NARONAA 13
13
Gu'asirigwari gbɛ̃nɔn kuri awɛɛplanɔ zĩnaa
1Dikiri pì Musanɛ: 2Ǹ gbɛ̃nɔ zĩ ò gɛ́ Kanaanɔ bùsu kũ matɛn kpá Isarailanɔa yakɛ. Ǹ ń dizinɔ buri gbɛ̃ kũ ò de don'arɛde ũnɔ sɛ́ mɛ̀n dodo ǹ ń zĩ. 3Akũ à ń gbárɛ lɛ bona Parani gbárannan lákũ Dikiri ò nà. Gbɛ̃ pìnɔ bi Isaraila don'arɛdenɔmɛ ń pínki. 4Ń tɔ́nɔn dí:
Rubɛni burinɔ gũn Zaku nɛ́ Samua,
5Simɛɔ burinɔ gũn Ori nɛ́ Safata,
6Yuda burinɔ gũn Yefunɛ nɛ́ Kalɛbu,
7Isaka burinɔ gũn Yusufu nɛ́ Igali,
8Ɛflaimu burinɔ gũn Nuni nɛ́ Osea,
9Biliaminu burinɔ gũn Rafu nɛ́ Paliti,
10Zɛbuluni burinɔ gũn Sodi nɛ́ Gadiɛli,
11Yusufu nɛ́ Manase burinɔ gũn Susi nɛ́ Gadi,
12Dã burinɔ gũn Gɛmali nɛ́ Amiɛli,
13Asa burinɔ gũn Mukaila nɛ́ Setu,
14Nafatali burinɔ gũn Vofosi nɛ́ Nabi,
15Gada burinɔ gũn Maki nɛ́ Guɛli.
16Gbɛ̃ kũ Musa ń zĩ bùsu yakɛnɔn gwe. Musa tɔ́ kpà Nuni nɛ́ Oseanɛ Yɔsua.
17Kũ Musa tɛni ń zĩ Kanaanɔ bùsu yakɛ, à pìńnɛ: À bɔtɛ kũ Nɛgɛvi gbárannao à dí bùsu gusĩsĩdea. 18À gwa lákũ bùsuu pì de nà, tó a gbɛ̃nɔn gbãna kesɔ̃ ò busɛ, tó ò dasi kesɔ̃ ò dasiro, 19tó ń bùsu mana kesɔ̃ à vãni, tó ń wɛ̃tɛnɔn bĩni vĩ kesɔ̃ à vĩro, 20tó a zĩtɛ gbãna kesɔ̃ à bùsa, tó à línɔ vĩ kesɔ̃ à vĩro. À kokari kɛ à bùsuu pì línɛnɔ sɛ́tɛ à suo. Zaakũ geepi nɛ́ káakunɔ mana gɔrɔn dí. 21Akũ ò gɛ̀ɛ ò bùsuu pìi yakɛ̀ zaa Zini gbárannan ari Reobo, Lebo Amata kpa. 22Kũ ò bɔ̀tɛ kũ Nɛgɛvi gbárannao, ò kà Ɛblɔnu, gu kũ Anaki burinɔ Aima kũ Sesaio kũ Talamaio kún. Ɛblɔnu katɛna Zoã kũ à kú Misila ã wɛ̃̀ supplamɛ. 23Kũ ò kà Ɛsɛkɔlu guvutɛn, ò geepi línɛyɔ̃ do zɔ̃̀ gwe ò lòko lía, akũ gbɛ̃nɔn planɔn sɛna. Ò bísi kũ kakapuraoo sɛ̀ dɔ. 24Ò tɔ́ kpà gu pìinɛ Ɛsɛkɔlu guvutɛ, geepi línɛyɔ̃ kũ Isarailanɔ zɔ̃̀ gwe yãi. 25Kũ ò bùsuu pìi yakɛ̀ gɔrɔ bupla, akũ ò ɛ̀ra ò sù.
Gu'asirigwarinɔ baarukpanaa
26Kũ ò sù Kadɛsi, Parani gbárannan, ò gɛ̀ɛ Musa kũ Harunao kũ Isarailanɔ kĩnaa pínki. Ò sù kũ baaruuo Isarailanɔnɛ ń pínki, akũ ò bùsuu pì línɛnɔ mɔ̀ńnɛ. 27Ò yã pìi gbã̀ Musanɛ ò pì: O gɛ bùsu kũ n ó zĩn. Vĩ kũ zɔ́'io di gwe. A línɛnɔn dí. 28Ama bùsupidenɔ gbãna. Ń wɛ̃tɛnɔn bĩni vĩ akũsɔ̃ ń wɛ̃tɛ pìnɔn zɔ̃kɔ̃ manamana. O Anaki burinɔ è gwe se. 29Amalɛkinɔn kú Nɛgɛvi gbárannan. Itinɔ kũ Yebusinɔ kũ Amɔrinɔn kú bùsu gusĩsĩden, akũsɔ̃ Kanaanɔn kú ísira sarɛ kũ Yoda sarɛo. 30Kalɛbu gbɛ̃nɔ lɛ́ yĩ̀tɛ Musa arɛ, akũ à pì: Ò gɛ́ ò bùsu pì sí, zaakũ óni fɔ̃ ò zĩ̀ bleḿma. 31Akũ gbɛ̃ kũ ò gɛ̀ɛ kãaonɔ pì: Óni fɔ̃ ò lɛ́tɛ gbɛ̃ pìnɔaro, zaakũ ń gbãna deóla. 32Akũ ò bùsu kũ ò yakɛ̀ɛ pì gya bò Isarailanɔnɛ ò pì: Bùsu kũ o yakɛ̀ɛ pì bi bùsu kũ àdi a gbɛ̃nɔ mɔ́mɔmɛ. Gbɛ̃ kũ o ń é gwenɔ ń pínki bi gbɛ̃ gbã̀nanɔmɛ. 33O gbɛ̃ gbã̀nagbãnanɔ è gwe Anaki burinɔ ũ. O ó zĩda è lán babanɛnɔ bà, lɛn ó de lɛ ń wɛ́n se.
Currently Selected:
NARONAA 13: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
NARONAA 13
13
Gu'asirigwari gbɛ̃nɔn kuri awɛɛplanɔ zĩnaa
1Dikiri pì Musanɛ: 2Ǹ gbɛ̃nɔ zĩ ò gɛ́ Kanaanɔ bùsu kũ matɛn kpá Isarailanɔa yakɛ. Ǹ ń dizinɔ buri gbɛ̃ kũ ò de don'arɛde ũnɔ sɛ́ mɛ̀n dodo ǹ ń zĩ. 3Akũ à ń gbárɛ lɛ bona Parani gbárannan lákũ Dikiri ò nà. Gbɛ̃ pìnɔ bi Isaraila don'arɛdenɔmɛ ń pínki. 4Ń tɔ́nɔn dí:
Rubɛni burinɔ gũn Zaku nɛ́ Samua,
5Simɛɔ burinɔ gũn Ori nɛ́ Safata,
6Yuda burinɔ gũn Yefunɛ nɛ́ Kalɛbu,
7Isaka burinɔ gũn Yusufu nɛ́ Igali,
8Ɛflaimu burinɔ gũn Nuni nɛ́ Osea,
9Biliaminu burinɔ gũn Rafu nɛ́ Paliti,
10Zɛbuluni burinɔ gũn Sodi nɛ́ Gadiɛli,
11Yusufu nɛ́ Manase burinɔ gũn Susi nɛ́ Gadi,
12Dã burinɔ gũn Gɛmali nɛ́ Amiɛli,
13Asa burinɔ gũn Mukaila nɛ́ Setu,
14Nafatali burinɔ gũn Vofosi nɛ́ Nabi,
15Gada burinɔ gũn Maki nɛ́ Guɛli.
16Gbɛ̃ kũ Musa ń zĩ bùsu yakɛnɔn gwe. Musa tɔ́ kpà Nuni nɛ́ Oseanɛ Yɔsua.
17Kũ Musa tɛni ń zĩ Kanaanɔ bùsu yakɛ, à pìńnɛ: À bɔtɛ kũ Nɛgɛvi gbárannao à dí bùsu gusĩsĩdea. 18À gwa lákũ bùsuu pì de nà, tó a gbɛ̃nɔn gbãna kesɔ̃ ò busɛ, tó ò dasi kesɔ̃ ò dasiro, 19tó ń bùsu mana kesɔ̃ à vãni, tó ń wɛ̃tɛnɔn bĩni vĩ kesɔ̃ à vĩro, 20tó a zĩtɛ gbãna kesɔ̃ à bùsa, tó à línɔ vĩ kesɔ̃ à vĩro. À kokari kɛ à bùsuu pì línɛnɔ sɛ́tɛ à suo. Zaakũ geepi nɛ́ káakunɔ mana gɔrɔn dí. 21Akũ ò gɛ̀ɛ ò bùsuu pìi yakɛ̀ zaa Zini gbárannan ari Reobo, Lebo Amata kpa. 22Kũ ò bɔ̀tɛ kũ Nɛgɛvi gbárannao, ò kà Ɛblɔnu, gu kũ Anaki burinɔ Aima kũ Sesaio kũ Talamaio kún. Ɛblɔnu katɛna Zoã kũ à kú Misila ã wɛ̃̀ supplamɛ. 23Kũ ò kà Ɛsɛkɔlu guvutɛn, ò geepi línɛyɔ̃ do zɔ̃̀ gwe ò lòko lía, akũ gbɛ̃nɔn planɔn sɛna. Ò bísi kũ kakapuraoo sɛ̀ dɔ. 24Ò tɔ́ kpà gu pìinɛ Ɛsɛkɔlu guvutɛ, geepi línɛyɔ̃ kũ Isarailanɔ zɔ̃̀ gwe yãi. 25Kũ ò bùsuu pìi yakɛ̀ gɔrɔ bupla, akũ ò ɛ̀ra ò sù.
Gu'asirigwarinɔ baarukpanaa
26Kũ ò sù Kadɛsi, Parani gbárannan, ò gɛ̀ɛ Musa kũ Harunao kũ Isarailanɔ kĩnaa pínki. Ò sù kũ baaruuo Isarailanɔnɛ ń pínki, akũ ò bùsuu pì línɛnɔ mɔ̀ńnɛ. 27Ò yã pìi gbã̀ Musanɛ ò pì: O gɛ bùsu kũ n ó zĩn. Vĩ kũ zɔ́'io di gwe. A línɛnɔn dí. 28Ama bùsupidenɔ gbãna. Ń wɛ̃tɛnɔn bĩni vĩ akũsɔ̃ ń wɛ̃tɛ pìnɔn zɔ̃kɔ̃ manamana. O Anaki burinɔ è gwe se. 29Amalɛkinɔn kú Nɛgɛvi gbárannan. Itinɔ kũ Yebusinɔ kũ Amɔrinɔn kú bùsu gusĩsĩden, akũsɔ̃ Kanaanɔn kú ísira sarɛ kũ Yoda sarɛo. 30Kalɛbu gbɛ̃nɔ lɛ́ yĩ̀tɛ Musa arɛ, akũ à pì: Ò gɛ́ ò bùsu pì sí, zaakũ óni fɔ̃ ò zĩ̀ bleḿma. 31Akũ gbɛ̃ kũ ò gɛ̀ɛ kãaonɔ pì: Óni fɔ̃ ò lɛ́tɛ gbɛ̃ pìnɔaro, zaakũ ń gbãna deóla. 32Akũ ò bùsu kũ ò yakɛ̀ɛ pì gya bò Isarailanɔnɛ ò pì: Bùsu kũ o yakɛ̀ɛ pì bi bùsu kũ àdi a gbɛ̃nɔ mɔ́mɔmɛ. Gbɛ̃ kũ o ń é gwenɔ ń pínki bi gbɛ̃ gbã̀nanɔmɛ. 33O gbɛ̃ gbã̀nagbãnanɔ è gwe Anaki burinɔ ũ. O ó zĩda è lán babanɛnɔ bà, lɛn ó de lɛ ń wɛ́n se.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.