ALƐ̍FƐ̄SUSI 6
6
Lɛlā yī ayi̍ ba̍la āchɛ nīi ma wa̍ ma̍
1Ayi̍, ala̍ ā pɔ̍ɔkɔ yī āchɛ nīi ma ala̍ ma̍. Bāa Āchɛ yī Ikra̍yisi ma̍, ɔjā nīi ngma̍ nīi ala̍ ge̍ē ya̍ ma̍ bī aa̍ a̍nɛ. 2“Tū a̍dā yī wɔ ba̍la ɛ̍nɛ̍ yī wɔ lichō” anu̍ - Lihɔ yī Ɔwɔ ɔrāarāa nīi oko̍o ochōche chɔba la anu̍ a̍nɛ. Oko̍o ochōche ɔla̍ā re̍ka, 3“Ya̍ i̍ngɔ̍ɔ hɛ̄ɛbɛ nīi o̍ ge̍ hwɔhi hwɔhi de wɔ nīi a ā hɔ̄leyī kpɛɛ amu la ajɛyɛ̄ɛchɛ nūma̍.”
4Āchɛ ɛma ayi̍, ala̍ e̍e ya̍ ayi̍ yī ala̍ lɛlā la ɔpɔ̄pū nīi e̍ ge̍ē de ē ya̍ ɔtū ngurangura ma̍ ni̍. Ɔkɔkɔ ɔla̍ā, ala̍ bī wā chabɔ̄ yī lɛlā hu̍ wā, ngū wā la ɔpɔ̄pū lɔkɔ nīi Āchɛ yī Ikra̍yisi ē yɛ̍ɛ̄lā ma̍.
Lɛlā yī afiyɛ ba̍la abābā
5Afiyɛ, ala̍ ā pɔ̍ɔkɔ yī abā yī ala̍ nīi - āchɛ̄ɛchɛ ma̍. Ala̍ ā tūuhwi hi̍bi̍īyē ejē de wa̍. Ala̍ ā ya̍ i̍ngɔ̍ɔ bū la ūkpɔ̄tū olēchi̍ lēchi̍ bɔ̄ɔjā nīi Ikra̍yisi nīi ala̍ yɛ ē hɔ̍chɛ̍ yī nū a̍nɛ ma̍. 6I̍ ɔya̍ i̍ngɔ̍ɔ yɛ̄grāa ke̍e̍ nīi e̍ yɛ ē ma̍ ala̍ ma̍, hɛ̄ɛbɛ ka ɔnɛ̄ɛhɛhi yī ala̍ ni̍. Ala̍ ā bī ūkpɔ̄tū yī ala̍ wa̍a̍ ya̍ i̍ngɔ̍ɔ lɔkɔ nīi Ɔwɔ chikpo̍ ma̍ bāa afiyɛ yī Ikra̍yisi ɔlɔjā ma̍. 7Ala̍ ā ya̍ u̍ku̍rɔ̍ yī ala̍ bāa afiyɛ ma̍ la ūkpɔ̄tū ɔlɛgbadagbada. Ala̍ ā ya̍ bɔ̄ɔjā nīi Ādā ɔlɔjā nīi ala̍ yɛ ē ya̍ ē de ɔ̍ a̍nɛ, nīi o̍ i̍ āchɛ̄ɛchɛ ɛha̍ ji nɛ̄ɛ ni̍ ma̍. 8Je̍ka aa̍ ala̍ jo̍ōkū hīka Ādā ge̍ē kla̍ ɔ̄chɛmɔ̄chɛ ure̍ yī u̍ku̍rɔ̍ ɔnɛ̄ɛhɛhi nīi ɔlɔjā ya̍ ma̍, ɔlɔjā ge̍ ro̍ōre̍ka ɔfiyɛ kɛ̄ɛ ɔywɔ̍lɛ̍?
9Āchɛ nīi - abābā ma̍, ala̍ ā ya̍ i̍ngɔ̍ɔ gala ɔgɔgu ɔla̍ā tāa āchɛ nīi - afiyɛ yī ala̍ ma̍ gɛ. Ala̍ ā pi̍ye̍mā la ɔhwa wa̍ ɔhwɔ̄hwa gɛ. Je̍ka aa̍ ala̍ jo̍ōkū hīka ala̍ ɛlɛjā tūla afiyɛ la afiyɛ yī ala̍ lɛ Abābā ūkpo̍he hɔ̄ abɔ̍ɔ la ichō. Anu̍ ma̍ ē chī bī ɔgulɛ̄lā ūkpo̍he ē hlɛ̍ɛ̄pɔ̄ yī āchɛ wa̍a̍.
Ɛjālɛ̄wu̍ nīi - iyī Ɔwɔ ma̍
10Ɔchlɛhu̍ yī nū wa̍a̍, ala̍ ā de wɔhu̍ yī ala̍ wa̍a̍ ngmo̍tu̍chɛ̄ ba̍la Ādā ɔlɔjā, bū la wɔhu̍ ɔnɔ̄kɔ̄kū gba̍a̍ nīi o̍ lɛ ma̍ gɛ. 11Ala̍ ā kpo̍ ɛjālɛ̄wu̍ nīi Ɔwɔ de de ala̍ ma̍ tū gɛ, hɛ̄ɛbɛ nīi ala̍ ge̍ jɔ̍ɔkɔ yarɛ brii pīyeyīta̍ a̍chālā ɔdwɔ̄bi̍ yī Ɔngūwɛ̄gā ɔla̍ā. 12Wu̍chē oji̍ nɛ, i̍ āchɛ̄ɛchɛ nīi alɔ ge̍ē kplɛ̍wu̍ nūma̍ ē tāa aa̍ a̍ni̍. Wɔhu̍ ɔdwɔ̄bi̍ yī uhu ɛdwɔ̄bi̍ ɛha̍ nīi bī ɛbɛ abɔ̍ɔ la ichō ma̍, enīi ē deyīrɛ ɛbɛ ma̍, ba̍la enīi ē bī wɔhu̍ yī ɛbɛ ma̍, ba̍la wɔhu̍ obōbī nīi - iyī yɛchɛ odobū nūma̍ ma̍, aa̍ nīi alɔ ge̍ē kplɛ̍wu̍ ba̍la aa̍ a̍nɛ. 13Ala̍ ā kpo̍ ɛjālɛ̄wu̍ yī Ɔwɔ tū gɛ, hɛ̄ɛbɛ nīi ɔ̄chī ɔdwɔ̄bi̍ ɔla̍ā ge̍ wā ma̍ nīi ala̍ ge̍ jɔ̍ɔkɔ nunu brii tāa ɛchɛlɛwu̍ ɛla̍ā nīi ge̍ē wā la ala̍ ma̍. Bū la ɛbɛ ɔla̍ā, ala̍ ge̍ kplɛ̍wu̍ i̍ngɔ̍ɔ kpɛɛ nīi o̍ kwɛ̍ɛjī ma̍, ajɛ yī lɛwu̍ yī ala̍ ɔha̍lɔha̍ i̍ ge̍ē bi̍ ē mɛ ni̍ kpɛkpɛ.
14O̍ lɛ i̍ngɔ̍ɔ ma̍, ala̍ ā tībi̍īyē gɛ: Ala̍ ā nāa lɛlā olēchi̍ lēchi̍ bāa wɔkpa̍ oku̍lowu ma̍. Ode lɛ kpakpa la eyī yī Ɔwɔ ge̍ re̍ka a̍bi̍ije ɔlɛpatapata ode kla̍ lɛ ɔgɛgɛ. 15Ibi̍īyē otōtū la oge̍ bī Wɔ̄kā Ɔlwɔnyɛ yī ogbodɔ̍dɔ̍ ge̍ ka de āchɛ ge̍ re̍ka wɔkpa̍ ochelikpo̍ yī ala̍. 16Yɛ̄grāa ɔha̍lɔha̍, ala̍ ā bī ɔtū ode chōche nīi o̍ ge̍ lɛ bɔ̄ɔkɔ nīi ɔ̄chɛ ē bī o̍ku̍ma̍dā ma̍. Anu̍ nīi ala̍ ge̍ē bī ku̍ ɔwī ɔlɔlɔ̍la̍ ɔla̍ā nīi anu̍ Ɔdwɔ̄bi̍ Ɔla̍ā ta̍ ma̍ a̍nɛ. 17Ala̍ ā nāa ɔhɛ̍ta̍ yī ala̍ bāa okpo ɔkla̍lɛhu̍ olojoje ma̍. Ala̍ ā nāa lɛlā yī Ɔwɔ bāa oge nīi Uhu yī Ɔwɔ de de ala̍ ma̍. 18Ala̍ ā yɛ̍ɛ̄lā nūma̍ i̍ngɔ̍ɔ wa̍a̍ la ɔhā ojōji de Ɔwɔ, ka nīi o̍ ge̍ tū ala̍ wɔbɔ̄. Ala̍ ā jɔhā de Ɔwɔ yɛ̄grāa yī lɛlā ɔha̍lɔha̍ wa̍a̍ lɔkɔ nīi Uhu yī Ɔwɔ ge̍ē bī ala̍ ya̍ i̍ngɔ̍ɔ ma̍. Wu̍chē yī ɔla̍ā, ala̍ ā kū grigri gɛ! Ala̍ e̍e wa̍ābɔ̄ ni̍! Ala̍ ā jɔhā de āchɛ wa̍a̍ nīi - āchɛ yī Ɔwɔ ma̍. 19Ala̍ ā jɔhā de ami i̍ngi̍ngɔ̍ɔ, hɛ̄ɛbɛ nīi Ɔwɔ ge̍ de ɛrɔ̄ ɔha̍ de u yɛ̄grāa nīi n ge̍ tībi̍īyē ge̍ē ka ma̍; hɛ̄ɛbɛ nīi n ē ge̍ ka grigri; de ochi̍chi̍ yī lɛlā ɔtrɛ̍ba yī Wɔ̄kā Ɔlwɔnyɛ yī Ɔwɔ ka lā yɛchɛ. 20Wu̍chē yī Wɔ̄kā Ɔlwɔnyɛ yī Ɔwɔ nūma̍ nīi n de pīya ɔyɔ̍ɔlɛrɔ̄ a̍nɛ. U̍ma̍ama ma̍, n chī e̍e tū amu la igbakɔbɔ we̍. Ala̍ ā jɔhā de u hɛ̄ɛbɛ nīi n ē lwɔhu̍ kɛlā yī nū grigri lɔkɔ nīi o̍ ngma̍ nīi n ge̍ē ya̍ ma̍.
Ɔma̍kpɔɔ
21Iti̍kīkusi nīi - ɔɔ̍nɛ̍ yī alɔ lēchi̍ lēchi̍ la abɔ̄ yī Ikra̍yisi ma̍ ge̍ē koko̍o yī lɛlā yī u wa̍a̍ ē de ala̍. Ɔ̄chɛ ode ɔtū che ɔ̍ la u̍ku̍rɔ̍ yī Ādā nīi o̍ yɛ ē ya̍ ma̍ nɛ. O̍ ge̍ē ya̍ nīi ala̍ ē jo̍ōkū lɔkɔ nīi n hɔ̄ amu ma̍. 22Ɔla̍ā - ohu̍ nīi n yɛ ē de ɔ̍ ē tɛ̄rɔ̄ hu ala̍ a̍nɛ, hɛ̄ɛbɛ nīi o̍ ge̍ē koko̍o ē de ala̍ lɔkɔ nīi alɔ wa̍a̍ gblāa amu ma̍. Bū la ɛbɛ ɔla̍ā, o̍ ge̍ē de ūkpɔ̄tū onīpīpɛ̄ tū ala̍ ē gāa iyɔ̄bū iyɔ̄bū.
23Ɔwɔ A̍dā ba̍la Iji̍sɔ̄ɔsi Ikra̍yisi nīi - Ādādā yī alɔ ma̍ ge̍ de ogbodɔ̍dɔ̍ ba̍la ɔhɔtū de ala̍ aɛ̍nɛ̍ yī alɔ wa̍a̍ nīi de ɔtū che ɔ̍ ma̍! 24Ɔpiyɛ yī Ɔwɔ ge̍ hɔ̄ ba̍la āchɛ wa̍a̍ nīi yɔ̍ɔhɔtū yī Ādādā yī alɔ Iji̍sɔ̄ɔsi Ikra̍yisi la ɔhɔtū ɔlamu ɔlamu nīi i̍ ē ku̍ yenyi ni̍ ma̍!
Currently Selected:
ALƐ̍FƐ̄SUSI 6: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
ALƐ̍FƐ̄SUSI 6
6
Lɛlā yī ayi̍ ba̍la āchɛ nīi ma wa̍ ma̍
1Ayi̍, ala̍ ā pɔ̍ɔkɔ yī āchɛ nīi ma ala̍ ma̍. Bāa Āchɛ yī Ikra̍yisi ma̍, ɔjā nīi ngma̍ nīi ala̍ ge̍ē ya̍ ma̍ bī aa̍ a̍nɛ. 2“Tū a̍dā yī wɔ ba̍la ɛ̍nɛ̍ yī wɔ lichō” anu̍ - Lihɔ yī Ɔwɔ ɔrāarāa nīi oko̍o ochōche chɔba la anu̍ a̍nɛ. Oko̍o ochōche ɔla̍ā re̍ka, 3“Ya̍ i̍ngɔ̍ɔ hɛ̄ɛbɛ nīi o̍ ge̍ hwɔhi hwɔhi de wɔ nīi a ā hɔ̄leyī kpɛɛ amu la ajɛyɛ̄ɛchɛ nūma̍.”
4Āchɛ ɛma ayi̍, ala̍ e̍e ya̍ ayi̍ yī ala̍ lɛlā la ɔpɔ̄pū nīi e̍ ge̍ē de ē ya̍ ɔtū ngurangura ma̍ ni̍. Ɔkɔkɔ ɔla̍ā, ala̍ bī wā chabɔ̄ yī lɛlā hu̍ wā, ngū wā la ɔpɔ̄pū lɔkɔ nīi Āchɛ yī Ikra̍yisi ē yɛ̍ɛ̄lā ma̍.
Lɛlā yī afiyɛ ba̍la abābā
5Afiyɛ, ala̍ ā pɔ̍ɔkɔ yī abā yī ala̍ nīi - āchɛ̄ɛchɛ ma̍. Ala̍ ā tūuhwi hi̍bi̍īyē ejē de wa̍. Ala̍ ā ya̍ i̍ngɔ̍ɔ bū la ūkpɔ̄tū olēchi̍ lēchi̍ bɔ̄ɔjā nīi Ikra̍yisi nīi ala̍ yɛ ē hɔ̍chɛ̍ yī nū a̍nɛ ma̍. 6I̍ ɔya̍ i̍ngɔ̍ɔ yɛ̄grāa ke̍e̍ nīi e̍ yɛ ē ma̍ ala̍ ma̍, hɛ̄ɛbɛ ka ɔnɛ̄ɛhɛhi yī ala̍ ni̍. Ala̍ ā bī ūkpɔ̄tū yī ala̍ wa̍a̍ ya̍ i̍ngɔ̍ɔ lɔkɔ nīi Ɔwɔ chikpo̍ ma̍ bāa afiyɛ yī Ikra̍yisi ɔlɔjā ma̍. 7Ala̍ ā ya̍ u̍ku̍rɔ̍ yī ala̍ bāa afiyɛ ma̍ la ūkpɔ̄tū ɔlɛgbadagbada. Ala̍ ā ya̍ bɔ̄ɔjā nīi Ādā ɔlɔjā nīi ala̍ yɛ ē ya̍ ē de ɔ̍ a̍nɛ, nīi o̍ i̍ āchɛ̄ɛchɛ ɛha̍ ji nɛ̄ɛ ni̍ ma̍. 8Je̍ka aa̍ ala̍ jo̍ōkū hīka Ādā ge̍ē kla̍ ɔ̄chɛmɔ̄chɛ ure̍ yī u̍ku̍rɔ̍ ɔnɛ̄ɛhɛhi nīi ɔlɔjā ya̍ ma̍, ɔlɔjā ge̍ ro̍ōre̍ka ɔfiyɛ kɛ̄ɛ ɔywɔ̍lɛ̍?
9Āchɛ nīi - abābā ma̍, ala̍ ā ya̍ i̍ngɔ̍ɔ gala ɔgɔgu ɔla̍ā tāa āchɛ nīi - afiyɛ yī ala̍ ma̍ gɛ. Ala̍ ā pi̍ye̍mā la ɔhwa wa̍ ɔhwɔ̄hwa gɛ. Je̍ka aa̍ ala̍ jo̍ōkū hīka ala̍ ɛlɛjā tūla afiyɛ la afiyɛ yī ala̍ lɛ Abābā ūkpo̍he hɔ̄ abɔ̍ɔ la ichō. Anu̍ ma̍ ē chī bī ɔgulɛ̄lā ūkpo̍he ē hlɛ̍ɛ̄pɔ̄ yī āchɛ wa̍a̍.
Ɛjālɛ̄wu̍ nīi - iyī Ɔwɔ ma̍
10Ɔchlɛhu̍ yī nū wa̍a̍, ala̍ ā de wɔhu̍ yī ala̍ wa̍a̍ ngmo̍tu̍chɛ̄ ba̍la Ādā ɔlɔjā, bū la wɔhu̍ ɔnɔ̄kɔ̄kū gba̍a̍ nīi o̍ lɛ ma̍ gɛ. 11Ala̍ ā kpo̍ ɛjālɛ̄wu̍ nīi Ɔwɔ de de ala̍ ma̍ tū gɛ, hɛ̄ɛbɛ nīi ala̍ ge̍ jɔ̍ɔkɔ yarɛ brii pīyeyīta̍ a̍chālā ɔdwɔ̄bi̍ yī Ɔngūwɛ̄gā ɔla̍ā. 12Wu̍chē oji̍ nɛ, i̍ āchɛ̄ɛchɛ nīi alɔ ge̍ē kplɛ̍wu̍ nūma̍ ē tāa aa̍ a̍ni̍. Wɔhu̍ ɔdwɔ̄bi̍ yī uhu ɛdwɔ̄bi̍ ɛha̍ nīi bī ɛbɛ abɔ̍ɔ la ichō ma̍, enīi ē deyīrɛ ɛbɛ ma̍, ba̍la enīi ē bī wɔhu̍ yī ɛbɛ ma̍, ba̍la wɔhu̍ obōbī nīi - iyī yɛchɛ odobū nūma̍ ma̍, aa̍ nīi alɔ ge̍ē kplɛ̍wu̍ ba̍la aa̍ a̍nɛ. 13Ala̍ ā kpo̍ ɛjālɛ̄wu̍ yī Ɔwɔ tū gɛ, hɛ̄ɛbɛ nīi ɔ̄chī ɔdwɔ̄bi̍ ɔla̍ā ge̍ wā ma̍ nīi ala̍ ge̍ jɔ̍ɔkɔ nunu brii tāa ɛchɛlɛwu̍ ɛla̍ā nīi ge̍ē wā la ala̍ ma̍. Bū la ɛbɛ ɔla̍ā, ala̍ ge̍ kplɛ̍wu̍ i̍ngɔ̍ɔ kpɛɛ nīi o̍ kwɛ̍ɛjī ma̍, ajɛ yī lɛwu̍ yī ala̍ ɔha̍lɔha̍ i̍ ge̍ē bi̍ ē mɛ ni̍ kpɛkpɛ.
14O̍ lɛ i̍ngɔ̍ɔ ma̍, ala̍ ā tībi̍īyē gɛ: Ala̍ ā nāa lɛlā olēchi̍ lēchi̍ bāa wɔkpa̍ oku̍lowu ma̍. Ode lɛ kpakpa la eyī yī Ɔwɔ ge̍ re̍ka a̍bi̍ije ɔlɛpatapata ode kla̍ lɛ ɔgɛgɛ. 15Ibi̍īyē otōtū la oge̍ bī Wɔ̄kā Ɔlwɔnyɛ yī ogbodɔ̍dɔ̍ ge̍ ka de āchɛ ge̍ re̍ka wɔkpa̍ ochelikpo̍ yī ala̍. 16Yɛ̄grāa ɔha̍lɔha̍, ala̍ ā bī ɔtū ode chōche nīi o̍ ge̍ lɛ bɔ̄ɔkɔ nīi ɔ̄chɛ ē bī o̍ku̍ma̍dā ma̍. Anu̍ nīi ala̍ ge̍ē bī ku̍ ɔwī ɔlɔlɔ̍la̍ ɔla̍ā nīi anu̍ Ɔdwɔ̄bi̍ Ɔla̍ā ta̍ ma̍ a̍nɛ. 17Ala̍ ā nāa ɔhɛ̍ta̍ yī ala̍ bāa okpo ɔkla̍lɛhu̍ olojoje ma̍. Ala̍ ā nāa lɛlā yī Ɔwɔ bāa oge nīi Uhu yī Ɔwɔ de de ala̍ ma̍. 18Ala̍ ā yɛ̍ɛ̄lā nūma̍ i̍ngɔ̍ɔ wa̍a̍ la ɔhā ojōji de Ɔwɔ, ka nīi o̍ ge̍ tū ala̍ wɔbɔ̄. Ala̍ ā jɔhā de Ɔwɔ yɛ̄grāa yī lɛlā ɔha̍lɔha̍ wa̍a̍ lɔkɔ nīi Uhu yī Ɔwɔ ge̍ē bī ala̍ ya̍ i̍ngɔ̍ɔ ma̍. Wu̍chē yī ɔla̍ā, ala̍ ā kū grigri gɛ! Ala̍ e̍e wa̍ābɔ̄ ni̍! Ala̍ ā jɔhā de āchɛ wa̍a̍ nīi - āchɛ yī Ɔwɔ ma̍. 19Ala̍ ā jɔhā de ami i̍ngi̍ngɔ̍ɔ, hɛ̄ɛbɛ nīi Ɔwɔ ge̍ de ɛrɔ̄ ɔha̍ de u yɛ̄grāa nīi n ge̍ tībi̍īyē ge̍ē ka ma̍; hɛ̄ɛbɛ nīi n ē ge̍ ka grigri; de ochi̍chi̍ yī lɛlā ɔtrɛ̍ba yī Wɔ̄kā Ɔlwɔnyɛ yī Ɔwɔ ka lā yɛchɛ. 20Wu̍chē yī Wɔ̄kā Ɔlwɔnyɛ yī Ɔwɔ nūma̍ nīi n de pīya ɔyɔ̍ɔlɛrɔ̄ a̍nɛ. U̍ma̍ama ma̍, n chī e̍e tū amu la igbakɔbɔ we̍. Ala̍ ā jɔhā de u hɛ̄ɛbɛ nīi n ē lwɔhu̍ kɛlā yī nū grigri lɔkɔ nīi o̍ ngma̍ nīi n ge̍ē ya̍ ma̍.
Ɔma̍kpɔɔ
21Iti̍kīkusi nīi - ɔɔ̍nɛ̍ yī alɔ lēchi̍ lēchi̍ la abɔ̄ yī Ikra̍yisi ma̍ ge̍ē koko̍o yī lɛlā yī u wa̍a̍ ē de ala̍. Ɔ̄chɛ ode ɔtū che ɔ̍ la u̍ku̍rɔ̍ yī Ādā nīi o̍ yɛ ē ya̍ ma̍ nɛ. O̍ ge̍ē ya̍ nīi ala̍ ē jo̍ōkū lɔkɔ nīi n hɔ̄ amu ma̍. 22Ɔla̍ā - ohu̍ nīi n yɛ ē de ɔ̍ ē tɛ̄rɔ̄ hu ala̍ a̍nɛ, hɛ̄ɛbɛ nīi o̍ ge̍ē koko̍o ē de ala̍ lɔkɔ nīi alɔ wa̍a̍ gblāa amu ma̍. Bū la ɛbɛ ɔla̍ā, o̍ ge̍ē de ūkpɔ̄tū onīpīpɛ̄ tū ala̍ ē gāa iyɔ̄bū iyɔ̄bū.
23Ɔwɔ A̍dā ba̍la Iji̍sɔ̄ɔsi Ikra̍yisi nīi - Ādādā yī alɔ ma̍ ge̍ de ogbodɔ̍dɔ̍ ba̍la ɔhɔtū de ala̍ aɛ̍nɛ̍ yī alɔ wa̍a̍ nīi de ɔtū che ɔ̍ ma̍! 24Ɔpiyɛ yī Ɔwɔ ge̍ hɔ̄ ba̍la āchɛ wa̍a̍ nīi yɔ̍ɔhɔtū yī Ādādā yī alɔ Iji̍sɔ̄ɔsi Ikra̍yisi la ɔhɔtū ɔlamu ɔlamu nīi i̍ ē ku̍ yenyi ni̍ ma̍!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)