Debleskro tsiro 15

I newi gili

1Un me dikom i wawar baro koowa an o bolepen. Kowa his baro un dareno. Kote his efta bolepangre, kai anenn efta kope i bari phagi#15:1 phagi, ap gadjkenes: Strafe pral i phub. Pal koi eftati phagi well buder kek phagi. Palle hi o Dewel buder gar chojedo.

2Un me dikom tchomone har i baro pani. Kowa his djudjo har i wali. Un jag his koi dren. Un pash o baro pani dikom me kolen, kai sorleder his har ko viecho un har ko viecho, hoi i menshendar kerdo was. Jon mukan witar gar, te was o viecheskro lab ap lende tchinlo. Un len his bashepangre, hoi kharenna harfe. Kolen das lende o Dewel an lengre wasta.

3Un jon giwan koi gili, hoi o Debleskro budepaskro, o Mose, giwas. Jon giwan lat o terno bakreske, un penan:

Baro un shukar hi halauter,

hoi tu kral,

maro rai, tu sorelo Dewel!

Mishto un tchatcho hi tire dromma,

baro rai pral i tsele themma!

4Tutar darella hakeno,

tiro labestar penenn le:

Har baro un shukar hi lo!

Maro rai, o baro Dewel hal tu.

Kek wawar hi jaake har tu.

I raja wenna dran hake themma;

glan tute witsrenn le pen tele,

te sharenn le tut.

Lauter dikan,

har pal o tchatchepen tu djal,

har tu i menshende lengri phagi dal.

O Debleskro kheer an o bolepen

5Un pal kowa dikom, har koi kutch isema#15:5a isema, ap gadjkenes: Zimmer pre kerdo was an o Debleskro kheer#15:5b Kowa hi o Debleskro plachteno kheer, ap gadjkenes: Stiftshütte an o bolepen.

6Un kol efta bolepangre, kai efta kope i bari phagi pral i phub anenna, kolla wan dran o Debleskro kheer win. Len his djudje parne ripja ap pende, un trul lengro betch buchle sonakangre dorja.

7Kote his ninna kol star sorele bolepangre tardo. Un jek lendar das kol efta bolepangren efta sonakangre tchare an lengre wasta. An kol tchare his i choli o Deblestar, kai djiwell kanna un hako tsireske.

8Un o Debleskro kheer his pherdo tampa, hoi was dran o Debleskro railepen un soor. Un kek nai djas kote an o Debleskro kheer dren, bis te anan kol efta bolepangre efta kope i bari phagi pral i phub.

Currently Selected:

Debleskro tsiro 15: Sint2021

Highlight

Copy

Compare

Want to have your highlights saved across all your devices? Sign up or sign in

Erste Auflage

Die Lizenzvereinbarung erlaubt eine nicht-kommerzielle Nutzung des Textes. Änderungen des Textes sind jedoch untersagt. Der Rechteinhaber, Romanes-Arbeit-Marburg e.V., muss bei jeder Veröffentlichung erwähnt werden. Für jegliche kommerzielle Verbreitung muss ein Herausgeber beim Rechteinhaber eine schriftliche Genehmigung beantragen.

Herausgeber und Vertrieb: Romanes-Arbeit-Marburg e.V., Germany

info@romanes-arbeit-marburg.de

ISBN: 978-3-00-068366-4

Illustrationen von Louise Bass und Horace Knowles © The British amp Foreign Bible Society, 1954, 1967, 1972, 1994, 1995

Farbige Illustrationen mit Erlaubnis von Louise Bass

Learn More About O Debleskro Drom 2021 (Sinte)

Popular Bible Verses from
Debleskro tsiro 15

Listen to Debleskro tsiro 15

Videos for Debleskro tsiro 15

Revelation 15-16

BibleProject

The Revelation 12-22

BibleProject

Revelation 14-16

Spoken Gospel

God Wins: The Book of Revelation

Eyewitness Bible Series