MATIU 4
4
Yesu yɔ̃ogwanaa
(Maa 1:12-13; Luk 4:1-13)
1Akũ Luda Nini gɛ̀ɛ kũ Yesuo gbárannan de Ibilisi a yɔ̃ à gwa. 2Yesu lɛ́ yĩ̀ fãnantɛ̃ kũ gwãanio ari gɔrɔ bupla. Kũ nà tɛni a dɛ, 3akũ gbɛ̃kɛkɛrii pìi nài à pì: Tó Luda Nɛ́mɛ n ũ, ǹ pi gbɛ̀ dínɔ li burodi ũ. 4Yesu wèa à pì: À kú Luda yãn ò pì:
Pɔ́blen bisãsiri nigɔ̃ kúo adoro,
sé yã kũ Luda tɛn o pínki.
5Akũ Ibilisi a sɛ̀ à gɛ̀ɛo Luda wɛ̃tɛn, à a zɛ̀ Luda kpɛ́ mìsɔ̃ntɛa 6à pì: Tó Luda Nɛ́mɛ n ũ, ǹ ɔ gbarɛ n zĩdai la, zaakũ à kɛ̃na Luda yãn ò pì:
Ani n yã o a malaikanɔnɛ.
Oni n sɛ́ ń ɔĩ de ǹsun gɛ̃̀ sí gbɛ̀ɛaro yãi.
7Yesu wèa à pì: Ò kɛ̃̀ dɔ ò pì,
ǹsun Dikiri n Luda lɛ́ ǹ gwaro.
8Akũ Ibilisi a sɛ̀ à gɛ̀ɛo dɔ kpi lei manamana musu, à andunia kpatanɔ mɔ̀nɛ pínki kũ ń aruzɛkɛnɔ 9à pì: Mani n gba adinɔ pínki, tó n kutɛ n donyĩ kɛmɛnɛ. 10Akũ Yesu pìnɛ: Ǹ gomala Setan! Zaakũ ò kɛ̃̀ Luda yãn ò pì:
Ǹ donyĩ kɛ Dikiri n Ludanɛ
ǹgɔ̃ doi ado.
11Akũ Ibilisi a tò gwe sà, akũ malaikanɔ sù ò kpài.
Yesu nana a zĩa zaa Galili
(Maa 1:14-15; Luk 4:14-15)
12Kũ Yesu mà ò Yahaya kũ̀ ò dà kpɛ́siran, akũ à tà Galili. 13Adi vutɛ Nazɛra doro, à gɛ̀ɛ à vùtɛ sɛ̀bɛɛ sarɛ Kapɛnamu, Zɛbuluni burinɔ kũ Nafatali burinɔ bùsun, 14de yã kũ annabi Isaya ò kɛ yãi à pì:
15Zɛbuluni burinɔ kũ Nafatali burinɔ bùsu,
zaa ísira kpa ari Yoda bara,
Galili bùsu kũ buri pãndenɔ kun pìi,
16ń gbɛ̃ kũ ò kú gusira gũnnɔ gupura zɔ̃kɔ̃ɔ è,
gu dɔ̀ bùsu kũ à kú ga lɛ́i pì denɔnɛ sà.
17Zaa gɔrɔ kũ̀a Yesu nà waazikɛnaaa à pì: À nɛ̀sɛ litɛ, kpata kũ à bò Luda kĩnaa kà kãni.
Yesu ìba káakunɔ sisinaa
(Maa 1:16-20; Luk 5:1-11)
18Kũ Yesu tɛn do Galili sɛ̀bɛɛi, à gbɛ̃nɔn planɔ è, vĩ̀ni kũ dakũnao, Simɔ kũ òdi pi Pita kũ a dakũna Anduruo. Òtɛn táaru kpá sɛ̀bɛɛ pìn, zaakũ sɔrɔkɔnɔmɛ. 19Akũ Yesu pìńnɛ: À mɔ́ à tɛ́mai, mani á kɛ gbɛ̃wɛtɛrinɔ ũ. 20Zaa gwe gɔ̃̀nɔ ò ń táarunɔ tòn, ò bò ò tɛ̀i. 21Kũ à gɛ̀ɛ arɛ, à gbɛ̃nɔn pla pãndenɔ è, vĩ̀ni kũ dakũnao dɔ, Zebedi nɛ́ Yamisi kũ a dakũna Yuhanao. Ò kú gó'itɛ gũn kũ ń de Zebedio, òtɛni ń táarunɔ kɛkɛ. Yesu ń sísi, 22akũ ò ń de tò gó gũn gwe gɔ̃̀nɔ, ò bò ò tɛ̀i.
Yesu yãdannɛnaa
(Luk 6:17-19)
23Yesu dìgɔ̃ kure Galili bùsun, àdi yã dańnɛ ń aduakɛkpɛnɔ gũn, àdi kpata kũ à bò Luda kĩnaa baaru kpá, àdi gbɛ̃nɔ kɛ̃kɔ̃a kũ gyã buri sĩnda pínkio. 24A tɔ́ dà Siria bùsula pínki, akũ òdigɔ̃ sunɛ kũ gbɛ̃ kũ òtɛn gyã buri sĩnda pínki kũ wãwão kɛnɔ kũ tãnadenɔ kũ lɛ́tɛlɛtɛgyãdenɔ kũ ɛrɛnɔ, akũ àdi ń werekɔ̃a. 25Ò bò Galili kũ Wɛ̃tɛmɛnkuri bùsuuo kũ Yurusalɛmuo kũ Yudeao kũ Yoda barao dasidasi ò tɛ̀i.
Currently Selected:
MATIU 4: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
MATIU 4
4
Yesu yɔ̃ogwanaa
(Maa 1:12-13; Luk 4:1-13)
1Akũ Luda Nini gɛ̀ɛ kũ Yesuo gbárannan de Ibilisi a yɔ̃ à gwa. 2Yesu lɛ́ yĩ̀ fãnantɛ̃ kũ gwãanio ari gɔrɔ bupla. Kũ nà tɛni a dɛ, 3akũ gbɛ̃kɛkɛrii pìi nài à pì: Tó Luda Nɛ́mɛ n ũ, ǹ pi gbɛ̀ dínɔ li burodi ũ. 4Yesu wèa à pì: À kú Luda yãn ò pì:
Pɔ́blen bisãsiri nigɔ̃ kúo adoro,
sé yã kũ Luda tɛn o pínki.
5Akũ Ibilisi a sɛ̀ à gɛ̀ɛo Luda wɛ̃tɛn, à a zɛ̀ Luda kpɛ́ mìsɔ̃ntɛa 6à pì: Tó Luda Nɛ́mɛ n ũ, ǹ ɔ gbarɛ n zĩdai la, zaakũ à kɛ̃na Luda yãn ò pì:
Ani n yã o a malaikanɔnɛ.
Oni n sɛ́ ń ɔĩ de ǹsun gɛ̃̀ sí gbɛ̀ɛaro yãi.
7Yesu wèa à pì: Ò kɛ̃̀ dɔ ò pì,
ǹsun Dikiri n Luda lɛ́ ǹ gwaro.
8Akũ Ibilisi a sɛ̀ à gɛ̀ɛo dɔ kpi lei manamana musu, à andunia kpatanɔ mɔ̀nɛ pínki kũ ń aruzɛkɛnɔ 9à pì: Mani n gba adinɔ pínki, tó n kutɛ n donyĩ kɛmɛnɛ. 10Akũ Yesu pìnɛ: Ǹ gomala Setan! Zaakũ ò kɛ̃̀ Luda yãn ò pì:
Ǹ donyĩ kɛ Dikiri n Ludanɛ
ǹgɔ̃ doi ado.
11Akũ Ibilisi a tò gwe sà, akũ malaikanɔ sù ò kpài.
Yesu nana a zĩa zaa Galili
(Maa 1:14-15; Luk 4:14-15)
12Kũ Yesu mà ò Yahaya kũ̀ ò dà kpɛ́siran, akũ à tà Galili. 13Adi vutɛ Nazɛra doro, à gɛ̀ɛ à vùtɛ sɛ̀bɛɛ sarɛ Kapɛnamu, Zɛbuluni burinɔ kũ Nafatali burinɔ bùsun, 14de yã kũ annabi Isaya ò kɛ yãi à pì:
15Zɛbuluni burinɔ kũ Nafatali burinɔ bùsu,
zaa ísira kpa ari Yoda bara,
Galili bùsu kũ buri pãndenɔ kun pìi,
16ń gbɛ̃ kũ ò kú gusira gũnnɔ gupura zɔ̃kɔ̃ɔ è,
gu dɔ̀ bùsu kũ à kú ga lɛ́i pì denɔnɛ sà.
17Zaa gɔrɔ kũ̀a Yesu nà waazikɛnaaa à pì: À nɛ̀sɛ litɛ, kpata kũ à bò Luda kĩnaa kà kãni.
Yesu ìba káakunɔ sisinaa
(Maa 1:16-20; Luk 5:1-11)
18Kũ Yesu tɛn do Galili sɛ̀bɛɛi, à gbɛ̃nɔn planɔ è, vĩ̀ni kũ dakũnao, Simɔ kũ òdi pi Pita kũ a dakũna Anduruo. Òtɛn táaru kpá sɛ̀bɛɛ pìn, zaakũ sɔrɔkɔnɔmɛ. 19Akũ Yesu pìńnɛ: À mɔ́ à tɛ́mai, mani á kɛ gbɛ̃wɛtɛrinɔ ũ. 20Zaa gwe gɔ̃̀nɔ ò ń táarunɔ tòn, ò bò ò tɛ̀i. 21Kũ à gɛ̀ɛ arɛ, à gbɛ̃nɔn pla pãndenɔ è, vĩ̀ni kũ dakũnao dɔ, Zebedi nɛ́ Yamisi kũ a dakũna Yuhanao. Ò kú gó'itɛ gũn kũ ń de Zebedio, òtɛni ń táarunɔ kɛkɛ. Yesu ń sísi, 22akũ ò ń de tò gó gũn gwe gɔ̃̀nɔ, ò bò ò tɛ̀i.
Yesu yãdannɛnaa
(Luk 6:17-19)
23Yesu dìgɔ̃ kure Galili bùsun, àdi yã dańnɛ ń aduakɛkpɛnɔ gũn, àdi kpata kũ à bò Luda kĩnaa baaru kpá, àdi gbɛ̃nɔ kɛ̃kɔ̃a kũ gyã buri sĩnda pínkio. 24A tɔ́ dà Siria bùsula pínki, akũ òdigɔ̃ sunɛ kũ gbɛ̃ kũ òtɛn gyã buri sĩnda pínki kũ wãwão kɛnɔ kũ tãnadenɔ kũ lɛ́tɛlɛtɛgyãdenɔ kũ ɛrɛnɔ, akũ àdi ń werekɔ̃a. 25Ò bò Galili kũ Wɛ̃tɛmɛnkuri bùsuuo kũ Yurusalɛmuo kũ Yudeao kũ Yoda barao dasidasi ò tɛ̀i.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.