahuduuɓe ɗuuɓɓe e naatuɓe diina maɓɓe tokki Pol e Barnabasi. Kamɓe bo eɓe badda e maɓɓe eɓe cemmiɗina ɓe ɓe tabitoo der moƴƴere Alla.
44Nyalaane siwteteene tokkune, himɓe wanŋarde nen, ɗuuɓɓe mum hawritii, gam hettinoo haala Alla. 45No *Yahuduuɓe yi'i jama'aare, nawniraagu maɓɓe ummii, ɓe jeddi ka Pol waajotoo, ɓee jenna mo. 46Den Pol e Barnabasi bati e cuusal, wi'i: «Onon nun haani men arta batugo on haala Alla, amma no boppuɗon ka, kolluɗon on potay heɓugo yonki tabitiiki, jooni men jahan to lenyi janani. 47Gam ɗum ɗon nun Joomiraawo resani men men gaɗa, o wi'i:
"Mi suɓii maa gam laatanoɗaa lenyi janani jayŋol,
gam jaaraa faabuwe faa keerol duuniyaaru.#13:47 Esaaya 49:6"»
48No himɓe lenyi janani nani haalaaji ɗin, ɓerɗe maɓɓe welii, ɓe teddini haala Joomiraawo. Suɓaaɓe gam heɓa yonki tabitiiki fu goonɗinii.
49Haala Joomiraawo sankitii toy fu e leydi nin. 50Amma *Yahuduuɓe ummini rewɓe tedduɓe, hulooɓe Alla, e mawɓe siire. Ɓe gaddani Pol e Barnabasi toora mawka, ɓe diiwi ɓe e leydi maɓɓe. 51Pol e Barnabasi fiɗɗani ɓe sollaare koyɗe mum, yawtiri Ikoniya. 52Amma enon fu goonɗinɓe Antiyokiya e hebbi belɗum ɓerne e Ruuhu Ceniiɗo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.