YAMISI 2
2
Gbɛ̃ wɛ́ gwanaa
1Ma gbɛ̃nɔ, ákɔ̃nɔ kũ átɛni ó Dikiri gakuride Yesu Kirisi náani kɛnɔ, àsun gbɛ̃ wɛ́ gwaro. 2Tó gbɛ̃ gɛ̃̀ á kɔ̃kakaranaa gũn wura tãnka kũ pɔ́kasa tɛ́kɛnaao dana, tó takaside kũ à bizakasa gbãsĩ danaa gɛ̃̀ se, 3tó á wɛ́ tɛ́ gbɛ̃ kũ à pɔ́kasa tɛ́kɛna danaai, tó a pìnɛ à mɔ́ à vutɛ gu manan, tó a pì takasidenɛ à gɛ́ à zɛ dire, kesɔ̃ à mɔ́ à vutɛ á gbá sarɛ, 4átɛn kɔ̃ tɛ̃̀ bomɛ, átɛn yã gwa kũ manafikion gweroo?
5À ma, ma gbɛ̃ yenyĩdenɔ. Luda gbɛ̃ kũ ò de gbãnasaridenɔ ũ andunia gbɛ̃nɔnɛ sɛ̀ ògɔ̃ gbãna a náanikɛnaa gũn, de ò kpata kũ à a lɛ́ sɛ̀ gbɛ̃ kũ ò yeinɔnɛ ble. 6Ákɔ̃nɔ sɔ̃, átɛn gbãnasaride pìnɔ kpe bo. Aruzɛkɛdenɔ mɛ́ òdi gbãna bleáwaroo? Mɔ́kɔ̃nɔ mɛ́ òdi á gátɛ ò gɛ́ kãáo yãkpatɛkɛkiaroo? 7Mɔ́kɔ̃nɔ mɛ́ òdi tɔ́ nna kũ à kúáwa yakaroo? 8Luda dokayã mìde pì, àgɔ̃ ye á gbɛ̃dakei lán á zĩda wɛ̃̀ndii bà. Tó á yã pì kũna yãpura, átɛn yã kɛ a zɛ́amɛ. 9Tó átɛn kɔ̃ wɛ́ gwa sɔ̃, átɛn durunna kɛmɛ. Doka pìi vùtɛáwa, a gɔ̃ taaridenɔ ũn gwe. 10Zaakũ tó gbɛ̃ doka kũna pínki, tó à fù mɛ̀n doa, à gɔ̃̀ taaride ũ a pínki gũmmɛ. 11Luda pì, àsun zina kɛro. À pì dɔ, àsun gbɛ̃ dɛro. Bee tó ńdi zina kɛro, tó n gbɛ̃ dɛ̀, n gɔ̃ dokadarisari ũmɛ. 12Ákɔ̃nɔ kũ Luda ni yã gɔ̃gɔ̃ kãáo doka kũ àdi tó ò gɔ̃ zĩdadenɔ ũ musu, àgɔ̃ yã o, àgɔ̃ yã kɛ lákũ à kɔ̃ sì kãáo nà. 13Luda ni yãkpatɛ kɛ kũ sùrusaridenɔ sùruu sari, ama yã ni bo kũ sùrudeo nna.
Ludanaanikɛna kũ yãmanakɛnaao
14Ma gbɛ̃nɔ, tó gbɛ̃ pì, átɛn Luda náani kɛ, tó àdi pɔ́ke kɛro, bɔ́ yãn gwee? Ludanaanikɛna bire taka ni fɔ̃ à a bo yá? 15Tó á gbɛ̃ mɛ̀n do, gɔ̃gbɛ̃ ke nɔgbɛ̃ tɛn pɔ́kasa kũ pɔ́bleo takasi kɛ, 16tó á gbɛ̃ke pìnɛ: Luda n gba aafiaa! Ǹsun tó ĩa n dɛro, ǹ pɔ́ ble ǹ kã, tó adi wɛ̃̀ndibadɔbɔ kpáaro, bɔ́n abire ũu? 17Lɛmɛ se ludanaanikɛna ado pɔ́kekɛnaa sari bi yã gɛ̀ɛmɛ.
18Tó gbɛ̃ n pì, ntɛn Luda náani kɛ, akũsɔ̃ matɛn yã kɛ, mani pinnɛ, ǹ n ludanaanikɛna pɔ́kekɛnasari mɔmɛnɛ, mani ma ludanaanikɛna mɔnnɛ ma yãkɛnaa gũn. 19N sì kũ Luda mɛ̀n domɛ. À mana. Bee tãnanɔ se, ò dɔ̃ lɛ, akũ òdigɔ̃ lukaluka. 20Yɔ̃nkɔ! Pɔ́ kũ à tò ludanaanikɛna pɔ́kekɛnasari pã, ń ye mà onnɛ yá? 21Kũ ó dizi káaku Ibrahĩ a nɛ́ Isaaku kpà sa'opɔ ũ, yã dí bo kãao nna a yãkɛna yãiroo? 22N è yá? A ludanaanikɛna kũ a yãkɛnaao kpákɔ̃imɛ. A yãkɛna mɛ́ à a ludanaanikɛna pàpai. 23Akũ Luda yã díkĩna pàpa kũ à pì, Ibrahĩ Luda náani kɛ̀, akũ Luda tò yã bò kãao nna a náani kũ à kɛ̀ yãi. Akũ ò tɔ́ kpànɛ Luda gbɛ̃nna. 24A è yá? Yãkɛna mɛ́ àdi tó yã bo kũ gbɛ̃o nna, adi kɛ ludanaanikɛna adonlo. 25Lɛmɛ dɔ karua Rahabu kɛ̀ nna kũ Ludao a yãkɛna yãi, gɔrɔ kũ à gu'asirigwarinɔ dìtɛ à ń gbarɛ zɛ́ kpãni gũn. 26Lákũ mɛ̀ ninisari de gɛ̀ ũ nà, lɛn ludanaanikɛna pɔ́kekɛnasari de gɛ̀ ũ lɛ se.
Currently Selected:
YAMISI 2: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
YAMISI 2
2
Gbɛ̃ wɛ́ gwanaa
1Ma gbɛ̃nɔ, ákɔ̃nɔ kũ átɛni ó Dikiri gakuride Yesu Kirisi náani kɛnɔ, àsun gbɛ̃ wɛ́ gwaro. 2Tó gbɛ̃ gɛ̃̀ á kɔ̃kakaranaa gũn wura tãnka kũ pɔ́kasa tɛ́kɛnaao dana, tó takaside kũ à bizakasa gbãsĩ danaa gɛ̃̀ se, 3tó á wɛ́ tɛ́ gbɛ̃ kũ à pɔ́kasa tɛ́kɛna danaai, tó a pìnɛ à mɔ́ à vutɛ gu manan, tó a pì takasidenɛ à gɛ́ à zɛ dire, kesɔ̃ à mɔ́ à vutɛ á gbá sarɛ, 4átɛn kɔ̃ tɛ̃̀ bomɛ, átɛn yã gwa kũ manafikion gweroo?
5À ma, ma gbɛ̃ yenyĩdenɔ. Luda gbɛ̃ kũ ò de gbãnasaridenɔ ũ andunia gbɛ̃nɔnɛ sɛ̀ ògɔ̃ gbãna a náanikɛnaa gũn, de ò kpata kũ à a lɛ́ sɛ̀ gbɛ̃ kũ ò yeinɔnɛ ble. 6Ákɔ̃nɔ sɔ̃, átɛn gbãnasaride pìnɔ kpe bo. Aruzɛkɛdenɔ mɛ́ òdi gbãna bleáwaroo? Mɔ́kɔ̃nɔ mɛ́ òdi á gátɛ ò gɛ́ kãáo yãkpatɛkɛkiaroo? 7Mɔ́kɔ̃nɔ mɛ́ òdi tɔ́ nna kũ à kúáwa yakaroo? 8Luda dokayã mìde pì, àgɔ̃ ye á gbɛ̃dakei lán á zĩda wɛ̃̀ndii bà. Tó á yã pì kũna yãpura, átɛn yã kɛ a zɛ́amɛ. 9Tó átɛn kɔ̃ wɛ́ gwa sɔ̃, átɛn durunna kɛmɛ. Doka pìi vùtɛáwa, a gɔ̃ taaridenɔ ũn gwe. 10Zaakũ tó gbɛ̃ doka kũna pínki, tó à fù mɛ̀n doa, à gɔ̃̀ taaride ũ a pínki gũmmɛ. 11Luda pì, àsun zina kɛro. À pì dɔ, àsun gbɛ̃ dɛro. Bee tó ńdi zina kɛro, tó n gbɛ̃ dɛ̀, n gɔ̃ dokadarisari ũmɛ. 12Ákɔ̃nɔ kũ Luda ni yã gɔ̃gɔ̃ kãáo doka kũ àdi tó ò gɔ̃ zĩdadenɔ ũ musu, àgɔ̃ yã o, àgɔ̃ yã kɛ lákũ à kɔ̃ sì kãáo nà. 13Luda ni yãkpatɛ kɛ kũ sùrusaridenɔ sùruu sari, ama yã ni bo kũ sùrudeo nna.
Ludanaanikɛna kũ yãmanakɛnaao
14Ma gbɛ̃nɔ, tó gbɛ̃ pì, átɛn Luda náani kɛ, tó àdi pɔ́ke kɛro, bɔ́ yãn gwee? Ludanaanikɛna bire taka ni fɔ̃ à a bo yá? 15Tó á gbɛ̃ mɛ̀n do, gɔ̃gbɛ̃ ke nɔgbɛ̃ tɛn pɔ́kasa kũ pɔ́bleo takasi kɛ, 16tó á gbɛ̃ke pìnɛ: Luda n gba aafiaa! Ǹsun tó ĩa n dɛro, ǹ pɔ́ ble ǹ kã, tó adi wɛ̃̀ndibadɔbɔ kpáaro, bɔ́n abire ũu? 17Lɛmɛ se ludanaanikɛna ado pɔ́kekɛnaa sari bi yã gɛ̀ɛmɛ.
18Tó gbɛ̃ n pì, ntɛn Luda náani kɛ, akũsɔ̃ matɛn yã kɛ, mani pinnɛ, ǹ n ludanaanikɛna pɔ́kekɛnasari mɔmɛnɛ, mani ma ludanaanikɛna mɔnnɛ ma yãkɛnaa gũn. 19N sì kũ Luda mɛ̀n domɛ. À mana. Bee tãnanɔ se, ò dɔ̃ lɛ, akũ òdigɔ̃ lukaluka. 20Yɔ̃nkɔ! Pɔ́ kũ à tò ludanaanikɛna pɔ́kekɛnasari pã, ń ye mà onnɛ yá? 21Kũ ó dizi káaku Ibrahĩ a nɛ́ Isaaku kpà sa'opɔ ũ, yã dí bo kãao nna a yãkɛna yãiroo? 22N è yá? A ludanaanikɛna kũ a yãkɛnaao kpákɔ̃imɛ. A yãkɛna mɛ́ à a ludanaanikɛna pàpai. 23Akũ Luda yã díkĩna pàpa kũ à pì, Ibrahĩ Luda náani kɛ̀, akũ Luda tò yã bò kãao nna a náani kũ à kɛ̀ yãi. Akũ ò tɔ́ kpànɛ Luda gbɛ̃nna. 24A è yá? Yãkɛna mɛ́ àdi tó yã bo kũ gbɛ̃o nna, adi kɛ ludanaanikɛna adonlo. 25Lɛmɛ dɔ karua Rahabu kɛ̀ nna kũ Ludao a yãkɛna yãi, gɔrɔ kũ à gu'asirigwarinɔ dìtɛ à ń gbarɛ zɛ́ kpãni gũn. 26Lákũ mɛ̀ ninisari de gɛ̀ ũ nà, lɛn ludanaanikɛna pɔ́kekɛnasari de gɛ̀ ũ lɛ se.
Bisã Bible © SIM International, 2005.