9
I pantchti phurdepaskri
1Un o pantchto bolepaskro phurdas an peskri phurdepaskri#9:1 phurdepaskri trompeta . Un me dikom i bolepaskri momeli, hoi tele ap i phub peras. Un koja kras o telstunepen pre. 2Koi was i jagakri khand dran o telstunepen win, har i jagakri khand dran i baro bob win wella. Un koi jagakri khand hadas pes pre, un tchakras o kham un o bolepen, jaake te was rat. 3Dran koi jagakri khand wan stepangre#9:3 stepangre, ap gadjkenes: Heuschrecken win ap i phub. Kolla lan i soor, te denn le tchurje, jaake har i skorpione denn tchurje. 4Un lenge was penlo, te dukrenn le gar o senlepen ap i phub, witar gar i ruka. Jon hunte dukrenn kol menshen kokres, kai kek Debleskro sikepen glan ap lengre shere hi. 5Kol menshen hunte dukrenn le pantch tchon#9:5 tchon, ap gadjkenes: Monat, Mond , un hunte marenn len gar. Lengre duka wenn jaake baro, har te dans len i skorpione tchurje. 6Un an ko tsiro kamenn i menshe te merell, un nashte merenn gar. Lengro dji nashell pal o merepen, un o merepen nashell lendar.
7Un kol stepangre his har graja, kai djan an o kurepen. Un hakenes his ap leskro shero tchomone har i shereskro sonakai#9:7 shereskro sonakai, ap gadjkenes: goldene Krone , jaake har bare rajen hi. Un lengre muja his jaake, har wans le menshengre muja. 8Un lengre balla his har djuwjengre balla. Un len his danda har i bari diwji margodja. 9Un ap lengro betch his len sasterne gada. Un koi gole, hoi lengre mussja kran, his har koi gole, hoi bud wurdja pengre grajentsa krenn, kai an o kurepen nashenna. 10Un len his porja#9:10a porja, ap gadjkenes: Schwänze , un dan tchurje har i skorpione tchurje denna. Un lengri soor his an lengre porja, te dukrenn le i menshen pantch tchonna#9:10b tchon, ap gadjkenes: Monat, Mond . 11Un len hi i rai pral pende. Kowa hi o bolepaskro pral o telstunepen#9:11 telstunepenkate ap gadjkenes: Abgrund . Kowa kharell ap hebretikes Abadon. Un ap grichtikes kharell lo Apoljon.
12Jek bibacht was ap i menshende. Un dui wawar wenn pal kaja.
I shobti phurdepaskri
13Un o shobto bolepaskro phurdas an peskri phurdepaskri. Un me shunom i rakepen. Kowa was win dran kol star shinga#9:13b shinga, ap gadjkenes: Hörner , hoi ap o Debleskro sonakaskro bob hi, ap koleste gudlo kasht o Debleske chatchedo wella. Ko sonakaskro bob hi glan o Debleste tardo. 14Un ko rakepen penas ap ko shobto bolepaskro, kai hi les koi phurdepaskri an o wast: “Muk kol star bolepangre te djal, kai pash o baro pani Eufrat pandlo hi! Kre lengre shelle pre!”
15Un kol starenge wan lengre shelle pre kerdo, te krenn le koi budi, hoi hunte krenn le ap kau diwes, an kau tchon, an kau bersh: Jon hunte marenn hako triinto menshes ap i phub. 16Un me shunom, kitse lurde ap pengre graja an o kurepen djan. Kolla his biish serja kope deesh serja.
17Un me dikom kol grajen un kolen, kai ap lende klissenna. Kolengre sasterne gada his lolo har i jag un blaueto un djelto. I grajen his shere har bare diwje margodja. Un dran lengre muja was jag un khand, hoi marella. 18Koi jag un koi khand maran hako triinto menshes. 19I grajen hi lengri soor an lengre muja un an lengre porja. Lengre porja hi har sapa, un len hi shere. Kolentsa dukrenn le i menshen phares. 20Un kol wawar menshe, kai gar maredo wan, kolla mukan gar pengro tchilatcho drom, un mukan gar tele, te mangenn le kowa an, hoi jon pen pengre wastentsa kran. Jon mukan gar tele, te mangenn le i bengen#9:20 I bibolde patsan, kai his jek pralstuno beng un ninna bud tikne benga, kai leske koi hi. an, witar gar kol figuren dran sonakai, rup, saster, barra un kasht, hoi gar nai dikenna, un gar nai shunenna, un gar nai nashenna. 21Un jon mukan gar pengro bengeskro koowa un pengro wi-ladjedo koowa, un mukan gar tele te marell un te tchorell.
